الاهتمام بابراهيم الشيخ و اهمال بقية معتقلي المؤتمر السوداني(الدارفورين) اهو(طبقيه) ام(عرقيه)مستتره

والكلام لبقية الناشطين من غير عضوية المؤتمر السوداني هنا

لانهم الي حد ما تابعت و رصدت انهم يكتبون بحياد او سمها دقه

السؤل:

للبقيه البلفحوا من الفيس بوك……

الا تعلموا انه في احد السوابق القضائيه الخطيره انه هذه العضويه قد تم (الحكم) عليها

وحكموا بالسجن 6 اشهر ؟!

اي صار لهم سجل قضائي !!

في العالم الاول اسمه صارت لهم ( سابقه ) ….ولو تكررت يصيروا من اصحاب السوابق او مترددي السجون!!


وهذا يفترض اعتقال سياسي


يعني حتي بقية معتقلي الاحزاب افضل منهم حالا لانه سيطلق سراحهم(اعني الشباب و الطلاب) بلا سوابق !!

اما عضوية المؤتمر السوداني الذين تم اعتقالهم في النهود من ابناء دارفور …ولاحظوا كل هذه التفاصيل

اتعمد ذكرها…المدينه هي (النهود) يفترض عضوية المؤتمر السوداني تكون من ابناء المنطقه…لكن في سلوك غريب

نجد انه المؤتمر السوداني عنده عدد من اولاد دارفور قاطرنهم كانهم كمبارس….او عمال ندوات يلقطوا الكراسي و يجيدون الهتاف و……و…..الخ.


والا فلماذا ليس المعتقلين من الحمر او الجوامعه او ناس دار حامد من اهالي شمال كردفان؟!


الترصد العرقي….اياكم ان تقنعونا انه سيتم علاجه بالتجاهل و الادعاء بانه مصيده انقاذيه لا تسقطوا فيها !!

يجب علي الجميع قولها

ويجب علي الجميع تجنب السقوط فيها

اي ناشط بيتحدث عن ابراهيم الشيخ و يهمل بقية العضويه هو عنصري مثله مثل المؤتمر الوطني.


او تكون فعلا طبيقه ومعنها صرنا ندافع عن الناس حسب قدراتهم الماليه.

وبرضو اذا كده نتمني تكون عندكم الشجاعه تكتبوا الكلام ده …عشان نوثق ليه….وعشان الحساب و لد لقدام.


نفس الناس العاملين فيها قاموا وقعدوا من اجل ( رضوان دواؤو) الان لا يحفظوننا حتي اسماء هؤلاء البواسل

فهل الدارفوري الا يتزوج خواجيه ويبقي عنده اقامه بامريكا حتي يستحق تضامنكم؟!


وين ناس قرفنا وطشرنا اؤلئك؟!


مع ادانة اعتقال ابراهيم الشيخ

وادانة الاعتداء علي مقر حزب المؤتمر السوداني بالنهود

وادانة حكم شباب المؤتمر السوداني ب 6 اشهر سجن!

يا تراجي الدارفوريين الدخلوا حزب المؤتمر السوداني دخلوهو عشان هم مقتنعين باجندة الحزب ولا دخلوهو عشان هم دارفوريين؟؟؟!!!

وبعدين اتو ليييه عايزين تلموا كل الدارفوريين وتدخلوهم جوة قبائلهم وعزلهم من محيطهم السياسي الذي ارتضوه؟؟!!

اتو يا تراجي اكثر عنصرية من ناس الانقاذ وبتفترضو انو الناس تتبع خطابكم الغريب والعجيب العمرو ما خرج من اطار القبيلة والجهوية
السؤال البيطرح روحو يا تراجي اتو عايزين تغيروا الانقاذ ليييه وكت جارين قدامها بجنس خطابكم ده؟؟!!

Quote: يا تراجي الدارفوريين الدخلوا حزب المؤتمر السوداني دخلوهو عشان هم مقتنعين باجندة الحزب ولا دخلوهو عشان هم دارفوريين؟؟؟!!! وبعدين اتو ليييه عايزين تلموا كل الدارفوريين وتدخلوهم جوة قبائلهم وعزلهم من محيطهم السياسي الذي ارتضوه؟؟!! اتو يا تراجي اكثر عنصرية من ناس الانقاذ وبتفترضو انو الناس تتبع خطابكم الغريب والعجيب العمرو ما خرج من اطار القبيلة والجهوية السؤال البيطرح روحو يا تراجي اتو عايزين تغيروا الانقاذ ليييه وكت جارين قدامها بجنس خطابكم ده؟؟!!

هههههههههههههههههه انظروا من يتحدث؟!


السنوسي بدر انت اللاعن ابو خاش الرجل العلامه (القراي) قبل يومين عشان قريبك (حميدتي) جاي تحاضرني انا عن القبليه؟!


هههههههههههههههه

علي الاقل انا اشرف منك انا نسبتهم لاقليم كامل فاهم مش ديل عيال دقلوا و ديل عيال حميد و ديل عيال ظعان ولا خشم بيت فلان…..

وقع لك…

انا تكف عن المزياده علي و قع لك….

Quote: يا تراجي الدارفوريين الدخلوا حزب المؤتمر السوداني دخلوهو عشان هم مقتنعين باجندة الحزب ولا دخلوهو عشان هم دارفوريين؟؟؟!!! وبعدين اتو ليييه عايزين تلموا كل الدارفوريين وتدخلوهم جوة قبائلهم وعزلهم من محيطهم السياسي الذي ارتضوه؟؟!! اتو يا تراجي اكثر عنصرية من ناس الانقاذ وبتفترضو انو الناس تتبع خطابكم الغريب والعجيب العمرو ما خرج من اطار القبيلة والجهوية السؤال البيطرح روحو يا تراجي اتو عايزين تغيروا الانقاذ ليييه وكت جارين قدامها بجنس خطابكم ده؟؟!!

وبعدين بالمناسبه انا أذكي منك…ووضعتها احتمالين:

1) طبقيه

2) عرقيه

شايف كيف؟!
عشان ثاني ما تجيء تتنطبج في بحيرة تراجي لانها تاكد بتعرف كيف تجضم النمضي و ليست هي بريمه ولا الدراويش ديل عشان تديك فرصه فيها.

يا ابوبكر احمد عبد الرحمن

لما تشيل لك اتقباس تايده حقوا تعرف بتايد اقتباس منو….عشان ما تتورط

السيد برد السنوسي كل يوم و الثانيه مقبوض بطرح قبلي فما تفتكر القبه تحتها فكي.

اه

تعال هنا و رينا معتقليكم الثانين ديل متجاهلينهم مالكم؟!

وطاقين لينا الحنك بابراهيم الشيخ؟!

Quote: انا أذكي منك…

وفي حد قال غير كده!!!

غايتو كان فهمتي بوست القراي دفاع عن حميدتي وفعايلو وليس عن صكوك المواطنه يبقي عداكم العيب في الذكاوة!!

يا تراجي اتو كيفن ماكم ذكييين وكت بتلموا الناس في قبايلهم وبتفترضو فيهم الجهل!!


اتو الذكاوة فايتكم وين يا تراجي! قلت احتمال عرقية او طبقية! ههههههه غايتو جنس ذكاوة ....

تراجي

عارفة ناس المؤتمر السوداني ومؤتمر الطلاب المستقلين ديل لا يمكن يكونوا عنصرين ولا قبليين، لأنه هم من بيخشوا المؤتمر دا أول محاضرة ليهم بتكون عن آليات التهميش والإستعلاء العرقي الحاصل في السودان، وتدريسهم تاريخ السودان من جديد، وعشان كده التنظيم واقف وصامد لحدي هسع، وبرغم عضويته البسيطة دي مسجل مواقف ما قادرة حتى التنظيمات الأكبر منه عدةً وعتاداً تسجل مواقف زيه.

بعدين قصة منو البلم الكراسي في المؤتمر ومنو البيقشر في الندوات دي ما في، حتى رئيس الحزب ذاتو يعتقلوهو أو ما يعتقلوه عند التنظيم نفس الحكاية، ويا هوندا شفتيهم أي معتقل من التنظيم بيقوموا ليه بحملة كبيرة وبيعملوا البيقدروا عليه.

تنظيم قايم على العطاء فقط وما قايم على الوجاهات، وناس التنظيم ديل ذاتم ما بيكونوا عارفين منو الدارفوري ولا منو المن أم طُرقاً عُراض، وناس التنظيم ديلا كلهم عارفين إنه ابراهيم الشيخ دا من (النهود)، لكن من ياتو قبيلة في النهود (تلاتة ارباع التنظيم ما عارفينه) إلا نحن البنعرفوا بحكم إننا من نفس المنطقة.

فالقصة دا ناس المؤتمر السوداني محصنيين منها، لأنهم من أوائل الناس الإتكلموا عن العنصرية والتهميش والإستعلاء في السودان، والأدبيات المكتوبة حول هذا الموضوع من أقدم الأدبيات في السياسة السودانية.

يعني ما في زول حيقدر يزايد عليهم.

المؤتمر السوداني حزب المستقبل للسودان

بعد السلام والتحية والاشادة بالدور الذي تقومين به وان كانت اشادتنا ليست بشئ ذات اثرامام ذلك العمل الكبير والمشهود له من الكل الا مكابر ينكر هذا التواجد الكثيف لك في قضية الوطن، كنداكة مليئة بالحماسة والنشاط والتضحية باقتطاع الوقت الغالي من اجل شعب السودان والسودان الوطن المقدس.



اما بعد عزيزتي الكل يدرك تماماََ حجم وعمق الازمة وجدية التحديات التي لم تضع مجال للكثير من الخيارات لنا نحن الشعب السوداني الشعب الطيب، فقط ان نكون او نكون وفي اعتقادنا ان هذه النهايات التي واِن كان نظام الاخوان الملاريا الذي له نصيب الشيطان من الشر فيها الا انه كما يقول الامير (حرسم ) في بوستاته عن لعنة التاريخ الذي يحتفظ لنا فيه المؤرخ فقط بالجانب الجميل من الحيواة الماضية، الازمة حقيقية الحرب الانفصال القتل دون رحمة ارقام النزوح والهجرات القسرية الاغتصاب الموت والموت الخ ......... شئ يفقد للحياة طعمها والتفكير فيه بصوت منخفض يصيب بالبلاهة ويجعل الانسان يكتشف السوء والفجاجة والجبن داخله وعكسه يصيب بالجنون.



ورثنا اللاواقعية حيث اجدادنا هم الابطال والحكماء وهم من يستطيع ان يدير الامور او بولهم حتي بموتهم الذي لا نعلم منه شئ فقط انهم طعنوا من الامام او اصيبو بطلق في الوجه.



اغلبنا اصيب بهذا المرض انا المنتفخة جداََ، حتي اصبحت مصيبتنا ان دائماََ واحد وبانفراد تام يتحكم في امورنا لانه يعرف مصلحتنا ويجيد تدبير شؤننا احسن منا يحدد لنا الاسعار وزمن الصلاة بل وراتب نقرأه للهداية والصلاح ويختار لنا كيف نتحدث اي والله وماذا نقول.



الآلة الاعلامية الضخمة وجداََ والتي تدار باحترافية وخُبث تؤثر بشكل كبير في مجريات الاحداث وإن لم ينتبه البعض بالاضافة للميزانيات الكبيرة التي تخُصص لمكافحة وضرب وتعطيل العمل المضاد (المعارضة) ناشطين/تنظيمات/جبهات الخ .....



آمل ان لا نعطي المجال لذلك الاعلام الموبوء والخُبث ان يؤثر فينا او في نضالنا اكثر من ما هو حاصل، المجتمع منتظر منا الكثير والكثير برغم صعوبة المهمة.

العُنصرية والاتجاهية والقبلية والعصبية خطاب ينتجه في الغالب من ندعوهم بالمتعلمين او المثقفين او في احيان كثيرة بعضه خيال وتصور اكتر منه واقع المجتمع السوداني مجتمع يعاني الكثير من المشكلات والتي تفرض علينا ان لا نتظر او نتوقع ملائكية السلوك بل تلزمنا بالعمل والعمل للتغيير المقصود والهادف وهذا لا يكون الا بالكل كلٍ مشارك ومساعد ومعاون ومتعاون بعض بنفس الاحترام والتقدير لرابط الوطن المقدس لا قبيلة ولا اتجاه ولا جنسية ولا لون ولا ريحة ولا دين ولا غيرو فقط وطن نشترك في الانتماء له ونشترك في العمل من اجله كلٍ فيما يعرف ويجيد او يستطيع.



(مجتمعنا متخلف ولازم يتطور ماف نبي بجي ولا فكي ولا شيخ لو انتظرنا الدهر كلو ياهو الكيزان خمسة وعشرين سنة بالكضب والسلفقة ولسع الناس تكورك ثورة ثورة وما عارفين اكتر من نص البشرية في السودان ما بعرفو غير الفقوس والله، قريب ما بعيد كنت لمن نسمع انو في زول سياسي كان نتخيلو زي تاجر البنقو فكرك الشئ بتغير بالساهل! )



















المداخلة دي يفترض انها اول تعقيب في البوست بس انشغلت بالعيال الصغار امشي جيبم من الروضة واستف في عفش البيت نجهز لروحول نجي راجع نلقي البوست غرق مداخلات واخد اتجاه كمان، المهم برلوم عنقالي حب يشارك في بوست الظاهر بوست فطاحلة .







لك الود والورد





( رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِّن لِّسَانِي *

يَفْقَهُوا قَوْلِي * )

Quote: جد انه المؤتمر السوداني عنده عدد من اولاد دارفور قاطرنهم كانهم كمبارس….او عمال ندوات يلقطوا الكراسي و يجيدون الهتاف و……و…..الخ.

الاستاذة تراجي مصطفى ..حقيقة قد هالني ما كتبت اعلاه في الاقتباس الذي اوردته عاليه.. ان كانت تنقصك المعلومة فعليك البحث عنها وحينها تكوني مطالبة باعتذار عما كتبت هنا
ربما لم يرد الي علمك ان الامين السياسي للمؤتمر السوداني هو مستور احمد الدارفوري اصلا وفصلا
ربما لم يرد الي علمك ان عمل الملصقات والمكرفونات هو عمل تنظيمي داخل المؤتمر السوداني لا يستثنى منه احدا وليت الشباب يضعون الصور التي يشارك فيها ابراهيم الشيخ، مستور، عبد القيوم، د. الفاتح وغيرهم من قيادات الحزب. في الاعداد لندوة او اية فعالية حزبية.
ربما لم يرد الي علمك ان قيادتنا تسير متقدمة المظاهرات تعرض نفسها للرصاص ولا ترمي بالشباب الي اتون المعارك وتكتفي بالتوجيهات واعتلاء المنابر والجلوس علي طاولات المفاوضات او الاطلال عبر الصحف والتلفاز.
ربما لم يرد الي علمك ان الحزب الوحيد الذي زار معسكرات متضرري دارفور وقدم لهم ما استطاع من دعم هو حزب المؤتمر السوداني.
ربما لم يرد الي علمك ان حزب المؤتمر هو الحزب الوحيد الذي يتداول القيادة فيه اناس مختلفون وفقا لاسس اللعبة الديمقراطية فقط ولا اعتبار لجنس او قبيلة او جهة .. وهو الحزب الوحيد الذي يفخر بان له رتل من الرؤساء السابقون...
ربما لم يرد الي علمك ان حزب المؤتمر السوداني هو الحزب الوحيد الذي يقدم خدمات للمواطنين يحفر الآبار ، يبني، المدارس، وحدات العلاج الطبي.
ربما لم يرد الي علمك ان حزب المؤتمر السوداني ومنذ ان كان محض حركة طلابية في 1978 كان فكره القومية السودانية التي تنبهت الي ازمة الهوية والجهوية وقضايا توزيع الثروة والسلطة.
ربما لم يرد الي علمك ان حزب المؤتمر السوداني هو مؤسس ادبيات المركز والهامش.
ربما لم يرد الي علمك ان خطاب السودان الجديد وخطاب الراحل قرنق كانن اساسه ادبيات مؤتمر الطلاب المستقلين ..حينها كان الدكتور قرنق نائب مدير معهد دراسات الحكم اللامركزي جامعة الخرطوم وكانت لنا به صلة ان لم تكن تنظيمية فهي حوارية.
ربما لم يرد الي علمك ان مؤتمر الطلاب المستقلين النواة التي تكون منها حزب المؤتمر السوداني اسسه اناس من اقاليم السودان المختلفة.. فابراهيم الشيخ وهو قطعا ليس من المؤسسين ..وانا ايضا ..والصادق .. ومستور..وسبيل كلنا من الهامش ..ولنا اخوة من الوسط والشمال النيلي يحملون ذات الفكرة وهم في ايمانهم بها صادقون.
فضلا عن هذه الايضاحات نحن في داخل الحزب كل الاعضاء عندنا سواسية هم اعضاء الحزب واهتمامنا باي منهم يساوي اي منهم ..لا خيار ولا فقوس..اما ان اهتمت جهات اخرى بابراهيم ..فلا دخل لنا بذلك.. وهذا من كسب ابراهيم كرمز فرض نفسه علي الساحة والاحداث فاهتمت به اجهزة الاعلام ، الاحزاب والمنظمات..من منطلق رمزيته ومن منطلق تواصله مع هذه الجهات ومعرفتهم به..علي اي ان كان هنالك تركيز علي ابراهيم فلا نلام عليه نحن كحزب.

بقي شئ وهو انك عزيزة علينا وان لك مقاما عندنا فلا ترمينا بما ليس فينا ..وترفقي.. ونؤكد ترحيبنا بارائك ونقدك لتجربتنا ومسيرتنا....ولك كل الود

استاذنكم اخوتي في الرد علي سف خليل

يا سيف يا اخوي….حكاية ( مستور ) ما عارفه ماسك منصب شنو….دي عارف ذاتها مضحكه

عارف ليه؟! لاني طالعته كم صورة لابراهيم الشيخ مع قوي الاجماع…ويوم ما لمحته مستور قاعد معاهو ضمن الوفد!!


شوف يا غالي

قالوا يا بختي من يهدي لي عيوبي…..

اسمعوا الكلام الجد…..وخلوا قاطرين لكم عضويه مبالغ فيها من الدارفورين

وفي النهايه و قت الاعتقلات يبقوا مجرد ارقام زي ما ناس حزب الامه بيقولوا لينا تم اعتقال 17 عضو!!

وكانه هؤلاء ال 17 ديل لا اسر لهم و لا حزن لهم و لا ضرر لهم من هذا الاعتقال.


وكويس الطلعته مؤتمر سوداني…..لانك مختفي و لابد و ونحن قاعدين هنا نرفع بوستات المؤتمر السوداني وانتو غياب

كثر خير سيف اليزل وعماد خليه و شقدي

و الباقي كله عامل فصل ملح و ذاب!!

حتي عادل علي صالح اظنه توهم انه الزعامه تعني ان يتخلي عن باس ورده و يبقي زي الطائفين!!

هههههههههههه

شفته حافظاكم كيف؟!

برجع لك بهدؤء ثاني افلفل مداخلتك الدسمه . دي.

النخلص من احتفال منظمة البجا و بجيكم. باذن الله.

عاد يا بدر السنوسي من وين لي الفهم بلغتك الرفيعه اياها في النهايه احمد ربي غير عربيه….فاعذرني ان لم افهم لغتك الراقيه الموغله في التوريه حتي استعصي علينا الفهم….قال المواطنه قال

Quote: وفي حد قال غير كده!!! غايتو كان فهمتي بوست القراي دفاع عن حميدتي وفعايلو وليس عن صكوك المواطنه يبقي عداكم العيب في الذكاوة!! يا تراجي اتو كيفن ماكم ذكييين وكت بتلموا الناس في قبايلهم وبتفترضو فيهم الجهل!! اتو الذكاوة فايتكم وين يا تراجي! قلت احتمال عرقية او طبقية! ههههههه غايتو جنس ذكاوة ....

المواطنه دي يا الحبيب مالها ما عرفت تكتب عنها لما اشتغلوا وزير الداخليه البني عامراوي و قالوا عليه ارتري

اشمعني بسه بتعرف دروبها في (حميدتي) الرزريقي الابالي؟! ههههههههه.

العب غيرها يا جميل. اوكي.

هاردك شتها / صرجه) هذه المره.

الصادق اسماعيل

بالمنسابه انت تحديدا اخير خليك لايص ولا تنسب نفسك للمؤتمر السوداني

عشان توثهم بقج الغبائن تجاهك باداءك العجيب هنا.

ونوع طرحك الكله عنتريات……

حسه خلاص كملته الحوامه من عبد العزيز خالد لناس الحركه الشعبيه و في النهايه عايز تعمل مؤتمر سوداني؟!

طبعا حتكون قايلها فرصه تنط لي في حلقي و تعمل فيها انك من سنة دشليون مؤتمر سوداني …المهم ما بيهمنا….لمصحلتهم انك تبعد عنهم…..لانك شخصيا ابو المزايدات!!


المؤتمر السوداني بنعرفه بالمناسبه من زمن ناس د.احمد جبريل ايام بفوز بمقعاد علية الطب بجامعة الخرطوم سنين سيطروا عليها المستقلين

ما محتجين تعرفنا بيه….

ولما بنقل بوستاتهم هنا لنور الدين صلاح الدين قبال ينال العضويه

وايام اعتقال عضويتكم مع ين ماثيو ناس عيسي زين…وكانوا عباره عن اسماء بحياتنا ولم نكن نعرف شخصوهم

فانت الاخير تكف عن المزايده…..وقع لك….

Quote: تراجي عارفة ناس المؤتمر السوداني ومؤتمر الطلاب المستقلين ديل لا يمكن يكونوا عنصرين ولا قبليين، لأنه هم من بيخشوا المؤتمر دا أول محاضرة ليهم بتكون عن آليات التهميش والإستعلاء العرقي الحاصل في السودان، وتدريسهم تاريخ السودان من جديد، وعشان كده التنظيم واقف وصامد لحدي هسع، وبرغم عضويته البسيطة دي مسجل مواقف ما قادرة حتى التنظيمات الأكبر منه عدةً وعتاداً تسجل مواقف زيه. بعدين قصة منو البلم الكراسي في المؤتمر ومنو البيقشر في الندوات دي ما في، حتى رئيس الحزب ذاتو يعتقلوهو أو ما يعتقلوه عند التنظيم نفس الحكاية، ويا هوندا شفتيهم أي معتقل من التنظيم بيقوموا ليه بحملة كبيرة وبيعملوا البيقدروا عليه. تنظيم قايم على العطاء فقط وما قايم على الوجاهات، وناس التنظيم ديل ذاتم ما بيكونوا عارفين منو الدارفوري ولا منو المن أم طُرقاً عُراض، وناس التنظيم ديلا كلهم عارفين إنه ابراهيم الشيخ دا من (النهود)، لكن من ياتو قبيلة في النهود (تلاتة ارباع التنظيم ما عارفينه) إلا نحن البنعرفوا بحكم إننا من نفس المنطقة. فالقصة دا ناس المؤتمر السوداني محصنيين منها، لأنهم من أوائل الناس الإتكلموا عن العنصرية والتهميش والإستعلاء في السودان، والأدبيات المكتوبة حول هذا الموضوع من أقدم الأدبيات في السياسة السودانية. يعني ما في زول حيقدر يزايد عليهم. المؤتمر السوداني حزب المستقبل للسودان

بتفق مع العباره الاخيره دي باضافة:

لما نستعبد عنه العضويه المنفره بحدتها و الادعاء بمعرفتهم لوحدهم بالحق زي ناس الصادق اسماعيل.

Quote: السؤال البيطرح روحو يا تراجي اتو عايزين تغيروا الانقاذ ليييه وكت جارين قدامها بجنس خطابكم ده؟؟!!

العزيزة تراجي
قبل ان آتي بتفصيل لمداخلتك.. اود ان اسأل سؤالا صادقا للغاية.. ماذا فعلنا بك حتى تهاجمينا..رغم ان لا مساحة فاغرة بين ما ننادي به وما تنادين به..ربما اخطأنا بحقك ولا ندري.. ثم ان خطابنا معك واليك دوما كان مميزا وهادئا.. ولم نثر اية (كترابة) ...فما الذي حدث ..سآتي الي مداخلتك بتمكث

بقي امر مهم.. وهو حكاية اني مؤتمر سوداني.. دخلت الي هذا البورد وقبلت عضويتي فيه من آماد.. لانني مؤتمر سوداني.. ولي اسهاماتي المعلومة لرواد وادارة المنبر الاوائل..يوم ان كان هنا د. النور حمد.. عادل ..عبد العاطي.. وغيرهم ممن جايلوني ..فان كنت تعرفين المؤتمر منذ ايام احمد جبريل فأنا اسبق عن الماجد احمد ..منذ ايام المخاض..الي ان صار المؤتمر الوطني.. والي ان صار المؤتمر السوداني بعد ملابسات لا اود طرحها الآن... وقطعا عدم ظهوري هنا لموقف اتخذته قصدا بتقليل مساهماتي الا مضطرا غير باغ...خوفا من (العفار) و (الكجار) الذي ساد المنبر.. وهما اي العفار والكجار لا يخلجان باية حال الي حقيق او حق.. وانا اربأ بنفسي من ان اكون ضمن (المعافرين والمكاجرين)..وليس هنالك ما يجعلني (البد) او اخجل من انتمائي..فذلك شرف لا يطاله شرف.. وكثرة الدارفوريين بيننا ..هو فخرنا.. وما كانوا بيننا الا لاننا نلبي تطلعاتهم ونستوعب حاجاتهم..ولا يعيبنا او يعيبهم ذلك في شئ.

تراجي
طبعا غصبا عنك انا عضو حركة مستقلة وعارف الكلام دا بغيظك، وقدمت مساهمتي في التحالف التنظيم القدم اكبر خدمة لقوى الهامش قدمها تنظيم سياسي في تاريخ من اهتمام بلغاتهم وثقافتهم وتقديهم في المناصب القيادية

جيتي هسع دايرة تزايدي على الموتمر السوداني، وانت ما بتعرفي اي حاجة عنه زي بشاشا الشبكنا اكلت سمايته ولمن جينا فتحنا ليه بوست طلع ما بعرف اي شي عنه

ولعلمك زي ما قال ليك سيف التنظيم اي زول فيه بيودي مسوليته وما هم ناس بتاعين قشرات، وياهو براك شفت لمن المظاهرات طلعت اي زول قاعد يمشي لو ريس الحزب ولا عضو ساكت

وحملة اطلاقسراح المعتقلين دي شغالة للكل ومش بس اعضاء التنظيم بل حتى اعضاء الاحزاب التانية واي معتقل

وزي ما قلت ليك ناس الموتمر السوداني ديل شعرا ما عندك ليه رقبة واسهامتم في مسالة التهميش ودار فور والشرق والغرب والشمال والوسط بدت قبل ما تعرفي درب السياسة فارعي بقيدك بعيد، وخليك في خرمجتك دي، لكن دايرة تعمل فتنة في الموتمر السوداني حتلقي نفسك بقيتي مضحكة، لانه اعضاء التنظيم لمن يقروا كلامك دا حيضحكوا على جهلك بالتنظيم ذاتو، لانه قلنا ليك العضو البيجي لللموتمر السوداني ولي موتمر الطلاب المستقلين اول محاضرة تثقيفية ليه بتكون عن التهميش وسياسات الاستعلاء، ويكيفينا فخرا كحركة مستقلة انه ادبياتنا بتدرس في مدارس الكادر بتاعة كل تنظيمات الهامش حصريا، عشان كدا امشي شوفي ليك جلابة استهبليهم بكلامك دا

انا عضو حركة مستقلة واومن بكل توجهاتها وانضميت للتحالف السوداني ايمانا منى بضرورة حمل السلاح والموتمر السوداني كان وما يزال يومن بالعمل السلمي وسط الجماهير، والتحالف اندمج داخل الحركة الشعبية ولحدي الانفصال انا عضو حركة شعبية وفي كل الوقت دا انا عضو حركة مستقلة لان الموضوع فكري بالنسبة لي مش تنظيمي وبساهم معاهم بوقتي وبمالي لانهم الحركة الوحيدة المتجاوزة لكل مفاهيم السودان القديم عمليا مش نظريا، والحركة الوحيدة الما بتتخلى عن عضويتها وما بتهتم انت جاي من وين في السودان وداخل التنظيم انت بتترقى وتمشي بمقدار عملك مش بانك ود فلان ولا قبيلتك الفلانية


دايرة تقعدي تزايدي اهو قاعدين ليك والبوست دا الا تبلعيه، دايرة تجي ترمي ليك كلام فارغ وتعملي فيها ربة الهامش بنقيف ليك هنا في حلقك لمن تعرفي الله واحد

ومنتظرينك تعالي ارمي لينا بياضك ورينا وين. ناس الموتمر السوداني بيهمشوا عضوية بسبب انتماءهم القبلي

تراجي
طبعا غصبا عنك انا عضو حركة مستقلة وعارف الكلام دا بغيظك، وقدمت مساهمتي في التحالف التنظيم القدم اكبر خدمة لقوى الهامش قدمها تنظيم سياسي في تاريخ من اهتمام بلغاتهم وثقافتهم وتقديهم في المناصب القيادية

جيتي هسع دايرة تزايدي على الموتمر السوداني، وانت ما بتعرفي اي حاجة عنه زي بشاشا الشبكنا اكلت سمايته ولمن جينا فتحنا ليه بوست طلع ما بعرف اي شي عنه

ولعلمك زي ما قال ليك سيف التنظيم اي زول فيه بيودي مسوليته وما هم ناس بتاعين قشرات، وياهو براك شفت لمن المظاهرات طلعت اي زول قاعد يمشي لو ريس الحزب ولا عضو ساكت

وحملة اطلاقسراح المعتقلين دي شغالة للكل ومش بس اعضاء التنظيم بل حتى اعضاء الاحزاب التانية واي معتقل

وزي ما قلت ليك ناس الموتمر السوداني ديل شعرا ما عندك ليه رقبة واسهامتم في مسالة التهميش ودار فور والشرق والغرب والشمال والوسط بدت قبل ما تعرفي درب السياسة فارعي بقيدك بعيد، وخليك في خرمجتك دي، لكن دايرة تعمل فتنة في الموتمر السوداني حتلقي نفسك بقيتي مضحكة، لانه اعضاء التنظيم لمن يقروا كلامك دا حيضحكوا على جهلك بالتنظيم ذاتو، لانه قلنا ليك العضو البيجي لللموتمر السوداني ولي موتمر الطلاب المستقلين اول محاضرة تثقيفية ليه بتكون عن التهميش وسياسات الاستعلاء، ويكيفينا فخرا كحركة مستقلة انه ادبياتنا بتدرس في مدارس الكادر بتاعة كل تنظيمات الهامش حصريا، عشان كدا امشي شوفي ليك جلابة استهبليهم بكلامك دا

انا عضو حركة مستقلة واومن بكل توجهاتها وانضميت للتحالف السوداني ايمانا منى بضرورة حمل السلاح والموتمر السوداني كان وما يزال يومن بالعمل السلمي وسط الجماهير، والتحالف اندمج داخل الحركة الشعبية ولحدي الانفصال انا عضو حركة شعبية وفي كل الوقت دا انا عضو حركة مستقلة لان الموضوع فكري بالنسبة لي مش تنظيمي وبساهم معاهم بوقتي وبمالي لانهم الحركة الوحيدة المتجاوزة لكل مفاهيم السودان القديم عمليا مش نظريا، والحركة الوحيدة الما بتتخلى عن عضويتها وما بتهتم انت جاي من وين في السودان وداخل التنظيم انت بتترقى وتمشي بمقدار عملك مش بانك ود فلان ولا قبيلتك الفلانية


دايرة تقعدي تزايدي اهو قاعدين ليك والبوست دا الا تبلعيه، دايرة تجي ترمي ليك كلام فارغ وتعملي فيها ربة الهامش بنقيف ليك هنا في حلقك لمن تعرفي الله واحد

ومنتظرينك تعالي ارمي لينا بياضك ورينا وين. ناس الموتمر السوداني بيهمشوا عضوية بسبب انتماءهم القبلي