بعر الحمير وبنج الحصين ..مواد مستخدمة فى تمطير الصعوط فى الخرطوم

د. حسن بشير مدير ادارة صحة البيئة بوزراة الصحة بولاية الخرطوم صرح بأن متاجر الصعوط تقوم بتمطير الصعوط بإستخدام بعر الحمير وبنج الحصين ..







ـــــــــــــ



التقيل وراء

واضافد. حسن بشير مدير ادارة صحة البيئة بوزراة الصحة بولاية الخرطوم ان هناك استخدام للاسمنت والعرقى فى تمطير الصعوط ..









ــــــــــــــــ
الثقيل وراء

وصرح د. حسن بشير مدير ادارة صحة البيئة بوزراة الصحة بولاية الخرطوم ان بأن هناك علاقة مباشرة (كلام دكاترة ) بين الصعوط والجلطة القلبية )










ـــــــــــــــــــــ

لسه التقيل ما جاءكم

وقال رضوان يحي الخبير فى مجال التبغ ان الصعوط السودانى يحتوى على مواد خطرة مثل ( اليورانيم والكادنيوم ) ..







ـــــــــــــــــــــــــ
الكادنيوم دا شنو يرحمكم الله ؟

سلام يا بدر الدين

Quote: الكادنيوم دا شنو يرحمكم الله ؟

ربما مقصود فلز الكادميوم (Cd)
والله أعلم

Quote: فلز الكادميوم (Cd)

دااااك خليناهو ...

اها النصيبة الجبتها دا شنو كمان ؟

اليورانيوم بتاع الصعوط مخصب والا ما مخصب يا بدر التمام؟

الكادنيوم الجيبتو بالنون ده ما بعرفو لكين الكادميوم هو عنصر او فلز كيميائى بالمعني الصحيح يشبه الزنك في تفاصيلة الفيزيائية وقليل من تفاصله الكيميائية علي الرغم من امكانية تنقيته من الزنك معمليا ... ومن اهم استخداماته المبهره هو استخدمه في حماية المفاعل النووية الذرية وحادثة تشرنوبل تشير الي الي انجراف مواد اخري ليس من بينها الكادميوم ... وهناك مدارس تشير الي انه لي عنصر بل انه مركب من كربونات الزنك وهذا ليس صحيحا لان المركب الناتج ليس مستقر بشكل اطول مما عليه الكادميوم كفاز ...

لا اعرف مده دخوله في التنمباك السوداني لكن وجوده في التبغ امر معروف وهو ماده مسرطنة اذا ما تعرضت لبعض التغيرات الكيميائية



اتا أأزول نعل ما بتاكل التنمباك؟؟!!! غايتو يا بدرالدين ان بقيت بتاكل التنمباك وانت كوز بكون دربك حق الاستنارة بان

Quote: دااااك خليناهو ... اها النصيبة الجبتها دا شنو كمان ؟

Quote: مواد خطرة مثل ( اليورانيم والكادنيوم ) ..

اتاريني بعد كل سفة اشعر بي نفسي "مشعشع"


بدرنا الغالي
سلامي لك ومن معك
وجمعتكم مباركة

الخوف من خلطها بالحبوب المخدرة لأنها تسبب الإدمان

خاصة وأن الحبوب على قفا من يشيل تدخل عديل كده

وبالحاويات وعبر الميناء الرئيسى للبلاد .

مع التحية الأخ بدر الدين

Quote: اتا أأزول نعل ما بتاكل التنمباك؟؟!

انا لله ياخ ..
ابا الله يرحمو زول بياكل التنباك اكل ساكت ما بياكل معاهو ..
وعندو إعتقاد لا يتطرق اليه الشك ان التنباك هو الشجرة المعلونة فى القران






ــــــــــــــــ
يمين اكل التنباك ابا فى قبرو يلعنى

Quote: لكن وجوده في التبغ امر معروف وهو ماده مسرطنة اذا ما تعرضت لبعض التغيرات الكيميائية

يعنى كلام دكتور وزارة الصحة فيه شى من الحقيقة ..

Quote: اليورانيوم بتاع الصعوط مخصب والا ما مخصب يا بدر التمام؟

أيمن
التخصيب بيحصل بعد (التمطير)
ودرجة الإشعاع عملية معقدة للحد البعيد
وتعتمد على نوعية وكمية (العطرون) وكذلك
المياه (الثقيلة) المستخدمة فى (إنتقاع) و(ترويب)
صافى (العطرون).
(ينصح بحفظ الصعوط المخصب فى (حقة) معدنية نظيفة حتى لا يتسرب الإشعاع)
(كما ينصح بعدم هبش (الصعوط) بالأصابع المجردة حتى يدوم الإشعاع لأطول فترة ممكنة)

التمباك بسفو ياشيخ بدر

اول مره اسمع التمباك بياكلو

بعدين مشكله الخلط بي بعر الحصين
وماعارف لييه مابعر الحمير ولاالجمال؟
دي بسيطة ممكن الواحد يشتريهو ويمطرو براهو

هو زاتو بالطريقه دي بكون اضمن وارخس

الشفيع اخوي ركز علي اللحساس وانسي اللشعاع

وبعدين التمباك كخام يواجه صعوبات لا تبدأ من أماكن الانتاج ولا تنتهي على كشك االموزع
عندهم جمعية
عندهم فرعية
عندهم مركزية
عندهم ممثل بالغرفة التجارية وغيرها
وممثل بمسجل شنو وماعارف
هي جهات تعمل منفردة أو مجتمعة تحدد أوزان واسعار التمباك مع الأخذ في الاعتبار الضرائب والقيمة المضافة و الزكاة الإسلامية والعوائد والجبايات اليومية والشهرية والسنوية
وكل ذلك تحت لواء أمارة بنو كوز الاسلامية - لا أحد يغرد خارج السرب
عاوز تحرُض عليهم منو بالضبط ؟ عاوز تجفف مصدر من مصادر دخل المركز ، الولاية ، المحلية ، المجاهدين الكادحيين من جيوش جرارة تسترزق رزق اليوم باليوم ليه ؟
شكرا حكومة الكيانات والتجمعات وأصحاب المهن والحرف الكبرى والصغرى .
خلينا من التمباك الصلصة وحلاوة طحنية وحليب البدرة والعصائر المجففة بل الأدوية والعقاقير الطبية ألخ من المستورد الرخيص الثمن والقيمة الغذائية عملتوا فيها شنو؟
منتظرين بوست منكم قادم عن محتويات الأغذية والأدوية والتقاوى والأسمدة
شكرا يا فكي
الشفيع

Quote: د. حسن بشير مدير ادارة صحة البيئة بوزراة الصحة بولاية الخرطوم صرح بأن متاجر الصعوط تقوم بتمطير الصعوط بإستخدام بعر الحمير وبنج الحصين ..

تحياتي لك اخي بدر الدين اسحق..... التمباك هذه الاكلة القذرة , الله اكبر عليها سواء ممطره ببعر الحمير او ببعر الارام . يا اخي البر ما اطمئنة اليه النفس وهذا التمباك كل الذين يتعاطونه عندما يدخلون الى المسجد يتركونه في الخارج وهذا دليل على خباثته فلا ادرى لماذا التمادي , يا اخي لي اكثر من سبعه سنين غائب عن العاصمة الخرطوم ولكن استطيع ان اراهن عليها اليوم لا تجد شبر منها الا وفيه بصقة تمباك اما ما تقوله الحكومة عن التمباك نحن نعتبره مثل اختلاف اللصوص هذه الحكومة كانت تأخذ الذكاة من كل صنف حتى المحاصيل التي لم يرد فيها نص ولكن خلينا نقول التمباك كان معفى من الذكاة ومسموح بزراعته وتجارته وتمطيره خالى من النكهات التي ذكرتها في الاقتباس اعلاه , فهل كان ذلك تشجيع ؟ شكرا على هذا البوست المهم ارجو ان يحظى باكبر عدد من المداخلات.

Quote: التمباك بسفو ياشيخ بدر

المهدى عليه رحمة الله اصدر فرمان بتحريم اكل التنمباك






ــــــــــــــ
وعندنا فى دارفور بيقولو ( اكل التنباك ) ...
ثم شى بيوكل وبتدخلو جووووه خشمك دا ما اكل عديل ..

يا ..

زياد

بدر السنوسى

معاوية

سؤال ...
اليورانيم دا بيتواجد فى الطبيعة باى شكل من الاشكال ( زى الدهب كدا فى شكل كتل ولا فى شكل بودرة ) ؟
اليورانيوم دا حين تواجده فى الطبيعة هل بيكون له تأثير إشعاعى يؤثر على الانسان ؟
ام لا يؤثر على الانسان الا بعد معالجته فى المعمل ؟


ـــــــــــــــــــ
رواية شفاهية ان فى جنوب كردفان جبل ما بتظهر فيه ليلاً اضواء لونها ( ازرق ) مشعة مثل ضوء الرتينة ويقولون انهم لا يستطيعون القرب منها لان كل من يقرب منها يصاب بامراض وهزال وتساقط شعر ويموت فى غضون شهر من صعوده الى الجبل !!!

Quote: وبعدين التمباك كخام يواجه صعوبات لا تبدأ من أماكن الانتاج ولا تنتهي على كشك االموزع عندهم جمعية عندهم فرعية عندهم مركزية عندهم ممثل بالغرفة التجارية وغيرها وممثل بمسجل شنو وماعارف هي جهات تعمل منفردة أو مجتمعة تحدد أوزان واسعار التمباك مع الأخذ في الاعتبار الضرائب والقيمة المضافة و الزكاة الإسلامية والعوائد والجبايات اليومية والشهرية والسنوية وكل ذلك تحت لواء أمارة بنو كوز الاسلامية - لا أحد يغرد خارج السرب عاوز تحرُض عليهم منو بالضبط ؟ عاوز تجفف مصدر من مصادر دخل المركز ، الولاية ، المحلية ، المجاهدين الكادحيين من جيوش جرارة تسترزق رزق اليوم باليوم ليه ؟

الوزارة قالت ان بولاية الخرطوم ( 600) دكان صعوط يبثون سمومهم وكمان بيدفعون الضرائب والعوائد


والاخطر من ذلك ...
ان شركة حجار للسجائر بتدفع مبلغ ( 5 مليار بالقديم ) يوميا الى مصلحة الضرائب لاشاعة السرطانات فى بلادنا




ـــــــــــــــ
انت يا شفيع مع وقف بيع التبغ بكل اشكاله ولا ما معاه ..

يا بدرالدين.... اهلنا في دارفور بيزرعوه لكين ما بياكلو... وعملية حصده ليها ناس مخصصين والواحد فيهم يدينو بكونن مسلخات وربما يصاب بالبرص اثناء القطف.. واحيانا يضاف ليهو العشر كمحدقات وبيغطوه بالمشمعات وبعض بعر الحيوانات...

التنماك شجرتو طولها زي طول شدرة البندورة ونظيفة وخضراء لانو مافي حشرة ولا دبانة بتنزل في ورقو...

الوحيدين البياكلو التنماك هم اهل الصحراء من البدو الهمباتة وبرضو بيلفو التباكو في ورق كراس الحساب وبيدخنوه...


في مرة اذكر ان الجبور الهمباتي بصق سفتو في الزاوية البيصلو فيها الناس وتم تغيير المصلي باخر يبعد منه ميل بامر من الفقير امام المصلين

اذا انت زعلان من زول دخلو مخزن تنمباك قبل تمطيرو

Quote: في مرة اذكر ان الجبور الهمباتي بصق سفتو في الزاوية البيصلو فيها الناس وتم تغيير المصلي باخر يبعد منه ميل بامر من الفقير امام المصلين

البقارة لا ياكلون التمباك ولايتقبلون التعاطى مع البسف التمباك بل ينظرون اليه برخصه , واذكر عندما كنا اطفال اذا اكلنا السكر تقول لنا الوالده تسفوا التابة , لأنها منبوذة في ثقافتهم , وكذلك يقول الهداى مادحا احد خشوم البيوت : ما شافوا فيهم واحد بسف الصعود او سكران بترتع في لب السوق . فانظروا كيف قدم التمباك على المريسه , والذى ياكل التمباك يفضلون ان يكون الماعون الذى يشرب به الماء مختلف عن الاخرين

Quote: البقارة لا ياكلون التمباك ولايتقبلون التعاطى مع البسف التمباك بل ينظرون اليه برخصه

اخونا رحمة عجك تحياتي
هناك اختلاف ثقافي كبير بين من يعيشون في السافنا الفقيرة او الاقليم الصحراوي وسكان السافنا من سكان الجنوب او ما يعرفون بالبقارة ووسكان المناطق النيلية

اول هذه الفروقات هي التوجهات السياسية للبقارة من انتشار الانصارية وتبعية حزب الامة بين سكانه مع انحسار نشاط حزب الامة الي العدم وانتشار الطرق الصوفية ومريديها في الاقليم الصحراوي وايضا طرق الحياة من السرعة والبحظلة والنشاط الزائد وشرب الخمر والهمبته بعكس سكان الجنوب الذين يميلون الي حياة الركلسة وبطء الحياة والتدينوده نتاج طبيعي لتوفر الكلأ في الجنوب عن الصحراء
اما قصة سف الصعوط او اكله بلهجة ناس دارفور فهي منتشرة بين اهالي الصحراء لعدة ا سباب وكذلك شرب الخمر ومعاقرتها دون معرفة كيف صناعة هاتين

شكرا اخى السنوسى بدر. ما قلته صحيح انا اتفق معك تماما اذكر عندما كنا طلبه كل زملائنا الذين ينتمون الى دار الريح بلغتنا اهلنا الدارجه المناطق الصحراويه هم اكثر تعاطياللصعود

Quote: اهلنا في دارفور بيزرعوه لكين ما بياكلو... وعملية حصده ليها ناس مخصصين والواحد فيهم يدينو بكونن مسلخات وربما يصاب بالبرص اثناء القطف.. واحيانا يضاف ليهو العشر كمحدقات وبيغطوه بالمشمعات وبعض بعر الحيوانات...

وبعض بعر الحيوانات




كلام دكاترة توافق مع كلام صيادلة ...


ـــــــــــــ
ولا عزاء للتمباكة

Quote: واضافد. حسن بشير مدير ادارة صحة البيئة بوزراة الصحة بولاية الخرطوم ان هناك استخدام للاسمنت والعرقى فى تمطير الصعوط ..

سلام عليكم

وريتنا سبب الارتفاع الجنوني في اسعار الاسمنت لكن

سلام يا بدر
تفلقو وتداو
وين فرق التفتيش والإنضباط ؟

بعدين

Quote: والعرقى

ودا كمان مشكلتو شنو؟ ما بلح عادي أطهر من التنباك نفسو زيادة نعنشة بس

هو زاتو هسع اي كيس صعوط تشتريهو
مكتوب عليهو وبالخط العريض

سف الصعود سبب رئيسي لمرض السرطان

وبقي زيو زي السجاير واحد

مع انو انا في رايي السجاير اخطر بكتير
من الصعوط لو قارنا بين السموم والبلاوي
الفي السجاير والصعوط

Quote: مكتوب عليهو وبالخط العريض سف الصعود سبب رئيسي لمرض السرطان

دا خطوة متقدمة جداً فى التوعية بمخاطر التمباك ..







ـــــــــــــــــ
لكن البيقنع الديك منو ؟

بنج الحصين ده اول مرة اسمع بيه

Quote: بنج الحصين ده اول مرة اسمع بيه

د. محمدحسن .. تحياتى .. ارجوك لا تهتم بقصة بنج الحمير. هل الانسان في السودان وفروا له البنج اترك الحصان
والله رايت بعينى في السودان شخص عنده جرح كبير وكان المعاون الصحي يخيطه له بدون بنج لما سالته لماذا قال هى ذاتها البنج ابرتين والخياط كمان ابرتين لماذا لا نوفر الوقت .

Quote: وقال رضوان يحي الخبير فى مجال التبغ ان الصعوط السودانى يحتوى على مواد خطرة مثل ( اليورانيم والكادنيوم ) ..

احمدك يااااااااااااااااارب
بعد البترول والدهب كمان طلع لينا يورانيوم في الصعوط

نطالب جمعيات المجتمع المدني
جمعية حماية المستهلك
شرطة ونيابات شنو ماعارف
بالتدخل وتكوين اللجان والخبراء وجمع عينات من كل أكشاك بيع التمباك وإرسالها للمختبرات الطبية للتأكد من سلامتها وخلوها من بنج الحصين تحديدا
التمباك والهواء والماء عناصر عيش شريحة عريضة من الكادحين وبعض المتنفذين
ولا نوالي غير الوالي - وعاش شعار التوالى
الشفيع