الزعل ممنوع والعتب مرفوع

يا اخوانا هوي ..

انا معارض للنظام الحالي من اول يوم ليهو ..

دي اول حاجة..

لكن لو شفت حاجة اعرف ومتأكد انها غير صحيحة طواااالي بقول البعرفو..

سواء ان كانت ضد او مع اي جهة ..

عشان كده بقول الزعل ممنوع والعتب مرفوع

سلام عليكم ياسر
حاجة غير صحيحة, في صالح النظام تقصد؟
لا لا كدا ما ينفع, دي إن ما كوزنتك عديل أقلّاها بتطلّعك كوز مندس :)
هناا يا أبوي عايز تكون شريف اسافير بس تلغي عقلك و تخليه في أذنيك و البقولوا عليه المعمّدين مناتلين - إن شا الله ناس القبور واقفين طابور - تديه بصمة بالعشرررررررررة (أهم حاجة تمد العشرة دي كدا )

Quote: يا أبوي عايز تكون شريف اسافير بس تلغي عقلك و تخليه في أذنيك

عنداللفة بس :
------------
شريف أسافير دي بيقابلها شنو ياربي ؟؟؟؟

Quote: يا اخوانا هوي .. انا معارض للنظام الحالي من اول يوم ليهو .. دي اول حاجة.. لكن لو شفت حاجة اعرف ومتأكد انها غير صحيحة طواااالي بقول البعرفو.. سواء ان كانت ضد او مع اي جهة .. عشان كده بقول الزعل ممنوع والعتب مرفوع

ياسر عثمان منصور

معارضة النظام لا تحتاج للاعلان عنها انت اقيف موقفك والاعضاء بقيموا حاصل الحاصل والمتحصل
الشي الثاني
مافي زول بقول للغلط صاح اطلاقاً
وما في زول بدافع عن الغلط الناس بتقيف معها
كمان با تنسى يا حبيبنا في ناس بغلطوا الصاح وبصححوا الغلط
ودي الاشكالية هنا
اهم شي انك تمشي عدل وتشق طريقك
ولك تحييية