قصة نط التور أو الخروف المذبوح... شنو الفهم في القصة دي

قصة نط التور المذبوح... شنو الفهم في القصة دي

عقيدة سودانية لا سند لها من الدين..

البعض يفعلها بنية اتقاء الشر والعين والحسد

جهل متربع حتى على عقول المثقفين والمستنيرين

صحي.. القلم ما بزيل بلم

الصورة مأخوذة من بوست الزميل عبدالعزيز عثمان

على هذا الرابط

http://www.sudaneseonline.com/board/470/msg/1402478717.html

مظاهر شركية لا علاقة لها بدين الاسلام لا من قريب ولا من بعيد

هو شنو اي حاجة حاشرنها في الدين... حيرتو الدين زااااتو
وانت يا استراتيجي برضو اللفحي من قوقل ما من الدين
.......

Quote: مظاهر شركية لا علاقة لها بدين الاسلام لا من قريب ولا من بعيد

سلمت يا أبا الزهراء

هذا هو

علمية النط نوع من التحصين، واتخاذ الأسباب التي لم يأذن بها الله

Quote: هو شنو اي حاجة حاشرنها في الدين... حيرتو الدين زااااتو وانت يا استراتيجي برضو اللفحي من قوقل ما من الدين .......

علي... كيف حالك

وانت داير تشتغل سااااااااااااااااااي في الدنيا دي

أي اعتقاد يعتقده الإنسان في جلب نفع أو دفع ضر، يمثل نوعاً من التدين والاعتقاد

إن لم نحتكم للدين النازل من رب العالمين، كيف سنعرف الخطأ من الصواب؟

عماد سلام عليكم
زمان بسمع الناس بنطو البهيمة وبقولو
كرامة وسلامة لسيدي الشيخ اب علامة
اول حاجة سيدي الشيخ اب علامة دا منو؟
نمرة اتنين، اوراق الضغط الماسكها شنو على الناس عشان يضبحو ليها؟ يعني مثلاً ماسك وتد من اوتاد الارض وبفكو لو ما ضبحو ليهو؟
ثالثاً: ما عندك طريقة تتاكد لي عثمان ميرغني دا قال التعويذة بتاعة اب علامة دي ولا جلاها ساهي وماهي الاثار المترتبة على ذلك؟
رابعاً: ياريت ناس التاريخ يجو يورونا قصة النطة دي شنو؟
غايتو يا عماد البوست دا لو دخلو فيهو بشاشا ومحسن خالد، يحلك الله بس
عثمان ميرغني يمكن يطلع (الجبت عثمان) والتور يمكن يطلع إله كوشي؟
والقصة تكبر والحكاية تجوط، كيف الجبت يذبح الإله!!!! ويمكن تجيب لها محاكم كمان ويجيبوك انت ببوستك دا شاهد كان ما جرجروك كمتهم
تحياتي

فعلا مسألة عقدية خاطئة يقع فيها السودانيون
زيها وزي لطيخ البيت والعربية بالدم
وزي الاعتقاد الفاسد بضرورة اراقة الدم للمتلكات الجديدة
وإلا ستحدث فيها مشكلة او عين
وهو باطل ما انزل الله به من سلطان

جزيت خيرا شيخ عماد

أستاذ علي سلام،

Quote: هو شنو اي حاجة حاشرنها في الدين

صدقني أي شئ لو ما مر من باب الدين تأكد أنه لن يصل إلى نتيجة مرضية لصاحبها،
والدين يبدأ من العلم و الفهم والمعتقد والنية والقول ، بعد ذلك يأتي الفعل.
يقول تعالى:
{فَاعْلَمْ أَنَّهُ لَا إِلَهَ إِلَّا اللَّهُ وَاسْتَغْفِرْ لِذَنبِكَ وَلِلْمُؤْمِنِينَ وَالْمُؤْمِنَاتِ وَاللَّهُ يَعْلَمُ مُتَقَلَّبَكُمْ وَمَثْوَاكُمْ }محمد19
تفسير الجلالين:
19 - (فاعلم أنه لا إله إلا الله) أي دم يا محمد على علمك بذلك النافع في القيامة (واستغفر لذنبك) لأجله قيل له ذلك مع عصمته لتستن به أمته وقد فعله قال صلى الله عليه وسلم إني لأستغفر الله في كل يوم مائة مرة (وللمؤمنين والمؤمنات) فيه إكرام لهم بأمر نبيهم بالاستغفار لهم (والله يعلم متقلبكم) متصرفكم لأشغالكم في النهار (ومثواكم) مأواكم إلى مضاجعكم بالليل أي هو عالم بجميع أحوالكم لا يخفى عليه شيء منها فاحذروه والخطاب للمؤمنين وغيرهم .
تحياتي وتقديري

Quote: مظاهر شركية لا علاقة لها بدين الاسلام لا من قريب ولا من بعيد

والله حكاية عجيبة ....الاتهام بالشرك عندكم زي شراب الموية
نرجو أن تترك مثل هذه العادات ...ولكن بلغة علمية فيها حب الخير للناس وحضهم على الذكر والدعاء بدلاً
عن هذه العادات دون تجريم واتهام بالشرك أو الكفر.

خلاس شيلو التيارة وثبتوا المستقبل بدلها

الادهش!
صاحب البوست يسأل ويجيب بغير علم بظاهرة نط الضبيحة ( التور) كمثال في التراث السوداني و لا يكف عن استحراج فتاوى حواة في هذا الشأن لتكبلها

سلام يا عماد
كيفك

اعتقد بأن الذبيحة بهذا الفهم مجرد صدقة يخرجها الإنسان لكف العين والحسد وينطها الشخص المعني امعانا في تخصيصه بكف العين هو لا غيره

ما عندها سند لكن ما اعتقد فيها تجاوز للدين مجرد عادات جرت بين الناس بعيدا عن أي مفهوم شرك بالله

اللحم دا ساهل في الزمن دا ياخ خلي المساكين يعيشوا على المواهيم

Quote: عماد سلام عليكم زمان بسمع الناس بنطو البهيمة وبقولو كرامة وسلامة لسيدي الشيخ اب علامة اول حاجة سيدي الشيخ اب علامة دا منو؟ نمرة اتنين، اوراق الضغط الماسكها شنو على الناس عشان يضبحو ليها؟ يعني مثلاً ماسك وتد من اوتاد الارض وبفكو لو ما ضبحو ليهو؟ ثالثاً: ما عندك طريقة تتاكد لي عثمان ميرغني دا قال التعويذة بتاعة اب علامة دي ولا جلاها ساهي وماهي الاثار المترتبة على ذلك؟ رابعاً: ياريت ناس التاريخ يجو يورونا قصة النطة دي شنو؟

إن شاء الله يجيك صاحبي الزبير الختمي يطهرك فوق قدح،
والمرّة دي أن تب ما بدخل جودية.

يا شيخ عماد الزمن دا أهمّ حاجة العضة، والله تضبح
لناس خروف لو نطوهو ناس وزارة الثقافة والإعلآم
كلهم والصحفيين وتابعين الصحفيين الناس يقرقِشوهو
ليك فُتفات عُضام لجرقاس ما يخلوها...

Quote: خلاس شيلو التيارة وثبتوا المستقبل بدلها الادهش! صاحب البوست يسأل ويجيب بغير علم بظاهرة نط الضبيحة ( التور) كمثال في التراث السوداني و لا يكف عن استحراج فتاوى حواة في هذا الشأن لتكبلها

كالعادة.. يمر آدم صيام بدون أي عقاد نافع

Quote: يا شيخ عماد الزمن دا أهمّ حاجة العضة، والله تضبح لناس خروف لو نطوهو ناس وزارة الثقافة والإعلآم كلهم والصحفيين وتابعين الصحفيين الناس يقرقِشوهو ليك فُتفات عُضام لجرقاس ما يخلوها...

ما يعضّوا ساي يا ود المدير

التطنط ده لزومو شنو

Quote: عماد سلام عليكم زمان بسمع الناس بنطو البهيمة وبقولو كرامة وسلامة لسيدي الشيخ اب علامة اول حاجة سيدي الشيخ اب علامة دا منو؟ نمرة اتنين، اوراق الضغط الماسكها شنو على الناس عشان يضبحو ليها؟ يعني مثلاً ماسك وتد من اوتاد الارض وبفكو لو ما ضبحو ليهو؟ ثالثاً: ما عندك طريقة تتاكد لي عثمان ميرغني دا قال التعويذة بتاعة اب علامة دي ولا جلاها ساهي وماهي الاثار المترتبة على ذلك؟ رابعاً: ياريت ناس التاريخ يجو يورونا قصة النطة دي شنو؟

حبابك يا ود الفكي

تعرف.. في ناس بيضبحوها في القبة عدييييييييييل

وده شرك، ما فيهو شك البتة

أول شي البهيمة بنطوها من نصها ورا رجليها الأمامية تجنبا لنط الدم (لأنه يبدو فيه أشكاليه شرعية أسألوا منها الناس البعرفو).
نط الدم بعد تجميعه في ماعون (طشت) عادة لها علاقة بالظار (النميمي وبلد النميمي)
حكاية الطوب والنعلات دى أسألوا منها ناس شركة باتا (أكان فضل فيهم عقاب)

Quote: ما عندها سند لكن ما اعتقد فيها تجاوز للدين مجرد عادات جرت بين الناس بعيدا عن أي مفهوم شرك بالله

حبابك يا حمد

نتفق: أي صدقة ممكن تجلب النفع لصاحبها، بإذن الله تعالى

والصدقة وحدها تكفي

لكن طقوس النط دي مسألة اعتقادية.. بمعنى لا يكتمل التحرز والتحصين إلا عبر هذا النط

Quote: صدقني أي شئ لو ما مر من باب الدين تأكد أنه لن يصل إلى نتيجة مرضية لصاحبها، والدين يبدأ من العلم و الفهم والمعتقد والنية والقول ، بعد ذلك يأتي الفعل. يقول تعالى: {فَاعْلَمْ أَنَّهُ لَا إِلَهَ إِلَّا اللَّهُ وَاسْتَغْفِرْ لِذَنبِكَ وَلِلْمُؤْمِنِينَ وَالْمُؤْمِنَاتِ وَاللَّهُ يَعْلَمُ مُتَقَلَّبَكُمْ وَمَثْوَاكُمْ }محمد19 تفسير الجلالين: 19 - (فاعلم أنه لا إله إلا الله) أي دم يا محمد على علمك بذلك النافع في القيامة (واستغفر لذنبك) لأجله قيل له ذلك مع عصمته لتستن به أمته وقد فعله قال صلى الله عليه وسلم إني لأستغفر الله في كل يوم مائة مرة (وللمؤمنين والمؤمنات) فيه إكرام لهم بأمر نبيهم بالاستغفار لهم (والله يعلم متقلبكم) متصرفكم لأشغالكم في النهار (ومثواكم) مأواكم إلى مضاجعكم بالليل أي هو عالم بجميع أحوالكم لا يخفى عليه شيء منها فاحذروه والخطاب للمؤمنين وغيرهم . تحياتي وتقديري

تسلم يا قصي

Quote: فعلا مسألة عقدية خاطئة يقع فيها السودانيون زيها وزي لطيخ البيت والعربية بالدم وزي الاعتقاد الفاسد بضرورة اراقة الدم للمتلكات الجديدة وإلا ستحدث فيها مشكلة او عين وهو باطل ما انزل الله به من سلطان جزيت خيرا شيخ عماد

حبيبنا محمد جلال

تسلم يا حبوب

شكلنا محتاجين نفتح بوست لحصر هذه العقائد.. بإذن الله تعالى