Post: #1 Title: حكومة الانقاذ تدخل مرحلة الكواديك Author: عباس الدسيس Date: 06-11-2014, 08:57 AM
غايتو لقيتا يا شيخ الجكسي المحايتو ببسي. كان تطلع ليك بي عمارة في كافوري. نميري اخر ايام ليهو كان عندو عصاية قالو ليهو دي صولجان السلطه لو فكيتها الدرب بروح ليك لازم تمسك فيها قوي. كمان دخلو ليهو حكاية الملايكه مبارياهو لدرجة كان بخلي مقعد جنبو في الطيارة فاضي والمكتب ايضا لي درجة عندو سرير فاضي في البيت بس ما عارف بره في اوضة تانية و ل اوضة النوم العلم عند الله. والشيوخ بالنيابة عنو بقومو بالمهام حتي سلم امرو ليهم وبقت عليهو حكاية الزوج والدكتور النفسي :
زوج زوجتو ملازماها دبرسه مستديمه لما سببت ليها مرض نفسي قالو ليهو وديها لي دكتور نفسي !!!! مشي للدكتور ...... بدأ معاها الدكتور الاسئلة والمرأة ما بتقول بغم صمت اهل القبور نظراتها زايقه وما بترد علي الاسئلة. اتلفت الدكتور علي زوجها بيسألو يمكن ان يجد مدخل للعلاج. الزوله دي بتمارس معاها حياتك الزوجيه طبيعيه وبتلاطفها قال ليهو: كل نهاية اسبوع بوديها لبيت امها قال ليهو الدكتور ما بقصد كده اقصد في ملاطفه وحنيه بينكم قال ليهو الزوج وكمان بعد نكون راجعين من بيت ناس امها بوديها تتفسح في الحدائق زهج الدكتور قام اخذ المراة في الضروة وبعد فترة طلع معاها المرأة عقدت لسانها اتفكت وطلعت تتبسم الدكتور قال ليهو دي الملاطفه البقصدها انا ليك والحنيه واقل شيء تعملها معاها بالاسبوع مرتين قال ليهو الزوج: بالله الحكايه كده !!! طيب يا دكتور أنا عندي اجازة يوم الجمعه والسبت خلاس اجيبها ليك في الايام دي
Post: #2 Title: Re: حكومة الانقاذ تدخل مرحلة الكواديك Author: مهيرة Date: 06-11-2014, 09:10 AM Parent: #1
سلام يادسيس اخوى
لكن هى كواديك السواد!!!
وهاك رائعة الدوش والكابلى دى نرفع بيها البوست !!!
وهى ياسعاد حلمت زى شايلنى وط الزحمة نبى الله الخضر
سامعنى ولا أقول كمان
هى لله لا للسلطة ولا للجاه
غايتو يا دسيس كان الغنية ماظهرت نزلها انت يالمبروك باقى خالتك ضعيفة فى التكنولوجيا دى
تحياتى
Post: #3 Title: Re: حكومة الانقاذ تدخل مرحلة الكواديك Author: Asim Fageary Date: 06-11-2014, 09:17 AM Parent: #2
يا عباس .. سلام مربع
نكتة الدكتور النفساني شكلها قلة أدب !
Post: #4 Title: Re: حكومة الانقاذ تدخل مرحلة الكواديك Author: عباس الدسيس Date: 06-11-2014, 09:33 AM Parent: #3
Quote: سلام يادسيس اخوى
لكن هى كواديك السواد!!!
وهاك رائعة الدوش والكابلى دى نرفع بيها البوست !!!
وهى ياسعاد حلمت زى شايلنى وط الزحمة نبى الله الخضر
سامعنى ولا أقول كمان
هى لله لا للسلطة ولا للجاه
غايتو يا دسيس كان الغنية ماظهرت نزلها انت يالمبروك باقى خالتك ضعيفة فى التكنولوجيا دى
الاستاذة مهيرة سلام زمن العجائب !!!!!!!!!! زمن العجايب الما بيفيني ليهو عجب شاف قلبي تايب بقى امرى عندو عجب استغرب جا قرب كفه ضرب. تحياتي وتقديري
Post: #5 Title: Re: حكومة الانقاذ تدخل مرحلة الكواديك Author: عباس الدسيس Date: 06-11-2014, 09:38 AM Parent: #3
Quote: يا عباس .. سلام مربع
نكتة الدكتور النفساني شكلها قلة أدب !
عاصم فقيري سلام يا حبيبنا بيض النية وخليك مع الزمن
لا حياء في الدين أهو شيخ الانقاذ جاك بي فتوة تحياتي وتقديري
Post: #6 Title: Re: حكومة الانقاذ تدخل مرحلة الكواديك Author: أحمد الشايقي Date: 06-11-2014, 10:26 AM Parent: #5
شكرا يا أخ عباس,
ما رأي الأخوة المؤتمروطنجيـة في فتوى الشخص المسمى الشيخ الأمين
وما رأي هيئـة علماء السودان ؟
أحمد الشايقي
Post: #7 Title: Re: حكومة الانقاذ تدخل مرحلة الكواديك Author: عباس الدسيس Date: 06-11-2014, 11:58 AM Parent: #6
Quote: شكرا يا أخ عباس,
ما رأي الأخوة المؤتمروطنجيـة في فتوى الشخص المسمى الشيخ الأمين
وما رأي هيئـة علماء السودان ؟
أحمد الشايقي
احمد الشايقي سلام يا حبيبنا رأي اكثر من سفير فوق العادة اقولو شنو تاني بلد هامله تحياتي وتقديري
Post: #8 Title: Re: حكومة الانقاذ تدخل مرحلة الكواديك Author: Yousif A Abusinina Date: 06-11-2014, 01:30 PM Parent: #7
B]طيب يا دكتور أنا عندي اجازة يوم الجمعه والسبت خلاس اجيبها ليك في الايام دي شكيت محنك يا الدسيس هههههههههههههههههههههههههههههههههه
Post: #9 Title: Re: حكومة الانقاذ تدخل مرحلة الكواديك Author: عباس الدسيس Date: 06-12-2014, 08:29 AM Parent: #8
Quote: شكيت محنك يا الدسيس هههههههههههههههههههههههههههههههههه
حبيبنا يوسف سلام ...اخبارك يا وجيه بالله شوفتا الكوارث الحاصله علينا تطبق بالكربون البشير ماشي علي خطي نميري وصل مرحلة الشيوخ دولة تدار بتكهنات الغيبيات شيخ الجكسي فاكنو عشان اكودك الدول وتدي السودان معونات. تحياتي وتقديري
Post: #10 Title: Re: حكومة الانقاذ تدخل مرحلة الكواديك Author: سيف اليزل سعد عمر Date: 06-12-2014, 08:43 AM Parent: #9
ههههههه يا عبس
شكيتك علي الله طيب والحل شنو؟
انا غايتو فكرة نمشي لدكتور نفسانى دي ما شغاله معاي
Post: #11 Title: Re: حكومة الانقاذ تدخل مرحلة الكواديك Author: هاشم احمد ادم Date: 06-13-2014, 02:35 AM Parent: #1
سلام اخوى الديسيس و ضيوفة من ( الناس) رغبت بالتعليق من خلال خبر قديم اطلعت علية ، وعندما استعت بشيخ قوقل للمصداقية وكدا( وهى العملة الصعبة هذا الايام فى المنبر) . وعندما كتبت الكلمات المفتاحية لذلك الخبر وهى (الكودة +الجن ) بالعربى طبعا ، ومن غير تشكيل وجدت عدد الروابط فاق ما توقعت . اما الاكثر عجبا ان (وطنى الافتراض ) يحمل بوستات وتعليقات اكثر من شيخ قوقول نفسة . يعنى الموضوع بدل كلكات فية كنجلات * ، وشوية ( استثمارات ) قبل (دخان) شياطين المستديرة ، والمليون سائح المتوقعزيارتهم (للسودان الفضل ) خلال العام القادم . ٍ (*)كنجلات : هى القروش زمان ، قبل ما تغير اسمها ( عملة صعبة) . واكتفى بمقولة اهلنا الغبش ( الرايحة لية حاجة بفتش خشم البقرة ). وبين جيل الشتات مافى ملامة .
Post: #12 Title: Re: حكومة الانقاذ تدخل مرحلة الكواديك Author: عباس الدسيس Date: 06-15-2014, 06:32 AM Parent: #11
Quote: شكيتك علي الله طيب والحل شنو؟
سيف اليزل يا حبيبنا سلام وتحية الحل بسيط تبقي حوار لشيخ الجكسي عندو كل الحلول الممكنه وغير ممكنه تخطي حاجز الجكسي الي السفرات الدوليه معناهو زول واصل اخبارك يا حبيبنا
