Post: #1 Title: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 04:36 AM Parent: #0
ورانا شنو ؟
ما خلاص ... ما عندنا موضوع لغاية ما نحدد موضوع الميات ده ...
و معيارنا واضح من العنوان ...
و للتوضيح اكتر ... الغنية كان ما من النوع البتقومك من كرسيك في الحفلات دون ما تشعر و تقوم ( تسكسِك )
ما بتتأهل الي اللستة المئوية دي ...
و قولة خير ..
المرحوم خليل اسماعيل و كلمات عمنا ابو قطاطي ...
Post: #2 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 04:44 AM Parent: #1
العميد ... في كلمات الخال حسن عوض ابوالعلا ...
Post: #3 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 04:46 AM Parent: #2
فرقة جاز الديوم ... حاجة كولن كولن ... ايام السودان الجميل ...
Post: #4 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 04:51 AM Parent: #3
عبد العزيز المبارك ... احلي جاره
Post: #5 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 05:00 AM
حمد الريح - عجبوني الليله جو ...
Post: #6 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 05:16 AM Parent: #5
Quote: El Mardi Abdullah · الأكثر تعليقا · التقانة وين يا عمك ما قلت مية جبت تلاتة وين الباقى منتظرين ولا نساعدك
ما ننوم يا المرضي يعني ؟؟
جيب من عندك ... بس راعي المعايير لو سمحت ...
Post: #7 Title: Re: المائة أغنية سودانية الأكثر هجيجاً و رقصاً ... Author: ياسر السر Date: 06-10-2014, 10:33 AM Parent: #6
الحبيب الاستاذ يحيى قباني اينما كنت تصنع الفرح متعك الله بالصحة والعافية يا زول يا نيل ،، بس ما تنسى ملك التم تم المرحوم رمضان زايد تقريبا اغلب اغانيه راقصة وجميلة ومحركة للدواخل والاحاسيس ,, ولا شنو , وتقريبا اغنيات التم تم السريع عدد كبير منها راقص وجميل .. ولا يفتى وانت في المدينة لكن بجيك راجع واذكر ليك بعض النمازج ..
تحياتي : ياسر العيلفون
Post: #8 Title: Re: المائة أغنية سودانية الأكثر هجيجاً و رقصاً ... Author: محمد يوسف طه Date: 06-10-2014, 10:46 AM Parent: #7
لك التحية أستاذ قباني البداية بزيدان
لاهماك عذابنا +++ كلمات: يوسف محمد يوسف ألحان: زيدان إبراهيم
لا هماك عذابنا لا دموعنا وشقانا نهديك المشاعر وتخون الأمانة عارف ريدنا ليهو كم قاسينا فيهو لو غاب من عيونا دقيقة دقيقة نخاف عليهو أصبح لينا مرسى نرتاح في عينيهو تمشي تخونا إنت تقول تتهنى بيهو في ساعة غيابك نسأل وين تكون وسدناك رموشنا وشلناك في العيون كيف يرضيك ضميرك تتنكر تخون العشرة الكانت ببتحدى الظنون سبتا مصيرنا ضايع مرساه العدم في بحور السراب بالدمعات وهم عشان آمالنا فيك قلبنا ما ظلم خلاص عرف الحقيقة وما بفيد الندم لا هماك عذابنا لا دموعنا وشقانا نهديك المشاعر وتخون الأمانة
Post: #9 Title: Re: المائة أغنية سودانية الأكثر هجيجاً و رقصاً ... Author: Jamal Mustafa Date: 06-10-2014, 10:53 AM Parent: #8
هههههههه جلابية بيضاء مكوية تحياتى يازول يارايق
Post: #19 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-11-2014, 01:05 AM Parent: #9
كتااااار الزمن ده ... من قنبله ... و ضربني بي الكوع ... و طرشته و قلت عوع ...
Post: #18 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-11-2014, 01:02 AM Parent: #8
Quote: لك التحية أستاذ قباني البداية بزيدان
لاهماك عذابنا
مافي شك يا جميل ...
من احلي و ( أرقص ) ما غني ابو الزوز ...
Post: #11 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-10-2014, 02:13 PM Parent: #7
Quote: الحبيب الاستاذ يحيى قباني اينما كنت تصنع الفرح متعك الله بالصحة والعافية يا زول يا نيل ،، بس ما تنسى ملك التم تم المرحوم رمضان زايد
حبيبنا ياسر ...
جيب الامثله ... وراعي المعايير ...
رمضان زايد الله يرحمه مافي شك في هجيج اغانيه ...
Post: #10 Title: Re: المائة أغنية سودانية الأكثر هجيجاً و رقصاً ... Author: عاطف عمر Date: 06-10-2014, 11:02 AM Parent: #1
Quote: المائة أغنية سودانية الأكثر هجيجاً و رقصاً ...
Quote: ورانا شنو ؟
ههههههههههههههههههههههههههههههههههههههههههههه حاسي بيك يا هندسة
ممكن نشارك ؟؟
- حبايبي الحلوين ...................... ..........عبدالوهاب الصادق ( شفاه الله ) - يا صغير يا محيرني ومتحير ................... الكاشف ( بعد إعادة تذكرها ) - من عيونك يا غزالي ...................... .....عثمان حسين ( بعد إعادة إكتشافها ) - حنى على أنا يا ستي .................... .......كمال ترباس - حمادة دا جنني وسافر ما كلمني ................ حنان بلوبلو - قام يتعزز الليمون ................................... محمد سلام - كيف هان عليك يا حبيب تسلاني .................. الطيب عبدالله
__________________
لقيتني كلما أكتب أغنية ( أفرفر ) وأتذكر رقصتها كانت كيف !!!!!!!
أين أنت يا أبو الريش ؟؟
Post: #12 Title: Re: المائة أغنية سودانية الأكثر هجيجاً و رقصاً ... Author: khaleel Date: 06-10-2014, 02:27 PM Parent: #10
جمال دنيانا ابراهيم عوض
سكر كابلي
انا وحبيبي محمد الامين
سهرنا الليل عركي اودعكم سيد خليفة
كدراوية النور الجيلاني
رب العذاري زيدان ابراهيم
متعالي علينا البلابل
Post: #14 Title: Re: المائة أغنية سودانية الأكثر هجيجاً و رقصاً ... Author: محمد البشرى الخضر Date: 06-10-2014, 02:33 PM Parent: #12
يا حليلك ياهباني انت من زمن الغنية بتهجّج بالناس أسّي القصة بقت أورغنات وكيبوردات من قولة تت تن تلقى العجاجة قامت بالتالي رقم واحد مفروض يكون اي صولة لأيمن الربع
Post: #40 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-14-2014, 06:33 AM Parent: #14
Quote: يا حليلك ياهباني انت من زمن الغنية بتهجّج بالناس أسّي القصة بقت أورغنات وكيبوردات من قولة تت تن تلقى العجاجة قامت بالتالي رقم واحد مفروض يكون اي صولة لأيمن الربع
قعدت الاسبوع الفات جنب سماعة في عرس فيامريكا يا ود البشري ....
بالغلط مشيت اسلم علي زميلة قديمة ... و السماعة طلعت بي وراي ...
بالله قربت استفرغ من كتر ما بتدق جوه البطن بس ...
لكن بي امانة كلامك صاح ... بالله الاورغن ملان ايقاعات جاااهزة ...
و صاحبنا الفنان محمد بابكر ما قصر ...
غايتوا نقزنا تمااام ...
Post: #41 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-15-2014, 01:22 PM Parent: #12
Quote: سكر كابلي
سهرنا الليل عركي
و كل الشافو أنكر ...
وحاة عينيا سُكر و أكتر ...
كلام عجيب يابو الخل ... و ( يهز الما بهتز ) ...:)
و العجب عركي ...
اختيار بديع يا فنان ...
Post: #13 Title: Re: المائة أغنية سودانية الأكثر هجيجاً و رقصاً ... Author: خالد علي محجوب المنسي Date: 06-10-2014, 02:28 PM Parent: #10
يا قباني سلااااام لكن ميتك ما حلوة ويسلم ذوقك في الميات
أغنيتين أحب اسمعهما ولما اسمعهما مابقدر أقعد بقيف علي حيلي لو كان من تلفاز .... لكن لو في حفل بدخل وأجوطا توست وسكسكة حاجات ما مفهومة ( شئ كُتر ) وأوقف الحفلة علي فد كراع
أغنية الفنان محمد وردي قطر الندى
أغنية لابس البمبي للفنان شرحبيل
Post: #15 Title: Re: المائة أغنية سودانية الأكثر هجيجاً و رقصاً ... Author: muntasir Date: 06-10-2014, 03:40 PM Parent: #13
ود البشرى هباني يا كبير حقو الواحد يخلي الناظر يرسل توكيل عشان نرشك ببلاغ في ام القويين
Post: #16 Title: Re: المائة أغنية سودانية الأكثر هجيجاً و رقصاً ... Author: خالد علي محجوب المنسي Date: 06-10-2014, 03:57 PM Parent: #15
Post: #17 Title: Re: المائة أغنية سودانية الأكثر هجيجاً و رقصاً ... Author: عباس محمود Date: 06-10-2014, 04:53 PM Parent: #16
يا قباني سلامات
كدي جرب اسمع الكنداكة بتاعة خلف الله حمد
ممكن الزملاء يساعدو بالفيديو ....نص كلام الغنية ما فاهمه لكن فيها هجيج صاح
Post: #20 Title: Re: المائة أغنية سودانية الأكثر هجيجاً و رقصاً ... Author: محمد حسن محمد ادم Date: 06-11-2014, 01:09 AM Parent: #17
الاخ يحيي سلام اولا في إطار دعم الجهود المبذولة لحل أزمات السودان وإيماناً منا بان المساحات الفضائية واسعه ووكبيره وفاضيه ومجانيه أشكرك علي فتح هذا الموضوع المهم والذي أبت نفسي الا وان أشارك فيه حتي تتطافر جهودنا جميعا من اجل رفعت الوطن الغالي وأود هنا ان أشارك باغنيه احس بأنها راقصه جداً وتقع ضمن معايير الهجيج وإلا وهي
كاااان مااالي وانا ماااالي بييييه وكان مالي وانا مالي بييييييييييييييييييه
وبدون المناسبه ...تعرف مشيت عشان أصور المستشفي الراقد فيه صاحبك مورقان (stacy) للبوست. بتاعك وفعلا صورتها لكن الصور ما نزلت لي لكبر الحجم معليش مراسلكم من هنا انا
Post: #32 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-12-2014, 00:59 AM Parent: #17
Quote: يا قباني سلامات
كدي جرب اسمع الكنداكة بتاعة خلف الله حمد
ممكن الزملاء يساعدو بالفيديو ....نص كلام الغنية ما فاهمه لكن فيها هجيج صاح
عباس يا محمود ...
تحياتي يا جميل ...
رغم انو الكنداكه ما مفروض تصنف كغنية ...
لكنها تتوافق مع المعيار تماماً ...
حاجيب ليك تسجيل ليها اعجب من عجيب ...
Post: #43 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-15-2014, 01:42 PM Parent: #13
Quote: يا قباني سلااااام لكن ميتك ما حلوة ويسلم ذوقك في الميات
كل مية و انت طيب يا منسي ...:)
Post: #21 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-11-2014, 01:10 AM Parent: #10
Quote: ههههههههههههههههههههههههههههههههههههههههههههه حاسي بيك يا هندسة
ممكن نشارك ؟؟
وصلنا حتة شر البلية يا صديقي ...
بقينا نفتش للناس ...
باكر نستورد زى الخليجين ... ___________________________________________ و الله يا عاطف يوم السبت كنت في زواج بت اخت نواري في اوهايو ...
ما شاء الله لا قوة الا بالله ...
كمية العقول السودانية المهاجرة ... تفتح النفس ... و تحزن القلب علي البلد الطارد ...
اي واحد منهم ممكن تعمل بيهو لستة ...
يقول ليك العهد البائد نجيبو تاني !!!
الله يستر علي البلد بس ...
Post: #22 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-11-2014, 01:15 AM Parent: #21
وردي و اسماعين حسن
ذات الشامة ...
Post: #23 Title: Re: المائة أغنية سودانية الأكثر هجيجاً و رقصاً ... Author: الصادق اسماعيل Date: 06-11-2014, 04:37 AM Parent: #22
مدلينا ما دليينا مادليييييييينا
Post: #24 Title: Re: المائة أغنية سودانية الأكثر هجيجاً و رقصاً ... Author: عبدالعزيز عثمان Date: 06-11-2014, 07:58 AM Parent: #23
ولو اني متحسس من الميات دي... لكن اللبن ابو لي بي ياناس...ابو لي بي... كانت تقوم انفاسنا وتقوم العصار ويخشي انها كادت تقوم القيامة الصغري بس زول شيخي يحي... من هو صاحب هذه الكلمات الرائعة ممكن تستعين بي عثمان موسي بس سمعتا انو اليومين ديل شوهد يغني مع كفيله ذو الاصول الهندية.. ماري ها جت تم تم ماري ها او كيف ماهي.. بوست سمح...
Post: #47 Title: Re: المائة أغنية سودانية الأكثر هجيجاً و رقصاً ... Author: محمد أبوالعزائم أبوالريش Date: 06-16-2014, 08:02 PM Parent: #21
نقلت المداخلة لمكانها بالصفحة التانية
Post: #25 Title: Re: المائة أغنية سودانية الأكثر هجيجاً و رقصاً ... Author: محمد مجيدو Date: 06-11-2014, 08:46 AM Parent: #1
Quote:
ورانا شنو ؟
ما خلاص ... ما عندنا موضوع لغاية ما نحدد موضوع الميات ده ...
العزيز قباني الفنان ... سلام ..
فعلا انا لاحظت حكاية الميات الحايمه في البورد دي ومتوقع واحد يجي ينزل لينا احصائية لمية شكش .. المافي شنو ؟؟ بس نشر الاسماء حتكون مشكله .. وفيها تشهير ومحكمه ... هو اصلو نحنا عندا شكش قدر كدا .... ؟؟
Post: #26 Title: Re: المائة أغنية سودانية الأكثر هجيجاً و رقصاً ... Author: ياسر منصور عثمان Date: 06-11-2014, 08:50 AM Parent: #1
يا مسافر جوبا
للمبدع النور الجيلاني
وكتيييييير من اغنياته..
Post: #27 Title: Re: المائة أغنية سودانية الأكثر هجيجاً و رقصاً ... Author: أحمد الشايقي Date: 06-11-2014, 11:31 AM Parent: #26
إزيك يا يحي ,
(البنسلين يا تمرجي)
Post: #28 Title: Re: المائة أغنية سودانية الأكثر هجيجاً و رقصاً ... Author: خالد علي محجوب المنسي Date: 06-11-2014, 02:13 PM Parent: #27
طار قلبي
Post: #29 Title: Re: المائة أغنية سودانية الأكثر هجيجاً و رقصاً ... Author: muntasir Date: 06-11-2014, 02:27 PM Parent: #28
كمدخل ابستيمي للهجيج اي من الأستاذتين حنان باكمبا أو نجاة غرزة في بشير لومي والشكر للأستاذ ناذر الخليفة لجعله ذلك ممكناً
Post: #30 Title: Re: المائة أغنية سودانية الأكثر هجيجاً و رقصاً ... Author: nour tawir Date: 06-11-2014, 04:36 PM Parent: #29
يحيى قبانى سلام مربع...
لو جبت اغنية ست الودع بتاعة البعيو.. توقف المنبر على رجل وآحدة..
Post: #31 Title: Re: المائة أغنية سودانية الأكثر هجيجاً و رقصاً ... Author: محمد حيدر المشرف Date: 06-11-2014, 04:54 PM Parent: #1
قباني يا صديقي .. ده بوست جميل جدا .. وكل فنان في السودان (فنان بالجد) عندو فرمالاتو الراقصة .. غايتو نساهم بي حاجه لي المرحوم خوجلى عثمان .. ما بنختلف او اسمعنا مره !! .. اوكي اسمعنا مره ..
Post: #33 Title: Re: المائة أغنية سودانية الأكثر هجيجاً و رقصاً ... Author: Mohamed El Sheik Date: 06-12-2014, 12:39 PM Parent: #1
( أنا في التمني ) .. ( خلف الله حمد ) ..
هجيج .. رهيب ..
Post: #34 Title: Re: المائة أغنية سودانية الأكثر هجيجاً و رقصاً ... Author: محمد جبره Date: 06-12-2014, 01:48 PM Parent: #33
جوبا ما لك علي في حالة تكون في زولة سمحة مقاصدة بتاع الطبلة
Post: #35 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-12-2014, 02:31 PM Parent: #34
خلف الله حمد و شيخنا ود الرضي .. أنا في التمني ...
اعتقد طلبها احد الاخوان هنا ...
Post: #36 Title: Re: المائة أغنية سودانية الأكثر هجيجاً و رقصاً ... Author: خالد علي محجوب المنسي Date: 06-12-2014, 07:32 PM Parent: #35
لك يا نور تاور
Post: #37 Title: Re: المائة أغنية سودانية الأكثر هجيجاً و رقصاً ... Author: ABUHUSSEIN Date: 06-13-2014, 11:26 PM Parent: #36
المبدع الله يرحمو و يغفر ليه خليل اسماعيل
حبي ليك حب ما اعتيادي
Post: #38 Title: Re: المائة أغنية سودانية الأكثر هجيجاً و رقصاً ... Author: Elmoiz Abunura Date: 06-14-2014, 03:06 AM Parent: #37
ياسلام ياقبانى يافنان. عندى اغنيتين واحده للعم والجد فى نفس الوقت د. على شبيكة الله يديه طول العمر, والفنان المرحوم سيد خليفة وهى اغنية نانا يانانا وفيها سامبا ثقيلة فى فترة نهاية الستينات ومطلع السبعينات . والثانية للاستاذ الكابلى سكر سكر سكر وكان فيها تويست رهيب
مع ودى
Post: #39 Title: Re: المائة أغنية سودانية الأكثر هجيجاً و رقصاً ... Author: munswor almophtah Date: 06-14-2014, 05:07 AM Parent: #38
Post: #42 Title: Re: المائة أغنية سودانية الأكثر هجيجاً و رقصاً ... Author: محمد عمر الفكي Date: 06-15-2014, 01:35 PM Parent: #39
سلام عليكم صاحب البوست وضيوفه الكرام ممكن اشارك؟ اللوري القاقا للاستاذ حسين الصادق معلى اخوي ممكن يشارك؟ قال لكم اغاني المبدع هلالية كلها عا########ي بعيداً عن الهزل ناس لالا لعثمان حسين
Post: #44 Title: Re: المائة أغنية سودانية الأكثر هجيجاً و رقصاً ... Author: حاتم محمد عثمان Date: 06-15-2014, 02:40 PM Parent: #42
Quote: جوبا ما لك علي في حالة تكون في زولة سمحة مقاصدة بتاع الطبلة
محمد جبره تعليقك دا زاتو ينفع اغنية.
الرجل الانيق يحي قباني تقبل صادق امتنانى.
Post: #45 Title: Re: المائة أغنية سودانية الأكثر هجيجاً و رقصاً ... Author: خالد علي محجوب المنسي Date: 06-15-2014, 02:57 PM Parent: #44
نسايم الليل بصوت ثنائي العاصمة خاصةً
Post: #46 Title: Re: المائة أغنية سودانية الأكثر هجيجاً و رقصاً ... Author: خالد علي محجوب المنسي Date: 06-15-2014, 07:59 PM Parent: #45
دي اغنية يا قباني كانت بتخلي الحفلة واقفة علي فد كراع الفنان الجميل صديق الكحلاوي
Post: #48 Title: Re: المائة أغنية سودانية الأكثر هجيجاً و رقصاً ... Author: اخلاص عبدالرحمن المشرف Date: 06-16-2014, 08:15 PM Parent: #46
حبيبي جنتي - حرمت الحب والريده - سهرنا الليل وكملنا
Post: #49 Title: Re: المائة أغنية سودانية الأكثر هجيجاً و رقصاً ... Author: محمد أبوالعزائم أبوالريش Date: 06-16-2014, 10:31 PM Parent: #48
Quote: أين أنت يا أبو الريش ؟؟
بعيد من النيت لي مده ......
لكن والله ما أرجعك فاضي ..
كلمة منك حلوة كنت مستنيها بالأمل والسلوى من زمان راجيها
______ عموماً كل أغاني إيقاع السامبا والتويست (أو ما يعادلها من الإيقاعات الحديثة)
قباني إزيك ياخ
Post: #52 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-17-2014, 01:37 PM Parent: #49
Quote: عموماً كل أغاني إيقاع السامبا والتويست (أو ما يعادلها من الإيقاعات الحديثة)
قباني إزيك ياخ
معليش فطيت كم رد و برجع تاني ...
لكن صاحبي ابو الريش ده ما قادر افوتو ...
شاهدين ؟
السامبا و التويست ؟
الكلام ده نهاية الستينات و اول السبعينات ... من ايام الفس بريسلي !!
ومن ايام , Twist again
Post: #50 Title: Re: المائة أغنية سودانية الأكثر هجيجاً و رقصاً ... Author: nour tawir Date: 06-17-2014, 00:42 AM Parent: #44
الاخ الفاضل خالد على محجوب المنسى..
كتر خيرك كتير... طّلعتنى من الكترابة بتاعة البورد..الى حين..
Post: #51 Title: Re: المائة أغنية سودانية الأكثر هجيجاً و رقصاً ... Author: ياسر السر Date: 06-17-2014, 08:13 AM Parent: #50
يا سلوة قلبي شن سوا للفنان الذري ابراهيم عوض رحمه الله براااي يا خلا من عيني النوم قله .. يا جمال دنيانا يا جمالا رف قلبي بي جناح النسايم وراح وشافك وشاف جمالك ... حياتي حياتي احبك انتي كحبي لذاتي ... لعميد الفن السوداني الاستاذ احمد المصطفى رحمه الله سال من شعرها الذهب وتدلي وما انسكب ... شفتك ابتهجت وين يا غالي انت .. سهران دمعي ساكب انا بهوى الكواكب .. اسمر لونو لادن جسمو يزدري بالبروق فر بسمو .. هجروني هجروني الليلة ما زنبي .. حبيب انا وسمير انا يا ضنايا ..
اها كفاك ولا ازيدك من الشعر بيت يا استاذ يحيى ,,,, هذا بالاضافة لاغاني السيرة بجيك ليها راجع
تحياتي : ياسر العيلفون
Post: #53 Title: Re: المائة أغنية سودانية الأكثر هجيجاً و رقصاً ... Author: محمد أبوالعزائم أبوالريش Date: 06-18-2014, 11:59 AM Parent: #51
يعني يا قباني دي ما شفتها؟
Quote: (أو ما يعادلها من الإيقاعات الحديثة)
بعدين الإيقاعات دي عدد محدود .... أجيب من وين يعني؟
عايز تشهّد علي الناس، وإنت بتستشهد بالفيس بريسلي يا حريف؟
في كلام عايز أقولو بعد ما تديني الأمان ....
أديتني؟ ..... طيب.
أجمل مثال على إيقاع السامبا في الأغاني السودانية هو في أغنية إبراهيم الكاشف (بغير عليك). الأغنية إيقاعها راقص وحوار بين المغني والكورس والأوركسترا في لازمات موسيقية بديعة ويقول: أنا بغير ..... بغير عليك من جمال خديك ومن الزهر الفتح حوليك ...... بغير عليك.
تستمر الأغنية صاخبة، ثم تهدأ بإيقاع سامبا بطئ لكنه أيضاً راقص، وتمهد للمغني ليقول:
كيف أنساك وانا في لوعة وإنت ملاك زايد روعة بس يا جميل حاسب وأوع لأني كتير عليك بغير طول عمري وايامي السبعة.
مالك يا يحي ياخ.
Post: #54 Title: Re: المائة أغنية سودانية الأكثر هجيجاً و رقصاً ... Author: يحي قباني Date: 06-25-2014, 04:47 AM Parent: #53
اهداء خاص
العميــــــــــــــــــــــــد
رحماك يا ملاك ...
كلمات الخال حسن عوض ابو العلا
Post: #55 Title: Re: المائة أغنية سودانية الأكثر هجيجاً و رقصاً ... Author: Hafiz Bashir Date: 06-25-2014, 05:04 PM Parent: #54
الاخ قباني
تحياتي
المائة الأمدرمانية مولعة نار تم تم و ريقي و سامبا و تويست
مافي كرانق ولا مردوم درملي و لا جراري و لا حتى جابودي او دليب
وين الفرنقيبة و وين الكامهرير و البيبوب
Post: #56 Title: Re: المائة أغنية سودانية الأكثر هجيجاً و رقصاً ... Author: اخلاص عبدالرحمن المشرف Date: 06-25-2014, 05:41 PM Parent: #55
ابيت الناس ابيت خلاني
Post: #57 Title: Re: المائة أغنية سودانية الأكثر هجيجاً و رقصاً ... Author: محمد أبوالعزائم أبوالريش Date: 07-04-2014, 01:19 AM Parent: #56