عليكم الله .. ندى القلعة دي بتنسمع كيف؟؟

البقاها فنانه منو؟؟

ما عندها اي علاقة بالغنى .. لا صوت لا احساس ولا معرفة بالأداء ..

مبالغة !!

عزيز
كيفك يا زول

طبعاً قصة الفن، والغناء بتحتاج لمعايير بتاعة استماع، أها البخت المعايير دي (الجمهور) يعنى الببقي أي فنان فنان أو مغني مغني، هو الجمهور البيستمع ليهو، ما دام عندك جمهور معناتها إنت زول فنان ومطرب وغنّاي (حسب المعيار الجماهيري.

وهناك التعريفات الأكاديمية و(الطبقية) آي الطبقية الواحدة دي، وهي أن طبيقة محددة من المجتمع تضع معاييرها لمال ينبغي أن يكون عليه (الغناء)، زي التعريفات البنسمعها (غناء راقي) مقابل (غناء هابط)، والقصة دي تقسيم طبقي مرتبط بالطبقة الإجتماعية.

طبعاً المعايير (النقدية) بتكون عندها مقاييس لما هو سائد، يعني بكون عندها (ستاندر) بتقيس عليه، الموسيقى والكلمات وغيرها والصوت. وبالتالي بيتم تصنيف الغناء وغيره.

هسع الكلام بتاعك دا عن ندى حتلقى في ناس متفقة معاك فيه، وفي ناس مختلفة.

أنا شخصياً الغناء بالنسبة لي طرب، وبالتالي أي أغنية تطربني بتعجبني وممكن اسمعها، وزي ما قلت قبل كدا في بوسٍ ما، أغنياتي المفضلة بينها (هام ذاك النهر يستلهم حسنا) واللابس البمبي، وحمادة دا لحنان بلو بلو، وإنت ماشي وين كدا لورا لبلال موسى وشال النوار، وحب الناس للخالدي، وكل اغاني النور وخصوصاً (يا وداد مليون سنة).

يعنى أنا بعجبني كتير من الغناء(عاليه وواطيه حسب وجهة نظرك المحكومة بموقعك الاجتماعي).

وكإجابة سريعة

البقى ندى القلعة فنانة هو جمهورها الذي يستمع لها ويساعدها على الحياة من خلال طلبه المتزايد عليها مما جعلها من اكثر المغنيين عائداً.

بالطبع مع تمام احترام وجهة نظرك (حسب مقاييسك أكاديميةٍ كانت أم عرفية) في أن ندى لا علاقة لها بالغناء، ولا صوت ولا معرفة بالإداء (على الأقل كما تعرّفه أنت وفقاً لمعاييرك)

الفنانة الكبيرة/ ندى القلعة
الأستاذة/ ندى القلعة
أصحاب الجيوب المنفوخة لازم يجيبوا ندى القلعة في حنة العروس
ناس كُبار وغُلاد تراهم حضور في حفلات ندى القلعة...يرقصوا، يبشروا، يعرضوا ويفحطوا
المناسبات الرسمية والشعبية والرياضية (إلا الدينية) يجيبوا ليها ندى القلعة
وندى القلعة لابسة أغلى الثياب وأثمن المجوهرات والحجارة "الكريمة"
وحِنة ندى القلعة أصبحت تقليد وتقليعة، النسوان بقلدوها
وحركات ندى القلعة الخفيفة (غير العنيفة مثل حنان بلولو)، ومكياجها، ونظراتها وحركة تثبيت التوب أو رفعها للرأس وووووو هلم جراء
تخلي كتير من الناس مشدوهين يعاينوا، وبعضهم شلاليفهم تتجلمط

الأخوان عزيز والصادق
والله لا أندهش من ندى القلعة أو حسين الصادق وأضيف لهما شريف الفحيل إطلاقاً، بل أشيد بهم لأنهم صنعوا جمهوراً أو جماهير شعبية
ولكن دهشتي من الذين صنعوا ندى القلعة
وستأتي ندى القلعة أخرى وأخرى
حوا والدة

هس خليتا تكورك وجيت داير انوم..مع طه سليمان في النيل الازرق...

ندى من مخرجات المشروع الحضاري حق الكيزان
تغني (سافرة) والناس حولها آخر سلطنة واندماج

الحمد لله


آخيرا وجدت من يتطابق رأيه مع رأي،،،،


يا عزيز،،،سلام ي رجل،،،،،،،،دي بتضرسني عدييييل كدا،،،،،

ربنا اغفر ليها واسامحا

Quote: عزيز كيفك يا زول طبعاً قصة الفن، والغناء بتحتاج لمعايير بتاعة استماع، أها البخت المعايير دي (الجمهور) يعنى الببقي أي فنان فنان أو مغني مغني، هو الجمهور البيستمع ليهو، ما دام عندك جمهور معناتها إنت زول فنان ومطرب وغنّاي (حسب المعيار الجماهيري. وهناك التعريفات الأكاديمية و(الطبقية) آي الطبقية الواحدة دي، وهي أن طبيقة محددة من المجتمع تضع معاييرها لمال ينبغي أن يكون عليه (الغناء)، زي التعريفات البنسمعها (غناء راقي) مقابل (غناء هابط)، والقصة دي تقسيم طبقي مرتبط بالطبقة الإجتماعية. طبعاً المعايير (النقدية) بتكون عندها مقاييس لما هو سائد، يعني بكون عندها (ستاندر) بتقيس عليه، الموسيقى والكلمات وغيرها والصوت. وبالتالي بيتم تصنيف الغناء وغيره. هسع الكلام بتاعك دا عن ندى حتلقى في ناس متفقة معاك فيه، وفي ناس مختلفة. أنا شخصياً الغناء بالنسبة لي طرب، وبالتالي أي أغنية تطربني بتعجبني وممكن اسمعها، وزي ما قلت قبل كدا في بوسٍ ما، أغنياتي المفضلة بينها (هام ذاك النهر يستلهم حسنا) واللابس البمبي، وحمادة دا لحنان بلو بلو، وإنت ماشي وين كدا لورا لبلال موسى وشال النوار، وحب الناس للخالدي، وكل اغاني النور وخصوصاً (يا وداد مليون سنة). يعنى أنا بعجبني كتير من الغناء(عاليه وواطيه حسب وجهة نظرك المحكومة بموقعك الاجتماعي). وكإجابة سريعة البقى ندى القلعة فنانة هو جمهورها الذي يستمع لها ويساعدها على الحياة من خلال طلبه المتزايد عليها مما جعلها من اكثر المغنيين عائداً. بالطبع مع تمام احترام وجهة نظرك (حسب مقاييسك أكاديميةٍ كانت أم عرفية) في أن ندى لا علاقة لها بالغناء، ولا صوت ولا معرفة بالإداء (على الأقل كما تعرّفه أنت وفقاً لمعاييرك)

الأخ الفاضل الصادق اسماعيل

مساء الخير

للأسف ليس هنالك قاعدة للمستمع السوداني فهو انطباعي وتقليدي..
نحن شعب 99.90% ليس لديهم معرفة ثقافية بقواعد الموسيقى ولا الصوت الموسيقي كتون سليم. اي (الحرف الموسيقي بعدد ذبذباته التي تمنحه خاصيته عن الحرف او الصوت النغمي الاخر).
للأسف لا نعرف متى نشز المغني ومتى أحسن!!
النسبة التي ذكرتها أعلاه أكاد اجزم بان لا احد منهم قد أتيح له سماع النغمات الاساسية السبع من آلة بيانو تمام الدوزنه وأصواته سليمه! حتى تبين ما يسمعه من صوت المغني ان كان سليما ام لا.. ولنترك قواعد الأداء واساسياته والتي هي عصية على كبار مغنينا الذين شكلوا ذائقتنا الغنائية !!
أنا لا اظلم الجمهور لانه يستمع كما أتيح له من مقومات وحسب الظرف الاجتماعي والثقافي والحالة النفسية التي تلازم حالة الاستماع..
اما اللوم على سياسات تربوية لم تتح لامة كاملة دراسة أبجديات الموسيقى حتى ولو كانت في شكل نشاط ضمن الرياض والمدارس كما يفعل العالم المتحضر.
وللأسف أيضاً ليس هنالك في اي من القنوات الفضائية برنامج يعنى بالاستماع والتحليل ليسهم في ذوقية وثقافة المستمع.

نعم اعلم بان لندى جمهور وان بلال موسى هو فنان السودان الاول الان والقادم اكثر دهشه..

لك مودتي واحترامي اخي الصادق

Quote: للأسف ليس هنالك قاعدة للمستمع السوداني فهو انطباعي وتقليدي..

وخاصة فى حالة ندى دي يا عزيز

السنجك

Quote: عليكم الله .. ندى القلعة دي بتنسمع كيف؟؟

الأخ عزيز لك السلام و الاحترام
حاولت كثيراً في أن استمع اليها هي و أولاد الصادق و فشلت فشلاً ذريعاً
الموضوع ليس عدم استساغة ألحان أو كلمات بل الصوت و الأداء
حنان بلو بلو و سامية عزالدين في الثمانينات و رغم هيافة الكلمات إلا أنهن كنّ يطربننا بأدائهن الراقص و انسجامهن في الأداء.
غايتو ندى دي تصلح للتأريخ عن بداية انحطاط حاسة التذوق الفني لدى الشعب السوداني [ مخرجات مشروع حضاري و كده ]
و لك وافر الاحترام أخي عزيز

Quote: البقاها فنانه منو؟؟ ما عندها اي علاقة بالغنى .. لا صوت لا احساس ولا معرفة بالأداء .. مبالغة !!

أتفق معك 100 الـ 100 أخ عزيز.

ولدي رد على من صنع منها فنانة:
شكلها، حركاتها، غمزاتها وهي تغني بكل غنج وإيحاءات لا داعي لذكرها.

اما تعليق الاخ الصادق إسماعيل

Quote: طبعاً قصة الفن، والغناء بتحتاج لمعايير بتاعة استماع، أها البخت المعايير دي (الجمهور) يعنى الببقي أي فنان فنان أو مغني مغني، هو الجمهور البيستمع ليهو، ما دام عندك جمهور معناتها إنت زول فنان ومطرب وغنّاي (حسب المعيار الجماهيري.

لا اريد ان اذهب لما سيذهب له الكثيرون من تعليق شماعة فساد الحس الفني كجزء من الفساد العام الذي حل بالبلد، لكن الجيل الذي يطرب ويتفاعل مع ندى القلعة إما مراهق كبير او مراهق صغير، فإمكانياتها الغنائية التى اوردتهاهي ما تثير هذا الصنف من المستمعين، فلا كلمات ولا لحن ولا اي شىء يجعل منها فنانة، اللهم الا رزق المساكين في المجانين.

ارجو من احد الحرفا ينزل لينا يونس ود الدكيم لندى القلعة، وينزل يجو عايدين للفلاتية ... ويتأمل!

Quote: الفنانة الكبيرة/ ندى القلعة الأستاذة/ ندى القلعة أصحاب الجيوب المنفوخة لازم يجيبوا ندى القلعة في حنة العروس ناس كُبار وغُلاد تراهم حضور في حفلات ندى القلعة...يرقصوا، يبشروا، يعرضوا ويفحطوا المناسبات الرسمية والشعبية والرياضية (إلا الدينية) يجيبوا ليها ندى القلعة وندى القلعة لابسة أغلى الثياب وأثمن المجوهرات والحجارة "الكريمة" وحِنة ندى القلعة أصبحت تقليد وتقليعة، النسوان بقلدوها وحركات ندى القلعة الخفيفة (غير العنيفة مثل حنان بلولو)، ومكياجها، ونظراتها وحركة تثبيت التوب أو رفعها للرأس وووووو هلم جراء تخلي كتير من الناس مشدوهين يعاينوا، وبعضهم شلاليفهم تتجلمط الأخوان عزيز والصادق والله لا أندهش من ندى القلعة أو حسين الصادق وأضيف لهما شريف الفحيل إطلاقاً، بل أشيد بهم لأنهم صنعوا جمهوراً أو جماهير شعبية ولكن دهشتي من الذين صنعوا ندى القلعة وستأتي ندى القلعة أخرى وأخرى حوا والدة

اخي اسماعيل ببو

صباح الخير يا رائع

مداخلتك صورت الواقع المرير الذي يقيم به الفنان دون مقومات الفن ذاته!!

الانطباعية والتقليد الأعمى والمحاكاة والتنافس والتظاهر هو من يصنع فنانا في بلد يتحكم في مزاجه من يملك المال.

واسمح لي ي اسماعيل أواصل عندك ردي للأخ الصادق.. فان مسالة الغناء راقي ام هابط لا يحدده صوت المغني ولا أدائه وكم من الرواد خلدت أعمالهم لان التأليف للنص وللموسيقى كانا بمستوى تخليد العمل في زمانه.

ظللت أدافع عن الاغنية الشبابية بمقوماتها المواكبة وذلك مجاراة للتحول الكبير الذي حدث في الحياة. ولذلك ارفض وصف الاغنية بالهابطة واترك التقييم للأجيال القادمة.

اما ندى القلعة فهي لا تحمل مقومات تجعلها تقف على المسرح سوى الذهب والحنة والثياب كما ذكرت اخي ببو..

لكما جزيل ودي

ندى القلعة تُشاهد فقط ولا تُسمع

يا صاحب
متابع

صديقي حفيظ

مساء الخير ي غالي

بك دوما تطيب الأمكنة.

وبعد دا كلو أي واحد مسك عود عمل مثقف

وقادينا بي السلم الخماسي والسلم السباعي

جابو الكلام دا من وين ما عارف

بعدين هي زاتا لو جسمها زي الفنانات الراقيات زي بيونسي ولا شاكيرا

او حتي العربيلت زي ناس شيرين وباسكال معليش

دردمه وواقفا قدامك وبتنشذ

Quote: ندى القلعة تُشاهد فقط ولا تُسمع

الأخ العزيز النور

بالأمس حتى المشاهدة انتفت!!

لك تقديري

الاخ عزيز .. وضيوفك الكرام ...
بعد التحيه ..

في حاجه اسمها فنان الشباك .. بصرف النظر عن امكانياته الفنيه ..
وندى القلعه ...وصل عدادها لاكثر من 15 مليون على ما اعتقد ..
وبصعوبه تقدر تاخد معاها موعد عشان تغني ليك نظرا لازدحام الطلب عليها ...
وهذا يعني ان لها قبول من الجماهير .... وهذا هو المعيار الحقيقي للفنان...
وعلى نفس المنوال ... كان محمود عبد العزيز .. الله يرحمو

دا من ناحية عامه ....
انا من ناحيتي شايف صوتها جميل .. وحضورها انيق ..
الا انها تخصصت في الاغاني الحماسية مما اضعف امكانياتها ...

تحياتي ,,,

Quote: هس خليتا تكورك وجيت داير انوم..مع طه سليمان في النيل الازرق...

أضحك الله يومك يا باوقه

(بتكورك) تعبير صادف محله

لك التحية

Quote: ندى من مخرجات المشروع الحضاري حق الكيزان تغني (سافرة) والناس حولها آخر سلطنة واندماج

أخي مهدي

من يملك المال يملك النفوذ والسلطة
وعندما يطرب الملك تهتز معه الحاشية

لله درك يا فنون

مودتي كاملة

Quote: الحمد لله آخيرا وجدت من يتطابق رأيه مع رأي،،،، يا عزيز،،،سلام ي رجل،،،،،،،،دي بتضرسني عدييييل كدا،،،،، ربنا اغفر ليها واسامحا

الجميل الأمين

نهارك سعيد

لست وحدى يا أمين من يشاركك عدم تقبل صوتها!!

هي تؤدى من سقف حلقها دون إحساس أو معرفة بالأداء الغنائي بعد كل هذه السنوات التي قضتها وهي تؤدي هذا الدور..

تقيل تقديري

Quote: Quote: للأسف ليس هنالك قاعدة للمستمع السوداني فهو انطباعي وتقليدي.. وخاصة فى حالة ندى دي يا عزيز السنجك

الأخ العزيز السنك

نهارك سعيد

نحن شعب يجيد الإنقياد دون أن نعرف الوجه والطريق!!
هناك أصوات نسائية جميلة جدا في الساحة لم تجد حظها من القبول الذى وجدته ندى !!

مودتي وتحياتي

يا عزيز
سلام عليكم
ندى بتقول لكم الشريف مبسوط مني فموتو بغيظكم
شكلكم كدا بتفتشو ليكم لمشكلة معاها يقوم "شاعرها" داك يقطع فيكم قصيدة نجر اخضر يلحقكم حنان بلوبلو التي ردت الصاع صاعين باغنية اسمها (مغارز الدنيا) تجدون نصها بالاسفل.
غايتو مرتي وصاحبي لما يركبو معاي في العربية بقولو لي عليك الله ما تشغل ندى القلعة
ندى انا بسمع لها اغاني الحماسة فقط، لانه اغاني الحماسة والحقيبة لو غناهن حمار بهنق عديل برضو ممتعات
بداية المعركة من ندى رداً على اتهامات مبطنة من بلوبلو
الشريف مبسوط منى

عشان انا بريد فنى

مشيت ليهو باحساسى وبى طبعى الاساسى

محتشمة ملتزمة خاته توبى فوق راسى

اللكزس هدية ما علاقة شخصية

انا عرضى حافظاهو وما بدور لى وصية

الليلة والليللة السافر يا حليلا

اللكزس الفين وسبعة موديلا

سودانا حافظاهو ما رميت مستواه

خليتو لى ناس نيجيريا اللقى هواهو

لقونى مافيشة قطعو قايلنى كيشة

مشيت بى دعوة خاصة ما اتخففته ريشة

خليت الحكومة فى قلوبنا مرسومة

انا من الناس حسودة والله مظلومة

هناى وهناية امسكو القناية

المارسيدس ولكزس وبكره الهمر جاية

الحين والماتو عرفو فنى وغلاتو

والغالى بى غلاتو فى نيجيريا بضوق حلاتو

وجيت مالكم سكتو يبستو واتبكمتو

وجيت لى وطنى تانى والعاقل يطلع شجرتو

الليلة والليلا اعصابكم يا حليلا

الروزرايس جاية الفين وتمانية موديله

هناى وهناية امسكو القناية

المارسيدس ولكزس وبكره الهمر جاية

غناية من جوه مليان اغانى قوة

سيد الغرام كوبانى وامجد حمزة خوه

اللكزس هدية ما علاقة شخصية

انا شرفى حافظاهو ما بدور لى وصية

اللكزس الفريدة وفى العربات بريده

مهما الناس يقولو ياها اجمل حقيقة

حسدونى المعاية فى روعة غناية

موهوبة من قمته ما بى حظ عمايا

نيجيريا يا حليلا وعقولكم يا حليلا


لترد عليها حنان بلوبلو:

الدنيا حلوة يا ناس الدنيا
أنا أووووب من مغارز الدنيا

فنانة متين كبرتي *** ختيتي ما ميزتي

ما انا البهبشوها *** اكان بكيتي ونكرتي

تاريخك عندي حاضر *** سطرتُ في دفاتر

القاصدني هو الخاسر *** دولية ماضي وحاضر

دنيا تاخد وتدي *** مرة مرة بترضي

حقيقة بقول ليكم فوق *** الدنيا أنا قبلتَ التحدي

قبالك غنينا *** لكن ما افترينا

كلامك ما هامينا *** اشانة السمعة شينا

قبالك سافرنا *** ما افترينا انخلعنا

للسودان مثلنا *** وما جبنا سي دي فضحنا

وين ده قالوا خلاكي *** من جهلك وغباكي

لو كنتي ملتزمة *** كان رجع ليكي جاكي

عليكي الحزن خيم *** فارقك الكان متيم

باخلاقي اشتهرتَ *** ما بلكزز بتقيم

يا هناى خلاص كفاية *** وانا فاهمة الحكاية

ألفتي قصة ورواية *** وعملتي سمعة ودعاية

فنانة جاهلة وأمية *** والفن دبلوماسية

خلعتكم السفرية *** وأنا محترفة دولية

القالت : انا حاسداها *** يا الهابط مستواها

عازراها تصرفاته *** عدم الفهم ماساته

الليلة انا عازماكي *** اكان ما جيتي جاياكي

بوعِدك انقط ليكي *** بس جيبي ولدك معاكي

من قمتَ ربيانة *** وانا عيني مليانة

فلتسقط القوة *** القوة البل خيانة

أسمحوا لي إخوتي أن أوضح للأخ الكريم ناصر الجعلي
على مداخلته من الفيسبوك .. وارجع للتعقيب على ما تفضلتم به..

Quote: ناصر الجعلي · الأكثر تعليقا · شندى الثانويه بنين هل يطلب صاحب البوست أن يدرس كل الناس الموسيقي ويقعدوا يقيموا في الفنانين ده بعرف وده ما بعرف؟ الطرب إحساس حسب أذواق الناس وكل زول ليهو مزاجو الخاص وحسب رأي الأخ الصادق الناس هم البعملوا الفنان لا ذبذبات حرف موسيقي ولا صوت نغمي ولا دوزنه (غايتو مسكين الشعب ده أي واحد درس شئ يجي يطلع كل الناس جهلة ومحتاجيين تعليم)

أخي الكريم ناصر

أسعد الله نهارك باليمن والبركات

أولا أخي حاشى لله أن أصف الشعب السوداني بالجهل، فمن أتوا بي للحياة سودانيين ومن علموني سودانيين ودرست بأموال الشعب السوداني وأقل واجب أستطيع أن أقدمه لهم هو الحمد والثناء بعد الله عز وجل..
ومن حقه على (الشعب السوداني) أن أدلي بما تعلمته ولو القليل لأسهم في مجالي إيجاباً.. ولن تجد لي أي مشاركات تعنى بغير تخصصي حتى لا أكون غير مفيداً..
عندما أقول هذا يعرف وهذا لا يعرف أستند على معرفة وعلم بما أفتي فيه .. والإنسانية تتطور بنشر المعرفة والبحث العلمي والتواصل بين مختلف التخصصات..
الفنون جميعها أخي الكريم لم تصبح كما أمست عليه من زمن بعيد لقد أصبحت علوم تدرس وقواعد يرتكز عليها المهتمين لأمرها..
أما مسألة دراسة الموسيقى فهي ضرورة في المراحل الدارسية وليس للتخصص وإنما للتثقيف والمعرفة وهي تسهم في ترقية الذوق العام. ولا أعتقد بأن الدول المتحضرة تدرس الموسيقى ضمن المنهج الدراسي للاشئ كما تنتشر مدارس تعليم الموسيقى في كل الأحياء وهي دراسة للتثقيف وتكون جنب الى جنب مع التخصص الذي سيختاره في المستقبل..
الذوق يا ناصر تحكمه الحالة الثقافية والاجتماعية والنفسية..
لقد أعلن في المملكة الأردنية الهاشمية قبل أيام بأن الموسيقى ستكون أحدى مواد المنهج الدارسي.
تقبل أخي الكريم خالص مودتي وجزيل إعتذاري إذا كان البوست اتى بغير ما تحب فلك العتبى..
أخوك/ عبدالعزيز خطاب

عارف يا عزيز ..... كلامك وقع لي في جرح.

رغم كده، في حالات زي دي .. دايماً بتذكر برنامج تلفزيوني سجله تلفزيون أمدرمان (التلفزيون الحكومي لما كان إسمه أمدرمان)، في فترة الديمقراطية، مع الفنانتين "حنان النيل" وأمال النور" .. كان الكلام عن غنا البنات وقاموا إتكلموا عن الهبوط في مستوى الغنا.
كان لأمال النور رأي محترم جداً من وجهة نظري ... قالت: ما مفروض نلوم المغنيات لأنهم بيغنوا غنا هابط، لأنو لو ما لقوا تجاوب ما كانوا نجحوا .... يعني الذوق العام هو الأداهم الفرصة ... يبقى الحل في إنو نحتاج الإرتقاء بالذوق العام عشان تطلع لينا الحاجات الجميلة وينزوي ما هو دون ذلك.

لاحظ البرنامج ده كان قبل ما يقارب الـ 30 سنة، لكني متذكره بكل تفاصيله لأنو كان فيهو نقاش جميل ونماذج غناء لا تُنسى.

Quote: عزيز كيفك يا زول طبعاً قصة الفن، والغناء بتحتاج لمعايير بتاعة استماع، أها البخت المعايير دي (الجمهور) يعنى الببقي أي فنان فنان أو مغني مغني، هو الجمهور البيستمع ليهو، ما دام عندك جمهور معناتها إنت زول فنان ومطرب وغنّاي (حسب المعيار الجماهيري

لا أتفق معك
واتفق مع أخ قال هناك شئ اسمه فنان شباك
ومازال المستمع السوداني بخير والدليل عزيز اللذي لم حمل هرجلة ندى القلعة
ندى القلعة مفروض تتجكر في بنبر وتغني أغاني دلوكا وحماسة
وتزح الفرقة الموسيقية دي غادي
تجيب ليها ثلاثة بنات لي الشتم
ثلاثة شيلات ( كورس )
وعازف أيقاع ( دلوكا )
شاهد هذا الفيديو وأتخيل كان غير مصاحب للفرقة الموسيقية لكن كان بذاك المنظر اللذي ذكرته سابقاً
كورس وشتم ودلوكا
كان يكون روعة




فن غنا الدلوكا هذا الشئ اللذي يناسبها وكلمة فنان أصبحت تطلق ويصف بها كل من هبَّ دبَّ
الفن أبتكار الفن تجديد شئ لم يكن فنقل هذا فنان
فهي مطربة ولفئة معينة
أعطيك مثال أخر

المطرب عاصم البنا
شدى بأغاني الحقيبة وجضمها أحسن أدائها لكن عندما حاول أن يقتحم لون الفن الحديث فشل
ويؤدي الأغنية الحديثة بنفس طريقة التطريب في أغاني الحقيبة
مفروض يعرف خط سيره

وشوف عاصم بشتن الأغنية دي كيف



وها هي المطربة غادة حسن وشوف كان أدائها
انساني



المطرب حسين شندي يوم الفارق الفن الشعبي فشل لكن أدرك نفسه وثبت عندما عاد يغني أغاني الدلوكا
وأغاني المنطقة القديمة وكما أحدث عودة لفن الدلوكا ( اغنية الشاعر الجميل البضوي الليل أزهري محمد علي )

وشوف حسين شندي عندما صوب نفسه وعاد والعود أحمد أحسن وأجاد


المطربين محتاجين لموجهين يضعوهم في العتبة الأولى ويقولوا له هذا طريقك لو أردت النجاح
والأمثال كثيرة

عزيز يا حاسد ..ياخ ( شوف مستقبلك ) ....

كمان بقت مهندسه و بنت جواها مدن و كونتو و كونها ...

Quote: Quote: عليكم الله .. ندى القلعة دي بتنسمع كيف؟؟ الأخ عزيز لك السلام و الاحترام حاولت كثيراً في أن استمع اليها هي و أولاد الصادق و فشلت فشلاً ذريعاً الموضوع ليس عدم استساغة ألحان أو كلمات بل الصوت و الأداء حنان بلو بلو و سامية عزالدين في الثمانينات و رغم هيافة الكلمات إلا أنهن كنّ يطربننا بأدائهن الراقص و انسجامهن في الأداء. غايتو ندى دي تصلح للتأريخ عن بداية انحطاط حاسة التذوق الفني لدى الشعب السوداني [ مخرجات مشروع حضاري و كده ] و لك وافر الاحترام أخي عزيز

الأخ وليد الشيخ

تحياتي..

تعرف ي وليد منذ ان تشوبرت وخالفت رفاقي واخترت دراسة الموسيقى بقصر الشباب والأطفال تغيرت ذائقتي للغناء .. وأكملت الشوبار بالالتحاق بمعهد الموسيقى والمسرح وتخصصت صوت وبيانو..
اصبح وظل وصار وما انفك السماع للغناء ليس للطرب وإنما للتحليل والتدقيق في مفاصل مقومات الصوت والأداء والإمعان في مخرجات التأليف الموسيقي للعمل!!
وعندما يصبح هذا هو الحال يبقى من الصعب القبول بالهنات فكيف يكون الحال لو كل الأداء هنه لمؤدي لم يمتلك هبة الصوت ولا نعمة الأداء.

لك محبتي والأمنيات

Quote: Quote: البقاها فنانه منو؟؟ ما عندها اي علاقة بالغنى .. لا صوت لا احساس ولا معرفة بالأداء .. مبالغة !! أتفق معك 100 الـ 100 أخ عزيز. ولدي رد على من صنع منها فنانة: شكلها، حركاتها، غمزاتها وهي تغني بكل غنج وإيحاءات لا داعي لذكرها. اما تعليق الاخ الصادق إسماعيل Quote: طبعاً قصة الفن، والغناء بتحتاج لمعايير بتاعة استماع، أها البخت المعايير دي (الجمهور) يعنى الببقي أي فنان فنان أو مغني مغني، هو الجمهور البيستمع ليهو، ما دام عندك جمهور معناتها إنت زول فنان ومطرب وغنّاي (حسب المعيار الجماهيري. لا اريد ان اذهب لما سيذهب له الكثيرون من تعليق شماعة فساد الحس الفني كجزء من الفساد العام الذي حل بالبلد، لكن الجيل الذي يطرب ويتفاعل مع ندى القلعة إما مراهق كبير او مراهق صغير، فإمكانياتها الغنائية التى اوردتهاهي ما تثير هذا الصنف من المستمعين، فلا كلمات ولا لحن ولا اي شىء يجعل منها فنانة، اللهم الا رزق المساكين في المجانين. ارجو من احد الحرفا ينزل لينا يونس ود الدكيم لندى القلعة، وينزل يجو عايدين للفلاتية ... ويتأمل!

الأخ الجميل عادل سهل

نهارك سعيد

ان كانت المفاتن هي معيار الفنان فعلى الفن السلام..
مداخلتك اختصرت الكثير من القول اخي عادل..

لك الود والتقدير

سلام يا العزيز عزيز والاسرة العزيزة ..

يا عزيز ياخوي هي ندي براها البتسمع الزي ندي كتييييييييييير
والاسوأ منها نساء ورجال .. المهم الفن بقي مهنة يا عزيز يعني معيشة
ومتغيرات المجتمع وصلت حدها السمع يا كافي البلاء هههههههه .

تحياتي ليكم يا عزو بدون فرز ..

بهمسة :

اها يا عزو الصيف علي الابواب وما اديتونا النجيضة . فنانكم منو ولا نرسل لي ندي القلعة ؟
ههههههههههههههههههههههههههههههههههههههههههههه

لي قدام ..

.



الحمد لله عدد الرمل والحصى، انني غير مجبر أن اسمع للغناء او أشاهد كرة قدم في سودان عهد الاحتلال،
وأحمد الله عدد الرمل والحصى، آنني استمع لويتني هيوستن وآشاهد زين الدين زيدان مساعدا لمدرب النادي الملكي.


.

لست من معجبيها
و لكن أعتقد أنها فنانة جيدة و محبوبة من قطاع كبير من المجتمع السوداني صاحب الأذن الموسيقية النظيفة حتى الآن
نجاحها و إستمرارها دون فنانات جيلها يدل على أنها بتقدم فن متجدد و متنوع



طبعاً دي وجهة نظر متلقي لا يفهم في التون و نص التون و خلافو

Quote: وبعد دا كلو أي واحد مسك عود عمل مثقف وقادينا بي السلم الخماسي والسلم السباعي جابو الكلام دا من وين ما عارف بعدين هي زاتا لو جسمها زي الفنانات الراقيات زي بيونسي ولا شاكيرا او حتي العربيلت زي ناس شيرين وباسكال معليش دردمه وواقفا قدامك وبتنشذ

طارق ي زميل

مساء الخير ي الامير

المحير يا طارق مافي ولا متخصص واحد يعمل في قناة فضائية مقدم للبرامج الموسيقية والحوارية الغنائية.
ولا دراميين ولا تشكيليين. المذيعين ومقدمين البرامج يأتوا بالموسيقي او المغني ولا يمتلكون مفاتيح للحوار تفيد المشاهد!!

ويكفي دهشة عندما تعلن احدى أعضاء لجنة تحكيم برنامج نجوم الغد بانها لا تعرف الدو!!

محبتي والأمنيات يا فنان

Quote: الاخ عزيز .. وضيوفك الكرام ... بعد التحيه .. في حاجه اسمها فنان الشباك .. بصرف النظر عن امكانياته الفنيه .. وندى القلعه ...وصل عدادها لاكثر من 15 مليون على ما اعتقد .. وبصعوبه تقدر تاخد معاها موعد عشان تغني ليك نظرا لازدحام الطلب عليها ... وهذا يعني ان لها قبول من الجماهير .... وهذا هو المعيار الحقيقي للفنان... وعلى نفس المنوال ... كان محمود عبد العزيز .. الله يرحمو دا من ناحية عامه .... انا من ناحيتي شايف صوتها جميل .. وحضورها انيق .. الا انها تخصصت في الاغاني الحماسية مما اضعف امكانياتها ... تحياتي ,,,

الأخ محمد مجيدو

مساء الخير والنور

لا املك سوى ان احترم ذوقك ووجهة نظرك..

والاختلاف دوما سبب لإثراء الآراء.

مودتي وتقديري

ماتظلمها زولة فنانة شعبية جميلة