|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
Quote: تشكيلة إنجلترا المونديالية
سوبر -
كشف المدرب روي هودجسون عن قائمته المونديالية لمنتخب إنجلترا وجاءت كالتالي:
حراسة المرمى: جو هارت (مانشستر سيتي)، بن فوستر (وست بروميتش البيون)، فريزر فورستر (سلتيك الاسكتلندي).
خط الدفاع: ليتون بينز (ايفرتون)، جاري كاهيل (تشيلسي)، فيل جاجيلكا (انكلترا)، جلين جونسون (ليفربول)، فيل جونز (مانشستر يونايتد)، لوكا شو (ساوثامبتون)، كريس سمالينج (مانشستر يونايتد).
خط الوسط: روس باركلي (إيفرتون)، ستيفن جيرارد (ليفربول)، جوردان هندرسون (ليفربول)، آدم لالانا (ساوثمبتون)، فرانك لامبارد (تشلسي)، جيمس ميلنر (مانشستر سيتي)، أليكس تشامبرلين (أرسنال)، رحيم ستيرلينج (ليفربول)، جاك ويلشير (أرسنال).
خط الهجوم: ريكي لامبرت (ساوثامبتون)، واين روني (مانشستر يونايتد)، دانيال ستوريدج (ليفربول)، دانيال ويلباك (مانشستر يونايتد).
قائمة الانتظار: جون رودي (نوريتش سيتي)، جون فلاناجان (ليفربول)، جون ستونز (إيفرتون)، مايكل كاريك (مانشستر يونايتد)، توم كليفيرلي (مانشستر يونايتد)، أندي كارول (وست هام يونايتد)، جيرمين ديفو (تورونتو). |
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
ازيك يا معاوية
من ذكريات كاس العالم سنة 90 حضرناه في سجن كوبر وكان اجمل كاس عالم شاهدتو في حياتي كان لنا تلفزيون ملون كمان( احضره احد أبناء االمصارين السمنية) كانت هناك يمسابقات للتنبؤ بالفايز والنتيجة حيث كانت الجائزة باكو برنجي وكان غالبا مايفوز بها خمسة او ستة اشخاص. في يوم البرازيل والأرجنتين كل الأمة روست البرازيل ماعدا شخصي القوي حيث تنبأت بفوز الأرجنتين واحد لي مافيش! وقد كان فزت لوحدي بالباكو كاملا وخليت لك ناس د. عبد اللطيف العبادي يمصمصو في شلاليفن.
السنة دي برضو بقول ارجنتينااااااااااااااااااااااا
تحياتي لك وللأسرة
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: MOHAMMED ELSHEIKH)
|
ناس فرقة تيراب في كأس العالم 2006 سألوا (حاجة) بتبيع شاي وزلابية ، انتي يا يُمة ح تشجعي يا تو فريق في كأس العالم ؟؟؟ قامت الحاجة قالت ليهم : ح أشجع استراليا ... قالوا ليها : ليه ؟؟؟ قالت ليهم : لأن عندهم الدقيق الاسترالي والدقيق الاسترالي برمي لقيمات كتيرة أنا مع أُمنا الحاجة دي ... بشجع استراليا حتى لو طارت من الدور الأول :)
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
ايوه يا معاوية ياخ ... Come on England نحتاج لمزيد من الحظ بس أأأود المدير
هي يا معاوية ما بتدي حريف ... احسن تيم كان بتاع الفين واتنين والف سته .. احسن لعيبه في العالم ...ديفد... فرانك والود اشلي وبول اسكول
يامعاوية العالم كلو خاتينا في حتة bugs and thugs في الكورة ولسه ما قادر يعرف ان الجمهور الانجليزي وكورتو هي فاكهة كاس العالم
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: Kostawi)
|
Quote: في زول بشجع جلادو? |
ههههههههههههههههههه،
عليك الله يا كوستاوي كدي أسعل إستيفن جيرارد قولوا، بتعرف محمد أحمد المهدي ؟؟؟. يا أخي الناس ديل نسو الحكاية دي زمان وكسحو، إنتو لهسّع مكرنين فيها ؟؟؟. أها، دا السبب المخلي بلدنا بالحالة الشايفا دي. يا أخي الجلآد ياريت أهلنا لو تركوهو اليوم داك، كان أخيرلنا من جلد عميرة الحاصل في البلد دا.هههه...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
ياود المدير الحكاية ياخ ماسياسة،،،البرازيل فن،،وحاتشوف ياحبيب كيف سيرقص كل العالم طربا لهذه المهارة،،اخونا السنوسي الحبيب شايفو واهل بيته الحبيبين كلهم عشاق انجليز،،،،ماتزعلو،،،حانغلبكم نتيجة وفنونا... ا ناس حلتنا سنة1952 غلبوا فريق الخواجات المكون من مفتشى القيط فى مشروع الجزيرة ولسع محتفظين بالكاس ،والله لو اجتهدنا هسع كنا في المونديال،،،بس ما بتدي حريف...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: Kostawi)
|
Quote: ازيك يا معاوية من ذكريات كاس العالم سنة 90 حضرناه في سجن كوبر وكان اجمل كاس عالم شاهدتو في حياتي كان لنا تلفزيون ملون كمان( احضره احد أبناء االمصارين السمنية) كانت هناك يمسابقات للتنبؤ بالفايز والنتيجة حيث كانت الجائزة باكو برنجي وكان غالبا مايفوز بها خمسة او ستة اشخاص. في يوم البرازيل والأرجنتين كل الأمة روست البرازيل ماعدا شخصي القوي حيث تنبأت بفوز الأرجنتين واحد لي مافيش! وقد كان فزت لوحدي بالباكو كاملا وخليت لك ناس د. عبد اللطيف العبادي يمصمصو في شلاليفن. السنة دي برضو بقول ارجنتينااااااااااااااااااااااا تحياتي لك وللأسرة |
سلآمات يا محمد، أخباركم ؟؟؟. يكفي الأرجتين انها أهدت للعالم أُسطورة كرة القدم المارد مارادونا، بس يا اخوي ما تعوّل عليها المرّة دي. صحيح الناس ديل زي الإنجليز بيحبو الكورة، ولمان يكون لآعبين ريفر بليد، وبوكو جونير من اصغر طفل لحدي رئيس البلد بيكونوا في الأستاد، بيذكروني دار الرياضة عطبرة في تشجيعهم وحماسهم. يا محمد دي وآحدة من الحضارات السادت ثمّ بادت، صدقني...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
Quote: ناس فرقة تيراب في كأس العالم 2006 سألوا (حاجة) بتبيع شاي وزلابية ، انتي يا يُمة ح تشجعي يا تو فريق في كأس العالم ؟؟؟ قامت الحاجة قالت ليهم : ح أشجع استراليا ... قالوا ليها : ليه ؟؟؟ قالت ليهم : لأن عندهم الدقيق الاسترالي والدقيق الاسترالي برمي لقيمات كتيرة أنا مع أُمنا الحاجة دي ... بشجع استراليا حتى لو طارت من الدور الأول :) |
ههههههههههههههههههههههههههه،
يا قسم الفضيل إنت والحاجة وخالد العبيد حاتاكلوا زلآبية بمزاج. والله صحي...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
Quote: ايوه يا معاوية ياخ ... Come on England نحتاج لمزيد من الحظ بس أأأود المدير
هي يا معاوية ما بتدي حريف ... احسن تيم كان بتاع الفين واتنين والف سته .. احسن لعيبه في العالم ...ديفد... فرانك والود اشلي وبول اسكول
يامعاوية العالم كلو خاتينا في حتة bugs and thugs في الكورة ولسه ما قادر يعرف ان الجمهور الانجليزي وكورتو هي فاكهة كاس العالم |
يا السنوسي يا اخ حشرات شنو، وسفاكين دماء شنو؟. ديل ناس ما بيعرفوا معني عشق المستديرة. الإنجليز ديل قبل يشربوا شاي الصباح بفتشو أخبار الكورة. عليك الله تخيل الشباب ديل شالوا الكأس ورجعوبو المملكة، تخيل مُش شكل لندن حايكون كيف؟ بل شكل العالم كولوا؟.
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: خالد العبيد)
|
بالله بعد ارين روبين و فان بيرسي تاني يشجعو منو ؟؟؟
انا في سؤال محيرني
ارين روبن انا شخصيا اصنفه احرف من ميسي و اسرع من رونالدو
يعني بس عشان شين ما عايزين يختاروهو افضل لاعب و لا شنو
يا اسبانيا مازلنا على العهد فهل انتي على العهد مقيمة ما زلت اؤمن بأن افضل كرة قدم عند الاسبان
انا اشجع اسبانيا و الارجنتين و تحت تحت كده هولندا
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: قسم الفضيل مضوي محمد)
|
بدات مشجعا اسبانيا، وبي شيئا من ضلالي القديم، الريال وبرسلونا.. وبعضا من ذكريات واصداء 2010م .... وشجعتني اسبانيا بايقاع ولا اروع في بدايات المباراة.... فجاة كدة انهارت دفاعات اسبانيا... واستلمت هولندا زمام الامور تماما... مع التاني والتالت، وكنت اشاهد المباراة وحيدا.... ميلت طوالي مع هولندا... يا ود المدير يا صديقي نحن نشجع اللعبة الحلوة... دحين انجليزنك ديل لو في اللحظة ديك سووا زي سوات هولندا معاهم معاهم، وكمان لو تراجعوا، نحن مع الحلوة.... ..................... ما زلت اضحك من الاعماق على خبر قراته منذ سنوات ان فرنسا ارجعت حوالي المائتين من المشجعين الانجليز المشاغبين، اها ان شاء ما يكونوا وصلوا البرازيل..
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: Ahmed Elsadig)
|
Quote: Imad Mahmoud · يعمل لدى WGH شكرا.الناس ديل-الانجليز- فضلهم على كرة القديم كبير.هم من اخترعها بشكلها الحالي. عندهم احسن دوري في العالم تشهد لهم الارقام بذلك.هم من ارسو قوانينها -بالمناسبه هم من ادخل كرة القدم البرازيل عليك الله ده براهو ما كفايه |
طبعاً كفاية. عماد يا زول يا سمح إزيّك. صدقت يا عماد هم الخلوها (سبايسي) وقدموها للعالم علي طبق من ذهب، زي الملآكمة، قبل محمد علي كانت مسيييخة بعد وضع لمساتو عشقها الجميع. الناس ديل حبوها شديد ومن حقها عليهم أن تمنحهم الكأس هذا العام. مُش حا تقدر تتخيل شكل المملكة كيف لو رجعو بالكأس!!!.
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: عادل الباهي عبدالرازق)
|
Quote: ياود المدير الحكاية ياخ ماسياسة،،،البرازيل فن،،وحاتشوف ياحبيب كيف سيرقص كل العالم طربا لهذه المهارة،،اخونا السنوسي الحبيب شايفو واهل بيته الحبيبين كلهم عشاق انجليز،،،،ماتزعلو،،،حانغلبكم نتيجة وفنونا... ا ناس حلتنا سنة1952 غلبوا فريق الخواجات المكون من مفتشى القيط فى مشروع الجزيرة ولسع محتفظين بالكاس ،والله لو اجتهدنا هسع كنا في المونديال،،،بس ما بتدي حريف... |
يا قريبي صدقني البرازيل حا تمشي مساطب المتفرجين، ما تعولوا عليها كتير.
دحين شُفت هولندا ؟؟؟...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
Quote: انت زولي تب يا ودالمدير ، انا كمان بشجع انجلترا وشايف المرة دي تشكيلتا افضل تشكيلة من عشرين سنة او اكثر على مستوى المنتخب ، بس المصيبة المدرب سيء جداً وكلاسيكي ولا زال يلعب على الكرات العكسية و4\4\2 التقليدية . |
أحمد سيد أحمد، أهلاً بيك في الملجة.
التشكيلة المرّة دي فيها مجموعة من الشباب، نشوف الزول دا حا يعمل معاهم شنو ؟؟؟...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
حتي الآن مفاجأة كأس العالم هزيمة كوستريكا للأرجواي. عرض الأرجواي في كأس العالم الفات كان رفيع جداً !!!.
كامبل، فنان لعاب مصدر خطورة علي طول الخط. خوفني عدييييل كدا. والله صحي.
عندو تصريح قال فيهو، كوستريكا حا تهزم إنجلترا. الكلآم النفر دا حدو قريب. حارس مرمى كوستريكا ما ساهل...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: خالد العبيد)
|
Quote: ساحل العاج مسيطر على الملعب من قولة تيت عرض وطول وبيلعبو كورة جميلة وومتعة
الاول انتهى اكيد الساحل عندو كلام في الشوط الثاني |
الظاهر يا خالد حايكون عندهم كلآم في المونديال كلو. خطوط متكاملة وإنسجام تام مافي ذلك شك، بس في شوية إستعجال. اليابانيين منظمين وعندهم حماس شديد، ومصرين علي الفوز...
| |
|
|
|
|
|
|
Re: أنـا غـايـتـو حـا أشـجّـع إنـجـلـتـرا ... (Re: معاوية المدير)
|
Quote: في الدورة الأولى مجبورين تشجع الافارقة لحدي ما يسوا قدرتهم ......... بعد داك نشوف ممكن نشجع منو .. اصلنا فراجة ساااااي |
سلآمات يا محمد جبرة،
والأفارقة إن شاء الله ما يخذلوك، ونشوف الكأس في القارة السوداء. لحدي الآن ساحل العاج تُعتبر واحد من أقوى الفرق اللعبت. نشوف الليلة مستوى الأرجنتين والبرتقال كيف ؟؟؟...
| |
|
|
|
|
|
|
|