حليلك يا باسم يوسف: آخر التضامن هاشتاج وتويتة...

كنت استمتع جدا بمتابعة حلقات البرنامج رغم تحفظي على بعض التجاوزات احيانا
لكن..
أهو حال الدنيا وكدا

سلآمات يا ود البشرى.

امبارح في الإذاعة كان في برنامج عن باسم يوسف
ما قدرت اكمّل متابعته عشان أعرف الحاصل شنو ؟.

شكراً ليك.
خسارة كبيرة، ودا حال عالمنا...

هلا ود المدير..
توقف البرنامج الساخر ح يفرق معانا, عدد من قنوات اليوتيوب بتحاول تقلّده لكن غير ناجحة

في باقي الفيديو توجد أسئلة واحد قال ليه في معناه انك كدا تخليت عن ررسالتك قال ليه بالواضح كدا ما في داعي للمزايدة لأنك لو حصلت لي حاجة حد تضامنك آخره هاشتاج و تويتة
قرب يقول ليه مناضل كيبورد :)

بصراحة يا جرجير
لا استطيع ان اخفي شماتتي او اكتم ضحكاتي
ثم السلام عليكم

وعليكم السلام
يا ود الفكي حليلو هو
باسم دا ما غسل وكوى مرسي و الأخوان كان حلو حينها أسي بقى مر ولاّ كيف !!

لكل مقام مقال ولكل زمان رجال
قدامنا ملفات هامة ومهمة ابرزها براءة ابو علاء، فما دايرين جوطة ولمة فارغة

يا ود البشرى اسمو "هاشتات " تتتت بالتاء
انت مابتقرأ جرايد سودانية ولا شنو؟
يعني انت بتعرف اكتر من ناس الجرايد بتاعت السودان؟

Quote: بصراحة يا جرجير لا استطيع ان اخفي شماتتي او اكتم ضحكاتي ثم السلام عليكم

أيام محاكمة قادة 25 مايو طلبة كمبوني الخرطوم طلعوا
مظاهرة وكانوا يهتفوا، مكتب شدو نحن نهدو، مكتب شدو نحن نهدو.
إطلع عليهم شدو عليه رحمة الله مخاطباً بقوله لهم، ما قلتوا دايرين
ديموقراطية، تهدوهوا ليه ؟؟؟...

لم استطع متابعة الفيديو يا هندسة ولكن ..
باسم يوسف واحد من رموز المرحلة المسماة بالربيع العربي ..
والربيع العربي ذاتو -في تصوري- عملية مستمرة نحو غايات إنسانية عليا يستغرق الوصول اليها سنوات وسنوات ..
أمثال باسم يوسف يختصرون الكثير منها ..
يا راجل ده انتهي من الكيزان في اقل من سنة :)

..
الأخيرة صيغة مبالغة ليس الا ولكن ..
لو كان لاحد ان يدعي ذلك لكان باسم يوسف بتعرية الخطاب الديني ونزع القداسة الزائفة عنه ..

الاستاذ / البشرى ..
لماذا انتقدته القنوات عندما سجل حلقة عن السيسي ..

ولكني لاحظت ان الرجل له قيمة كبيرة ( عالمية )
وقد شاهدت برنامج في سي ان ان عنه ..
حيث وجد مساندة بلا حدود
حقيقة اخي بشرى كانت حلقة ( الزي العسكري في غرفة النوم ) حاجة رائعة جداً


لك التحية

Quote: باسم دا ما غسل وكوى مرسي و الأخوان كان حلو حينها أسي بقى مر ولاّ كيف !!

ما حصل حضرت حلقة كاملة للبرنامج !
مزيج من الطرافة والسخافة !!
يبدو انه قد اتم الدور المرسوم له بنجاح ... عالم تخاف ما تختشيش !!
مصر رجعت كم وتلاتين سنة لورء
الاخوان كانو سيئين ... ولكن القادم (العائد) اسوأ
تحياتي يا ود البشرى

خسارة كبيرة

كل الاعلام العربي الخاص (الفاعل ) تحت سيطرة مصر والسعودية

واذا ما تطابقت مصلحه البلدين بكل تاكيد اى حاجه ما عاوزنها ما حا تلقى مجال فى الفضاء