Post: #1
Title: المواسم ضبح عديل كدة
Author: عبدالحفيظ ابوسن
Date: 06-07-2014, 08:38 AM
كنا زمااااان بنقرا مجلات ميكي وسوبرمان وبونانزا وووو المصورة
وصادفتنا كلمة غريبة
اوكاوزيون !
وبتظهر مع المواسم
الصيف
الشتاء
الاعياد
المدارس
وبتعني التخفيض في الاسعار
|
Post: #2
Title: Re: المواسم ضبح عديل كدة
Author: عبدالحفيظ ابوسن
Date: 06-07-2014, 08:44 AM
Parent: #1
ودي مجلات مصرية ولبنانية
يعني الدول دي تجارها بخفضوا الاسعار في موسم الاستهلاك
الشتاء بخفضوا اسعار لبسات البرد والبطاطين والدفايات مثلا
ومش بخفضوا وبس , بل بطلعوا المخزون العندهم في المخازن للجمهور
|
Post: #3
Title: Re: المواسم ضبح عديل كدة
Author: عبدالحفيظ ابوسن
Date: 06-07-2014, 08:55 AM
Parent: #2
وهنا
تعال شوف وادي ربك العجب
حكومة وتجار
والناس علي دين ملوكها
|
Post: #4
Title: Re: المواسم ضبح عديل كدة
Author: عبدالحفيظ ابوسن
Date: 06-07-2014, 11:08 AM
Parent: #3
حين ميسره
|
Post: #5
Title: Re: المواسم ضبح عديل كدة
Author: عبدالحفيظ ابوسن
Date: 06-07-2014, 11:30 AM
Parent: #4
التشفي !
اي زول داير يتشفي في اخوهو
ملوة الويكة شان رمضان من 20 لي 70
ملوة البلح بركاوي من 25 لي 40
وشان المدارس
زي المدرسه فوق في السماء
النعلات
الشنط
اشتريت جزمة ب 85 وكانت ب 35
وشن الجزمه هي ! اسم جزمه بس ,,, قماش ,,
لامن تحسب ك رب اسرة بتلقا نفسك مستنزف دون رحمة
|
Post: #6
Title: Re: المواسم ضبح عديل كدة
Author: عبدالحفيظ ابوسن
Date: 06-07-2014, 12:17 PM
Parent: #5
ثقافة التشفي ,, اي زول داير يعفص زول شان يطلع فوق
فقير يستغل فقيرا مثله
البيع والشراء بقا مرهق
قاعد معاي صديقي ياسر محمد صالح زنون المحامي ,, جا تاجر متجول للادوات الكهربائيه , قال لي داير مكنه حلاقة ,,, قلت ليهو انا بشتريها ليك لكن انت اسكت
بي كم المكنه
ب 120 ألف
قلت ليهو كتيره ما دايره
قال لي قول كلامك
قلت ليهو كلامي بعيد وما بنتفق
لا قول افتح الله ويستر الله
قلت ليهو ب 25
تصنع الزعل
في النهايه اشتريتها ب 30 ألف فرق 300% من سعرو
معقولا لكن
اي والله ياسر قاعد وهسه ممكن يكون بقرا فيها
|
|