Post: #1
Title: يا مغتربين،،العندو ارض،،افقدا،، سجلات وموقع،،في لفح عجيب...
Author: عبدالعزيز عثمان
Date: 06-06-2014, 08:23 PM
يا مغتربين،،العندو ارض،،افقدا،، سجلات وموقع،،في لفح عجيب...
هذا تنبيه اخوي للناس العدو عمرهم شقيانين...
من صديق محام متابع...
العندو ارض ورق اعمل جك،،،ما بتكلفو حاجه
يتاكد انها باسمه
وانها في الطبيعه قاعده بي صمتا
اضيف..
اصلو اخوي لقه ارضو عند زول تاني
وصاحب الراي يميز حقو...
وما دايرين نخلعكم اكتر..
|
Post: #2
Title: Re: يا مغتربين،،العندو ارض،،افقدا،، سجلات وموقع،،في لفح عجيب...
Author: عبدالعزيز عثمان
Date: 06-07-2014, 03:11 AM
Parent: #1
الاخ امبده ،،ظني ان التزوير غالبا يحدث في الاراضي غير المسجلة باسمك،،اي توقف الشراء عند التوثيق،،،فعموما.
- استخرج شهادة بحث للتاكيد
- خذ خريطه ومساح واستلمها ع الطبيعة
- جيب ليك حجر مساحة ادفنو فيها
- تفقدها او خلي اهلك يتفقدوها
----
ود البدري،،،يعني تبقي عليكم ميتة وخراب ديار
عليكم بالارض الزراعية الخصبه
هي الفيها الرجا..طال الزمن ولا قصر..
امبده امبدة · Miramar High School
مشكور على النصيحة والله يستر علينا . أصله المغترب حقه ضائع هنا وهناك . بس كمل جميلك وقول لنا في حالة الواحد لقى قطعته إتلفحت يعمل شنو عشان يرجعها .
رد · أعجبني · متابعة المنشور · منذ 5 ساعات
Aati Badri · كلية الهندسة جامعة عين شمس
ياعبغز
ياخي ما قلت الارض ما منها فايدة ونحن هديناها واصدقنابا
تاني شنو
|
Post: #3
Title: Re: يا مغتربين،،العندو ارض،،افقدا،، سجلات وموقع،،في لفح عجيب...
Author: Osman Musa
Date: 06-07-2014, 05:50 AM
Parent: #2
عزيزنا عبدالعزيز
سلامات
ياخ هو لفح نصاح ؟
قبل هجرتي الما كانت بي يدي يا شيخ عبدالعزيز . كان في سمسار محنك يجيد لغة الطلاقات .
شبكني في لابد ولابد أشتري زريبة فحم فوق لي سوق ليبيا . مساحة الزريبة كانت 4 ألف متر مربع .
يازول من جاي ومن جاي أشتريت وطلعت شهادة القطعة ( وعمك شبكني ليك دي زريبة فحم ليها ضل )
بعد 12 سنة كانت العودة الحزينة يا عبدو .
أنقر الحصل شنو ؟
لقيت زريبتي حقت الفحم بقت جامعة القدس ههههههههها
يعني فجة الجامعة دي الليلتي . لوكان أشتريت الزريبة دي في ولأية كنتاكي كان كنت أكون أكبر تاجر فاصوليا في كنتاكي .
ياخ دي أكعب حكومة في تاريخ البشرية . غايتو ربنا يصلح الحال .
|
Post: #4
Title: Re: يا مغتربين،،العندو ارض،،افقدا،، سجلات وموقع،،في لفح عجيب...
Author: عبدالعزيز عثمان
Date: 06-07-2014, 03:51 PM
Parent: #3
بركا الشالوها منك ياعثمان....
ياخ انت زول صديق بئة،ومحب للشجر والاخضرار
تجي تسام في قطعو وحرقو...
انت ما عارف الحرامية قطعوا كل الشدر في البلد...
بعدين لما تبقي علي عجبستان،،،ارضك جاهزه
نزرعها عنبا وابا
برتقالا وجوافة ومانجو
نخيل
وزهور
عباد شمس وبنفسج
خليك من الخرطوم ودخاخينها وحرمنتها...
|
|