Post: #1
Title: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: فرح
Date: 06-06-2014, 05:21 PM
Parent: #0
تخرجنا سويا انا وفريده بنت المدن الطيبه طيبه اهل الريف والانيقه والجذابه جاذبيه بنات المدن من جامعه الخرطوم من كليه الهندسه قسم العماره .. فريده على خلق وعلى تأدب وعلى رقه واضحه للجميع ... انا اتيت كليه الهندسه من قريتى بنسبه تشبه دايما نسب ابى و امى العصاميان فى التفوق على الفقر والمرض والاميه بجساره وبصبر وبهذه الصفات الورايثه التربويه اصريت على المضى فى هديهم وصلت مقاعد الدراسه الجامعيه بكدح وتضحيه ابى و مثابره امى و وتعاظم ظنهم بنا وحسن ظنهم بى وبأخوتى الصغار .. تفوقت دون مساعده من احد و سكنت طيله الخمس سنوات داخليا و أكلت وشربت مع الاصدقاء والاحباء اسرى البديله فى الجامعه دون ان ادفع قرشا كنت بسيطا وفلاحا وشجاعا وبى بساطه وطيبه اهل الريف كنت بطلا فى كل ساحات النشاط الطلابى السياسى و الشعرى وكنت شاعر بالفطره ووسيما وسامه المزارعين الخشنه و حنونا بقلب امى وشجاعا بقلب ابى و صبورا بصبر جدى وريفيا لاقصى حد و متفوقا لاقصى حد وثائرا لاقصى الحدود كنت يا فعا و متفائلا و نبيلا و احلم بالخل الوفى والغول والعنقاء والمدن الفاضله و الرفاهيه وكل الشعارات النبيله و الحبيبه والوطن ترافقنا انا وفريده فى افكار واحده و تحابينا على هدى هذه الافكار و تعاهدنا على رعايه حبنا وافكارنا ... و تخرجت وودعت رفيقتى طيله دراستى عملت بكد و شرف و تعرقت يداى وارجلى من العمل بكت عيناى مرارا و ادميت ارجلى من العمل بشرف وتلقيت تسع عروض للعمل بدون شرف و سبعه محاولات للغش فى المبانى و اكثر من عشرمحاولات للفساد ورفضت كل الفساد . تزوجت من رفيقه دربى بعد خمس سنوات وهى فريده حقا تحمل نفس افكارى و تحمل نصف قلبى وكل وجعى و عانينا طيله الخمس السنوات الاولى عرفنا كل اطراف المدن وكل انواع المواصلات والمستشفيات الحكوميه انجبنا بنينا وبناتا و علمناهم لايصح الا الصحيح و الحق يعلو ولا يعلى عليه والانسان ميت لا محاله والمال بجى وبمشى والطيبون للطيبات و علمناهم كيف يكونون كاظمين الغيظ وعافين عن الناس و متعففين ونبلاء وكرماء ,, فريده تفوقت فى الصبر والنبل و الثبات و الجلد وتفوقت بجداره ايضا فى الحب تفوقت بتوفق اولادنا وتفوقت بتوفقى انا على المكرهات والموبقات والمال الحرام و اكلناها حلال انا وفريده و الاولاد ... فريده تركت كل شى للعاصمه و العواصم تركت الخرطوم و اختارت الحياه من الصفر رغم كل محاولات الهدايا و الشقق و السفر من اسرتها فضلت شراكتى النبيله .. لم نسافر ولم نهاجر ولم نهادن ولن نبيع ولن نبيع ولن يبيع اولادنا ونكون كما كان اهلنا ...
انجبنا بناتا جميلات صاحبات ضفائر وطوال القامه وعلى درجه متناهيه من هدؤ الام و سكينتها وانجبنا بنينا على درجه ماساهله من رجوله جدهم و قسمات الريف فى محياهم و مقدرتهم على التحمل كالمزارعين فى قريتنا المغموره
أسال الله ان ينير طريقهم وفى هدى والديهم واجدادهم فى الطريق المستنير المستقيم ...
ننام جميعا فى العاشره ونصحو جميعا مع الفجر انا الى عملى وشريكتى الى عملها و بناتى كلهم الى كليه الهندسه و ابنائى الى كليه القانون بنفس الجامعه .. نعيش الحياه بسعاده متناهيه و بحب وبصدق رغم كل شى علمنا اولادنا الحياه و الاستقامه ... وحياتهم مستمره فى سكه والديهم ....وماشين فى السكه نمد °°° محبتى انا وفريده و البنات و الاولاد ....
دعواتك لينا بالثبات ...
|
Post: #2
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: اميرة السيد
Date: 06-06-2014, 05:43 PM
Parent: #1
انت رجل سعيد نجحت في زواجك .. ونسأل الله لكما بالثبات .. وفعلا شريكة حياتك فريدة في سلوكها وفي طبعها واسم على مسمى. وان شاء الله تدوم السعادة
والله يديكم الصحة والعافية
|
Post: #3
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: عمر نملة
Date: 06-06-2014, 05:54 PM
Parent: #2
سلام
| Quote: علمناهم كيف يكونون كاظمين الغيظ وعافين عن الناس |
عمري كله بحاول اتعلم ديل. علمني ...
|
Post: #4
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: اميرة السيد
Date: 06-06-2014, 06:33 PM
Parent: #3
Quote: سلام
Quote: علمناهم كيف يكونون كاظمين الغيظ وعافين عن الناس
عمري كله بحاول اتعلم ديل. علمني ... |
>>>>>>>>>>>>>>>>>>>
عزيزي عمر نملة
انت عارف يا عمر ان أعب شئ في الدنيا ان تكظم الغيظ وتعفو عن الذي اساء اليك ..
وانا عرفت ان اكثر ناس بيكظموا الغيظ وبيعفوا عن الذين يسئون اليهم هم اهلنا الصوفية ..ودائما الصوفية بيقولوا ليك اذا زعلت من زول زعل شديد لغاية ما تقرب تقتله اول حاجة تعملها اذا كنت واقف تقعد
واذا كنت جالس تقيف وتقول اعوذ بالله من الشيطان الرجيم .. لأن الشيطان هو البنفخ فيك عشان تأذي الأساء اليك ويقول ليك" انت ما شايف الزول ده بيهينك كيفن!! اضربه .. اقتله...
وبكده ممكن يا عمر تتعلم تكتم الغيظ وتعفو عن الذي اساء اليك
أها قصرت معاك!!
والله يديك العافية
|
Post: #5
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: الصادق اسماعيل
Date: 06-06-2014, 06:39 PM
Parent: #4
حيرت البورداب يا فرح
إنت خليت بوسطن وجنيف والمسكلة ورش الحوش عشان خاطر عيون فريدة
|
Post: #13
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: فرح
Date: 06-11-2014, 04:41 AM
Parent: #5
الصادق سلامى و الله جعل الطمأنينه فى قلبك و اداك السعاده و سلامى ليك
|
Post: #7
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: فرح
Date: 06-10-2014, 03:40 AM
Parent: #3
يا عمر سلامى والله يجعلك من الطكاظمين الغيظ
|
Post: #6
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: فرح
Date: 06-10-2014, 03:39 AM
Parent: #2
شكرا يا الاميره اميره على كلامك الطيب
|
Post: #8
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: ismeil abbas
Date: 06-10-2014, 08:42 AM
Parent: #6
مرحباً بعودتك أخ/فرح...هل هذه قصة حقيقية أم نسج خيال.؟...عموماً إن كانت واقع فربنا يسعدكم ....
ألأخت /أميرة السيد لك التحية والتقدير.
Quote: ودائما الصوفية بيقولوا ليك اذا زعلت من زول زعل شديد لغاية ما تقرب تقتله اول حاجة تعملها اذا كنت واقف تقعد
واذا كنت جالس تقيف وتقول اعوذ بالله من الشيطان الرجيم .. لأن الشيطان هو البنفخ فيك عشان تأذي الأساء اليك ويقول ليك" انت ما شايف الزول ده بيهينك كيفن!! اضربه .. اقتله...
|
نسأل الله أن يجعلنا من الكاظمين الغيظ والعافين عن الناس وهذا نهج صعب ونسأل الله أن يوفقنا جميعاً له..وهذا نهج نبوة ,وقد أوصانا الرسول صلى الله عليه وسلم لكثير من مثل هذه الافعال الطيبة ليعيش الناس فى سلام ووئام....وهذا نهج ألأسلام والسنة...
تقديرى وإحترامى.
|
Post: #9
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: عادل سهل
Date: 06-10-2014, 08:54 AM
Parent: #8
ولم تكمل فصول القصة يأخ فرح.
هل أديتم فريضة الحج.
زمان نحن لما كنا طلبة ، كنا بنقول إنه دورة حياة الانسان، يقرأ ويتخرج ثم يشتغل فيتزوج وينجب أبناء ثم يحج، ويتوكل على الله....
أمد الله في عمريكما وجعلكما ذخرأ للمهندسات والقانونيين، ونفع بكم، في مثل هكذا سعادة.
لا تصرح بذلك بعد الآن، فالانسان يحسد على السعادة.
تحياتي.
التعديل لحرفين خطأ
|
Post: #10
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: ALWALEED ALSHEIKH
Date: 06-10-2014, 10:02 AM
Parent: #9
الأخ فرح السلام عليكم
غايتو بوستاتك كلها عبارة عن فرح متواصل ربنا يفرحك دنيا و آخرة و يا ريت البوستات كلها تكون لطيفة و عميقة زي بوستك ده.
ربنا يحفظك و يحفظ الأسرة و يوفقكم دنيا و آخرة.
و لك خالص التقدير و الاحترام
|
Post: #12
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: د.محمد حسن
Date: 06-10-2014, 10:11 AM
Parent: #10
القصة جميلة لاغبار عليها تشابه قصص كثيرين من ابناء بلدنا الطيب مع اختلاف الاسماء
بس في حاجة ما فهمتها
فرح ده ياهو فرح الزمان داك
والا فرح جيد
وبصراحة الواحد بقى مطشش فقد تشابه علينا الكيزان
|
Post: #11
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: ياسر السر
Date: 06-10-2014, 10:07 AM
Parent: #9
الاخ فرح يا ريت يدوم هناكم ,,, وتوفيها وتوفيك وتحرسو وفاكم ,,, فعلا الحياة اذا كانت كده اكيد حا تكون سعيده بكل المقاييس وحا تكون سهلة وجميلة ربنا يديم عليك هذه النعمة ويخلي ليك فريده والاولاد جميعا ,, ويوعدنا بحياة مثل هذه الحياة الجميلة ..
تحياتي : ياسر العيلفون
|
Post: #14
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: فرح
Date: 06-11-2014, 04:44 AM
Parent: #8
الحبيب اسماعيل سلامى ومودتى القصه من خيالى للحقيقه ومحاولات خواطر بسيطه بكتبها من مره لى مره مره سفر ومره استقرار و اهو ما اتمناه وسلامى ليك وللاسره
|
Post: #15
Title: Re: فريده تركت كل شى للعاصمه و العواصم تركت الخرطوم و اختارت الحياه من الصفر معى .. مودتى
Author: حامد بدري
Date: 06-11-2014, 07:15 AM
Parent: #14
Quote: تزوجت من رفيقه دربى بعد خمس سنوات وهى فريده حقا تحمل نفس افكارى و تحمل نصف قلبى وكل وجعى و عانينا طيله الخمس السنوات الاولى عرفنا كل اطراف المدن وكل انواع المواصلات والمستشفيات الحكوميه انجبنا بنينا وبناتا و علمناهم لايصح الا الصحيح و الحق يعلو ولا يعلى عليه والانسان ميت لا محاله والمال بجى وبمشى والطيبون للطيبات و علمناهم كيف يكونون كاظمين الغيظ وعافين عن الناس و متعففين ونبلاء وكرماء ,, فريده تفوقت فى الصبر والنبل و الثبات و الجلد وتفوقت بجداره ايضا فى الحب تفوقت بتوفق اولادنا وتفوقت بتوفقى انا على المكرهات والموبقات والمال الحرام و اكلناها حلال انا وفريده و الاولاد ... فريده تركت كل شى للعاصمه و العواصم تركت الخرطوم و اختارت الحياه من الصفر رغم كل محاولات الهدايا و الشقق و السفر من اسرتها فضلت شراكتى النبيله .. لم نسافر ولم نهاجر ولم نهادن ولن نبيع ولن نبيع ولن يبيع اولادنا ونكون كما كان اهلنا ...
انجبنا بناتا جميلات صاحبات ضفائر وطوال القامه وعلى درجه متناهيه من هدؤ الام و سكينتها وانجبنا بنينا على درجه ماساهله من رجوله جدهم و قسمات الريف فى محياهم و مقدرتهم على التحمل كالمزارعين فى قريتنا المغموره
أسال الله ان ينير طريقهم وفى هدى والديهم واجدادهم فى الطريق المستنير المستقيم ... |
ربنا يسعدك ويغتي عليكم
الرزق والاجل عند كريم مقتدر وانت يافرح جسدتها لينا بي قصة حياتك وتجربتك الانيقه المفيده بالجد فخر انتم للسودان
|
|