الكلام دا صحي ؟

من الفيسبوك :

أحداث 11من سبتمبر 2001
نعلم أن المركز الذي دمر يوم 11 سبتمبر 2001 يقع في نيويورك في شارع جرف هار وهذا الاسم ذكر في القرآن الكريم في سورة التوبة.
قال تعالى : " أفمن أسس بنيانه على تقوى من الله ورضوان خير أم من أسس بنيانه على شفا جرف هار فانهار به في نار جهنم والله لا يهدي القوم الظالمين"
( 108 – 109 ) سورة التوبة.
تقع هذه الآية في الجزء ( 11 ) وهو يوم الانهيار ورقم السورة ( 9 ) وهو الشهر الذي وقع فيه الانهيار و عدد كلمات السورة ( 2001 ) وهي السنة التي وقع فيها الحادث و رقم الآية ( 108 – 109 ) وهما رقما البرجين.
قال سبحانه .. [ سَنُرِيهِمْ آيَاتِنَا فِي الآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الحَقُّ ] [فصلت:53]
سبحان الله وبحمده
سبحان الله العظيم
اشهد ان لااله الا الله واشهد ان محمد رسول الله
اللهم احسن خواتمنا وارحمنا برحمتك يااكرم الأكرمين

Quote: شارع جرف هار

جرف هار الإنجليزية هل بتعادل

جرف هار العربية

Quote: عدد آياتها 129 آية .

حمد يا حبيب كيفنك واخبارك
يعني مؤلف القصة دي عايز يقول لينا لنو العمل الارهابي الراح ضحيتو مسلميين حقيقيين كان معجزة؟؟
بعدين الرقم 129 اوع يكون رقم الطيارة الفجرت البرج!؟؟
العقل التكفييري مدهش وعجيب في محاولته خم عقول الناس .
تحياتي.

واذكر في نسخة ال ميكووسفت القديمه ان هذا الارقام تعطيك رمز الجمجمه والسيفين

اليلة يا حمد شيل شلتك مع تبارك وسيف النصر دا من جهة - من جهة أخرى الكلام نحن سمعنا بي كلامك دا أو أنا في الحقيقة من 2003 أي قبل 11 سنة وانتا يا حمد يا دوب وصلك الكلام دا مرنا علينا قبل ظهور الفيس والواتس وأي حاجة زاتو :) ... مع كلامك دا برضو كان لما تدخل برنامج الوورد وتمشي خط AVG على ما اعتقد وتكتب ... دقيقة أمشي برنامج الوورد وأجيك قاعدين يقولوا شنو في ذلك الوقت بخصوص تفجيرات 11 سبتمبر ...

للكلام الداير اقولوا يا أخ حمد انه الكلام دا قدييييييييييييييييم جدا وظهر قبل ظهور الفيس بوك ... وكلام الاخت اخلاص المشرف هو الكلام القاصدو انا - كان لما تغيير أحد الخطوط على برنامج الوورد وتضغط على 11 9 بظهر معاك برجين بضغطك على الرقم 11 وعندما تضغط على 9 تظهر معاك الطائرة :)

سؤال المليون يا حمد هل الاستخبارات الامريكيه هي من رتب الامر برمته ام ان بن لادن رتب كل جزئيات الامر ام هو ما ادهشك من تدابير اعلي من العقول

حمد يا صاحبي
أعمل زايغ وأجرك على الله

أو أعمل بالحكمة

الكنينة
خلي ( البتاع ) يغتس نحنا إتأذينا

يادوب صحيت؟
انت نومة كهفط صغيرة كده مالها؟
الكلام ده انتشر من 2001
حمد بالغت

د. مرتضى

كيفك يا زول

الرقم 129 دا جيبتو من وين ؟ في مداخلتي ما في ولا يكون انسحب في الليل بكرامة جهادية

دا ياهو الدجل الكجور البقولوا عليهو تفسير لحاجة حصل زيها كتير رغم اختلاف درجة الهجوم ما عارف ليه ما فسروها

حمد سلام
أي جنون دا وخزعبلا ت دي يا متشدد
أمشي أقرأ التفسير للايات وتعال نتفاكر
كلامك دا غريب جدا

مرحب إخلاص المشرف

زمن نسخة مايكروسوف القديمة أنا كنت بره الشبكة

Quote: سؤال المليون يا حمد هل الاستخبارات الامريكيه هي من رتب الامر برمته ام ان بن لادن رتب كل جزئيات الامر ام هو ما ادهشك من تدابير اعلي من العقول

هجمات سبتمبر دي حمدها في بطنها رغم الترجيح الواضح لكفة بن لادن

وما في أي دهشة أي بشر ممكن يعمل العمل دا لو عزم عليهو، صحيح صعوبة حدوثوا في أمريكا ممكن تشكك برضو في ضلوع الاستخبارات الأمريكية

قسم الفضيل

مالك بتكنتك ياخي

Quote: من جهة أخرى الكلام نحن سمعنا بي كلامك دا أو أنا في الحقيقة من 2003 أي قبل 11 سنة وانتا يا حمد يا دوب وصلك الكلام دا مرنا علينا قبل ظهور الفيس والواتس وأي حاجة زاتو :) ... مع كلامك دا برضو كان لما تدخل برنامج الوورد وتمشي خط AVG على ما اعتقد وتكتب ... دقيقة أمشي برنامج الوورد وأجيك قاعدين يقولوا شنو في ذلك الوقت بخصوص تفجيرات 11 سبتمبر .

ياخ نحن الكمبيوتر في عضمو اتعلمناه بعد 2002 تقولي كانت وما كانت وهسة كلامك البتقول فيهو دا انا ما فاهم فيهو أي شيء نحن ناس دركسون ساي

تحياتي

عاطف عمر

اخبارك والعيال لو قاعدين معاك [ شايفك شغال حي ووب مع الشفيع وراق ما قلتو نوبة

Quote: أعمل زايغ وأجرك على الله أو أعمل بالحكمة الكنينة خلي ( البتاع ) يغتس نحنا إتأذينا

أنا يا عاطف ما محيرني الكلام دا لكن محيراني قصة التفسير العلمي للقرآن دي يعني الناس ديل انتظروا لمن العلوم قامت حتى جايين يفسروا القرآن بموجبها

مفروض الأسم يكون التفسير القرآني للعلوم ويكون قبل وضع العلوم موش بعدها

ميتافيزيقيا عجيبة ياخ

Quote: الرقم 129 دا جيبتو من وين ؟

حمد يا حبيب كفك واحوالك ؟
الرقم هو عدد آيات سورة التوبة ،ولم يرد في اقتباسك
بس قنا نسأل لانو رقم ما بتفوت في المعادلة دي
كن بخير يا صاحب.

د محمد حسن

أخبارك شنو
ذكرتني قصة هيثم الرائح من أهلو وسألو منو المسطول

تعرف يوم الهجمة دي توفي أخي عشان كدا ما تابعتها وهي طازة وبعد اسبوع رجعت السعودية حتى بعد داك بديت اعرف الحاصل شنو

والحدث لما تمر عليهو فترة وإنحسر في وسائل الإعلام بتبقى المعلومات عنه محتاجة لقراية ودي نحن ما عندنا ليها زمن بقى

مع ذلك قد أكون قريت الكلام دا عشرة مرات لكن نعمل شنو مع الاستيكة الشغالة في الرأس دي

Quote: ذكرتني قصة هيثم الرائح من أهلو وسألو منو المسطول

شوقتني والله نشوف هيثم دا أهلو لقوهو ولا لسع

رش النكتة يا عمك.....


أما بخصوص الحى ووب ... فاااااااااااا شغال في أمان الله
نوبة وين يا عمك ؟؟
إنت بتصدق ؟؟

النكتة قد تكون سمعتها يا عاطف

قال ليك ناس عندهم ولد اسمو هيثم رائح لافين يفتشوا عليهو
لاقاهم مسطول سألوه قالوا ليهو ولدنا هيثم ما لاقاك قال ليهم لا ما شفتو
حسب السطلة ومن الأسم أفتكر هيثم دا ود حليو كدا وملظلظ

مشى بيتو بعد شوية سمع الكواريك هيثم جاء هيثم لقو هيثم جاء

قال كدي النمشي نشوف هيثم دا

لما وصل قال ليهم يا هو دا هيثم البتفتشوا ليهو ؟

قال ليهم أنا دا لاقاني ثلاثة مرات وما أشتغلت بيهو


طبعا أنا قلتها لمحمد حسن على أساس إنو الكلام دا ممكن يكون لاقاني كم مرة وما اشتغلت بيهو

مرحب
قريب المصري


انت معاي ولا مع الخيانة ؟