Post: #1
Title: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: فرح
Date: 06-05-2014, 04:32 AM
وصلت جمهوريه السودان قادما من امريكا بعد هجره منذ نهايه التسعينات مرورا بالقاهره مرورا باسمرا وصلت الى السودان وبمعيتى شيب متوسد راسى كالطاقيه البيضاء وشهادات احترافيه وخبرات عمل وشكر على الصحه والعافيه و بمعيتى صبر وحب للحريه والاخلاق والنظام و حريه الفرد فى الخصوصيه والاختيار اتيت السودان بحب وستفت الشنط بى حب و اشتريت كل الهدايا بموده ممنيا نفسى بالاستقرار نهائيا و سداد دينى على شعبى واهلى ... وصلت مطار الخرطوم فى ذاكرتى القديمه شاى المغرب و بيوت البكاء والجلاليب و ايجار العجلات والمسلسلات وجيب سفه وجيب نفس وجيب جقمه وجيب سحبه ومعاك فكه ... ومويه الزير وكتابى الاول و اب قجيجه و مصطفى سيد احمد و رقاد الحشيان سلطه الاسود و راحه البال وعالم الرياضه وشاى العصر واللقيمات واللخوخه والمشاط وجزمه الزيزى والتموت تخلى .. ركبت تاكسى المطار لمحليه كررى ما عرفت البيت الا بعد جهد وزعت تلاته الف ومتين و خمسين دولار وصايا عباره عن مصاريف مدارس وعلاج وايجارات وديون و اقساط ... جبت بندول امريكى و كريمات وشامبو وفتمين بايوتين لصحه ورشاقه المرأة جبت لاب توب و خمسه موبايلات اى فون و ساعات وريحه ومواسير مويه شرايط فحص السكرى وسكر السكرى و اجهزه قياس الضغظ وشنط مدرسيه وملابس داخليه قطنيه نسائيه ورجاليه هدايا وفى جيبى كل ما كسبته من سفرى من مال كروت بتاع الكريدت كارت و كرت بتاع الضمان الاجتماعى وتامين صحى وتامين ضد الموت وتامين ضد الحياه و ديون خلفى تسعه الف دولار.... واشتريت بيت فى بوسطن بتنتهى اقساطه سنه الفين خمسه وعشرين و جبت معاى كميه من الصوره والذكريات فى امريكا و صور للباربكيو و الول مارت و صور جوار عربات التاكسى وصور فى داون تاون المدن الكبرى وصور فى الفسحات الخضراء و شيب و حزن و قليل من الكلام و حساسيه زائده واحترام مبالغ للخصوصيه وانزعاج غير طبيعى لسوء السلوك و طمام من عبارات مثل الفساد و التحلل والردع السريع ...
لقيت الشارع مليان جلاليب وعبايات والناس بتمشى الشغل بالجلاليب والعبايات و لاحظت اختفاء التوب الابيض والقميص الابيض والشبط القيافه ..
لقيت كل الشباب من سن تلاتين ولى تحت خاتين سماعات فى الاذن موصله مع الموبايلات وخاصه فى الحافلات الكبيره لقيت كل زول فى السودان عندو اكتر من تلفون وشويه مس كول وشويه قروش مواصلات لقيت الالاف من الناس وخاصه الشباب من ابناء الاحياء الشعبيه وطلبه الجامعات شايلا موبايلات جلاكسى واى فون وخلافه بأثمان غاليه و بشتكو من شظف العيش والرغبه فى المخارجه وذلك جعلنى متحيرا ..
رفعت الفاتحه فى تسعه و عشرين بيت ولقيت عم احمد اتوفى و ناس بيتنا رحلو الجرافه و الناس بقت جافيه و كل زول اضرب ليه بقول لى برجع ليك مايرجع لى..
سمعت رواجات كتيره فى السودان ومصطلحات كبيره و غامضه سمعت ود الحافظ وسمعت دايرا تبقى خوه و لو داير تسيبنا جرب انت بس
حولت رصيد كتير و فكيت دولار كتير و بكيت كتير
تجولت فى سنتر الخرطوم وجدت موبايلات وملابس و احذيه معروضه للبيع وجدت لافتات جديده بنك للسلام وبنك للزراعه وبنك للتجاره وبنك للقوات المسلحه وبنك للصادرات تحركت نحو بنك السلام و جدت السلام بخير وعافيه واطمئن قلبى كثيرا
سافرت نهر النيل و كوستى وجيت الخرطوم فى تلاته ايام
حصلت لى مشكله فى معدتى من شراب المويه و جانى التهاب من السخانه
قررت الرجوع قبل انتهاء اجازتى بعد هجره قدرها اربعتاشر سنه و شهرين وسته ايام
ركبت المصريه مرورا بالقاهره ساعتين فى ميناء القاهر ه الجوى قاطع الاطلنطى الى دهاليز الضياع تواجهنى ديونى و برد الشتاء و السرعه و القساوه والعبوديه الوظيفيه والسلام بهاى دون والرد بوت ساب
دعواتكم يا شباب ...
ان يجعل الطمأنيه فى قلبى .. ويجعلنى من الكاظمين الغيظ ...
|
Post: #2
Title: Re: وصلت جمهوريه السودان بعد هجره منذ نهايه التسعينات وشفت الذى شافه مالك ..
Author: عبدالعزيز عثمان
Date: 06-05-2014, 04:41 AM
Parent: #1
هادا الحكي الصح...صح
انت يازول كنت وين
شالتك نومت اهل الكهف وجيت نازل بالسماحة الزمان
اخ يامحمد
السودان داك،،،خرج ولم يعد
اسجل اعجابي.
|
Post: #3
Title: Re: وصلت جمهوريه السودان بعد هجره منذ نهايه التسعينات وشفت الذى شافه مالك ..
Author: فرح
Date: 06-05-2014, 04:44 AM
Parent: #2
شكرا كتير عبد العزيز مودتى لكلامك ومرورك
ارقد عافيه
|
Post: #5
Title: Re: وصلت جمهوريه السودان بعد هجره منذ نهايه التسعينات وشفت الذى شافه مالك ..
Author: Sameer Kuku
Date: 06-05-2014, 04:53 AM
Parent: #3
قصتك دي عامل لي زي ال دجافو Deja vu
زي قريت لي قصة زي دي و بنفس التفاصيل قبل كده في البورد ده.
على اية حال حمد على السلامة.
|
Post: #23
Title: Re: وصلت جمهوريه السودان بعد هجره منذ نهايه التسعينات وشفت الذى شافه مالك ..
Author: فرح
Date: 06-05-2014, 08:46 PM
Parent: #5
تسلم يا حبيبنا Sameer
وانشاء تكون عجبتك
|
Post: #16
Title: Re: وصلت جمهوريه السودان بعد هجره منذ نهايه التسعينات وشفت الذى شافه مالك ..
Author: عادل سهل
Date: 06-05-2014, 08:44 AM
Parent: #3
الاخ فرح
إسمك يجلب الفرح وهذه نعمة أستغلها جيداً....
في دهاليز هذا المنتدى شائعات لتدفق أنهار البترول على وطن ظل اسيراً منذ استقلاله، وعشنا سنواته العجاف نأمل في الغد.
فقد يكون الغد قريبا، وغد لا يكون أبداً ... والله المستعان.
بالامس كانت رحلة صديقي طارق مصباح، والذى قضي نصف سنوات غربتك على ما اعتقد ببلد الضباب، وتملك جوازها ومعه الدكتوراة والعديد من الشهادا
فحمل حقائبه، ليقيم نهائياً في وطنه، وقد رزقه الله بعدد من الامورات الحلوات، فقرر أن يعيش بهن ومعهن في ارض الوطن بين صفية ومصباح.
والتقينا في إجازة الصيف، تركته وعدت لمقر عملي.
ظل بعدي لفترة ليست بالطويلة... وقفل عائداً امن حيث أتي.
وعندما سألته عن سبب عودته، قال لى الناس كلها أصبحت كذابة!
والادهى والامر لا أحد يحترم موعد، فتناثرت كل ايامي التي قضيتها بعدك، بدون أن انجز شىء.
وأخيراً عدت الي وطني البديل والحسرة تملأ قلبي على وطني الاسير.
|
Post: #25
Title: Re: وصلت جمهوريه السودان بعد هجره منذ نهايه التسعينات وشفت الذى شافه مالك ..
Author: فرح
Date: 06-06-2014, 04:47 AM
Parent: #16
شكرا عادل سهل على المرور والكتابه اللطيفه والقصص كتيره تسلم ومودتى
|
Post: #4
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: أيمن الطيب
Date: 06-05-2014, 04:53 AM
Parent: #1
يااااااااا فرح!!!!!!
(صحو الذكرى المنسية)
سلامات يا زول,,
ترجع البلد وتكتشف أن (الشريحة) القديمة لم تعد تعمل!!!
زمن غير وناس غير ودنيا غير,,هون على نفسك يا صديق..
هذا المكان يفتقدك ياخ,,
تحياتى..
|
Post: #6
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: علي دفع الله
Date: 06-05-2014, 05:05 AM
Parent: #4
ههههههه
ما قلتو نوبة
السودان دا تاني ما بقدروا يعيشوا فيهو الا صنفين
الكيزان والمجانين
-------
تحياتي فرح
|
Post: #7
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: خالد العبيد
Date: 06-05-2014, 05:08 AM
Parent: #6
كيفك يا حبيب
عودا حميدا
اجدع تلفونك في الخاص
|
Post: #9
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: ياسر السر
Date: 06-05-2014, 05:22 AM
Parent: #7
يا سلااااااام يا اخ فرح فعلا هذا ما يحصل الان فالمجتمع السوداني اصبح عبارة عن مسخ ثقافي اجتماعي حضاري ديني فالكل يعيش في حالة هزيان لا يعرف اين هو وماذا يفعل وكيف يعيش واهو الحاية ماشة بس اكيد ماشة لهاوية سحيقة جدا لا يشعر بها الا امثالك الذين يقبضون على الجمر ويعيشون على صدى الذكرى المنسية للسودان زماااان زمن الطيبة والمحنة والعيشه الهنية ورغد العيش وسهولة الحياة ,,, الله يعين اهلنا في السودان لكم اشفق عليهم فنحن هنا نصطلي بنار الغربة وعزاباتها وويلاتها وجفافاها والتي هي اهون من العيش في السودان بمراحل وسنين ضوئية بعيده ويا حليل السودان اخي فرح ويا حليل ناس السودان اخي فرح الحزن يعتصرني كلما ذهبت في اجازة فارجع مثلك مندهش وحزين لما صار اليه الحال في السودان .. ولسان حالي يقول (حليل زمن الصبا الماضي وحليل زمن الحبيب راضي ) على كل حمد لله على سلامتك اخي وان شا الهل ربنا يعمل معجزة الاهية ويرجع لينا السودان زي ما كان زمااااان .. وارقد عافيه
تحياتي : ياسر العيلفون
|
Post: #37
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: فرح
Date: 06-11-2014, 03:48 AM
Parent: #9
ياسر اشكرك دايما على مرورك على بوستاتى هى قليله و مشاركتك فيها برايك وا قدر ذلك
سلامى ياسر وتحايا
|
Post: #36
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: فرح
Date: 06-10-2014, 02:31 AM
Parent: #7
وج العبيد راجع الماسنجر سلامى للاولاد
|
Post: #31
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: فرح
Date: 06-06-2014, 04:36 PM
Parent: #6
التحيه ليك على دفع الله محبتى ليك
|
Post: #8
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: الزبير بشير
Date: 06-05-2014, 05:10 AM
Parent: #4
العزيز فرح
حمدا لله علي السلامه
بيناتنا معرفه كيف و وين ما عارف
خوفي علي الذاكره ما تلحق اهل السودان و امات طه
تصدق نفس الحال مر بي و لكن اتوكلت علي الله و ( جدعت ) كل الكروت بما فيها الاخضر الوهاج في البحر المالح و اياها ده قعده يوم فاتحه و يوم طهور و يوم نفاس ، نعمل شنو ده بلدنا و ده قدرنا ، الخبر الكويس انو ببلغ حبه ضغط واحده بس في اليوم .
اخوك الزبير الختمي
|
Post: #10
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: صديق الموج
Date: 06-05-2014, 06:05 AM
Parent: #8
الفرح الوحيد ازيك فى زمن اللا فرح هذا
زكرتنى نكتة نحكيها ليك
قالوا ان كــ ــــــلب فى امريكا مرض مرضاً شديداً وذهب به اهله الى المشفى وبعد الكشف اتضح
انه يعانى من اكئياب نفسى حير الطب البيطرى والبشرى والاطباء ،
واوصى الاطباء ان يذهب به الى مكان اخر عسى ولعل ان تتبدل معنوياته ويشفى، ذهب به
اصحابه الى فرنسا والحال فى حالو وقرروا ان يذهبو الى المانيا و مروا على ماربيا اسبانيا وجز الهاواى وبالى
فى اندونسيا وجربوا اى مكان فى العالم ولم يشفى الكـ ــــــــلب اخبراً بناء على نصيحة من احدهم ذهبوا به
الى السودان عملاً بالمثل سيد الرايحة وتحقيقاً للقائلة اطلبوا العلاج ولو فى السودان، بمجرد وصولهم
الى السودان انتعش الكــــــ ـلـب وقفز فى الهواء واطلق نباح الرضا وقال لهم باعلى صوته بعد ان ركل زجاجات الدواء:
ايوه ياخى ده الكلام، دى عيشة الكـ ــــلاب والا بلاش!!!!
|
Post: #12
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: بشير أحمد
Date: 06-05-2014, 07:05 AM
Parent: #8
| Quote: زي قريت لي قصة زي دي و بنفس التفاصيل قبل كده في البورد ده. |
حمدلله على السلامة...
يظل السودان ياهو السودان...ح نظل نحبه ونحب ناسو...حتى لو يبقى جهنم..
يظل الاحسن والاجمل
ناس اتعلمت علي الموية الساقطة ...واكل الهامبورجر ...
طاشر سنة برة السودان...!!! ده قلب حجر
|
Post: #14
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: خالد المبارك
Date: 06-05-2014, 08:15 AM
Parent: #8
الاخ فرح و ضيوفه
تحية و احترام
سرد مشوق رغم المرور السريع على المشاهد .
كنا ننتظر منك بعض الشواهد على الاختلاف بيننا و الامريكان و الى اي مدى قد وصلنا في مسألة الحضارة و المدنية و هلمجرا مقارنه بالدولة الاولى عالميا ...
لا اوافق الكثيرين على هذا التهكم على سوداننا الحبيب ، و قد لا تلوم المجتمع على تركه كثيرا من خصائصه اذا علمنا ان المغتربين هم السبب الرئيس في التكريس للتماهي مع الثقافات الاخرى بالاضافة لقصور المثقفين المخزي.
اللبس و الاكل و الشراب و طريقة العيش و حتى الكلام استوردها المغتربون و ابناءهم و اصبحت ظواهر مجتمعية تبدأ في الجامعات و الاحياء الراقية ثم ما تلبث ان تتنزل الى العامة
كل البلاد و القرى و المدن التي لا تحتوي على مؤسسات حكومية او جامعات ما تزال تحتفظ بعذريتها و نقاوتها و سودانيتها الاصيلة
و السودان جميل
و اجمل منو في الكون كلو ما شفناه
احبك يا سودان
|
Post: #30
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: فرح
Date: 06-06-2014, 04:26 PM
Parent: #4
يا ايمن يا حبيبنا الشرايح كلها اتغيرت هههه سلامى واشكرك على كلامك و البورد غبنا منه فتره وجينا لسا لقينا الناس اللطيفين موجودين
|
Post: #11
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: يوسف أبو صالح
Date: 06-05-2014, 06:09 AM
Parent: #1
حمداً لله على السلامة ، من خلال الاسطر الاولى ذكرت انك اتيت لترد دين الاهل والبلد ، لكن الظاهر لقيت الوضع مغاير لما كان فى مخيلتك يا ريت تستمر عشان توصل الفكرة.
|
Post: #13
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: Asim Fageary
Date: 06-05-2014, 07:17 AM
Parent: #11
تعرف قبلك مشينا السودان برضو بعد 12 سنة و3 شهور و 11 يوم
لقينا الناس بقت جافية والمجتمع ما ياهو المجتمع العرفناه
|
Post: #15
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: محمد جلال عبدالله
Date: 06-05-2014, 08:43 AM
Parent: #13
حمدا لله على السلام يا أخ فرح .. وسردك ممتع
السودان ده بينطبق عليهو المثل: لا بدورو لا بحمل بلاهو!
------
قصصك دي ذكرتني اسكيتش زمااان كان بجيبوهو في التمانينات في تلفزيون السودان
في برنامج (كوميديا) زمن كنا بنحضر اسكيتشات ^_^
المغترب رجع السودان بعد غيبة مشى لبتاع الدكان أداهو ريال (ريال سوداني = 10 قروش)
زمن لسة الريال كان شغال، قال ليهو أديني جبنة
بتاع الدكان بين مصدق ومكذب عاين في الريال وعاين في المغترب
وقام أداهو حتة جبنة صغيرة في ورقة جريدة (زمن لسة كان ببيعوا الطحنية والجبنة في ورق الجرايد)
المغترب شال الجبنة وأكلة في مضغة واحدة وقال لبتاع الدكان:
يا سلااااام دي الضواقة؟ يللا أديني الجبنة 
|
Post: #17
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: nazar hussien
Date: 06-05-2014, 08:45 AM
Parent: #13
انت يا فرح دحين ماك فرح ....القال تاني الكهرباء ما بتقطع بعد سد مروي واللا داك زولا تاني....باقي نحن طولنا من البورد
|
Post: #18
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: محمد جلال عبدالله
Date: 06-05-2014, 08:51 AM
Parent: #17
| Quote: انت يا فرح دحين ماك فرح ....القال تاني الكهرباء ما بتقطع بعد سد مروي واللا داك زولا تاني....باقي نحن طولنا من البورد |
داك محمد فرح وداك كوز
شفت ليك كوز بخلي السودان 14 سنة متواصلة :)
http://www.sudaneseonline.com/profile/nickname/%a4e3%a4cd%a4...%a4dd%a4d1%a4cd.html
|
Post: #21
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: عبد الله شم
Date: 06-05-2014, 09:04 AM
Parent: #18
Quote: ركبت المصريه مرورا بالقاهره ساعتين فى ميناء القاهر ه الجوى قاطع الاطلنطى الى دهاليز الضياع تواجهنى ديونى و برد الشتاء و السرعه و القساوه والعبوديه الوظيفيه والسلام بهاى دون والرد بوت ساب
دعواتكم يا شباب ...
ان يجعل الطمأنيه فى قلبى .. ويجعلنى من الكاظمين الغيظ ... |
سلامات يا فرح
كثيرون مروا على نفس الطريق
لي صديق نقيم سوياص كل مرة يذهب للسودان باعتبار انها اخر مره وقبل انتهاء الاجازة يعود كسيرا حزيناً
اخر مره شال حتى عراقي النوم عشان نقتنع انو ما جاي تاني هههههههه
عينك ما تشوف الا النور وكالعادة تاني جانا راجع ههههههه وخاتي الخمسة فوق الاتنين
نحن برضو مر بينا نفس الحال بس غايتو قوينا قلبنا وقعدنا
واشلهتنا ما بين فلانة ولدت وفلان طهروهو وفلان مات
|
Post: #19
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: بشير أحمد
Date: 06-05-2014, 08:52 AM
Parent: #17
قصدك محمد فرح يانزار
...| Quote: انت يا فرح دحين ماك فرح ....القال تاني الكهرباء ما بتقطع بعد سد مروي واللا داك زولا تاني....باقي نحن طولنا من البورد |
تحياتي ...
|
Post: #20
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: جعفر محي الدين
Date: 06-05-2014, 09:00 AM
Parent: #17
| Quote: انت يا فرح دحين ماك فرح ....القال تاني الكهرباء ما بتقطع بعد سد مروي واللا داك زولا تاني....باقي نحن طولنا من البورد |
لا يا أخ نزار داك محمد فرح
مرحب يا فرح وتصور لما قريت العنوان قلت أكيد فرح بيكون غير صورته الطايرة في الهواء ديك
المهم حمد لله على السلامة الشفت أهلك وسالمتهم وطايبتهم الباقي كله هين
|
Post: #22
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: زياد جعفر عبدالله
Date: 06-05-2014, 09:50 AM
Parent: #20
يا فرح أنا أختصرت الكلام العاطفي الكبار دا عن السودان في كلمتين:
و بي لغة أهل البلد: قلت ليهم (والله جايين مشتاقين ليكم لقينا الشعب السوداني كلو بقا مواسير)
والله جد...
ماعدا القلة ممن رحم ربي...الباقين كلهم مواسييييييييييييييييييييييييييييييييييير
|
Post: #24
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: معتز مقبول
Date: 06-05-2014, 09:16 PM
Parent: #1
Quote: وصلت جمهوريه السودان قادما من امريكا بعد هجره منذ نهايه التسعينات مرورا بالقاهره مرورا باسمرا وصلت الى السودان وبمعيتى شيب متوسد راسى كالطاقيه البيضاء وشهادات احترافيه وخبرات عمل وشكر على الصحه والعافيه و بمعيتى صبر وحب للحريه والاخلاق والنظام و حريه الفرد فى الخصوصيه والاختيار اتيت السودان بحب وستفت الشنط بى حب و اشتريت كل الهدايا بموده ممنيا نفسى بالاستقرار نهائيا و سداد دينى على شعبى واهلى ... وصلت مطار الخرطوم فى ذاكرتى القديمه شاى المغرب و بيوت البكاء والجلاليب و ايجار العجلات والمسلسلات وجيب سفه وجيب نفس وجيب جقمه وجيب سحبه ومعاك فكه ... ومويه الزير وكتابى الاول و اب قجيجه و مصطفى سيد احمد و رقاد الحشيان سلطه الاسود و راحه البال وعالم الرياضه وشاى العصر واللقيمات واللخوخه والمشاط وجزمه الزيزى والتموت تخلى .. ركبت تاكسى المطار لمحليه كررى ما عرفت البيت الا بعد جهد وزعت تلاته الف ومتين و خمسين دولار وصايا عباره عن مصاريف مدارس وعلاج وايجارات وديون و اقساط ... جبت بندول امريكى و كريمات وشامبو وفتمين بايوتين لصحه ورشاقه المرأة جبت لاب توب و خمسه موبايلات اى فون و ساعات وريحه ومواسير مويه شرايط فحص السكرى وسكر السكرى و اجهزه قياس الضغظ وشنط مدرسيه وملابس داخليه قطنيه نسائيه ورجاليه هدايا وفى جيبى كل ما كسبته من سفرى من مال كروت بتاع الكريدت كارت و كرت بتاع الضمان الاجتماعى وتامين صحى وتامين ضد الموت وتامين ضد الحياه و ديون خلفى تسعه الف دولار.... واشتريت بيت فى بوسطن بتنتهى اقساطه سنه الفين خمسه وعشرين و جبت معاى كميه من الصوره والذكريات فى امريكا و صور للباربكيو و الول مارت و صور جوار عربات التاكسى وصور فى داون تاون المدن الكبرى وصور فى الفسحات الخضراء و شيب و حزن و قليل من الكلام و حساسيه زائده واحترام مبالغ للخصوصيه وانزعاج غير طبيعى لسوء السلوك و طمام من عبارات مثل الفساد و التحلل والردع السريع ...
لقيت الشارع مليان جلاليب وعبايات والناس بتمشى الشغل بالجلاليب والعبايات و لاحظت اختفاء التوب الابيض والقميص الابيض والشبط القيافه ..
لقيت كل الشباب من سن تلاتين ولى تحت خاتين سماعات فى الاذن موصله مع الموبايلات وخاصه فى الحافلات الكبيره لقيت كل زول فى السودان عندو اكتر من تلفون وشويه مس كول وشويه قروش مواصلات لقيت الالاف من الناس وخاصه الشباب من ابناء الاحياء الشعبيه وطلبه الجامعات شايلا موبايلات جلاكسى واى فون وخلافه بأثمان غاليه و بشتكو من شظف العيش والرغبه فى المخارجه وذلك جعلنى متحيرا ..
رفعت الفاتحه فى تسعه و عشرين بيت ولقيت عم احمد اتوفى و ناس بيتنا رحلو الجرافه و الناس بقت جافيه و كل زول اضرب ليه بقول لى برجع ليك مايرجع لى..
سمعت رواجات كتيره فى السودان ومصطلحات كبيره و غامضه سمعت ود الحافظ وسمعت دايرا تبقى خوه و لو داير تسيبنا جرب انت بس
حولت رصيد كتير و فكيت دولار كتير و بكيت كتير
تجولت فى سنتر الخرطوم وجدت موبايلات وملابس و احذيه معروضه للبيع وجدت لافتات جديده بنك للسلام وبنك للزراعه وبنك للتجاره وبنك للقوات المسلحه وبنك للصادرات تحركت نحو بنك السلام و جدت السلام بخير وعافيه واطمئن قلبى كثيرا
سافرت نهر النيل و كوستى وجيت الخرطوم فى تلاته ايام
حصلت لى مشكله فى معدتى من شراب المويه و جانى التهاب من السخانه
قررت الرجوع قبل انتهاء اجازتى بعد هجره قدرها اربعتاشر سنه و شهرين وسته ايام
ركبت المصريه مرورا بالقاهره ساعتين فى ميناء القاهر ه الجوى قاطع الاطلنطى الى دهاليز الضياع تواجهنى ديونى و برد الشتاء و السرعه و القساوه والعبوديه الوظيفيه والسلام بهاى دون والرد بوت ساب
دعواتكم يا شباب ...
ان يجعل الطمأنيه فى قلبى .. ويجعلنى من الكاظمين الغيظ ... |
حمدالله الف علي السلامه ..بس ما قلت حاجه عن البرودينشال..في بوسطن..و.salem
|
Post: #26
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: mekki
Date: 06-06-2014, 05:35 AM
Parent: #24
الشعب السوداني بخير واكان الناس شدت حيلا وكنست الكيزان ممكن كل الحاجات تتحصل وتتلحق
الان استعد للنزول للاجازة وما خايف الا من الخريف،،،السنة الفاتت بهدلني عدييييييل
|
Post: #27
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: الهادي محمد ابراهيم
Date: 06-06-2014, 05:48 AM
Parent: #24
| Quote: وصلت مطار الخرطوم فى ذاكرتى القديمه شاى المغرب و بيوت البكاء والجلاليب و ايجار العجلات والمسلسلات وجيب سفه وجيب نفس وجيب جقمه وجيب سحبه ومعاك فكه ... ومويه الزير وكتابى الاول و اب قجيجه و مصطفى سيد احمد و رقاد الحشيان سلطه الاسود و راحه البال وعالم الرياضه وشاى العصر واللقيمات واللخوخه والمشاط وجزمه الزيزى والتموت تخلى |
سلام فرح
والله بكيتني....
ايوة بكيت لما قريت ....شاى المغرب و بيوت البكاء والجلاليب و ايجار العجلات والمسلسلات وجيب سفه وجيب نفس وجيب جقمه وجيب سحبه ومعاك فكه...
بكيت ضياع اثر وشعب ووطن شامخ...بكيت ضياع الفرص لبناء وطن جميل وشعب اصيل...
|
Post: #28
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: علاء سيداحمد
Date: 06-06-2014, 08:14 AM
Parent: #27
| Quote: رفعت الفاتحه فى تسعه و عشرين بيت ولقيت عم احمد اتوفى و ناس بيتنا رحلو الجرافه و الناس بقت جافيه |
ياسلالالالام يا فرح ومع انّ هناك الكثيرون الذين ســـردوا رحلة اجازاتهم الى السودان الا انّ سردك وشرحك هذا بديع وآسر لدرجة انّه
أبكانى لضياع وطن طالما حملناه فى قلوبنا لانه كان عامرا بالقيم والمثل والموروثات ( السودانية الخالصة ) ومسكوناً فى قلوب بنيـــــــه
وكنا نحلم بالعودة اليه ولكن ............. يـاللفجيعة .. كن بخير ..
|
Post: #29
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: Abdelslam Malik Ali Elhag
Date: 06-06-2014, 12:13 PM
Parent: #28
اربعتاشر سنة ؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!
ياخي لو طلعت من الجنة وجيت راجع ليها تاني اكيد حتستغربها
خليك من دنيا وناس و ايقاع سريع للتكنلوجيا والحياة
مع احترامي الشديد انت غير مؤهل للحديث عن السودان
اربعتاشر سنة في امريكا بلد التقدم وجاي ........
|
Post: #32
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: فرح
Date: 06-09-2014, 02:44 AM
Parent: #29
مودتى يا شباب وانا ممتن ليكم بالمرور والتعليقات
ارقدو عافيه
|
Post: #33
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: اساسي
Date: 06-09-2014, 03:14 AM
Parent: #32
فرح الزماااان ازيك وبركة الشفناك طيب
طبعا قصة حليل السودان الزمان دي البقولها المغتربين والمهاجرين لمن يرجعوا لزيارة للسودان بعد سنوات بتضحكني
أصلا السبب الرئيسي الخلاهم يمرقوا من السودان انه كعب والحياة فيهو صعبة والحاجات دي
واصلا لو كان كويس ما كان مرقوا منه ولا شنو ؟
فليه بتخيلوا انه حيرجعوا يلقوا الفردوس بدل السودان
كمان قصة انه الزول سافر لبهو عشرين سنة برة السودان ودائر يرجع يواصل الأحداث من محل خلاها امر يدعوا للتعجب زي الزول ليحضر لبهو في فيلم فديو ووقفو ودائر يجئ يواصل
لا الألفاظ بتكون هي ولا الناس ولا السوق ولا الأفكار ولا الهموم كله اتغير فليه بتوقع انه يلقي الحاجات زي ما كانت ؟
الكي بورد بقترح ويعدل وانا ما بصلح
|
Post: #34
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: Tragie Mustafa
Date: 06-09-2014, 03:52 AM
Parent: #33
حمد علي سلامتك يا فرح
كل ما نطالع مثل كلامك
ونسمع من بعض العائدين مثله…..نخاف اكثر…..ده غير طبعا غير البجينا بالوتساب و بنطالع بالفيس بوك
ونمط تداخلات الجميع معنا حتي لغتهم….
ضحكنا قبل فتره نحن مجموعه من المهاجرات علي كلمة (يا قلب) و قلنا السودانين ديل جنوا ولا مالهم…شنو الكل زول في الفيس بوك يسلم عليك و بعد شويه يقول لك ( و ين يا قلب ) ؟!
بقينا مسمنهم (جيل يا قلب) هههههههههههه.
قلنا مما تلقي زول يقول لك يا قلب اخير تفكي البيرق! هههههههه ديل جيل صعب خلاص.
ضحاله في التفكير
سوقيه
لغه عربيه غريبه و كيكه…..
والله اعلم بالباقي….المناظر بس تخوفنا……
ونساء و رجال بقوا يخوفوا…استهبال بالمزاج.
غايتو يا فرح نحن قد لا ننصدم…..لاننا متوقعين الاسوء……
ده غير انك ما كتبت عن الناس الاتفسخت و الالوان الاتغيرت و مخارج الحروف البقوا يشقلبوا فيها!!
كمان ده فيلم ثاني..عارف رجالنا بقينا نفضل نقرأ لهم من نسمع صوتهم….يا اخي يحيروك و حاتك من الغنوجه و عوجة اللسان فاكرنها حنكشه!!
ناسين انه للرجوله مقايسها و معاييرها!! وكذلك….للانوثه معاييرها و انماطها!!
محزن انه السودان اتغيير و لكن للاسؤ.
يا اساسي
كونه الناس غادرت ما معنها انه يتدمر لهذه الدرجه….
اكتشفوا البترول و نحن بعيدين ايعقل الا نجد اي تغيير ايجابي؟!
وطبعا يا فرح بكون ما غاب عليك كمية الدروشه الدينيه الحاصله
قالوا البتساله كله تقول ليه نتلاقي بعدين الساعه كم؟! ما برد عليك بزمن محدد و انما يقول لك نلتالقي بعد
صلاة العصر
او صلاة المغرب
او صلاة العشاء
و….الخ
ويقال انه المساجد تمتلائ بالمصلين
ولكن من صلوا و خرجوا انقلبوا جميعهم لشواطنين رجيمين !!
|
Post: #35
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: يازولyazoalيازول
Date: 06-09-2014, 05:25 AM
Parent: #34
أخى فرح
أولاً إشتقنا كثيراً لحروفك الأنيقة
ثانياً هذا كلام مؤثر يدعو للتأمل من أحوالنا المتغيرة والمنحدرة الى أسفل بقوة ولا ينكر ذلك إلا جاهل
تغيرنا كثيراً وللحكومات دورها ولا شك
تسلم كثيراً يا فرح ونتمنى أن تعود يوماً ويعود معك الألق والجمال وطيبة أهلنا المعهودة يا فرح
ويافرح لقد تاقت قلوبنا وأنفسنا وأرواحنا فعلاً للفرح
|
Post: #38
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: محمد جلال عبدالله
Date: 06-11-2014, 04:46 AM
Parent: #35
Quote: وطبعا يا فرح بكون ما غاب عليك كمية الدروشه الدينيه الحاصله
قالوا البتساله كله تقول ليه نتلاقي بعدين الساعه كم؟! ما برد عليك بزمن محدد و انما يقول لك نلتالقي بعد
صلاة العصر
او صلاة المغرب
او صلاة العشاء
|
هسي دا حاجة بتفرح وللا بتزعل؟
والله غايتو جنس غايتو
|
Post: #39
Title: Re: وصلت جمهوريه السودان بعد هجره منذ نهايه التسعينات ورأيت الذى لم يراه مالك ...
Author: ايمن الصادق
Date: 06-11-2014, 10:34 AM
Parent: #38
اتمني ليك كل الخير .
شايفك ما جبت سيرة الجواز الامريكي .
|
|