Post: #1
Title: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 11:26 AM
اول شئ مبروك قفلة الموسم الدراسى فى الخليج اليوم الاربعاء وباقى امتحانات التحصيلى يوم السبت ونتفكى
تانيا الاجرااءت شنو بعد استلام الشهادة هل فى توثيق مطلوب ولاشئ ولا بس نشيل شهادتنا دى وفللى على ناس ابراهيم احمد عمر ديل ولا هو اسمو منو زاتو ماعارف وزير التعليم الغالى ده
انا كتبت الغالى مخصوص ماغلطان .... مش هو غالى بالجد ؟؟؟؟
ثالثا اها الحنك بيهناك شنو زى ما بيقولو فى السودان هل هنالك اى اجرااءات مطلوبة مننا للتقديم للجامعات ؟؟؟
باعا هل مسموح لنا التقديم لاولادنا فى الجامعات الحكومية زيهم وزى اى اولاد مواطن سودانى تانى ولا نحن ناقصين مواطنة وكده كوننا مغتربين ؟؟؟
خامسا الحتة بتاعة تقييم الشهادة هناك مافاهمة قدر ماشرحوها لى ما وقعت لى ... تبدو المعايير غبية وغير مقنعة بالنسبة لى فيكم زول يوقعا لى ؟؟؟؟
نفسى قام بعدين اكمل بعد ما حد يتبرع يشرح لى الغلوتيات الفوق دى
|
Post: #2
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: ismeil abbas
Date: 06-04-2014, 11:30 AM
Parent: #1
أخى عادل ربنا يسهل ألأمر وينجح أولادنا وبناتنا جميعاً.....عشان قومة النفس دى أنا وديتهم يقروا منهج سودانى وريحت راسى.....
|
Post: #3
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 11:37 AM
Parent: #2
اخى الكبير اسماعيل عباس شكرا على مرورك
والله ريحت بالك
لكن نحن عايشين صراع رهيب بين انك تترك اولادك فى السودان وترجع هنا وخاصة الاوضاع هناك ما تطمن بعد البنسمع فيهو دا
تانيا حال التعليم هناك ايضا لايسر ولكن الخيار التاىنى برضو مر
الله يهونها من عندو غايتو
|
Post: #4
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: aosman
Date: 06-04-2014, 11:50 AM
Parent: #3
أول حاجة هل جهزت ليك شوالات بتاع دراهم, ريالات, دينارات , دولارات وما شابههم؟ ده عشان نقدر نقرر نواصل معك الحديث أو لا.
|
Post: #5
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: محمد عمر الفكي
Date: 06-04-2014, 11:54 AM
Parent: #4
عادل ازيك ياخي ومشتاقون
يا اخوي سلام الله عليك
لملم اطرافك وعليك بالهند، ماليزيا او دول اوربا الشرقية السابقة، بتلقى فيها جامعات محترمة ومعترف بها واسعارها معقولة مقارنة بجامعات التعليم الغالي في السودان.
تحياتي
|
Post: #6
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 11:55 AM
Parent: #4
انا كان جهزت جنس الشوالات والكلوشات دى ياعثمان بجى اطمش بيجاى واطلب الشورة
ما كان مشيت مامؤن حميدة ولا كمبيوتر مان دغرى وفكيت رويحتى دى
اها يعنى خبرك شنو اكان مفلس ما بتناضمنى ولافهمك شنو يازول؟؟؟
|
Post: #7
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: aosman
Date: 06-04-2014, 12:02 PM
Parent: #6
لو ولدك داير يدرس صيدلة, أنصححه بباكستان, الصيدلة هنالك رخيصة, الرسوم الدراسية السنوية تقريبا تعادل أربعة ألف ريال سعودي, المصاريف الشهرية في حدود الخمسمائة ريال. أبن أخي وإبن إختي يدرسون الصيدلة في باكستان.
|
Post: #8
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: aosman
Date: 06-04-2014, 12:11 PM
Parent: #7
اها يعنى خبرك شنو اكان مفلس ما بتناضمنى ولافهمك شنو يازول؟؟؟
يا أخوي, كان مفلس تعال معانا بي جاي في باكستان, لكن ما دام بتشاور في السودان معناتو إنت زولا مليان قروش. السودان ده ما بفكر فيهو إلا الغني. صدقني الصرف في السودان للطلاب أكثر من صرف الطالب في كثير من الدول. بعدين الدول مثل ماليزيا, الهند, باكستان, توفر فرصة تحسين اللغة الإنجليزية للطلاب, عكس السودان, خاصة إذا كانت اللغة الإنجليزية للطالب سيئة.
|
Post: #9
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 12:23 PM
Parent: #8
عثمان سلمت ياخ
لكن المشكلة هى بنية وباكستان دى صعبة على قوارير الخليج ديل
الا كان تشوف لى واحد من وليداتكم القرو فى باكستان ديل نعقد ليهو عليها حتن نطمن على الموضوع
ابشر يا ابو النسب جيت داخل بوستينا دا طلعت ليك بعروس لود اخوك
|
Post: #11
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 12:28 PM
Parent: #9
Quote: عادل ازيك ياخي ومشتاقون
يا اخوي سلام الله عليك
لملم اطرافك وعليك بالهند، ماليزيا او دول اوربا الشرقية السابقة، بتلقى فيها جامعات محترمة ومعترف بها واسعارها معقولة مقارنة بجامعات التعليم الغالي في السودان.
تحياتي |
ود الفكى وين يازول انت
مالك مقفل القزاز ومظللو كمان
قصة ماليزيا وشرق اسيا دى البت مابياها وقالت علا السودان مع بنات خالاتها وعماتها
نعمل شنو
مجبورة خادم الفكى على الصلاة
|
Post: #10
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عبد الوهاب المليك
Date: 06-04-2014, 12:27 PM
Parent: #7
أخي العزيز عادل
مبروك النجاح مقدماً
وربنا يفرحك بيهم متخرجين من الجامعات
وإذا لم تخني الذاكرة :
أولاً : الشهادة بتكون مختومة من إدارة التعليم أو الرئاسة العامة لتعليم البنات
ثانياً : تقوم بتصديقها من وزارة الخارجية بجدة
ثالثاً : يتم تصديقها من القنصلية السودانية بجدة
رابعا: تنتظر حتى إعلان نتائج الشهادة السودانية بالسودان ومن ثم سيتم طرح شروط التقديم والتقديم للجامعات ..
خامساً : أمشي وقدم ليهم .. بس زي ما قال ليك أحد الأخوان الكليات الطبية بفروعها كووولها ما حيقبلوهم ليك مجاني .. والهندسة شرحوا .. وغيرو وغيرو ..
سادساً : جهز القسط الأول وخليه على جنب (فوق للعشرة مليون) لو عايز الكليات اياها ..
سابعاً : فكر في السكن ...
ثامنا : ما تزعل وما تتضايق فأنت مغترب
تاسعاً : ما تتحمق وما تجادل .. فأنت مغترب
عاشراً ما تحاور وما تصادم .. فأنت مغترب ..
مليون : وما ... وما .. وما ... فأنت مغترب
ويااااا مثبت العقل والدين ..
|
Post: #12
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 12:36 PM
Parent: #10
Quote: ثامنا : ما تزعل وما تتضايق فأنت مغترب
تاسعاً : ما تتحمق وما تجادل .. فأنت مغترب
عاشراً ما تحاور وما تصادم .. فأنت مغترب ..
مليون : وما ... وما .. وما ... فأنت مغترب
ويااااا مثبت العقل والدين ..
|
المليك حبيبنا يديك العافية
وشكرا على هذه النقاط المفيدة
باقيليك كان وديناها جامعة القدواب مااخير ليها على الاقل تاكل لها تمر من نخلنا الهناك ده وانتهى الموضوع
الله يكون فى العون يا زول ترانا ماشين على الجكة دى ويدنا فى قلبنا
المشكلة انا ما عندى صبر ليهم طوالى بشاكل وخاصة لمن احس انهم بيعاملونى كمغترب او بالاحرى كمواطن مختلف وجاى من كوكب اخر
لسع هم مفتكرين المغترب ده قبة وتحتها فكى
لكن انا بقول ليهم المغترب ده قبة وتحتها فقير
يازول غايتو الحمدلله على كل حال
|
Post: #13
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-04-2014, 12:53 PM
Parent: #12
اها وصلنا وين
|
Post: #15
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: ismeil abbas
Date: 06-04-2014, 01:10 PM
Parent: #13
أخ/عادل السلام عليكم....
| Quote: باقيليك كان وديناها جامعة القدواب |
على سيرة القدواب...بالله فى زول عزيز منها كان معانا فى أم درمان لعب فى الموردة......إسمه حسن..هل تعرفه؟؟؟
|
Post: #20
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-05-2014, 09:38 AM
Parent: #15
Quote:
على سيرة القدواب...بالله فى زول عزيز منها كان معانا فى أم درمان لعب فى الموردة......إسمه حسن..هل تعرفه؟؟؟ |
اسماعيل لا والله للاسف ما بعرفو
لكن يبدو انه زول جمسل طالما انت بتعرفو
|
Post: #14
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: محمد مجيدو
Date: 06-04-2014, 01:01 PM
Parent: #1
الاخ عادل ... سلام
لو عاوز نصيحتي ... اذا البت عاوزة تقراء طب فقط وديها السودان وامرك لله ...
وما عدى ذلك خلي البت جنبك ...
والان الجامعات السعودية بتقبل الاجانب لو نسبتها اكثر من 95%
انا عندي بتي بتقراء في جامعة الدمام وفي السنة النهائية ادارة اعمال ...
والتانية ..ممتحنه زي بتك برضو وبخلصو بكره ..
وان شاء الله بقدم ليها هنا ...
بالنسبة للاولاد ما مشكلة .. ان شاء الله يقروا في الواق الواق ..
الا البنات ... فانا عندي تحفظ من قرايتهن في الخارج ..
والامر متروك لظروفك ....
تحياتي ,,,
|
Post: #16
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: محمد علي شقدي
Date: 06-04-2014, 03:08 PM
Parent: #14
ادفع وانت بتبتسم يا عمنا عادل
الدكتورة الشاطره بتستاهل تب
ولا نرضى بديل للطب سوى الصيدلة
خاص ولاما خاص ادفع بس
|
Post: #17
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: شمس الدين التوم
Date: 06-04-2014, 03:43 PM
Parent: #16
يا ابو شريف خلي الكيزان تسترزق
وكت جف ضرع البترول ومات الشطر
خليهم يشموا ريحتو في قروش الخليج
مع تمنياتي لي بنتنا بالتوفيق والنجاح الباهر
بس لازم من معسكر في منطقة شده
والتدريب علي مشي الاسفلت بالرجلين وركوب اللوري في شمس تصر العين
ياعادل يا اخوي بالمد راس لتخ مابيقول اخ (لاحظ زمان كان لتح )
وتحياتي
|
Post: #18
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عبد الوهاب المليك
Date: 06-04-2014, 05:56 PM
Parent: #17
| Quote: المشكلة انا ما عندى صبر ليهم طوالى بشاكل وخاصة لمن احس انهم بيعاملونى كمغترب |
أخوي عادل
انت مغترب فأنت غير ....
وبكرة سيبدأ مهرجان جدة غير ..
ونحن زاااااتنا تأكدنا أننا غير ...
حيث أننا سودانيين منسيين بالخارج ..
وأولادنا زااااتم حسوا أنهم غير ..
حيث أنهم شهادة عربية
والشهادة العربية معاملة حاملها غير ..
وبوصيك طول بالك شديد وما تنسى انت غير ..
ويا مثبت العقل والدين
|
Post: #19
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: Salah Habib
Date: 06-04-2014, 06:06 PM
Parent: #17
تحياتى اخى عادل
والله فتحت ملف هام وحاار .. بس لابد منه
بالنسبة للبنات فى رأيي مافى غير السودان
يا اخى الحال من بعضه ..
عندى بت بتخلص الثانوى السنة دى والتانية السنة الجاية
.. والاتنين مادايرات السودان تب .. ومحتار برضه
طبعا ما فى طريقة امهم تمشى مع واحدة وتخلى التانية هنا ..
مفكر اجمد السنة دى للبنت الكبيرة الى السنة الجاية .. والسؤال هل اقدم ليها وبعد القبول
اطلب من الجامعة تجميد السنة ؟ ولا انتظر للسنة الجايةاقدم ليهم الاتنين سوا ؟
تحياتى
|
Post: #21
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-05-2014, 09:42 AM
Parent: #19
Quote:
الاخ عادل ... سلام
لو عاوز نصيحتي ... اذا البت عاوزة تقراء طب فقط وديها السودان وامرك لله ...
وما عدى ذلك خلي البت جنبك ...
والان الجامعات السعودية بتقبل الاجانب لو نسبتها اكثر من 95%
|
محمد مجيدو شكرا على المساهمة القيمة ولكن البت ما مقتنعة بقراية هنا ابدا
عندها صاحباتها ماشات السودان وبنات اهلنا هنالك قدرها فى الجانعات عشان كده مصره على السودان
ربك يهون
|
Post: #22
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: عادل عبدالعزيز عبد الرحيم
Date: 06-05-2014, 10:20 AM
Parent: #21
Mohamed Eisa Abaker · الأكثر تعليقا · يعمل لدى Najran University
أمسك قوي في كلام مجيدو ولا تتلفت خليها جنبك في البيت
محمد عيسى بابكر من الفيس شكرا لاهتمامك وربنا يديم المعروف بين الناس ياجميل
|
Post: #23
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: جعفر محي الدين
Date: 06-05-2014, 11:45 AM
Parent: #22
حبيبنا عادل عبد العزيز
ليك وحشة يا راجل
وتهانينا للبنية أكيد متفوقة
أم بخصوص القراية في السودان أنا عندي تجربة مريرة
رسلت البنت للسودان للدراسة وتعال شوف التلتلة بالجلالة قبلوها لينا في كلية العلوم جامعة الخرطوم
رغم أنها أحرزت 95% هنا دا كان في القبول العام
وطبعا حتى الآن أنا ما فاهم حسبوا النسبة كيف
ويا ريتهم لو ما قبلوها ... هذا القبول فقدنا فرصة التنافس في القبول الخاص
مما اضطرها لإضاعة سنة أو أكثر للتقديم مرة أخرى في القبول الخاص
لأن رغبتها أن تدرس الطب
في النهاية قدرنا ندخلها كلية خاصة بعد ضياع سنتين
وتكاليف الدراسة ما يعادل 11 ألف ريال في السنة غير المصاريف كما ذكر الأخوة عاليه
الولد طبعا باقي ليه سنة وحالف ما يمشي السودان أبدا أبدا
ربنا يكون في العون
|
Post: #24
Title: Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
Author: حسن فؤاد
Date: 06-05-2014, 11:45 AM
Parent: #14
كتب مجيدو
| Quote: لو عاوز نصيحتي ... اذا البت عاوزة تقراء طب فقط وديها السودان وامرك لله ... |
الكلام الفوق دة درررررررررررررررر
تعرف أنا ولدي ممتحن السنة الجاية، ومصر على طب، أمو مصرة إنو يقرأ هندسة هنا في السعودية ولا يمشي يقرأ بعيد عنها خاصة السودان
لا لشيء إلا لما تسمعه عن أخبار السودان
لكن للأمانة أحد معارفي رجل إمكاناتياته بسيييييييطة جدا قبل تلات سنوات بنته أحرزت 100% ومشت السودان إختارت حاسوب
والبنت حسب تربيتها، دة ما يمنع أولاد الحرام كتااااااااار وكمان الصاحبات.
نسأل الله يرد قربتنا
|
|