واخيرآ بكي السجمان ( امين حسن عمر ) واعتذر للشعب السوداني عن الفساد .. يوجد فيديو .

اسمعوا ماذا قال السجمان امين حسن عمر عن الفساد !!!

الأخ الكريم \ محمد عبد الله .. سلام وتقدير .

Quote: محمد عبد الله الأمين · الأكثر تعليقا · يعمل لدى ‏المملكه العربيه السعوديه‏ الاخت مني في الدقيقة كم ؟؟؟

في الزمن الضائع الجاي هههههههههههههههه .

يا عزيزي مجرد حلم امين السجمان شنو البعتذر !!!

ههههههههههههههههههه،

يا بت عمسيب دا زول ناشف من الأحاسيس والمشاعر.
دا ما بيقدر يبكي. ما حجره قاطة من الدموع.
هذا شخص مليان ثقالة من راسه حتي أُخمص قدميه.
أمين حسن عمر هو ماركة الثقالة في العالم.

شفتيلك حجر بيبكي ؟؟؟...

ود المدير صاحبي .. لعلك بخير يا وش الخير ؟

Quote: شفتيلك حجر بيبكي ؟؟؟...

يعني يا ود المدير ما احلم ؟ مجرد حلم والله صحي ههههههههههههههههههههههههه
يا زول والله مشتاقون ... ولي قدام .

Quote: يعني يا ود المدير ما احلم ؟ مجرد حلم والله صحي ههههههههههههههههههههههههه يا زول والله مشتاقون ... ولي قدام .

يا صاحبتي بت عمسيب،
أحلمي لكن ما تبالغي كمان...

Quote: أحلمي لكن ما تبالغي كمان...

هههههههههههههههههههههههههههههههههههههه

ولا اقول ليك اسمعني جاي لما الحلم يكون عن هولاء اكيد
بيكون من الشيطان ههههههههههههه فعشان كدا المبالغة بتحصل
والله صحي هههههههههههههه .

كل يوم بتأكد انه الاسلام السياسي نقمة علي الشعوب
فيجب محاربته بكل السبل . الشريط دا دليل علي انه
الاسلامويين المفسدين عندهم دين بطريقتهم الخاصة فلا
يجب السكات عليهم !!!

Quote: شفتيلك حجر بيبكي ؟؟؟...

Quote: ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء وَإِنَّ مِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُونَ [2:74]

سلام منى و ود المدير

الشباطين مثلل امين لا يدمعون .

تحياتى

Quote: سلام منى و ود المدير الشباطين مثلل امين لا يدمعون .

حبابك يا الحبيبة نعمتنا ... فعلآ كلام صاح وبادلايلو
ote: ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء وَإِنَّ مِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُونَ [2:74]
وصدق الله العظيم .. ونعم بالله .

تقديري .. ولي قدام .

يا منى .. سلام

البكاء والاعتذار دا عندهم عيبه كبيره ..
لاكيييين اذا شالوهم من كراسيهم .. ممكن جعيره .. جعيرتين كدا
فــ شنووو .. ما تحلمي قدر دااا .....

يبكي ، يجَعّـــــِـر
يوس خ في هـدومــــو
كلو ما بحـــــل هـذا الباطــــــل
وأمثاله مـــن السفلة ، القتلة اللصـــــــــــوص
علي الشعب السوداني أن ينتقم لعزته وشرفه
الذي دنسه الكيزان أبناء الحـرام حتي يكونوا عبرة
وعـظة لكل من تسول نفسه إستغلال السلطة والقوة والمال
لإستباحة ونهـب حقوق الشعب وإمتهان كـرامته.

الاخ هشام هباني

سعدنا لرجوعك للمنبر

الصادق









مني عمسيب
يا خي الحقوق محفوظة والعناوين دي حكرا للناظر هباني حصرياً

بت عمسيب سلام النضال
هنالك اشخاص فى حكومة الانقاذ انا اشفق على حال من يستضيفهم لاستجلاء حقيقة
او اثبات تهمة او تعديل مسار او البحث عن بينة عن هذا النظام الفاسد المفسد، اولهم
ثقيل حسد سجم هذا وربيع عبد العاطى، هولاء يأتى الواحد منهم من منزله وهو مصمم
على ان لايسمع ولا كلمة واحدة من اى شخص، و غير مستعد لحوار، كل الذى يحمله الى
المكان هو القاء محاضرة سمجه وممجوجة ومحشودة بالايات والاحاديث للدفاع بالباطل عن
النظام وتبرئه متنفذيه من كل ريبة واظهارهم مظهر الانبياء الطاهرين وفيهم من هو انجس
من خنزير كل ذلك لانهم يتوهمون انهم سفراء الله لجملة الصابئة فى ارض السودان وانهم
مبعوثون رحمة للعالمين.. ، بوصفهم الحق المطلق وغيرهم الباطل المحض، ولو لاحظت لو
سالت ايا منهم عن سبب ارتفاع سعر الطماطم لاجاب و تحدث عن كفر الناس وخطل المعارضة
هذا من اسوأ انواع القيادين ممن يتولون مناصب فى السودان المداعى هذا، قاتل الله امين وشاكلته
ممن تولوا المقاليد فى هذا العهد الغيهب، قالت يبكى!!!

الاخت مني
سلام

جيت و في راسي رد واحد قلت اول حاجه اسمع الفديو و بعداك ارد
كنت عاوز اقول ليك مدبلج
لك طلع حلم

ترخريمه : طولنا من مناوشاتك

الزبير الختمي

العزيز \ محمد مجيدو ..

سلام وابتسام .

Quote: فــ شنووو .. ما تحلمي قدر دااا

يعني يا ابو حميد حتي الحلم دا ما دايرييني احلمو ؟ هههههههههههههههه
اسي امانة عليك جاي تكركب انت وود المدير عشان تصحوني من الحلم
البلوشي دا ؟ والله لكن حكاية ! نقول شنو عليكم تربية انقاذ حسد وهلمجر هههه
هههههههههههههههههههههههههههههههههههههههههه . ولي قدام .

الأخ العزيز \ ود الطيب ..

تحياتي وتقديري ..

Quote: يوس خ في هـدومــــو كلو ما بحـــــل هـذا الباطــــــل

شنو يا ود الطيب الكلام الخشن دا هههههههههه لكن بيني وبينك
بستاهلو . والله يا ود الطيب نفسي اعرف الزول دا بتكلم بالطريقة
دي ليه ؟ يعني في كم طرق للتحدث والكلام ما لقي غير الطريقة البائسة
دي !!!!؟ تسلم يا ود الطيب ولي قدام .

حباااااااااااابك الصادق اسماعيل اخوي ..

وهشام بسلم عليك .. وقال ليك البينا عامرة انا وبت عمسيب ههههههههههههههه

Quote: الاخ هشام هباني سعدنا لرجوعك للمنبر الصادق

تصدق يا صادق والله يعلم الليامات دي قاعدة افكر في هشام هباني والله صحي
ولي امبارح دي اشهد الله قلت ارسل ليه رسالة اطمئن عليه شوف الاحساس دا
كيف ؟ لكن عمومآ تحياتنا العطرة جدآ للحبيب ود هباني وبنشكرو الخلاك تمر علينا
يا اخي الصادق يعني لو ما هباني ما كنا شفناك ههههههههههههههههههههههه
ويا زول بنقول ليك مابيناتنا حقوق محفوظة طيلة ما حقوقنا ضائعة هههه
تسلم اخي الصادق ومشكور علي المرور ..... ولي قدام .

سلام وطني \ ود الموج .

Quote: هنالك اشخاص فى حكومة الانقاذ انا اشفق على حال من يستضيفهم لاستجلاء حقيقة او اثبات تهمة او تعديل مسار او البحث عن بينة عن هذا النظام الفاسد المفسد، اولهم ثقيل حسد سجم هذا وربيع عبد العاطى،

انت عارف يا ود الموج الناس ديل وصلوا مرحلة من الكذب لما بقوا مصدقين نفسهم !!!
يعني اغالطوك في اسمك عديل !! ودي المصيبة الواقع فيها الشعب معاهم يعني فقط مصدقين
نفسهم ودي اخطر مرحلة لما الانسان يصل مرحلة اصدق نفسه ! لكن السؤال مقدم البرنامج دا
شايت علي وين ؟؟؟ سلمت اخي الموج .. ولي قدام .

حبابك اخي الفاضل \ الزبير الختمي .

Quote: جيت و في راسي رد واحد قلت اول حاجه اسمع الفديو و بعداك ارد كنت عاوز اقول ليك مدبلج لك طلع حلم ترخريمه : طولنا من مناوشاتك الزبير الختمي

اها ورأيك شنو في الفيديو ما شفتك علقت عليه ؟

همسة :
احلي مناوشات مع اجمل عدو لكن صديق هههههههههههههه
تسلم يا عزيز والدواس والمناوشات لو لاها لما استمرت عجلة
السياسة واكيد بكون في قمة السعادة لما بتكون بتناوش فيني
هو انا لاقية ههههههههههههه. تسلم صديقي الختمي ومشكور علي
المرور ... ولي قدام .

معآ لمحاربة فساد تجار الدين .

Quote: نفسي اعرف الزول دا بتكلم بالطريقة دي ليه ؟ يعني في كم طرق للتحدث والكلام ما لقي غير الطريقة البائسة دي !!!!؟ تسلم يا ود الطيب ولي قدام

بت عمسيب عساك طيبة

صدقت في المقتبس اعلاه !

انا الدكتور قال لي حالتي العصبية كهرباء زايدة في المخ ونصحني بالابتعاد عن امين حسن عمر دا بالذات
وطريقة كلامو وصوتو بتاع الغدة السايحة دا وامتنعت عن امثاله من الكذابين والمنافقين وكل الكرونيكيين !

الأخ الفاضل \ عبد اللطيف ..

صباحك خير .. وبعد الشر عليك من امراض الكهرباء .

Quote: صدقت في المقتبس اعلاه !

والله يا عبد اللطيف يا خيي سؤالي دا من جوة قلبي ما موضوع ضحك
ولا مزاح نفسي اعرف الزول دا بتكلم بالطريقة دي الفهم شنو ؟
ودمت اخي عبد اللطيف .. ومكشور علي المرور .

ولي قدام .

اها ورأيك شنو في الفيديو ما شفتك علقت عليه ؟
------------------------------------------------
بت عمسيب
سلام
اولا : و الله و بالله و تالله ، لا اذكر متي و لكن منذ امد بعيد لم استمع و الا اطيق ان استمع لناس الحكومه لانهم غير مبالين و تناي كلام ما منو فايده ، تحرق الدنيا تتوقع استقاله اجيك واحد عشان ابرر ، حاجه تحرق الاعصاب ، خفنا ما تجينا يوم طوبه مارقه من التلفزيون تودرنا علي وليداتنا .
ثانيا : الان من الضغط ببلع في حبوب Exforge عاوزاني استمع لي للمعتوه و الموهوم امين حسن عمر ، و الله اكان كده عاوزه لي القسطره للقلب .
ثالثا : ليس الخوف من سقوط حكومه الكيزان لكن الخوف من الافكار الفظيعه التي يحملها بعض اعضاء المنبر امثال المهوس جاكات و العنصري صديق الغالي .

تخريمه : كنت موجود في مدينه Antwrpen تقريبا شهرين للعمل و كنت اسكن في نايميخن الهولنديه .
حاولت الاتصال بك لكن فتحتي لي
قلنا نكمل الموضوع ههههههههههههههههههههههههههههههههههههههههه
الرسول معنا العصار طه جعفر ما اغشانا

الزبير ختمي

الأخ الفاضل \ الزبير

تحياتي وتقديري ..

صدقت والله يا الختمي والله انا بعض مرات لما ابلع حبوب القرحة تصدق ههههههه
بما انه لي فترة بديت اتعالج منها لكن حاجات زي دي فعلآ بتعمل ( هارت اتاك ) بعد الشر
عليك .
بهمسة :

Quote: تخريمه : كنت موجود في مدينه Antwrpen تقريبا شهرين للعمل و كنت اسكن في نايميخن الهولنديه . حاولت الاتصال بك لكن فتحتي لي

معقول تصل لي هنا وما تشرفنا .. وكمان داير تشوه لي سمعتي قدام اسرتي الحبيبة اسرة الحوشباب ؟
اتصلت بي متين يا مستهبل ههههههههه . عليك الله قول الحقيقة .

العزيزه مني

سلام

و الله العظيم و الله العظيم ، كنت في انتويربن و كنت ساكن في نايميخن .

حاولت الاتصال بك خوتكم خوه قر قر ( منبر ساكت ) لانو بطاقه الماستر كارد ابت تشتغل و كنت مغروض في قروش لي حدي ما تجي الفزعه .

المهم رجعنا و زعلان زي زعلتي من ود الفكي في بويت شغال الان . نصدقي هو اتحادي قال ( لو السيد علي قام من قبره ) ياخي اشتم الحزب زي ما عاوز بس لبعد من الناس .

تخريمه : عملتي لي شنو في الموضوع ، هههههههههههههههههههههههههههههههه

الرسول معنا العصار طه جعفر ما اغشانا

اخوك الزبير الختمي

الفاسد المجرم المحتال المدعو أمين و ما هو بامين و انما هو خائن و سارق للوطن ..

عليه و على قومه اللعنة ..















................................................................................
التحيات الطيبات .. لك يا ابنة عمى منى .. و لضيوفك الكرام ...

الأخ العزيز \ الزبير ..

Quote: و الله العظيم و الله العظيم ، كنت في انتويربن و كنت ساكن في نايميخن .

والله يا زبير قائلاك بتهظر معاي تصدق معقول كنت هنا ؟ ومعذرة من قلبي لعدم وجودك لينا
وتاني لو جاي مفروض تدينا خبر من بدري عشان نديك كم عنوان بوردابي بديل عشان البلنتيات
البتحصل دي ههههههههههه يا زول معليش علي الحصل وبتمني تكون تجربة وعدت وان شاء الله
المرة الجاية اكيد حاضرين .. تسلم ولي التجربة الجاية اقصد لي قدام هههههههههههههه .

حبيبنا طيوب \ سلام وشوق ..

Quote: الفاسد المجرم المحتال المدعو أمين و ما هو بامين و انما هو خائن و سارق للوطن .. عليه و على قومه اللعنة ..

اميين والله يا طيب دا كوم وطريقة كلامو السجمانة دي كوم تاني والناس ديل لو سقطوا
بس خلو لي السجمان امين دا عشان احاكمو اول علي طريقة كلامو الرمدانة دي هههههه .

سلمت ابن عمي ولي قدام .

التحية لك الأخ والصديق الفيسبوكي ابو العلا ,

Quote: شريف ابو العلا · الأكثر تعليقا · كلية علوم التقانة والله مش يعتذر والله لو انتحر لن يغفر له الناس

والله بنتمني يا اخي شريف الشعب السوداني يأخد حقوقه من هولاء اللصوص .