معقولة يا جماعة الكلام الحاصل في المنبر ؟؟!!

معقولة ياجماعة ياخ الناس تصل للمستوى دي
يا جماعة أنا ما مع فلان ولا ضد فلان مع الصاح وضد الغلط ولا عندي رغبة أفتح باب عداوات مع زول بس والله ديل غلبو الواحد يسكت
لا حول ولا قوة إلا بالله

Quote: ما يسل اعضائه التناسلية على بنات الشعب السوداني ومتى وكيفما يشتهي ؟؟؟

http://www.sudaneseonline.com/board/470/msg/1401693889.html

Quote: اذا كان وزير الدفاع بعصر لام البشير كرعينها فغندور شكلو كده بعصر للبشير ذاتو كرعينو

يا جماعة الخير الله يرضى عليكم عارضوا اختلفوا مع بعض بس بالمعقول والمنطق والشيء المقبول

يوسف الطيب سلامات

ياخ الحاجات دى يعلم الله بنمر فيها مرور الكرام .. وفى حاجات ما شفناها إلا من خلال بوستك دا

أحب أن أهدى لك حكمة الرجل العجوز

جاء شخص لرجل فقال له :

فلان شتمك في أحد المجالس !

فقال لہ الرجل : إن كان فلان رماني بسهم فلم يصبني....!

فلماذا حملت أنت السهم وغرسته في قلبي؟؟

ياخ الحاجات دى قد تكون ما باينه للناس أو أغلبهم لم يشوفوها لماذا أنت ظهرتها فى بوست منفرد
إن كنت تحب أن تعالج مثل هذه الأشياء الأفضل أن تعالجها فى بوستها الذى قيلت له

المنتدى ليست عالم وردى كما الدنيا .

مودتى

Quote: جاء شخص لرجل فقال له : فلان شتمك في أحد المجالس ! فقال لہ الرجل : إن كان فلان رماني بسهم فلم يصبني....! فلماذا حملت أنت السهم وغرسته في قلبي؟؟

أهلا يوسف الطيب
كما ذكر أخونا نجم الدين وأهدانا هذه الحكمة الصباحية
المنبر مجتمع سوق مليان بضاعة فيها الجيد جدا وفيها الردىء حد الطراش
فقط تخير لعقلك مايضيف لك جديدا وإتطفر مكامن الإنزاق بكل رشاقة ذهنية
مع التقدير ،،

الاخ يوسف الطيب احمد ادريس

اجارك الله ياما في كتابات عجيبه و غريبه.

تدينها يبقوا لك في رقبتك و قفت مع فلان و تركت علان.

مع كامل ادانتي لها و تضامني مع و ضاحه

فالنساء دوما ضحيه هنا.

الأخ نجم الدين سعدابي
الأخ جمال مصطفى
يا أخ نجم الدين ياخ أنا متابع المنبر من 2006 وعارف الحاصل فيه، ياخ المسألة في التلاتة نماذج دي فاتت حد الاحتمال شان أصبح لا بد من الواحد يفتح بوست مخصوص
مش شان التشهير أو لكن عشان المسألة تلقى ليها علاج ياخ عندنا ناس بتصفحو المنبر بنات أولاد ونسوان ياخ معقولة يقرو الكلام دا ؟؟
وبصراحة مسألة مرور الكرام دي ذاتها من الحاجات اللي خلت الحاجات دي تكبر وتزيد لأنو الناس بقت تتهرب من علاجها .
وشكراً للحكمة الصباحية، بس لب الحكمة بين شخصين ودخل تالت شان يزود هنا الأمر بختلف تماماً دا مكان عام وبقروهو آلاف الناس يعني ماشيء مدسوس
ياخي قسماً بالله بطني طامة بشكل غريب ويالله قدرت دخلت عشان أرد ليكم.. والأغرب الحاجة دي من ناس يفترض فيها الوعي والاستنارة وبكتبو في مكان عام مش
حيطة حمامات ولا بتونسو في ضل عمود.
والواحد حب يعمل العليه ويسوي أخف الإيمان ويناصح الناس وفي اعتقادي التلاتة الكتبو الكلام دا ناس كويسين بس قد يكون الغضب أعماهم وكتبو تحت تأثيره

نسال الله السلامة
كلام قبيح قبيح ومدان ونطالب بكري بتطبيق القانون

الأخت تراجي
سلام أنا شايف من بدري لكن ياجماعة الخير دا ما حال والله، والإساءة ما حبابها والناس دي كلها عندها كيبوردات وبعرفو البذاءة والكلام الشين، ياخي طيب الناس بتلوم ناس وبتخلي
ناس لي في جنس الكلام دا، قالوا المساواة في الظلم عدالة، وبالنسبة لينا كسودانيين عموماً المرأة مقدرة ومحفوظ مكانتها.
الله يصلح الحال وعشمي في الأخوان صلاح جادات وفرح أبو روضة والأخ بدر الدين الأمير يصلحو خطئهم وكلنا بنخطئ وتبقى عترة تصلح المشية.
ويدك معانا لإصلاح الحال

الأخ محمد المسلمي

Quote: كلام قبيح قبيح ومدان ونطالب بكري بتطبيق القانون

شكراً للمرور أنا بطالب بنصحهم وإرشادهم وإرجاعهم لجادة الصواب
مهما في النهاية هم زملاء وأخوان جمعنا بيهم المكان من أفضل المناصحة وبذات من الأعضاء القدامى والمؤثرين والعندهم قبول في المنبر.

بالمناسبة :
انت من الكباشي؟؟

لك تحيية
وتشكر على الاهتمام بالذوق العام
وشايفك استهليت البوست باقتباس لمشاركة لابو روضة
هذه المشاركة لم تاتي في حق عضو ولم تكن نشاذ من ما تقوم به قوات الجنجويد وتمارسه ضد نساء الشعب السوداني
هذا الرجل القبلي الجهوي المجرم القاتل كل ما قلناه هو متهم به وقواته التي يقودها
اذا قوات الجنجويد غير متهمة باغتصاب نساء دار فور اكون ملاماً والاغتصاب ما بتم بالاصبع بل بالاعضاء التناسيلية
واذا كانت قوات الجنجويد لم تسل سيفها وكافة ادوات قمعها على مواطنيين دار فور وغيرهم
هات حبل المشنقة
تعرف يا الحبيب
المؤسف هنا ردود تدين وتشجب وهم ضمن الانحطاط الاخلاقي الحاصل وردودهم واساتهم في حق الاعضاء ومن خالفهم الرأي
موجودة
ما تبقى على الناس حكاية الجمل الما بشوف عوجة رقبته
كان من الاجدر ان توظف هذه الجزئية لنساء دار فور المغتصبات وللمهرجيين
ولمن طالتهم مقاصل الانقاذ بواسطة رجالات الجنجويد وهذا المجرم القبيح
افضل من ان تدادفع عن رجل ما قلناه ابسط ما يمكن ان يقال وليته يفض غبن
وسلام مربع للبلد الهاضت وجاطت

أهلاً أبو روضة
أولاً: المسألة ما مقصودة شان كلامك يجي الأول عفواً ليس إلا.
ثانياً: كلامك فيه جانب إساءة لنساء الشعب السوداني لم تقول يسل أعضاءه التناسلية على نساء الشعب السوداني كأنما هن داعرات وما عليه إلا يسل أعضاءه
ثالثاً: أنا ما قصدت أدافع عن حميدتي قصدت جانب الكلام اللي فيه إساءة للناس اللي هم نساءنا جميعاً.
رابعاً : السياق جاء في مناسبة زواج حميدتي وما جا في سياق الحديث عن قوات الجنجويد.
خامساً: كتبت الكلام بقصد النصيحة وليس الشنق.
سادساً: فلنبدأ بأنفسنا أول نصلحها وبعدين نصلح البلد عشان نبقى قدوة للشعب السوداني عشان يتقبلنا
سابعاً: أهل دارفور والسودان كله الحمد لله ما ناسينو وأقل ما نعملو ليهم بالدعاء في الأوقات المحببة أن ربنا يفرج كربهم وكرب البلد عامة.
ثامناً: يا ريت تجيب لي دليل انو دافعت عن حميدتي ؟؟ وين الكلام دا؟
تاسعاً: المانع شنو الناس تراجع نفسها وتعارض وتختلف بكل احترام، وما المشكلة الغلط المشكلة التمادي والعناد في الغلط.
عاشراً: أقرأ مداخلاتي كلها بتصب في إطار النصيحة والإرشاد وليس الحجر على أحد أو فرض رأي أو رؤية معينة للكتابة دي مناصحة أخوية.
وبالنسبة للناس البتسيء ومرت هنا وريني مكان الإساءة ولومني لو ما ناصحتهم.
ويا أبو روضة أهلنا قالو (الما دارك ما لامك).
وتسلم يا حبيب

Quote: أهلاً أبو روضة أولاً: المسألة ما مقصودة شان كلامك يجي الأول عفواً ليس إلا. ثانياً: كلامك فيه جانب إساءة لنساء الشعب السوداني لم تقول يسل أعضاءه التناسلية على نساء الشعب السوداني كأنما هن داعرات وما عليه إلا يسل أعضاءه ثالثاً: أنا ما قصدت أدافع عن حميدتي قصدت جانب الكلام اللي فيه إساءة للناس اللي هم نساءنا جميعاً. رابعاً : السياق جاء في مناسبة زواج حميدتي وما جا في سياق الحديث عن قوات الجنجويد. خامساً: كتبت الكلام بقصد النصيحة وليس الشنق. سادساً: فلنبدأ بأنفسنا أول نصلحها وبعدين نصلح البلد عشان نبقى قدوة للشعب السوداني عشان يتقبلنا سابعاً: أهل دارفور والسودان كله الحمد لله ما ناسينو وأقل ما نعملو ليهم بالدعاء في الأوقات المحببة أن ربنا يفرج كربهم وكرب البلد عامة. ثامناً: يا ريت تجيب لي دليل انو دافعت عن حميدتي ؟؟ وين الكلام دا؟ تاسعاً: المانع شنو الناس تراجع نفسها وتعارض وتختلف بكل احترام، وما المشكلة الغلط المشكلة التمادي والعناد في الغلط. عاشراً: أقرأ مداخلاتي كلها بتصب في إطار النصيحة والإرشاد وليس الحجر على أحد أو فرض رأي أو رؤية معينة للكتابة دي مناصحة أخوية. وبالنسبة للناس البتسيء ومرت هنا وريني مكان الإساءة ولومني لو ما ناصحتهم. ويا أبو روضة أهلنا قالو (الما دارك ما لامك). وتسلم يا حبيب (عدل بواسطة يو

انا والله بالجد بحييك
وانا لم انتقد فكرة اتت مشاركتي في الاول او في زيل البوست
ولا يمنع ان نستفيد من بعض ومن يقول لنا ارتقوا وبشي من ذوق وادب نقول له مرحب
ولن نسهم في اخراج اي فكرة من جوهرها لنا او علينا وكان لابد من ان نقول
وانا بتفق معك في فكرة كل زول يبدأ بنفسه ويشوف الي اي مدى هو مسهم في
لغة الانحطاط السائدة ليس بحق قيادات سياسية او عسكرية من حق الاخرين انتقادها او مدحها
بل في حق الاعضاء
شكراً لاهدائنا فرصة للتواصل معك

ازيك يا استاذ يوسف الطيب

جميل كلامك جدا جدا واستغرب جدا لمن يكتب هكذا لغة مهما كانت الاختلافات ووجهات النظر التى كان بالامكان انو نقودها بالحوار واللغة المهذبة ..
استغرب جدا هل الخلافات هنا شخصية بمعني انو هي تصفية حسابات وترصد واللا اختلافات سياسية ممكن بدبلوماسية نناقشها ونبدي وجهات نظرنا فيها .
اتمنى من م.بكري ابوبكر يطبق القانون في كل شخص يتلفظ بلفظ جارح ..

ما كتبه الاستاذ ابو روضة شي لا يذكر اطلاقا لما قيل هنا ..يوجد اسوأ بكثير لو تتبعناه ، ليس دفاعا عن ابوروضه فما يربطني به لا يتعدي صورة محجوب شريف في التي يضعها في صفحته.
طلب صغير يا عزيزي .. الاقتباس المأخوذ عن استاذة وضاحة برجاء حذفه فمن كتبه احمق اساء لنا قبل الاساءة اليها .

ودي واحترامي لك ،،

أبو روضة يا حبيب
تسلم وإن شاء الله دا كلام زعل ونحن السودانيين معروفين بنفور زي الأندروس لكن قلبنا زي لونو وبنرجع بسرعة.
وشاكر لتقبل كلامي، وإن شاء الله القادم أحلى وكل الحاصل في المنبر حيبقى ذكرى وإن شاء الله الناس تستفيد منو.
وتسلم

إبراهيم يا (فاضل)
سلام عليك
تسلم والله ما أقصد إلا إصلاح البين وماعندي سابق معرفة هنا إلا أخونا علي ميرغني ومن كتاب الرأي دكتور زهير وأخونا خالد سعد، بس كمان حق المكان دا
علينا وحق الزمالة بتفرض أنو الواحد يناصح أخوه لأن التشاتم ما بفيد وبالعكس بضر والانتصار للنفس الضعيفة ووساوس ما حبابه، أدري أنو في الأفظع ومعليش
جات في أخواننا فرح أبو روضة وصلاح جادات وبدر الدين الأمير شان نبدأ بيهم المناصحة وإصلاح حال المنبر.
وتم حذف الكلام بناءاً على طلبك ، راجع أول مداخلة.

تسلم يا استاذ يوسف وموضوعك مهم جدا ولم تخطيء ابدا وقصدك واضح جدا وما يخالفك الرأى الا جاهل

ومن المؤكد انو البوست رسالة قوية لكل من كتب الفاظ جارحة سابقا

تعرف يا يوسف لما يكون في خبر مهم او موضوع او فديو مهم او اى حدث مكتوب في المنبر ..سابقا كنت بفتح سودانيييز ومعاى الاسرة وفاتح الصفحة ويتابعو معاى ..
مرت فترة انتشرت فيها بوستات غريبة جواها الفاظ جارحة جدا كانت سبب انو افتح المنبر بحذر وخجل خوف من انو تقع كلمة او جملة جارحة في عين اى شخص من افراد الاسرة ..

ودي لك ..

هلا إبراهيم
تعرف يا إبراهيم أنا بعرف إعلاميين زمان كانوا بستقوا المعلومة من المنبر وبتابعوها لحدي ما يتأكدوا من مصدرها بتنزل كمادة إعلامية، اسي بالكاد فيهم ناس يفتحو سودانيز
ولو لتقضية الوقت، ليه عشان الحاصل فيه.

Quote: تعرف يا يوسف لما يكون في خبر مهم او موضوع او فديو مهم او اى حدث مكتوب في المنبر ..سابقا كنت بفتح سودانيييز ومعاى الاسرة وفاتح الصفحة ويتابعو معاى .. مرت فترة انتشرت فيها بوستات غريبة جواها الفاظ جارحة جدا كانت سبب انو افتح المنبر بحذر وخجل خوف من انو تقع كلمة او جملة جارحة في عين اى شخص من افراد الاسرة ..

نفس الفكرة.
تسلم يا حبيب

الاخ يوسف الطيب
لك التحية

Quote: سادساً: فلنبدأ بأنفسنا أول نصلحها وبعدين نصلح البلد عشان نبقى قدوة للشعب السوداني عشان يتقبلنا

كفيت و وفيت
و لو لم تقل غير هذي العبارة المقتبسة لكفتك
لذلك كثيرا ما اردد بأن من سيقودون هذا الشعب الى بر الامان لم يتم اكتشافهم بعد ، هم اناس اخرون قادمون من تاريخ هذا الامة العظيمة من اخلاقها السمحة و لا عزاء للنشاز !!

لك التحية مجدداً

Quote: انت من الكباشي؟؟

نعم من آل.الشيخ الكباشي