اكتشاف حوض بترولي جديد في السودان يحتوي على احتياطي يقدر بنحو 4 مليارات برميل

http://www.al-sharq.com/news/details/243674#.U44nrXJ_v4g
رابط المصدر
بوابة الشرق

اكتشاف حوض بترولي جديد في السودان.. صورة أرشيفية
الخرطوم - وكالات
أعلن المهندس مكاوي محمد عوض، وزير النفط السوداني اكتشاف حوض بترولي جديد في بلاده يحوي احتياطيا يقدر بنحو أربعة مليارات برميل.
وذكر المهندس عوض في تصريح له اليوم الثلاثاء، أن ذلك الحوض يمتد من جنوب مدينة تندلتي بولاية النيل الأبيض ويتجه غربا ليشمل ولايات كردفان وشرقا يضم جزءا من ولاية الخرطوم وشمالا إلى ولاية نهر النيل حتى عاصمة الولاية مدينة الدامر.
وأوضح أن حكومة بلاده وقعت اتفاقا مع شركة برازيلية للقيام بعمليات التنقيب والاستكشاف ليبدأ الإنتاج خلال السنوات المقبلة.
وأشار وزير النفط إلى أن زيارته مؤخرا إلى ماليزيا شهدت مفاوضات مع الشركة الحكومية الماليزية للبترول للدخول كشريك مع الشركات البرازيلية، من أجل توفير التمويل المالي لأكبر مشروع نفطي في بلاده، على حد تعبيره.
وتوقع أن تشهد الفترة المقبلة تسريع خطوات التنفيذ لصالح زيادة الإنتاج والاستغلال الأمثل للنفط السوداني لصالح التنمية المستدامة.

Quote: اكتشاف حوض بترولي جديد في السودان.. صورة أرشيفية الخرطوم - وكالات أعلن المهندس مكاوي محمد عوض، وزير النفط السوداني اكتشاف حوض بترولي جديد في بلاده يحوي احتياطيا يقدر بنحو أربعة مليارات برميل. وذكر المهندس عوض في تصريح له اليوم الثلاثاء، أن ذلك الحوض يمتد من جنوب مدينة تندلتي بولاية النيل الأبيض ويتجه غربا ليشمل ولايات كردفان وشرقا يضم جزءا من ولاية الخرطوم وشمالا إلى ولاية نهر النيل حتى عاصمة الولاية مدينة الدامر. وأوضح أن حكومة بلاده وقعت اتفاقا مع شركة برازيلية للقيام بعمليات التنقيب والاستكشاف ليبدأ الإنتاج خلال السنوات المقبلة. وأشار وزير النفط إلى أن زيارته مؤخرا إلى ماليزيا شهدت مفاوضات مع الشركة الحكومية الماليزية للبترول للدخول كشريك مع الشركات البرازيلية، من أجل توفير التمويل المالي لأكبر مشروع نفطي في بلاده، على حد تعبيره. وتوقع أن تشهد الفترة المقبلة تسريع خطوات التنفيذ لصالح زيادة الإنتاج والاستغلال الأمثل للنفط السوداني لصالح التنمية المستدامة.

سلام عادل الشبلى

غايتو إكتشاف فى غير أوانه

الجماعة ديل خلاص ببركوا فى تكية الوطن دى بعدموها الكرررراد

محبتى

غطوا خلو في بكانو ما يلحق بترول السودان الما عارفين لغاية
هسه مشى وين و قروشو وين اففففففففففففف

لو صح الخبر الكيزان لقو ليهم نهيبة جديدة
تحياتي

اى حقل هذا الذى تعنون به كم من حقول سبق اكتشافها
كم من حقول تم استغلالها اين عائداتها
اين عائدات الذهب والمناجم المستغله
لماذا لم تقدم الدوله بوضوح الميزانيات الخاصه بالنفط
والتعدين وبقية مشروعات التنمية والاستثمارات الاجنبية
فى مجالى الزراعه والصناعة والخدمات.
وماهو احطياطى البنك من النقد الاجنبى

انا خايف يطلع زى بترول البردانة يا مسنوووووووووووووووووح

يا جماعة قولو الحمد لله

الخير للوطن

للسودان

لينا

لى اولادنا

ما تفجروا فى الخصومة ، والمعارضة ما تكون ضد الوطن

الجماعة ديل ولا غيرهم يطيروا يا اخوانا ما عندنا بيهم شغلة

لا حول ولا قوة الا بالله العلى العظيم .

وهكذا ،،يجتهد ذو الشان في حلب اخر نقطة لبن هي اصلا احتياطي الاجيال القادمة...
ولن تمر اعوام الا ونكرد اخر مورد للمستقبل
ذهبا كان اونفط،،،كل ماهو ناضب..
وتباع الارض او تؤجر لقرن
وهي الاستثمار الاولي الذي يتجدد
كم سعر طن اللحم،،لماذا لا يدخل الملازيين في شراكة معنا...
نؤكل كل العالم لحما رخيصا صحيا
ونسقيه لبنا من مراعي طبيعيه
نحسن نسل الابقار ونرعاها بيطريا
نسو الجبنة والحليب
وناكل الجوار خضرا وفواكه طازجه..
وكلو يبدا هسع جاهز ساهل ومضمون الربح...

Quote: ما تفجروا فى الخصومة ، والمعارضة ما تكون ضد الوطن

سلام محمد يوسف

وين المعارضة ضد الوطن ؟؟

هو الوطن ياتو القديم الكبير؟؟ ولا الجديد المشلتت ؟؟ولا وطن الإقتتال فى غنايمه بقى زى موية النار كل مره تهرد فيهو حته ؟؟

خيرات باطن الأرض أولى بها إبنائى أبناءك لمن يأتون بعدنا عندما يكون الوطن معافى من كل مختلس وآكل سحت ومن كل من هم همهم الأوحد الكرسى

ياخ البترول دا أن صح ببقى زى خضراء الدمن ( الجميلة فى المنبت السوء )
أنحنا بدورنا أصبحت علينا حكاية الضفدع فى بوست سابق لأحد الأخوة
تكيفنا مع عفنهم وبؤسنا .. يجب أن نكرس لما هو آتى للأجيال القادمه وأن لا تمتد لها يد الدنس

محبتين للوطن ولك

Quote: انا خايف يطلع زى بترول البردانة يا مسنوووووووووووووووووح

بترول البردانة ما في زول شفضتو ونحسو غيرك ....

مسنوح

كما انة السلام عليكم ورحمة الله وبركاتة

مشتاقين

شوق قال

ات فاكر الشوق دا بشتتوهو في الصقيعة ساي؟

وين بضاعتك انت للشوق؟ ههههههههههههههههههههههها

Quote: سلام عادل الشبلى غايتو إكتشاف فى غير أوانه الجماعة ديل خلاص ببركوا فى تكية الوطن دى بعدموها الكرررراد محبتى

نجم الدين

سلام وتحية

انا عماد مش عادل

ياخي تفالو باخير تجدوه انشاء الله

مافي حوض ولا يحزنون

دا خبر بخدروا بقية الرجرجة والدهماء الذين ما زالوا يصدقون رجالة هي لله
وامريكا روسيا قد دنا عذابها

تحياتي

الكترابل....
من تندلتي ويمتد ليصل ولايات كردفان، وللخرطوم نصيب....
ويتجه شمالا؛ ليصل ولاية نهر النيل؛ ويا دامر المجذوب هاك البترول دا....
لكن الحوض دا ماليه حق، كان شوية يمشي شمالا ان شاء الله يصل الكرفاب،
وبعدين ما عندو امتدادات من سنار وكدا ياشرقي الحبيب، ويصل بورسودان،
ولا تحتاج لانابيب تحفر؛ وتصدر....
سؤال اخير،
الحوض تم اكتشافو دفعة واحدة، اخنق؛ اكتشف...
ام على مراحل؟
بعدين الاربعة مليار دي بالقديم ولَّ بالجديد، لان هنالك فرق.....

الاخ عبدالمنعم

ملاحظنك جديرة بالاهنمام

البترول حق الجلابة بس، بلا فسمة ثروة وسلطة معاكم، الداير يشتت يشتت

Quote: وذكر المهندس عوض في تصريح له اليوم الثلاثاء، أن ذلك الحوض يمتد من جنوب مدينة تندلتي بولاية النيل الأبيض ويتجه غربا ليشمل ولايات كردفان وشرقا يضم جزءا من ولاية الخرطوم وشمالا إلى ولاية نهر النيل حتى عاصمة الولاية مدينة الدامر.

سلام ياعمدة
حوض الجن ده اصلو راكب تكسي حايم البلد كلها.
الله يستر عليهو من الهبرو ملو.

مافي إكتشاف غير إعادة إكتشاف القنبورالكبيرالفي راسنا دا

المسؤلين الحكوميين يومياً بتكتشفوا إنو قنبورنا أكبر من ما كانوا يتصوروا

Quote: حوض الجن ده اصلو راكب تكسي حايم البلد كلها.

ههههههههههههههههههههههههههههههههههههههههههههههههههه

ياخ يا عبد العزيز الف شكر وتقدير
you made my day
او كما تقول الفرنجة و ضحكتني ضحك السنين يعلم الله

----------
هلا شبلي وحياك الغمام

Quote: سلام ياعمدة حوض الجن ده اصلو راكب تكسي حايم البلد كلها. الله يستر عليهو من الهبرو ملو.

الفاضلابي سلام يا مولانا

الان الكرة في ملعب الفاضلاب

مفروض ترجع بعد دا

نفتح ليك مكتب كبير

انت توثق !!!!

وانا اصور !!!!

كما انه الفرحة باينا عليك ....

تعريف الحوض البترولي .....

o حقل بترولي: مساحة واسعة يضم عدة ابار بترولية
o حوض بترولي: هو اوسع من الحقل يضم عدة حقول بترولية

السادة عماد الشبلي و ضيوفه
سلام يغشاكم

اولا الواحد يثني على جهود الحكومة في تحريكها الجمود المعرفي بالوطن بحدوده و موارده ، و حقيقة تقال في عهود سابقة لم نك نعرف كثير من اسماء المدن الصغيرة و القرى و الحلال في اصقاع البلد المختلفة مما يعني ان الحكومات السابقة كانت تسمي الخرطوم السودان و لا تكاد تعرف ماذا يدور على بعد امتار من الخرطوم

اظرف تعليق على هذا الموضوع في الفيسبوك واحد قال : يا جماعة بالله عليكم الله خلو الشي ده جوه الواطه لغايه ما نعرف راسنا من رجلينا و تقيف سيرة الفساد دي بعدين امرقوهو بره !!
و رغم انو التعليق ساخر الا انه وجد عندي قبول ، فأنا من المؤيدين لأولوية حل المشكل السياسي و الاتفاق بين كافة مكونات الوطن على كلمة سواء و دستور دائم و جيش و شرطة و قضاء من القوة بمكان و بعد داك نمشي نفتش جوة بطن البلد
السودان بلد فيه من الخيرات و الموارد ما لا يخطر ببال بس كيف الناس تتفق و كمال يقول الاستاذ حسين خوجلي : هذا السودان لم يكتشف بعد لا ظاهر و لا باطن
أما آن للمتعنتين ان يطلقوا صراح هذا الوطن المأسور و يقدموا الوطن على ما تهوى انفسهم ؟؟ !!!

و لكم التحية مجدداً

.....

هذا اكبر دافع لاسقاط نظام الابالسة قبل ان يضعوا يدهم عليه و يضيعوه و يسرقوه كالسابق

لا تكونوا أدوات المكياج السياسي والخديعة الإقتصادية

Quote: o حقل بترولي: مساحة واسعة يضم عدة ابار بترولية o حوض بترولي: هو اوسع من الحقل يضم عدة حقول بترولية

تحياتي أستاذ الشبلي
النظام يستميح الشعب ببقاء بإحدى الحيل التي تنبه بأن الواقع سوف يتغير نحو الأحسن كما قالوا عند إستخراج البترول في ذاك الزمان .. فلم يتحسن وضع المواطن فوظفت كل أموال العائدات البترولية في الفساد وفي إشعال نيران الحرب ..
لا نسأل أين أموال البترول لأننا ندركها أين ذهبت كما أننا نعرف كم وكيف تم بيع الحقول وأي سماسرة مارسوا ذلك
.
فرصيد الثورة يعلو في كل لحظة بلا توقف عبر صور الخداع

التحية والسلام للجميع اخوتي الاعزاء

أنا ضد استخراج لأي ثروات سودانية جديدة مالم تتوحد هذه الأمة وتكون على قلب رجل واحد والوطن يسع الجميع كل واحد يجد لذة ومتعة في الانتماء اليه .. هؤلاء الناس نخروا في كل حاجة وهدو كل قيم الانتماء ..

Quote: لا تكونوا أدوات المكياج السياسي والخديعة الإقتصادية Quote: o حقل بترولي: مساحة واسعة يضم عدة ابار بترولية o حوض بترولي: هو اوسع من الحقل يضم عدة حقول بترولية

عادل يا براري ... سلام وتحية

نتمني ان يكون حقيفة اقتصادية

الخبر كبير وعم المواقع الاخبارية ولا يمكن تجاهلة

وربنا يجعلة خيرا علي السودان

شكرا علي المرور

سلام الشبلي

دا حوض بترول ولا فاصل مداري ...

بعديــن هي قروش البترول القديمة ال70مليار دولار مشت ويــن عشان يبشروا الشعب بثروات بتروليه جديده ؟؟

هذه الحكومة غير مؤتمنه علي ثروات هذا الشعب ..

اذا صدق هذا الخبر (أستخراج البترول في ظل إستمرار هذه الحكومة سيكون مصيره غير معلوم مثل ال70 مليار السابقه) ..

الكلام دا لو صحي
فيجب ان نسقط نظام الانقاذ اليوم قبل غداً

وقبل ما يبيعوه هو داخل الارض . ياخي ديل
لما مسئول مشى يعمل شنو كدا ما عارف في كوستي
ناس الانقاذ الهناك وهموا ليك المسئول بانهم ضبحوا تور
ولما المسئول اداهم ضهرو جاء الجزار صاحب التور الكان
مستاجرين منو التور اخد التور و فرتق . الحركة دي ادهشت ابليس
ذاتو. و كورتوريوم الابليسي قرر ياخد كورسات تقوية في دهاليز
الموتمر الوطني

المنافقين يريدون مزيد من الاستمرارية

Quote: قروش البترول القديمة ال70مليار دولار مشت ويــن عشان يبشروا الشعب بثروات بتروليه جديده ؟؟

نتمسك بهذا بلا تراجع
فنتحاسب أولاً .. ولا حساب إلا تحت مظلة نظام ديمقراطي يحمي الجميع ويعطي الجميع حقوقها ويشيع مبدأ الحرية والعدالة بيننا .

لا يعلو فرد فوق العدل والسؤال وهذا حق جماهيري ووطني

Quote: الكلام دا لو صحي فيجب ان نسقط نظام الانقاذ اليوم قبل غداً

عم فيصل سلام

معليش سامحم المرة دي انت الكبير

بعدين ياخي دا حوض كبير كل زول بغرف علي كيفو

بس انت كبر كوريتك

كما شكرا علي المرور

شكرا لجميع الزملا

واعتذر لمن لم ارد عليعم

ولكن برجع ليهم

تحاتي

Quote: و كمال يقول الاستاذ حسين خوجلي : هذا السودان لم يكتشف بعد لا ظاهر و لا باطن

سلام ياخالد ـ إنت حسين خوجلي ده قصته شنو كلما افتح قناة امدرمان القاهو قافل الشاشة بي عمتو الـ زي الماشروم دي.
انا بقيت اقول ده يكون الـ لوقو بتاع القناة دي؟

سؤال
البرازيل عندها شركة بترول
غير العملاقة بتروبراس؟
و ليه ما ذكر الخبر اسم الشركة او الشركات
المتعاقد معها؟

أتمنى أن تظل كل ثروات السودان في باطن الأرض الي أن يأتي نظام حكم رشيد يوظفها لصالح
هذا الشعب الذي أنهكته الحروب والجوع , ما الذي استفاده أهل السوان من بترول الجنوب
ألم يتم الصرف منه علي حماس والحرب المدورة في الصومال لنصرة احدي الفصائل المتقاتلة
ألم يتم صرفه في تقتيل المدنيين في جبال النوبة ودارفور وغيرها من المناطق المشتعلة ألم يتم توظيف
عائداته في شراء الذمم , نحن نحتاج لنظام حكم رشيد ومهما كان حجم الثروات فسوف يتم تبديدها بالطريقة
التي شاهدناها من قبل , ثم ماذا عن الزراعة والأراضي الخصبة أليست هذه ثروات تستحق أن نلتفت اليها ونستغلها
بشكل أفضل بدلا عن تأجير الأراضي للأجانب , في البلاد التي أعيش فيها لتر زيت السمسم بمبلغ 22 فرنك
سويسري تعادل 25 دولار يعني 4 لتر زيت سمسم تعادل سعر برميل البترول , والكيلو من لحم النعام سعره
45 فرنك سويسري أي قرابة ال55 دولار , المصريين الآن يصدرون لحم النعام لأوربا ونحن لدينا النعام في بعض
المناطق يتواجد في الأسواق مع الناس ولا أحد يدرى أن النعامة زنة 15 كيلو سعرها يقارب ال 700 دولار نحن مشكلتنا
ليست في الثروات نحن مشكلتنا مشلة ضمير وادارة .

الفاضل / عماد الشبلي
والمتداخلين ،،، تحية واحترام،،،

للاسف الشديد هذا الخبر غير حقيقي

وأي متابع لمسيرة البترول يعي تماما لحقيقة إن بترول السودان يوجد فقط شريط يفصل السودان الشمالي عن الجنوبي والجزء الاكبر داخل حدود دولة الجنوب.

الملاحظة الثانية في هذا الخبر إن احتياط النفط السوداني كان يقدر بـ(مليار و200 الف برميل) فلا اعرف كيف اصبح هذا الحوض يحوي على 4 مليار برميل .!!!

أما شمال السودان فلا يوجد فيه بترول يغري أي شركة تعمل في هذا المجال للمجازفة والعمل فيه .. هذا كلام علمي وموثق .

الكيزان درجوا على اطلاق مثل هذه الاكاذيب بين الفترة والاخرى لسبب لا اعرف تسميته علميا فاذا تتبعت هذه الاكاذيب من شاكلة ...

اكتشاف بئر بترول في مدينة عطبرة

ميترو انفاق الخرطوم

رؤية الرسول (ص) وهو يمسك بيد البشير...

ارجو ان يفرد لنا أحد المتخصصين بوست مخصص لهذا النوع من الاكاذيب والهدف منها .......

الموضوع [البترول] موثق في سودانيز اونلاين منذ العام 2010 في بوست بعنوان: جغرافية البترول السوداني....!!! ... للباشمهندس/ عبدالكريم الأمين ارجو الاطلاع ...

جغرافية البترول السوداني....!!!

تحية وسلام لك عماد

انت نقلت خبرو تعليقي للكيزان انو دي احلام زلوووط

ووه يباع ونفاق كبير

تضخيم اكتشافات البترول هو لعب سياسة لا غير

منطقة كردفان او غيرها من المتوقع وجود بترول فيها لكن الخبر هو الان للاستهلاك السياسي فقط لا غير

التخطيط واخراج الخبر ومكاوي وغير مكاوي هم في الاخر جزء من نظام متهالك

استمراره يعتمد علي الاخبار دي

قد يكون الخير فيه حزء من الصحة لكن تتداوله هو مجرد وهم وحبوب هلوسة ح تسري في الايام الجاية دي

للاسف البترول ما هو حل لمشاكل السودان بل علي العكس هو جزء من كوارث السودان الحصلت وح تحصل

انفصال الجنوب لم يكن ليتم لو انو ما في بترول

تم زراعة الوهم عند الجانبين وهي نفس خزعبلات الطيب مصطفي عنما تحدث عن معادن وثروات ووووووووو بعد انفصال الجنوب ذهبت السكرة والسودان متربس في كركون

سلام

أربعة مليار برميل فقط منتشرة في كل هذه المساحة الشاسعة
التي تعادل مساحة الكويت عشرة مرات.؟!
وهذه الاربعة مليارات التي في عشرة اضعاف مساحة الكويت تقريباً
تعادل انتاج الكويت لثلاثة سنوات فقط
وانتاج السعودية لعام واحد فقط
الكمية بالنسبة لهذه المساحة لا تغمر نصف اصبع اليد..

Quote: رؤية الرسول (ص) وهو يمسك بيد البشير...

يد نافع مو البشير يالحبيب يد نافع

وواحدة تانية كدا قالت حلمت عمر الفاروق بيحكم السودان قبل الانقلاب بأسبوع

وأوعك تكون من المنكرين عشان ما يسختوك

سلام يا شبلى

بعدين الشركة البرازيلية مسحت المنطقة الكبيييييييييييييييرة دى بياتو اقمار فهمونا يا ناس الجيلوجيا كيف يتم تحديد المخزون

وهل مثل هذه التكنولوجيا متوفرة لدى الشركة البرازيلية ؟؟؟

غايتو انا شايف الحكاية دى زى كلام نافع قبل كم سنة كدا لما قال نديهم مهلة 3 سنة بس والحكاية حا تنبهل

قوموا الى صلاة الجمعة غداً فى كاودا بعد تحريرها يرحمكم الله

Quote: أربعة مليار برميل فقط منتشرة في كل هذه المساحة الشاسعة التي تعادل مساحة الكويت عشرة مرات.؟! وهذه الاربعة مليارات التي في عشرة اضعاف مساحة الكويت تقريباً تعادل انتاج الكويت لثلاثة سنوات فقط وانتاج السعودية لعام واحد فقط الكمية بالنسبة لهذه المساحة لا تغمر نصف اصبع اليد..

يا منتصر
حسب الفهمتو من مداخلتك انه المشكلة في مستوى الغمر (العُمق) البصعب الاستخراج للشركات
اها لو شفنا حتة كويسة فاضية كدا وجبنا حفار ضخم وحفرنا حفرة ماكنة وغريقة ينجمع فيها الشئ دا او على الاقل تبقى زي الجمام ما بتنحل المشكلة؟
اتو ااناس في خبر عن شجرة الجاتروفا؟

محمد عمر سلام

الجاتروفا

والله كلام عجيب

يعني نحن ممكن نكون من اغنيا اليترول

من تحت الارض وسطح الارض

شكرا علي المشاركة الهامة

دي ما اكثر من مسرحيات تخديريه لاشغال الناس
بعد مسرحية ندي راستا وغيرا

وحتي ولو وجد هذا الحوض لن يكون اكثر من بالوعة فساد ليغرف منها الكيزان كسابقاتها

Quote: دي ما اكثر من مسرحيات تخديريه لاشغال الناس بعد مسرحية ندي راستا وغيرا وحتي ولو وجد هذا الحوض لن يكون اكثر من بالوعة فساد ليغرف منها الكيزان كسابقاتها

ايه يا عم طارق

جاي دايس بنزين ولا بترول طوالي

لا سلام ولا كلام

ومن زيارتك ديك للدوحة تاني ما جيتنا

ياخ البترول يطير ويرجع للبير تاني !!!

كم انه السلام علبكم ورحمة الله وبركاته

مشتاقين ....

طبعاً نحن بنكون مبسوطين جداً لو كانت هناك أي بشائر اقتصادية
ولكن ليس معنى ذلك قبول أي كلام بدون تمريره على العقل والمنطق.
أعتقد أن مشكلة الجاتروفا مؤكد كانت في عدم الجدوى الاقتصادية لعدة اسباب:
1ـ تكلفة الإنتاج
أي إنتاج زراعي تكون تكلفته تكون دائمة ومستمرة بخلاف التعدين تكون التكلفة عالية في البداية
ثم تقل وتتقلص نسبة التكلفة حتى تكاد لا تذكر أما تكلفة الإنتاج الزراعي مستمرة بذات القدر.
2_ الإنتاج التعديني يومي والزراعي موسمي
يعني الفارق بين 1 ـــ 0031, يعني واحد مقابل 3 من ألف
3ـ العمالة المطلوبة لزراعة مليون فدان كبيرة جداً بالنسبة لما يحتاجه الانتاج البترولي المعادل لكمية الانتاج من هذه النبتة
4ـ هذا الزيت المنتج من بذور الجاتروفا يحل محل مستخلص واحد فقط من مستخلصات البترول الكثيرة جداً
5ـ هذه البذور لتحويلها لزيت بكمية من انتاج مليون فدان تحتاج مصنع ضخم يحتاج لمكائن ضخمة ومهندسين وعمال
وطاقة وأمور لا حصر لها.
6ـ المعالجة الكيميائية تحتاج ايضاً لمصنع آخر وتكلفة أخرى
7ـ الإنتاج الزراعية متذبذب وغير ثابت وقد يتعرض الإنتاج الزراعي لآفة ليست في الحسبان.
وهذا كله لانتاج عنصر واحد من عناصر البترول ليس أفضل عناصره
مما يجعل الأمر غير مجدي وأن هذا المجهود العظيم المفترض نظرياً بذله لإنتاج هذا العنصر
لو بذل في انتاج الغذاء بشقيه الزراعي والصناعي لعوض هذا عشرات الأضعاف لقيمة الجازولين
المستهلك في السودان.

تحية وتقدير وسلام للوطن والمواطن

ياخى دا شعب فقر نقوليكم. بترول ب 4 مليار تقديرية عالم تصرخ وتكورك تحب الفقر
نخليكم بدون. دعم برضو. كوراك اه نعمل شنو نخلى ليكم البلد
لكن تعليقاتكم تفش الغبينه
رغم ذلك الاخ امجد الجميعابى وبقية الاخوه نعم الاقتراح. خلو البترول فى (الجابره ) عند امه ( اموه)
بعد ما نتحاسب. فى الحساب القديم / وبالقديم
نقول الجفلن خلهن اقرع الواقفات