Post: #1
Title: من الارشيف: دعوات بورداب الدوحة و فساد الفيفا
Author: smart_ana2001
Date: 06-03-2014, 04:46 PM
دعوات بورداب الدوحة و فساد الفيفا
الذكرى تنفع المؤمنين
|
Post: #2
Title: Re: من الارشيف: دعوات بورداب الدوحة و فساد الفيفا
Author: smart_ana2001
Date: 06-03-2014, 08:50 PM
Parent: #1
لما زماااان قلتا ليكم فوز قطر باكس العالم ما منطقى...ما فى زول سمع.
غير مريم صحبتى و Elmuiz Haggaz
ما فى زول تانى اقتنع بكلامى داك!!!
دى مقدمة البوست واهم النقاط فيه. العاوز التفاصيل يرجع للبوست
دعوات بورداب الدوحة و فساد الفيفا
|
Post: #3
Title: Re: من الارشيف: دعوات بورداب الدوحة و فساد الفيفا
Author: smart_ana2001
Date: 06-03-2014, 09:00 PM
Parent: #2
لما سمعت ان قطر مترشحة...استبعدت فكرة فوز قطر تماما.خاصة و ان المنافس الاساسى امريكا.
استبعدت الفكرة ليه؟ الاسباب بسيطه جدا:
الطقس...
فى ناس بتقدر تلعب كورة فى صيف قطر؟؟؟ فى السخانة والرطوبة ديل ؟؟؟ درجة الحرارة فى قطر بتصل فى الصيف 130 درجة فهرنهايت . يعنى 54 و نص درجة مئوية.
امريكا فيها مناطق حاره و رطبة..لكن فى اماكن الجو خرافى معتدل طوال السنة.
قطر فى العطاء بتاعها قالت انها (ح ) تبنى ملاعب مكيفة. (ح تبنى)؟؟؟
ملاعب مكيفة ؟؟طيب و ح يعملوا شنو فى الشوارع؟؟؟
|
Post: #4
Title: Re: من الارشيف: دعوات بورداب الدوحة و فساد الفيفا
Author: smart_ana2001
Date: 06-03-2014, 09:01 PM
Parent: #3
البنية التحتية...
قطر (ح ) تبنى ملاعب. (ح تبنى)؟؟؟... مقابل كل الملاعب المقترحة من امريكا موجوده الان على ارض الواقع.
قطر قالت (ح) تبنى فنادق. معقولة؟؟
كل البنية التحتية متوفرة الان فى المدن المقترحة لكاس العالم فى امريكا. البنية التحتية من فنادق لشوارع لمطارات.
السكان...
امريكا اساتضافت كاس العالم من قبل (سنة 1994) و حققت ارقام قياسية.
اعلى دخل لكاس عالم حتى الان. متوسط حضور المبارة الواحده كان 69 الف متفرج. الان قطر (ح تبنى ) ملاعب بسعة كم و اربعين الف متفرج ...بس.
اكتر من تلانه مليون و نصف حضروا كاس العالم فى الملاعب الامريكية. عارفين سكان قطر (كلهم بالبورداب الكتار ديل)؟؟؟ مليون و نصف ....بس. و ده تعداد ما اكيد لسه. اخر تعداد كامل لقطر بيقول انهم حوالى 800 الف.
امريكا وعدت تبيع اكتر من 5 مليون تزكرة لكاس العالم لو اتعمل فى اراضيها. حظ سعيد لقطر تحاول تبيع نص الرقم ده!!!
الاعلام...
و هل فى منافس للاعلام الامريكى و حقوق البث حول العالم؟؟؟
كرة القدم...
مزيع فى الجزيرة بيقول ان قطر دولة رياضية! و الامريكان ما بيفهموا فى الكورة!!!!
جادين انتوا ؟؟؟
قطر ما حصل اتاهلت لكاس العالم..... يا عالم!!!!!!
عارفين ان قطر ترتيبها رقم 113 فى كورة القدم فى العالم؟؟؟؟ قال... رياضية قال.
|
Post: #5
Title: Re: من الارشيف: دعوات بورداب الدوحة و فساد الفيفا
Author: الامين محمد علي
Date: 06-03-2014, 11:07 PM
Parent: #4
وانا حتي هذه اللحظة غير مقتنع تماما ان هذه التظاهرة الكونية يمكن ان تقام في دولة. عبارة عن مدينة متوسطة الحجم،،،
هناك شي غامض جدا ،،لعله يفوق ما اظهرتة جريدة السن البريطانية،،،
قطر عاوزة تلبس جلابية اكبر من مقاسها بي كتير!!!
في الرياضة وفي السياسة ....... وهذا امرٌ لا يستقيم دائماً
والمال لا يصنع كل شيء!!!!!
وبالنسبة لكأس العالم دي واااااااسعة جدا
تحياتي يا استاذة وتحليلك اكتر من موضوعي،،
|
|