الحزب الشيوعي والقرآن الكريم .. كاريكاتيرات

للأمانة الصورة ليست ملكي وهي معدلة من هذا الكاريكاتير:

http://im62.gulfup.com/1su8F7.jpg

يا سلام يا محمد ... كاركاتير معبر جداً
انا لو كنت مكان بكري كان علقتو فوق
أيوه كده يا شيخنا ... وريهم

يا ايمن يا خوي كركتير شنو البيترفع فوق. اولا الكاركتير مدبلج يعني ما حقو. تاني الكركتير غير مبني علي حقائق يعني كذب. و الخلاصة : السلفيين و الفن خطين متوازيين لا يلتقيان ابدا.

لعلمك أن ندوات الحزب ومنذ تأسيسه تفتتح بالقرآن الكريم وبعد ثورة أكتوبر حينما جاء نصر الله والفتح كانت هذه السورة تقرا في كل الندوات ، والذين يغادرون ليس الشيوعيين السودانيين فأنت يظهر لا تعرفهم ولم تتعرف عليهم فهم أنقى وأطهر واسمى من ذلك وهم ملح الأرض الذي سقوا بدمائهم الطاهرة أرض السودان

عاش كفاح الحزب الشيوعي السوداني

الأخ أيمن محمود

Quote: يا سلام يا محمد ... كاركاتير معبر جداً انا لو كنت مكان بكري كان علقتو فوق أيوه كده يا شيخنا ... وريهم

هههههه يا ريت والله لكن بكري ده مابرفع شي للسلفيين
شاكر مرورك وتقييمك

كتب عاطف عبد الله

Quote: لعلمك أن ندوات الحزب ومنذ تأسيسه تفتتح بالقرآن الكريم وبعد ثورة أكتوبر حينما جاء نصر الله والفتح كانت هذه السورة تقرا في كل الندوات ، والذين يغادرون ليس الشيوعيين السودانيين فأنت يظهر لا تعرفهم ولم تتعرف عليهم فهم أنقى وأطهر واسمى من ذلك وهم ملح الأرض الذي سقوا بدمائهم الطاهرة أرض السودان

لو سلمنا بصحة ما قلته (رغم أنني أول مرة أسمع هذا الكلام) ولم يشتهر عن الشيوعيين ذلك
لكن لو سلمنا بصحة ذلك، فما فائدة قراءة القرآن مع عدم تطبيقه والعمل به؟
ما فائدة قراءته مع عدم الإيمان بأنه يصلح كمنهاج حياة في السياسة والاقتصاد وكل الشؤون؟
أما سمعت قول النبي صلى الله عليه وسلم: (رب قارئ للقرآن والقرآن يلعنه)؟

Quote: والذين يغادرون ليس الشيوعيين السودانيين فأنت يظهر لا تعرفهم ولم تتعرف عليهم

يبدو أنك يا صاحبي لم تر هذا البوست:
http://www.sudaneseonline.com/board/470/msg/1401708605.html

ع العموم شكرا على مرورك وتفاعلك

هع كع كرع
هيييييييييييييييييييييييع
شيوعيين ما يجوا الا بالعين الحمرا
وريهم يا محمد اخوى

Quote: وبعد ثورة أكتوبر حينما جاء نصر الله والفتح كانت هذه السورة تقرا في كل الندوات

ورحم الله عمنا النقابي ،
مولانا الشهيد محمد الحسن ،
فقد كان هو من يتلو تلك السورة
في افتتاح كل الليالي السياسية بالعاصمة .

تحياتي

شروط الانضمام للحزب الشيوعي

شيخ محمد
هذا الكلام أولي به ناس فقه التحلل و فقه السترة
الذين يزعجوننا بأنهم أكثر الناس إيماناً و أنهم خلفاء الله في الأرض
فلماذا تغض الطرف عن هؤلاء و تمسكـ في ضنب الشيوعيين !!!


عشان ما تقولي لي ديل ما ناسنا .... بتاع الأقطان ما زولكم ؟

يا محمد جلال هاك عشان تاخد فكرة عن فن رسومات الكراكتير مش الدبلجة بتاعت الصور. فن الكراكتير موهبة و علم و بذل و جهد.


image upload no compression

الأخ محمد جلال

شكراً على التعبير عن رأيك بالكاركتير والحمد لله الذي حلّل الكاركتيرات ونحمده على نعمة العلمانية والتى جعلت مقارعة الكاركتير بالكاركتير أمراً حلالاً عند بني سلف

هذا الأمر تُشكر عليه ومرحباً بك في نادي الفن والرسم والأدب.

الأخ خالد عبد الله

Quote: شيخ محمد هذا الكلام أولي به ناس فقه التحلل و فقه السترة الذين يزعجوننا بأنهم أكثر الناس إيماناً و أنهم خلفاء الله في الأرض فلماذا تغض الطرف عن هؤلاء و تمسكـ في ضنب الشيوعيين !!! عشان ما تقولي لي ديل ما ناسنا .... بتاع الأقطان ما زولكم ؟

ما مشكلة ناس فقه التحلل والسترة ذاتم قاعدين نديهم حقهم
وعملت قبل كده رسومات في الكيزان
وبعدين بتاع الأقطان والله لا زولي ولا زولو وما بيننا إلا أخوة الإسلام
أنا سلفي مستقل ياخوي :)

محمد علي عثمان

Quote: يا محمد جلال هاك عشان تاخد فكرة عن فن رسومات الكراكتير مش الدبلجة بتاعت الصور. فن الكراكتير موهبة و علم و بذل و جهد.

دي ياها قدرتي ما عندي أكتر منها
وأنا ما كاريكاتيرست محترف أصلا
على قدر العندي بقدمو

الصادق إسماعيل

Quote: ونحمده على نعمة العلمانية

انت جادي يا زول؟