معاوية المدير ،،، أمبـارح حلمت أنك جـيــت الأمارات ،،، و تعـرضـت لــمــضـايـقـات مـن بـوردابـي ،،،

.

هااادي طوبة في البوست دا..









والا اقولك ..
هاااادا عكاز في البوست

HAIDER ALZAIN
...



ود المدير وصل الأمارات ،
لكن تعرض لمضايقات حادة ،
حتي خشيت عليه ،
تسلم الغالي ،
،،،،،

...






عزالدين عباس الفحل
ابوظبي
...

البرش معاوية بالموية،،،اميزو بي الفية جدي الفكي،،،يمين ما افرز الامارات من العتامنات،،،اسمو من اسم كفيلو،،،معاوية محروس تب ،،وفي نعمه ونعيم..

عبدالعزيز عثمان
...



صدقني ود المدير ،
وصل الامارات ،
بس عايزين واحد ،
يرشو لينا ،
بكوز موية ،
تسلم الغالي ،
،،،،،

...






عزالدين عباس الفحل
ابوظبي
...

يا ود الفحل تاني ما تحلم كدا،
أنا بخسرك...

معاوية حق لك أن تكتب من السعداء
أن تزورالوجيه المك عزالدين الفحل شخصياً في المنام
حقيقة إنت زول ما ساهل
طبعاً ده معناهو إنك ديمة في بال المك
و دي مكانة عالية جداً
بس كنت عايز أعرف المك عمل شنو للزول المضايقك ده
أكيد أداه جرعة من فراسة أولاد جعل
و ورّاه الويل و سهر الليل
و في الطيف أو في الصحيان زورني
يا حبيبي أنا عيان و فلسان و .............

Quote: هااادي طوبة في البوست دا.. والا اقولك .. هاااادا عكاز في البوست

يا حيدر الزين ود الفحل إتعلّم الطمسة.
والله صحي.

دا كوولو من مباراة ود الفكي...

عاجباهو الشرة في المطارات؟

ALWALEED ALSHEIKH
...



أمبارح كالعادة ،
خرجت متأخر من المكتب ،
خشيت البيت ،
وقبل النوم ،
قريت سورة الفاتحة ،
وبداية سورة البقرة ،
وآية الكرسي ،
و خواتم سورة البقرة ،
والعشرة الآواخر ،
من سورة آل عمران ،
وأذكار النوم كلها ،
والأدعية ،
الحافظها ،
ونمت علي،
شهادة التوحيد ،
ونمت ،
تسلم الغالي ،
،،،،،

...






عزالدين عباس الفحل
ابوظبي
...

ALWALEED ALSHEIKH
...



إلا ورن جرس الآيفون ،
وكان ع الخط ود المدير ،
قال لي أنا في مطار أبوظبي ،
ركبت سيارة الباجيرو بتاعتي ،
وجري ع المطار ،
وإستقبلت ود المدير ،
بصلعتو تلمع ،
وشنـبـو الأسود الكثيف ،
كان لابس قميص أصفر ،
وبنطلون أسود ،
وأول كلمة قالها ،
بس الله ،
يرضي عليك يا ود الفحل ،
لمني في صاحبك ،
الوجيه ،
عندي غـرض قوي ،
جاي ليهو ،
،،،،،

...






عزالدين عباس الفحل
ابوظبي
...

Quote: ونمت علي، شهادة التوحيد ، ونمت ،

يا عزو

نزل لينا الفيديو بتاع الحلمة دي

اصلو في ناس بيجاي ما مصدقين



غايتو الحلم مااااا عندكم

Quote: إلا ورن جرس الآيفون ، وكان ع الخط ود المدير ، قال لي أنا في مطار أبوظبي ، ركبت سيارة الباجيرو بتاعتي ، وجري ع المطار ،

انت مغاس ولّ مخلوع

منوالفحل (ابوظبي) !!!!

Quote: انت مغاس ولّ مخلوع منوالفحل (ابوظبي) !!!!

يا ود الفحل صاحبي
عبد اللطيف دا حاسد،
فالتجاهُل، التجاهُل ...

Quote: انت مغاس ولّ مخلوع منوالفحل (ابوظبي) !!!!

لييييه الأساءة بدون سبب

تفتكر لو أنت فتحت ليك بوست عزالدين عباس الفحل دا ممكن يسيئ ليك ولا يغلط عليك

كلامه ما عاجبك أنت في ناس كتار عاجبهم والبوست دا في ناس بقروه وبفهموه ما في شئ بجي يخليك تسيئ لي صاحبه مدام انت ما فهمته

أتمشي أتعلموا الأدب أول حاجة وبعدين كوسوا الديمقراطية والعلمانية وأتعلموا أنه الناس أحرار مادا ما أذوا غيرهم يفعلوا ما يشاؤؤ وما من حقكم إساءتهم بدون سبب

ما تنادي بالديمقراطية والعلمانية وتحجر على الناس وتسيئ ليهم من غير سبب


يا ودالمدير أعتذارك مقبول والعفو

كان مفروض اكتبه هناك بس فضلت البوست يحتل


يا ودالفحل أنت شنو الحركات العجيبة البتسوي فيها دي ما ترد على التلفونات ياخ

Quote: يا ودالمدير أعتذارك مقبول والعفو

عبد العزيز يا حبيب،
يا أخي يشهد الله ما زعلآن مِنّك،
وأعلّم إنّك من أحبّ البورداب لنفسي
بعد اليوم.
كامل العفو،
وإن شاء الله نتلآقى في الزايلة دي...

محمد عمر الفكي
...



الحلم كان زي الحقيقة ،
لو عرفتو حلم ،
كنت شريتو ،
وكنت لحدي حسة ،
أنا حلمان ،
يا جدعان ،
،،،،،

...






عزالدين عباس الفحل
ابوظبي
...

عبدالمنعم الطيب حسن
...



مش لازم الواحد ،
قبل النوم ،
ينوم علي الأذكار ،
ويكون لسانه ،
رطب بذكر الله ،
تسلم الغالي ،
،،،،،

...






عزالدين عباس الفحل
ابوظبي
...

garjah
أحمد محمد عباس ،
...



أوووووو ،
أخونا garjah ،
الرجل الخلوق ،
المهذب ،
إيش حالك والأولاد ؟
والأهل ببحري ؟
بالله عليك ،
رسل لي
رقم تلفونك ع المسنجر ،
الحين ،
للتواصل ،
إنت وين في جدة ؟
وأي منطقة في جدة ؟
الحمد لله ،
بجي كثير السعودية ،
لكن دقات سريعة ،
لا تزيد عن الثلاثة أيام فقط ،
تسلم الغالي ،
،،،،،

...






عزالدين عباس الفحل
ابوظبي
...

معاوية المدير

...



الحمد لله ،
تجاهل الإساءات ،
خيراً من الغلو فيها ،
تزيدك رفعة وعلواً ،
عامل الناس بأخلاقك ،
ولا تعاملهم بأخلاقهم ،
يسعد صباحك ،
،،،،،

...






عزالدين عباس الفحل
ابوظبي
...

حبيبنا الارباب الفحل .. النقولك سر..
انا صابر من قبييل قلت النشوف عطاء الفحل..:)
قدر ما قلبت مداخلاتك يا عز الدين لقيتك ولا في الحلم ما نفحت ود المدير في شئ..
في حلمك ما قلت .. واديتو العشرة ..
يآخي الواقع خليناهو ومتنا بو بي مغستنا لامن ود الفكي جنو وجع ركب.. في الحلم ما داير تريح بال ود المدير وتديهو شئ..
تديهو شنو..؟! انت في التعارف حلمك يقوم يقطع..أول من ود المدير قالك لمني في الوجيه عندي غرض ..تنط من السرير..

الفحل اتصلح مع الواقع عشان تنصلح احلامك أكتر

عزالدين سلام يغشاك

غايتو من ما تبل ليك حيدر الزين أول متداخل أنا عرفت الشغلانية دي ما حلم دي كابوس

تحياتي لك ولضيوفك ولمعاوية المدير

Quote: تديهو شنو..؟! انت في التعارف حلمك يقوم يقطع..أول من ود المدير قالك لمني في الوجيه عندي غرض ..تنط من السرير..

ياخ العجلة من الشيطان و الموتر و الطيارة برضو
صبراً يبل الآبري ما عندكم ؟
يا زول الكلام الحكاه عزالدين دي المناظر بس الفلم لسه
كان معاى تحت الهوا قطع مصاريني بالضحك و بعد تحانيس وافق يكتب باقي الحلم فااشنو روقو المنقة
و سلام يا ود الزين ليك و لكل الأحبة

Quote: يا زول الكلام الحكاه عزالدين دي المناظر بس الفلم لسه كان معاى تحت الهوا قطع مصاريني بالضحك و بعد تحانيس وافق يكتب باقي الحلم فااشنو روقو المنقة

حلم والا مسلسل سنوات الضياع البيقطع فيهو الفحل ..

الحلم المقطع دا الا كاتبو ليهو صلاح جدادات ..

غايتو صابرين لي نهاية اليوم ..بس خارجولنا الباهي دا سريع

Quote: غايتو من ما تبل ليك حيدر الزين أول متداخل أنا عرفت الشغلانية دي ما حلم دي كابوس

عاجبك كدا يا الفحل ؟،
أها، عادل الباهي طلعني سحارية.



حياك الغمام يا ود الباهي...

Quote: غايتو صابرين لي نهاية اليوم ..بس خارجولنا الباهي دا سريع

ليه كده يا ود الزين
ألف مرحب بود عمنا الباهي ود الباهي و بوجودكم سيكتمل بهاء البوست

عبدالعزيز حسين عبدالرحيم ،

...



عبد العزيز اللذيذ ،
ياخي إنت ،
ألذَّ من موية ،
الأنناس المعلب ،
جمال الأخلاق ،
من نعم الله تعالي ،
علي البشر ،
ح أتصل عليك اليوم ،
معليش ،
لدواعي المشاغل ،
يسعد صباحك ،
،،،،،

...






عزالدين عباس الفحل
ابوظبي
...

HAIDER ALZAIN ،

...



يا خي ود المدير دا ،
جننا حتي في أحلامنا مساقرنا ،
لو عرفت بقية الحلم ،
ح تموت من الضحك المتواصل ،
ما داير أحرق الفيلم ،
أصبر،
يسعد صباحك ،
،،،،،

...






عزالدين عباس الفحل
ابوظبي
...

عادل الباهي عبدالرازق ،

...



الأرباب عادل ،
ود المتمة ،
دار جعل ،
صدقني كان حلم ،
قريب من الرؤية ،
حيدر زعلان عشان ،
ما خشة جو الحلم ،
يسعد صباحك ،
،،،،،

...






عزالدين عباس الفحل
ابوظبي
...

ALWALEED ALSHEIKH
...



شكراً ع الإتصال الهاتفي ،
شفتة ود المدير ،
إجرس كيف في الحلم ،
ما قال ،
نوبا ،
،،،،،

...






عزالدين عباس الفحل
ابوظبي
...

يعني هسع عادل الباهي بيكون زعل وحرد وما جايي البوست دا واحتمال زاتو المنبر عشان كلامي ..!!


ود الشيخ اريتها طيبتك الكتيرة دي ان انقلبت قروش.. اخخخ .. امانة ما كان غنينا :)

أنور عبدالله ·

الأكثر تعليقا ·
مدرسة الخرطوم القديمة الثانوية

الأخو ود الفحل في درب غريبة !!!!! بدايات وهمة جديدة لنج....يارب هبا هوبا !!!!!!!!!!
رد · · ‏4 يونيو‏، الساعة ‏09:57 صباحاً‏

أنور عبدالله ·

أها ،
نرجع للحلم ،
،،،،،

...






عزالدين عباس الفحل
ابوظبي
...

.

ود الفحل ..

.

Quote: أها ، نرجع للحلم ، ،،،،،

يا اخي عليك الله بالتفاصيل المملة،
ما تخلي ولا شولة. بعد عرفت الحاصل
أصبحت كلي شوق لسماع الحلم بالتفاصيل
الدقيقة. والله صحي.
كُب اللفت يا ود الفحل ولا يهمك...

معاوية المدير
...



والله خاشي إجتماع ،
بعد شوية ،
الحلم زاتو ،
طار من راسي ،
لكن ود الشيخ ،
عندو نسخة ،
من الحلم ،
أصلو انا حكيت ليهو ،
تحت الهواء ،
،،،،،

...






عزالدين عباس الفحل
ابوظبي
...

HAIDER ALZAIN
...



سـلام ،
في المثل السوداني ،
قالوا ،
شنو ما عارف كدا ،
ولا صمت الفم ،
معليش ما ،
حافظ المثل ،
،،،،،

...






عزالدين عباس الفحل
ابوظبي
...

Quote: والله خاشي إجتماع ، بعد شوية ، الحلم زاتو ، طار من راسي ، لكن ود الشيخ ، عندو نسخة ، من الحلم ، أصلو انا حكيت ليهو ، تحت الهواء ،

غايتو يا عزالدين محنك تمحّن
يعني عشان إنت ما داير تخش في متاهات تقول ود الشيخ عندو نسخة من الحلم
هو زولك ده في الحلم جهجه معاوية داير تشبكني أنا مالي
غايتو الفيك اتعرفت
قال أحكي الحلم قال لا قبّة

Quote: هو زولك ده في الحلم جهجه معاوية داير تشبكني أنا مالي غايتو الفيك اتعرفت قال أحكي الحلم قال لا قبّة

ما تحكي ياخ، الحالة وآحدة وكدا.
والله صحي...

Quote: ما تحكي ياخ، الحالة وآحدة وكدا. والله صحي...

الماعارف يقول عدس
يا معاوية كلام الفحل ده نظام دردقة وكدة و خليهو يحكي ليك تحت الهوا
بعدين يا معاوية أنا في موضوع محيرني إنت أصلو ما بتنوم ؟ قدر ما أفتح سودانيز دي باليل و لا بالنهار ألقاك قاعد تكتب إنت بتنوم متين و بتشتغل متين ؟

Quote: الماعارف يقول عدس يا معاوية كلام الفحل ده نظام دردقة وكدة و خليهو يحكي ليك تحت الهوا بعدين يا معاوية أنا في موضوع محيرني إنت أصلو ما بتنوم ؟ قدر ما أفتح سودانيز دي باليل و لا بالنهار ألقاك قاعد تكتب إنت بتنوم متين و بتشتغل متين ؟

الوليد يا زول يا سمح يا زين،
سلآم.
وكت اصلها الحكاية جابت لها دردقة، أنا البوست دا حفرلوا ودفنتوا.
يعنني تاني ما بتشوفني حايم بجاي.

والله يا وليد، والحمُد ليك يا الله كلوا بسويهو، النوم والشغل والقعاد
معاكم، بس اليومين ديل شبه مأجز لكأس العالم، يعني بقصت عدد
الساعات، واهو بقيت اطلّع حق قفة الخدار واجي اصاقر التلفزيون.
معليش يا وليد كان عصرنا عليكم، لكن خوتكم دي هي المخليانا
مستحملين نيران الغربة.
إن شاء الله ربنا يجمعنا في ساعات الخير،
وليك مني السلآم والمودة...

والله يا معاوية انت ومنذ ان اصبحت شاعر بقيت انسان حساس ومرهف جداً..
الحساسية الزايدة دي ما بتكتبك تاني قصيدة كنا راجينها .. اصلا الحلم دا ما باقي لي بينتهي وقنعت منو من تالت مداخلة.. و راجيين الحكي تقفلها كدي :):)

غايتو دي كعوبية منك ... والله صحي

Quote: معليش يا وليد كان عصرنا عليكم، لكن خوتكم دي هي المخليانا مستحملين نيران الغربة.

و الله يا معاوية مش كان عصرت علينا كان كفتّنا عديل و شلتّنا نحن خوّتك دي ما بنفوتا
الزمن ده صعب شديد الزول يلقى ليهو زول ود قبايل زيك
و على كل حال
لو نزل السماك الأعزل
أنا عن صداقتك ما بتنازل
و دمت في ألف عافية يا زول ياطيب يا جميل و العديلة تقدمك و تبراك.

تسلم يا الوليد،
ولك كامل إحترامي...

معاوية المدير
...



يا ود الشيخ
ALWALEED ALSHEIKH
غايتو ما عارف ،
أقول شنو ،
بقيت شاعر ،
غزل من العيار التقيل ،
وعلي الهواء ،
فوق ود المدير ،
لكن قصيدتك ،
حلوة ،
،،،،،

...






عزالدين عباس الفحل
ابوظبي
...

Quote: يا ود الشيخ ALWALEED ALSHEIKH غايتو ما عارف ، أقول شنو ، بقيت شاعر ، غزل من العيار التقيل ، وعلي الهواء ، فوق ود المدير ، لكن قصيدتك ، حلوة ،

تعرف يا مك معاوية ده من النوع التاكل و تقش يدك في هدومو
زول ما ساهل كلو كلو
انسان متسامح بشكل ما عادي
يصدق فيهو قول الشاعر
تبدل الظلمات بنور و تبدل الأحزان سرور
و إن شافك المرضان يطيب
ربنا يحفظو لأسرتو و لبلدو و لينا كلنا ويكفيهو شر الناس
و الله عليك من عين الناس و الله عليك من عيني أنا
إنت جمال ريان احساس و بسمة تشع في قلوبنا سنا
و نحنا الشوق فاض بينا خلاص و بقت أرواحنا معلقة بيك
و مهما أعيد مهما أقول و صفك يا معاوية فات حد المعقول
و الله عليك
و طبعاً يا مك أنا لحدي الآن ماقابلتو لكن بتمنى أقابلو على الواقع لإنو كل الأحباب القابلتهم على أرض الواقع مثل ود الفكي و ود الزين ناس ما ساهلين كلو كلو رجال يملوا العين لامن تدفق و خوتهم خوّة صادقة من القلب و أسأل الله يجمعني بيهم و بي معاوية و بك أنت
و لك كل الود و الاحترام و تصومو جميعاً و تفطرو على خير

ALWALEED ALSHEIKH
...



إنت عارف ،
يا ود الشيخ ،
ود المدير دا ،
شعراء الحقيبة ما شافوهوا ،
في أدبرة ،
أقصد عطبرة ،
عفواً عشان ،
ما أنسي ،
القصيدة حلوة ،
عايزة ملحن ،
،،،،،

...

Quote: زول ما ساهل كلو كلو انسان متسامح بشكل ما عادي يصدق فيهو قول الشاعر تبدل الظلمات بنور و تبدل الأحزان سرور و إن شافك المرضان يطيب ربنا يحفظو لأسرتو و لبلدو و لينا كلنا ويكفيهو شر الناس و الله عليك من عين الناس و الله عليك من عيني أنا إنت جمال ريان احساس و بسمة تشع في قلوبنا سنا و نحنا الشوق فاض بينا خلاص و بقت أرواحنا معلقة بيك و مهما أعيد مهما أقول و صفك يا معاوية فات حد المعقول ALWALEED ALSHEIKH ،،،،، ...

عزالدين عباس الفحل
ابوظبي
...