Post: #1
Title: ثمة احداث مثيرة وتغييرات ضخمة تحدث فى الخرطوم !
Author: دينا خالد
Date: 05-30-2014, 09:40 AM
Parent: #0
اعقبت اختفاء الرئيس المفاجىء
والاشاعات القوية بمرضه ....
شكلها العملية هيجت عليه بعض الامراض
فتم نقله من جديد للمستشفى ....
اعقب ّذلك اختفاء نافع وشائعات الانقلاب .
|
Post: #2
Title: Re: ثمة احداث مثيرة وتغييرات ضخمة تحدث فى الخرطوم !
Author: دينا خالد
Date: 05-30-2014, 09:45 AM
Parent: #1
نشر قوات الدعم السريع بصورة كامله ومفاجئة
حول العاصمة
الاجنحة المصطرعة تتلاسن جهاز الامن يقول ان القوات لحماية العاصمة
فيصرح الخضر والى الخرطوم ( اليوم التالى الخميس )
بان العاصمة امنها مستتب ولا دخل لها بالقوات التى انتشرت !!!!
|
Post: #3
Title: Re: ثمة احداث مثيرة وتغييرات ضخمة تحدث فى الخرطوم !
Author: دينا خالد
Date: 05-30-2014, 09:48 AM
Parent: #2
اعتقال الصادق المهدى ....
وتحرك مصرى سعودى اماراتى قد يكون مدعوم من المجتمع الدولى الغربى
للحاق ما يمكن لحاقه والبحث عن سيسى للخرطوم يحول دون الصوملة
حسب زعمهم .
|
Post: #4
Title: Re: ثمة احداث مثيرة وتغييرات ضخمة تحدث فى الخرطوم !
Author: Arif Nashed
Date: 05-30-2014, 09:50 AM
Parent: #3
هل حمدان ود حميدتي هو السيسي المنتظر !!!!!!!!!!!!!!!!!!!!!!
|
Post: #5
Title: Re: ثمة احداث مثيرة وتغييرات ضخمة تحدث فى الخرطوم !
Author: دينا خالد
Date: 05-30-2014, 09:52 AM
Parent: #3
تغيييرات ضخمة واحداث جسام
فى الايام القليله القادمه
فى اى اتجاه ... نو بودى نووز !
|
Post: #6
Title: Re: ثمة احداث مثيرة وتغييرات ضخمة تحدث فى الخرطوم !
Author: دينا خالد
Date: 05-30-2014, 09:56 AM
Parent: #5
| Quote: هل حمدان ود حميدتي هو السيسي المنتظر ! |
فى نظر المجتمع الدولى لا ...
عشان كدا هم منكبين لعزله على يدهم ...
اما بحسابات الواقع السودان ومنطق القوة والسلاح
فهو اقوى المرشحين ...
ــــــــــــــــــــــــــــــــــ
حميدتى اقرب من حبل الوريد للسيطرة والاستيلاء على السلطة ...
|
Post: #7
Title: Re: ثمة احداث مثيرة وتغييرات ضخمة تحدث فى الخرطوم !
Author: usama Babiker
Date: 05-30-2014, 10:10 AM
Parent: #6
لو تجرا حميدتي ونوى ان يستلم السلطة سوف يجعل نفسه في مواجهة الجيش ... ولن يستطيع الصمود يوما واحدا امام الجيش ...وسوف تعود السلطة بكل سهولة لي جماعة الانقلاب ود ابراهيم وأعوانه ... تحياتي دينا ...
|
Post: #8
Title: Re: ثمة احداث مثيرة وتغييرات ضخمة تحدث فى الخرطوم !
Author: usama Babiker
Date: 05-30-2014, 10:10 AM
Parent: #6
تكرار
|
Post: #9
Title: Re: ثمة احداث مثيرة وتغييرات ضخمة تحدث فى الخرطوم !
Author: عبد الله شم
Date: 05-30-2014, 10:10 AM
Parent: #6
Quote: حميدتى اقرب من حبل الوريد للسيطرة والاستيلاء على السلطة ...
|
معقول لكن يا دينا
فجأة كدا قفزتي للنتيجة الغريبة دي ؟
الاخت دينا حميدتي فرد استخبارت رقيب تحديدا جاء به جهاز الامن ومنح رتبة عميد فجاة واعطي سلاح خفيف عبارة عن كلاشنكوف
حميدتي نفسه جندي كاي جندي اخر فقط رتبة عميد التي تميزه عن اي عسكري اخر ليس بيده شئ الهم الا كلاشه ومسدسه الشخصي حتى بقية الجنود لديهم قائد فعلي تتجاوزه الناس
وتصب جل اتهاماتها ومدحها كذلك لحميدتي واعني اللواء عباس عبد العزيز وهو لواء خدم عشرات السنوات في الجيش ليس مثل حميدتي حديث العهد بالجيش
ونسيتي بمنطقك هذا بقية القوى التي تستحق الاهتمام
اين الجيش بالويته وفرقه اصحاب النجوم والنياشين
اين سلاح المدرعات اقوى سلاح استراتيجي في الحروب
اي سلاح الطيران اقوى سلاح تدميري
واين القاده السياسين واين بقية الدولة
تحياتي
|
Post: #10
Title: Re: ثمة احداث مثيرة وتغييرات ضخمة تحدث فى الخرطوم !
Author: بدر الدين اسحاق احمد
Date: 05-30-2014, 10:35 AM
Parent: #9
| Quote: فى اى اتجاه ... نو بودى نووز ! |
طيب يا ستهم ما دام ما عارفين ..
ما تخلوا الكراسى الامامية القاعدين فيها دى لمن هم اقدر / اعرف / اعلم !!!
ــــــــــــــــ
ولا اقول ليك ما تخلوا الكيزان العارفين ديل لنرتيب البيت السودانى
قطعاً مع السلام
|
Post: #11
Title: Re: ثمة احداث مثيرة وتغييرات ضخمة تحدث فى الخرطوم !
Author: مرتضي عبد الجليل
Date: 05-30-2014, 11:02 AM
Parent: #10
Quote: ولا اقول ليك ما تخلوا الكيزان العارفين ديل لنرتيب البيت السودانى
|
ترتيب شنو ؟ وبيت شنو؟ يا إستراتيجي بعد خمسة وعشرين سنة من الفوضي والتشليع والتقتيل ؟؟
هم الكيزان فاضيين من النهب المصلح؟؟
إختشي يا بدر الدين ,ألأإختشاء ما بفلوس!
تحياتي يا دينا
|
Post: #19
Title: Re: ثمة احداث مثيرة وتغييرات ضخمة تحدث فى الخرطوم !
Author: على تاج الدين على
Date: 05-30-2014, 12:40 PM
Parent: #10
Quote:
طيب يا ستهم ما دام ما عارفين ..
ما تخلوا الكراسى الامامية القاعدين فيها دى لمن هم اقدر / اعرف / اعلم !!!
|
كتلتنا بالضحك...ياخى.....
|
Post: #12
Title: Re: ثمة احداث مثيرة وتغييرات ضخمة تحدث فى الخرطوم !
Author: نجم الدين سعدابى
Date: 05-30-2014, 11:05 AM
Parent: #1
سلامات دينا خالد
أمنياتنا أن يشمل التغيير
جميع المواعين السياسية المفرغة من كل شى
مودتى
|
Post: #13
Title: Re: ثمة احداث مثيرة وتغييرات ضخمة تحدث فى الخرطوم !
Author: Yasir Elsharif
Date: 05-30-2014, 11:23 AM
Parent: #12
أين كنت يا دينا؟؟؟
على كل حال
مرحبا بعودتك
فعلا المستقبل غير واضح..
بس المؤكد أن نظام البشير منهار تماما..
تحياتي
ياسر
|
Post: #14
Title: Re: ثمة احداث مثيرة وتغييرات ضخمة تحدث فى الخرطوم !
Author: مهدي صلاح
Date: 05-30-2014, 11:33 AM
Parent: #13
تحية وسلام
لاحول ولا قوة الا بالله ... السودان الفضل والشعب الفضل أصبح نهبا للكيزان وصراعاتهم وحيلهم الخبيثة وألاعيبهم التي لا تنتهي ونحن - معشر الشعب- مستكينون نترقب ان يفعل بنا مافيا الاخوان كل ما يعنّ لهم
|
Post: #15
Title: Re:
Author: Barakat Alsharif
Date: 05-30-2014, 11:35 AM
Parent: #14
Quote: تغيييرات ضخمة واحداث جسام
فى الايام القليله القادمه
فى اى اتجاه ... نو بودى نووز |
|
Post: #16
Title: Re:
Author: HAIDER ALZAIN
Date: 05-30-2014, 12:08 PM
Parent: #15
كنا سألناهم السؤال دا ..
| Quote: ولاد حمدتي حا يشتتوا من العاصمة ويمشوا محل النقعة والا الحالة لسع بتستدعي بقاءهم ..؟؟؟ |
والآن هل سيتم سحب قوات حمدتي من العاصمة بعد ان قام البشيـر بعاتياً من الموت؟
وطالما لسع قاعدين فيبقي يا بركات الشريف توقع أحداث أكبر حاجة منطقية جداً . طالما عاينت لنفسك وموقعك في الساحة الأقليمية كآخر وكر لمافيا الاسلام السياسي الانتهازي بالمنطقة ..
الامارات والسعودية في مقدورها هز النظام المفلس والعاجز اقتصادياً وقطر مابتقدر تسد فرقتهم .. فالكيزان جاعوا وافلسوا فعلاً وبقوا يعضعضوا في بعض..
حتة انه كـ لـ ب الحر حمدتي يكون مطروح بديل دي ما أظنها بتبقي طالعة ولا حتة من راس فيل راكبو بكري حسن صالح .. بيهوهو دفاعاً عن ضنب زول..:)
يكون ياربي بريمة مطروح رئيساً 
الما عارفو وين رئيس حمدتي محمد عطا من دا كله ؟
ـــــــــــــــــــــــــ
غايتو لو خيروني بقول بريمة احسن من حمدتي ..
|
Post: #17
Title: Re:
Author: نادر الفضلى
Date: 05-30-2014, 12:11 PM
Parent: #15
مسرحية الزعيم ... تأجيل إعلان الخبر إلى حين ترتيب الأوضاع والتمكين !
|
Post: #18
Title: Re:
Author: علي محمد الفكي
Date: 05-30-2014, 12:19 PM
Parent: #17
يا دينا مرحب بك وعودتك
ما حدث ويحدث الان هو نتاج وتداعيات لانتفاضة شعبنا في سبتمبر التي بينت ضعف النظام وظهر ذلك جلياً في العنف الزائد الذي تعامل به مع المتظاهرين ونتج عنه اكثر من مائتين شهيد ..
والانتفاضة بينت للرئيس ضعف مراكز القوة وعدم قدرتها على حماية النظام واظهرت له حقيقة التقارير المفبركة والتي منعوهو بها من تنفيذ الاجندة الغربية من قبل للخروج من عنق الزجاجة ..
وبعد ان كشف الرئيس ضعف مراكز القوة كان ان وجها ضربه قوية ولكن لم تكن قاضية وظهر ذلك في مغادرة نافع وعلي عثمان وعوض الجاز واسامة عبدالله ..
وبعد التخلص من مراكز القوة كانت الالتفاتة للحوار مع الغرب او ما يراه اخرون الانبراش للاجندة الغربية والامريكية ومغازلتها وزيارة كارتر الاخير دليل على ذلك وما تبعها من خطاب الرئيس الشهير في ابريل ..
والواضح ان البشير يطلب ضمانات لسلامته وعدم تعرضه للمحاكمة ولينجو هو واسرته بما فعلوه وهذه الضمانات احسب انها لم تمنح لح له حتى اللحظة .. واذا منحت له اكاد اجزم انه مستعد لتسليم السلطة وغير مبالي بمن يستلمها حتى وان كانت للشيطان وليس لحميدتي .. ومستعد للزج بكل رموز النظام الى لسعير مقابل سلامته .. وحقيقي ينطبق عليهم ( تحسبهم جميعاً وقلوبهم شتى )
ولا ننسى ان البشير لم يقض تمام على مراكز القوة من خلال قطع الرؤوس فاذنابها ما زالت موجودة ..
وما نراه ونسمعه الان من كشف ملفات للفساد وتصريحات اعلامية وحتى حميدتي وقواته في الخرطوم هو نتاج لفرفرة مراكز القوة .. فحميدتي هو اداة من ادوات هذه المراكز تحركها كيف شاءت وهو لا يملك ارادة فعل او قرار ..
ولا ننسى ان حميدتي ليس بالقوة فقواته عبارة عن عصابات مسلحة باسلحة خفيفة ولا يفوتنا ان ضباط الجيش لن يسمحوا لحميدتي او ضباط الامن بالسيطرة على الحكم مهما كان
الخلود لشهدائنا فدمائهم لم تذهب هدر
والتحية لكل من خرج في سبتمبر فما فعلوه خلخل جذور النظام
وفي القادمة ان شاء الله الاقتلاع
|
Post: #20
Title: Re:
Author: دبس
Date: 05-30-2014, 12:47 PM
Parent: #18
| Quote: ولا اقول ليك ما تخلوا الكيزان العارفين ديل لنرتيب البيت السودانى |
يا راجل انت( علج ) مطرطش 26 سنه البيت جايط
دايرين إرتبوا بعد سكرات الموت جات
كلامك يغيظظظظظظظظظظظظظظظظظظظ
|
Post: #21
Title: Re:
Author: جمال الباقر
Date: 05-30-2014, 01:10 PM
Parent: #20
دي بلغة الصحاف ولا رندوق امدرمان الاهلية ؟
|
Post: #22
Title: Re:
Author: الصادق صديق سلمان
Date: 05-30-2014, 02:16 PM
Parent: #21
الامر واااااضح يا دينا خالد ياخ
نهاية المسلسل دا حرب دامية بين الكيزان و دم حدو فوق الركب
وتتهدم عمارات الخرطوم لتصبح خرابات لانها كلها من حرام
يصفون بعضهم و يلقون الله على حب الدنيا ًو يحرقهم سبحانه بالنار
ياخد منهم سبحانه حقنا وحق كل المظلومين
|
Post: #23
Title: Re:
Author: Barakat Alsharif
Date: 05-30-2014, 04:54 PM
Parent: #22
| Quote: وطالما لسع قاعدين فيبقي يا بركات الشريف توقع أحداث أكبر حاجة منطقية جداً |
تحياتنا اخونا حيدر
يا بلدياتي من سنة 89 ولحدي الآن الناس شغالة توقعات وما حصل انو اي توقع من التوقعات..صادف اهله...لا المنطقي ولا غير المنطقي
سنة الله في الكون ان اي نظام إلى زوال، منذ زمن الفراعنة وما قبلهم وما بعدهم...والإنقاذ مثلها مثل غيرها إلى زوال، لكن متى وكيف؟؟؟
اي اجابة على هذا السؤال لا تخرج من كونها (رمي ودع)..... لا يعلم الغيب إلا الله
|
Post: #24
Title: Re:
Author: دينا خالد
Date: 05-30-2014, 05:55 PM
Parent: #23
غيبة الريس تفتح شهية الجميع ...
مرحب بكل المتداخلين نورتو واثريتو الموضوع ...
اين الرئيس ؟
شيخ حسن وراء نبش ملفات الفساد ...
ما ظهر ما هو الا جزء بسيط من راس جبل الجليد ...
وكما يقول الطيب مصطفى ليس بيننا وبين الانفجار الا ان تنفجر
|
Post: #25
Title: Re:
Author: دينا خالد
Date: 05-30-2014, 06:05 PM
Parent: #24
سؤال اين الجيش .. دا سؤال مضحك لو سمحتو لى ,,,
طيب اين الجيش مما يحدث فى شوارع نيالا الان
والضحى الاعلى ؟؟
اين الجيش من كاودا ومن النيل الازرق ومن دار فور ؟؟
اين الجيش ؟
بل اين الرئيس ؟
|
Post: #26
Title: Re:
Author: دينا خالد
Date: 05-30-2014, 06:36 PM
Parent: #25
واوضح الدكتور شرف الدين الجزولي استشاري جراحة العظام واستبدال المفاصل والكسور بمستشفي رويال كير
في تصريحات صحفية ان العملية تمت بنجاح وباشراف طبي كامل من اطباء و فنيين وتقنيين سودانيين مؤكدا ان رئيس الجمهورية بصحة جيدة ويتماثل للشفاء بصورة طيبة .
وقال ان اجراء رئيس الجمهورية للعملية في السودان يمثل اشارة واضحة لثقته الكبيرة في الطب والكوادر الطبية السودانية وتصب في توطين العلاج بالداخل .
واضاف الدكتور طارق محمد حسن عبد الجليل(طبيب سوداني مقيم بالمملكة العربية السعودية) الذي شارك في اجراء العملية ان العملية تمت بصورة سهلة وطبيعية معبرا عن امنياته للرئيس بالصحة والعافية .
واعرب د. عبد الله حسن البشير شقيق رئيس الجمهورية عن شكره وتقديره للشعب السوداني لاهتمامه ومتابعته لصحة الرئيس
وقال إن اجراء الرئيس للعملية داخل السودان وعلي يد اطباء ومخدرين وفنيين سودانيين وبمستشفي سوداني
له مغزى كبير ودلالة علي ثقة الرئيس والتطور الكبير الذي طرأ علي القطاع الصحي بالبلاد ورسالة لكل ابناء السودان للعلاج بالداخل .
ط . ف
تتتتتتتتتتتتتتتتتتتتتتتتتتتتتتتتتت
جابو من السعودية هو والطاقم بتاعو للعملية ويقول اجراها طاقم من السودان !!!
تجو يا ناس السعودية ولا نجى ؟؟
|
Post: #27
Title: Re:
Author: عبدالمنعم الطيب حسن
Date: 05-30-2014, 06:55 PM
Parent: #26
Quote: الحكومة من بشيرها مرورا بصادقها وحميدتها وحتى ود باوقتها،
من دعمها السريع لحدت دعمها البطيء، ودعمها الحركرك،
الجيش، والامن،
تفرتقوا لستين حتة، حتى ظل الرجل منهم في المدينة سهرانا هل هو مع زيد ام انه مع عبيد،
وزيد دا منو وعبيد منو؟ وهل ستؤول الامور لعمرو ام لمن ؟
كلهم، ما عارفين اي حاجة في حاجة،
كلهم فقدوا زمام المبادرة،
وامسوا يخبطون عشواءاً،
ياخابت يا كمان خابت....
................................
نفقا مظلما جدا يسبح فيه الوطن الان،
اظلام تام يعم المكان، السودان........... |
|
Post: #28
Title: Re:
Author: المعز ادريس
Date: 05-30-2014, 07:25 PM
Parent: #27
للأسف لا شئ سوف يحدث
ستحدث مصالحة إسلاموية و تشكيلة حكم جديدة بناء على ذلك
مع شوية كراسي للصادق و كرسي لهؤلاء و كرسي لأولئك و هكذا..
سوف تستمر مناشدة تلو مناشدة للحركات المسلحة و سوف ينضم
الترابي و الصادق و الميرغني و غيرهم لأصوات المناشدة بفهم أنهم
خلاص حلحلوا كل شئ و لم يتبقى سوى اكتمال التدافع القومي..
سنة سنتين سوف يخرج الصادق و آخرين بدعوى (دا ما الإتفقنا عليه)
و مع تعاظم الضيق المعيشي و الفقر و الحرب و الموت مع استمرار
النهب و تبلور صراع مجموعات ساخن سوف تأتي الإنتفاضة بعد
حوالي الأربع سنوات.
دا اقتراحي في الأضية يا دينا.
سلامين،
|
Post: #29
Title: Re:
Author: Alshafea Ibrahim
Date: 05-30-2014, 10:16 PM
Parent: #28
ولا اقول ليك ما تخلوا الكيزان العارفين ديل لنرتيب البيت السودانى
==========================
منو منع الكيزان يا استراتيجي ؟؟؟ يومك الأسود متى يجيء؟
شيء مضحك من هذا الكم المتراكم من الأحزان
وأين الرئيس واين الجيش فعلا
تحياتي صاحبة البوست
الشفيع
|
Post: #30
Title: Re:
Author: خالد العبيد
Date: 05-30-2014, 10:45 PM
Parent: #29
شيخ حسن وراء نبش ملفات الفساد ...
----------------------
وبسه ..
زمان الترابي وعلى لسان السنوسي قال لكيزان الوطني كلام خطير في جريدة الشرق الاوسط
انتظرو بجيبو ليكم!
نعم التراتب وراء ما ظهر من الفساد وده راس جبل الجليد
وده الملف الحايقصم الظهر ويجعل نحرهم في كيدهم .. او العكس
شكرا دينا
------------
الكوز والامنجي الفكي اسحق
بقيت مقرف اكتر من اللازم
|
Post: #31
Title: Re:
Author: Elbagir Osman
Date: 05-30-2014, 11:02 PM
لا تضيعوا وقتكم في فهم وتفسير أفعال أهل النظام .. وأقوالهم المتضاربة
هم أنفسهم لا يفهمون ما يجري
وركزوا على أن تفعلوا .. أنتم كمعارضة تقود الشعب السوداني
مبادرة وشجاعة
تنظم الندوات والمظاهرات وتبدع الفعاليات
ودعوهم هم يلهثوا وراء ردود الفعل والتفسير
الباقر موسى
|
Post: #32
Title: Re:
Author: jini
Date: 05-31-2014, 05:08 AM
Parent: #31
الأمر أكبر من حمدتي فطيارتي
انتنوف قادرتين على سحق قواته فهو لم يستطع الصمود أمام قوات أحمد هارون الذي طرده أمام الاشهاد!
الصراع بين جماعة البشير وعلى عثمان لا زال مستعرا
فلا زالت لعلي جيوب. انظر الي اشادته بأحمد هارون وهي موجهة بالأصل الي حمتي!
على لا يستسلم!
جني
|
Post: #33
Title: Re:
Author: HAIDER ALZAIN
Date: 05-31-2014, 08:08 AM
Parent: #32
Quote: سنة الله في الكون ان اي نظام إلى زوال، منذ زمن الفراعنة وما قبلهم وما بعدهم...والإنقاذ مثلها مثل غيرها إلى زوال، لكن متى وكيف؟؟؟
اي اجابة على هذا السؤال لا تخرج من كونها (رمي ودع)..... لا يعلم الغيب إلا الله |
حبيبنا بركات .. تحياتي
نعم اتفق معاك تماماً أنه الزوال من سنن الله والآن حان وقت الزوال .. ليس من يقول ذلك يدعي الغيب والمعاذ بالله ولكنها علامات الزوال وارهاصاته ..
إذا كان يوم القيامة أعظم علوم الغيب لها أشراط وعلامات أفلا يكون لزوال فرعون صغير آيات ..؟
انا شايفها آيات والايات كبري كمان :)
الكلام هو يا بركات الفرعون دا وحاشيته من تجار الدين وإنتهازية الأخلاق الي أين مخرجهم ؟
فرعون الكبير كان راكب راسه ساق قومه بما حملوه من اموال وثروات وغرقهم جت ..
بعض الناس دايرنو يكون اخلاقي ويسلم نفسه وحاشيته وماحملوه لشعبه وهم " اي الشعب " يفتشوا مخرج للكل طالما انه فشل حتى في خلق أحلام سعيدة لقومه دعك من راس هامان..
لكن كاي فرعون لسع هو وهاماناته شغالين لا أريكم الا ما أرى ويبني في - بدل صرح لرؤية اوسع يبني في ركبه للجري
ابليس الحركة الاسلامية سره باتع
|
Post: #34
Title: Re:
Author: الصادق صديق سلمان
Date: 05-31-2014, 08:59 AM
Parent: #33
الباقر موسى
كلامك عين العقل\\
لا تضيعوا وقتكم في فهم وتفسير أفعال أهل النظام .. وأقوالهم المتضاربة
هم أنفسهم لا يفهمون ما يجري
وركزوا على أن تفعلوا .. أنتم كمعارضة تقود الشعب السوداني
مبادرة وشجاعة
تنظم الندوات والمظاهرات وتبدع الفعاليات
ودعوهم هم يلهثوا وراء ردود الفعل والتفسير
|
Post: #35
Title: Re:
Author: حمد عبد الغفار عمر
Date: 05-31-2014, 09:21 AM
Parent: #34
دينا
تحياتي
أنا محيراني الوثبة التانية حقت نافع وعلى عثمان
الناس ديل بعاعيت
علي يخاطب البرلمان ونافع يستقبل مسئول أمريكي (ولا جنسو شنو ما عارف) رفيع المستوى
وبهناك شيخ حسن يمشي الجزيرة وبقوا يقولوا عليهو المفكر الإسلامي في نشرة الأخبار
غايتو أخويا هايص وأنا لايص
بقينا لايصين ساي يعلم الله
|
Post: #36
Title: Re:
Author: بدر الدين اسحاق احمد
Date: 05-31-2014, 09:39 AM
Parent: #35
Quote: غايتو أخويا هايص وأنا لايص
بقينا لايصين ساي يعلم الله |
وحتظلوا كدا ..
ــــــــــــــ
cc الشيوعى العنصرى بتاع الهيساهيسا
|
Post: #37
Title: Re:
Author: حمد عبد الغفار عمر
Date: 05-31-2014, 09:43 AM
Parent: #36
بدر الدين اسحاق أحمد
هايص دي راجعة ليكم انتو انتو ديل
الهياصة لايقة فيكم موش؟
|
Post: #39
Title: Re:
Author: Fatima Alhaj
Date: 05-31-2014, 10:11 AM
Parent: #37
السؤال : أين الشعب السوداني من كل ذلك، ناس الداخل، المكتوين بنيران ؛ الغلاء، الفساد، الفوضة الأمنية، الانحلال الاخلاقي. هل تم تدجين الشعب السوداني؟ ( ختوا لينا شنو يا ربي في المويه ) .
|
Post: #38
Title: Re:
Author: Mannan
Date: 05-31-2014, 09:54 AM
Parent: #34
الإخوان المسلمون دخلوهم فى جحر ضب فى مصر السيسى
والإخوان المسلمون والجماعات الإرهابية الاخرى فى ليبيا خليفة حفتر ... مزنوقين زنقة ب ت .... ك ل ب
والحلقة تضيق شيئا فشيئا على الإخوان المسلمين (الجبهة القومية الاسلامية سابقا والإتجاه الاسلامي سابقا وجبهة الميثاق الاسلامى سابقا ايضا والمؤتمر الوطنى حاليا والمؤتمر الشعبى حاليا) وخلاص انتهى الربيع العربى وبدأ الخريف العربى والجماعة ... راسم مشطووووووووووب...
وعلى كرتى يصرح ويثرثر ويقول:
لأن السعودية ودول الخليج باستثناء قطر (الندى) خلاص نفضوا يدهم من "الإنغاز" ورفعوا العكاز... ولا ندرى متى يقع العكاز فوق رأس " الإنغاز"... المسألة مسألة وقت وقد تهب رياح سبتمبر من جديد قبل "حلول " سبتمبر زى النجوم فى عز الضهر... وعش رجبا ترى عجبا... ورمضا قرب...
|
Post: #40
Title: Re:
Author: MOHAMMED ELSHEIKH
Date: 05-31-2014, 10:47 AM
Parent: #38
انا لا اغرق كثيرا في احلام اليقظة متأكدا جدا من ذكاء هؤلاء الكيزان ودليلي على ذلك ان ذكاءهم مكنهم من يحكموا شعب الثورتين وتلات ارباع لمدة خمسة وعشرين* سنة متتالية.
هنا تمثيلية يجرى طبخها على نار ساخنة هذه المرة بطلها (حميدتي) وسوف تنتهي مثلها مثل تمثيليات اذهب للقصر عريسا وسوف اذهب لكوبر قواصة ومسرحية عام99
والآن تعرضعليكم مسرحية" حمدان قوم جيب شاي"
والى اللقاء في موسم مسرحي عبثي جديد
--------------------------
* مايجي زول/زولة يقول لي خمسة وعشرون
|
Post: #41
Title: Re:
Author: دينا خالد
Date: 05-31-2014, 08:44 PM
Parent: #40
شكرا لكل المتداخلين
حقيقى اثريتوا البوست
ولكن اين الرئيس ؟ هل من اجابة ؟
التيارات المصطرعة كتيرة >>> والكل متخندق وراء مليشياتو ...
المليشيا الاكبر الى الان هى قوات الجنجويد
لكن هى ح تقيف وين ومع منو ؟ دا السؤال
|
Post: #42
Title: Re:
Author: يوسف الطيب احمد إدريس
Date: 05-31-2014, 09:21 PM
Parent: #41
سلام للجميع
مايحدث مخاض عسير لسيناريو خارجي تم فرضه على المؤتمر الوطني وليس أمامه إلا التنفيذ ولا يعلم بتفاصيله إلا القلة القليلة ويقتضي السيناريو
بذهاب صف الإنقاذيين الأول وآخرهم الرئيس ، والدليل يمكن مراجعة تحليل سياسي لمحمد لطيف (وهو المعروف عنه قربه من دوائر صنع
القرار ومن الرئيس شخصياً) واعتقد أن اختفاء الرئيس تدريجي حتى يتم تهيئة الشارع العام وبقية القوى السياسية ومنظومة الدولة المدنية والعسكرية
لأن الرئيس في الفترة الأخيرة أصبح مهيمن وبشدة على كل مفاصل الدولة وحتى المؤتمر الوطني أصبح يعتمد على شخصية البشير في كل شيء.
|
Post: #43
Title: Re:
Author: Barakat Alsharif
Date: 05-31-2014, 09:28 PM
Parent: #42
| Quote: إذا كان يوم القيامة أعظم علوم الغيب لها أشراط وعلامات |
هذا صحيح حبيبنا حيدر ولكن ليس بوسع اي إنسان ان يقول انها ستحدث (في الأيام القليلة القادمة) ، تحديد (متى) ..لا يخرج من كونه رمي ودع
|
Post: #44
Title: Re:
Author: دينا خالد
Date: 06-02-2014, 06:39 AM
Parent: #43
......
لمزيد من التحليل
|
Post: #45
Title: Re:
Author: سيف اليزل الماحي
Date: 06-02-2014, 07:14 AM
Parent: #44
.
يا دينا
قبل ما يسمى بــ "المفاصلة" وبعدها، قال كل من يعرف السياسة: ان خلافات جماعة الإنقاذ تخص جماعة الإنقاذ،
وعلى الشعب والقوى الوطنية ان تفهم طبيعة النظام، لتعرف السبل الناجعة والضروررية للتخلص منه، بما لايخطر بعقل النظام الذي إعتمد المال والسلاح وغيرهما للإستمرار،
يبدو ان السنوات الطويلة لم تعلم الناس شيئا، وعليه يمكن لأخونا في الله بدر الدين ان يضحك لمن يعتقدون "بطلاسم" جماعة الإنقاذ للحفاظ على السلطة!
مع انه يعلم تماما ان المسألة وببساطة شديدة هي وضع اليد على السلطة!
قال ليك عدو عاقل خير من صديق جاهل، ذلك مع كامل إحترامي للأخ بدر الدين.
.
|
Post: #46
Title: Re:
Author: اخلاص عبدالرحمن المشرف
Date: 06-02-2014, 07:45 AM
Parent: #45
|
Post: #47
Title: Re:
Author: اخلاص عبدالرحمن المشرف
Date: 06-02-2014, 07:59 AM
Parent: #46
|
Post: #48
Title: Re:
Author: أمير السماني يس
Date: 06-02-2014, 08:07 AM
Parent: #45
السلام عليكم والتحية لصاحبة البوست..
الغريب:
ان المؤتمر القاعدية للمؤتمر الوطني شغالة ويتحدث قادة المؤتمر الوطني عن بلوغ عضوية هذه المؤتمرات 6 مليون حتى الأن.
اتوقع الآتي:
تحسن العلاقات بين مصر والسودان وسعي الرئيس السيسي لذلك لانه لا يملك حلاً غير ذلك مع كل العالم..
حدوث وفاق بين المؤتمر والشعبي والأمة وحركة الإصلاح والاتحادي اصلاً موجود وتكوين حكومة قومية ..
دخول الجيش السوداني مدينة كاودا..
...............
لكن المضحكني بالجد ...
ان هناك من يتحدث عن ان البديل (حميدتي)..
يا اخوانا عندنا عقول ...
والمصيبة أن أعلامنا الداير يكبروا بكبرو والداير يغتس حجرو بغتس حجرو..
|
Post: #49
Title: Re:
Author: أمير السماني يس
Date: 06-02-2014, 08:07 AM
Parent: #45
السلام عليكم والتحية لصاحبة البوست..
الغريب:
ان المؤتمر القاعدية للمؤتمر الوطني شغالة ويتحدث قادة المؤتمر الوطني عن بلوغ عضوية هذه المؤتمرات 6 مليون حتى الأن.
اتوقع الآتي:
تحسن العلاقات بين مصر والسودان وسعي الرئيس السيسي لذلك لانه لا يملك حلاً غير ذلك مع كل العالم..
حدوث وفاق بين المؤتمر والشعبي والأمة وحركة الإصلاح والاتحادي اصلاً موجود وتكوين حكومة قومية ..
دخول الجيش السوداني مدينة كاودا..
...............
لكن المضحكني بالجد ...
ان هناك من يتحدث عن ان البديل (حميدتي)..
يا اخوانا عندنا عقول ...
والمصيبة أن أعلامنا الداير يكبروا بكبرو والداير يغتس حجرو بغتس حجرو..
|
Post: #50
Title: Re:
Author: حمد عبد الغفار عمر
Date: 06-02-2014, 08:37 AM
Parent: #49
كتب سيف اليزل الماحي
Quote: وعلى الشعب والقوى الوطنية ان تفهم طبيعة النظام، لتعرف السبل الناجعة والضروررية للتخلص منه، بما لايخطر بعقل النظام الذي إعتمد المال والسلاح وغيرهما للإستمرار،
|
بما أن النظام قاعد 25 سنة معناها الشعب و القوى الوطنية وكل من يعرف السياسة ما فهموا لسة طبيعة النظام يعني لايصين أو الفاهمين عاملين رائحين وليهم مصالح وتحالفات خفية مع النظام
Quote: بدو ان السنوات الطويلة لم تعلم الناس شيئا، وعليه يمكن لأخونا في الله بدر الدين ان يضحك لمن يعتقدون "بطلاسم" جماعة الإنقاذ للحفاظ على السلطة!
مع انه يعلم تماما ان المسألة وببساطة شديدة هي وضع اليد على السلطة! |
تفسير الماء بالماء
هم قاموا استلموا السلطة بدبابة وعساكر حيكونوا عايزين شنو يعني؟
لعلمك بدر الدين البتقول جاي يضحك دا هو نفسو مغيب وبستقي اخبار تنظيمو من المنبر دا
لكن شكلك منبهر بتحليلاتو الذكية
|
Post: #51
Title: Re:
Author: سيف اليزل الماحي
Date: 06-02-2014, 11:06 AM
Parent: #50
.
| Quote: لكن شكلك منبهر بتحليلاتو الذكية |
جابت ليها إنبهار كمان!!
بدر الدين بقول ليك انتو اقعدوا حلحلوا في طلاسم الإنقاذ على كيفكم، لكن المحك عند جماعة الإنقاذ "السلطة" ياشيخنا!
.
|
Post: #52
Title: Re:
Author: دينا خالد
Date: 06-06-2014, 07:12 AM
Parent: #51
بعض المتداخلين افترض انى اعول على صراع الاسلاميين لنهاية النظام
لا
بل اتخبل ان صراع الاسلاميين فى هذا الظرف مع غياب بقية الاطراف فى المعادلة السياسية
ح تكون عواقبه وخيمة وح يرجع تانى الشعب السودانى يدفع فواتير لا علاقة له بها ...
|
Post: #53
Title: Re:
Author: اخلاص عبدالرحمن المشرف
Date: 06-06-2014, 11:43 AM
Parent: #52
|
Post: #54
Title: Re:
Author: munswor almophtah
Date: 06-06-2014, 11:54 AM
Parent: #53
دندنه بقيتى وداعيه كشافه ياخ جئناك كلنا نعرف منك حظنا
العيون زرقوان هل فيهما معانٍ
|
Post: #55
Title: Re:
Author: Khalid Basheer
Date: 06-06-2014, 02:02 PM
Parent: #54
المؤسف أن مآلات تسليح المليشيات من قتل وتشريد وظلم لا تهم عصابة الكيزان أبدا أو من يساندهم ممن ينعم في الشقاوة ، ما يؤكد أن سقوط العصابة هو أخلاقي في البدء قبل أن يكون منهجي أو سياسي.
............................
دنانش.....شيلتي معاك المنبر !
سمعتي و لا جابوه ليك ولا السريالية الحاصلة هنا بقت انتولربل !
بكري مفروض يدي بدلات...الحكاية بقت صعبة ياخ !
|
Post: #56
Title: Re:
Author: دينا خالد
Date: 06-07-2014, 05:54 AM
Parent: #55
شكرا يا خالد
بكرى دا الشكية منو لى اب ييدا قوية ..
حجم السلاح وكمياته هى ال حتحدد حجم الخسائر وطول امد هذه الحرب
التى لن تبقى ولن تزر ...
حميدتى لن يكون اختيار باى حال من الاحوال
ولكنه سيكوت واقع ح يفرض نفسه ... زيو وذى وجود النظام دا ...
|
Post: #57
Title: Re:
Author: اخلاص عبدالرحمن المشرف
Date: 06-07-2014, 12:03 PM
Parent: #56
|
Post: #58
Title: Re:
Author: محمد المسلمي
Date: 06-07-2014, 12:21 PM
Parent: #57
يادينا سلام
اها موضوع أبرار ده خبره عندكم شنو
|
|