Post: #1
Title: قالوا الشقى يعترولو ركبتينو
Author: Abureesh
Date: 05-29-2014, 01:49 PM
Parent: #0
هسى باللاى الحكومة كانت ناقصة ليها جبهة دولية جديدة؟
Quote:
أعتبر مجلس الكنائس السوداني الحكم الذي أصدرته محكمة الجنايات بالحاج يوسف بالردة والزنا تحت المواد (126-146)من القانون الجنائي ضد مريم يحي المتزوجة من مترجم أجنبي وأنجبت منه طفلا،وأمس الاول انجبت ومن داخل السجن مولودة انثي اخري، أعتبر المجلس الحكم بانه اضطهاد واضح ومباشر للمسيحيين بالسودان وقال المجلس في بيان له تلقت سيتيزن نسخة منه أمس ان الحكم ضد مريم أثار إستياء واسع وسط المجتمع السوداني بشكل عام والمسيحي بوجه خاص ووصف البيان الحكم بانه يتناقض مع الدستور الانتقالي بالبلاد،وفي ذات السياق وزع المجلس بيان اخر اطلعت عليه سيتيزن امس ممهور بتوقيعات كل من قادة:الكنيسة الاسقفية بالخرطوم والكنيسة الكاثوليكة وكنيسة المسيح السودانيةوالكنيسة القبطية الارثوذكية وكنيسة افريقيا الداخلية حيث نفي ذات البيان صدور اي تصريحات من قيادات المجلس بشأن قضية مريم يحي التي كانت إحدي الصحف قد قالت بلسان شخصية رفيعة لم تسميها من المجلس ان الطبيبة المزيفة المرتدة غير منضوية في سجلات اية كنيسة في السودان وقال المجلس ان الايمان المسيحي لايشترط التسجيل فيه لدي اي طائفة من الطوائف لان الايمان علاقة شخصية بين المؤمن والخالق.وكانت منظمات حقوقية محلية وعالمية قد أكدت وجود استهداف وصفته بالممنهج تجاه المسيحيين بالسودان وأشارت إلي حرق مجمع كنائس الجريف وكنيسة نيالا ومنع الاحتفالات الدينية للمسيحيين بالسودان وإعتقال عدد من القساوسة والمبشريين.
|
|
Post: #2
Title: Re: قالوا الشقى يعترولو بيوضو
Author: Abu Baker Ahmed Abdel Rahman
Date: 05-29-2014, 01:59 PM
Parent: #1
شقى الحال فى الكبدة يلقى عضم
|
Post: #3
Title: Re: قالوا الشقى يعترولو بيوضو
Author: cantona_1
Date: 05-29-2014, 02:14 PM
Parent: #2
يا أبا الريش.. سلام
الجماعة دول شغالين بالنظرية العربية العامية: (كان غلبك سدّها وسِّع قدّها).
وياهو الحاصل عندك في السودان الحبيب.
قناتي في اليوتيوب
http://www.youtube.com/user/KabbashiSudan
تحياتي
كبـّاشي الصافي
قناتي في اليوتيوب
http://www.youtube.com/user/KabbashiSudan
|
Post: #4
Title: Re: قالوا الشقى يعترولو بيوضو
Author: أسامة خلف الله مصطفى
Date: 05-29-2014, 02:58 PM
Parent: #3
سلامى....Quote:
قالوا الشقى يعترولو بيوضو |
المثل ده في ليه مترادفات كثيرة كان ممكن تجيبها...
مثل فى غاية اللا إحساسية وعدم مراعاة للشعور العام...
أهلنا كان بيقولو " الما بتقدر تقوله فى حضرة والديك....ما تقوله قدام الناس"
|
Post: #5
Title: Re: قالوا الشقى يعترولو بيوضو
Author: احمد التجانى احمد
Date: 05-29-2014, 03:19 PM
Parent: #4
Quote: المثل ده في ليه مترادفات كثيرة كان ممكن تجيبها...
مثل فى غاية اللا إحساسية وعدم مراعاة للشعور العام...
أهلنا كان بيقولو " الما بتقدر تقوله فى حضرة والديك....ما تقوله قدام الناس" |
|
Post: #6
Title: Re: قالوا الشقى يعترولو بيوضو
Author: بدر الدين اسحاق احمد
Date: 05-29-2014, 03:21 PM
Parent: #4
أهلنا كان بيقولو " الما بتقدر تقوله فى حضرة والديك....ما تقوله قدام الناس"
دا كلام اهلنا ...
|
Post: #7
Title: Re: قالوا الشقى يعترولو بيوضو
Author: Abureesh
Date: 05-29-2014, 03:59 PM
Parent: #6
سلام يا شباب..
أولا اللغـة العربيـة أنا إتعلمتها في المدرسـة رغما عنى، والحمد لله على أي حال، لأنها في النهايـة طلعت لغـة القران وجات سليمـة.. لكنى لغاية سن 7 سنوات لم أتحدثها.
ثم المثل دا هل مترجم من الثقافـة الإنجليزيـة؟ ما هي أمثالكم الإتعلمناها من كباركم وليس من كبارنا.. وكدى امشوا على الشمالية وشوفوا الكبار هناك يتكلموا كيف بعدين جيبوا وعظكم دا.
هسى لو كتبنا كلام عجايز الشايقيـة المنبر كلو يمشى الخور.. إنتو تقروا بإعجاب وصف بت مجذوب لود الريس، واسلحـة مصطفى سعيـد التي غزا بها أوروبا.. وتجوا تحتجوا على مثل شعبى
شايع ويتقال يوميا فى كل المجالس ؟.
إهتموا بموضوع البوست.
|
Post: #8
Title: Re: قالوا الشقى يعترولو بيوضو
Author: أيمن الفاضل
Date: 05-29-2014, 04:13 PM
Parent: #7
| Quote: وكدى امشوا على الشمالية وشوفوا الكبار هناك يتكلموا كيف بعدين جيبوا وعظكم دا. |
Quote: وتجوا تحتجوا على مثل شعبى
شايع ويتقال يوميا فى كل المجالس |
في كل المجالس؟ وإلا في مجالس ناس الشمالية بس؟
أبعد من ناس الشمالية ولغتهم ومجالس كبارهم لو ما عاجبنك
|
Post: #9
Title: Re: قالوا الشقى يعترولو بيوضو
Author: Abureesh
Date: 05-29-2014, 04:21 PM
Parent: #8
Quote:
أبعد من ناس الشمالية ولغتهم ومجالس كبارهم لو ما عاجبنك
|
ما عاجبينى كيفن.. ديل الأصالة التي يريـد البعض ان يطسمها بأدبيات التاصيل الحضارى بتاع الإنقاذ..
الظاهر فهمت كلامى غلط.. لا ضيــر.
|
Post: #10
Title: Re: قالوا الشقى يعترولو بيوضو
Author: Abdelslam Malik Ali Elhag
Date: 05-29-2014, 04:34 PM
Parent: #9
Quote: المثل ده في ليه مترادفات كثيرة كان ممكن تجيبها...
مثل فى غاية اللا إحساسية وعدم مراعاة للشعور العام...
أهلنا كان بيقولو " الما بتقدر تقوله فى حضرة والديك....ما تقوله قدام الناس" |
اتنين قالوا ليك راسك مافي اتبنوا
عشان كدي انا مانع اون لاين من العيال ما يخشوا عليهو... مع العلم انه بيربطهم بالسودان
لكل مقام مقال..
رجاء غير العنوان
اجترامي
|
Post: #11
Title: Re: قالوا الشقى يعترولو بيوضو
Author: Abureesh
Date: 05-29-2014, 04:46 PM
كلمة رجاء غاليـة يا دكتور..
لكن حرم لو الف قالوا لى راسك مافى ما بهبشو لأن قناعتى أهم من أي شيء.. وأتبع قناعتى حتى أرى الحق في غيرها.. وليس قناعات الغير.
ما قدرت أغير العناوين داخل المداخلات
|
Post: #12
Title: Re: قالوا الشقى يعترولو ركبينوا
Author: Abdelslam Malik Ali Elhag
Date: 05-29-2014, 05:55 PM
Parent: #11
Quote:
كلمة رجاء غاليـة يا دكتور..
لكن حرم لو الف قالوا لى راسك مافى ما بهبشو لأن قناعتى أهم من أي شيء.. وأتبع قناعتى حتى أرى الحق في غيرها.. وليس قناعات الغير.
ما قدرت أغير العناوين داخل المداخلات
|
يا سلاااااااااااااااام انت زول رائع ومتواضع
اسف كل الاسف اذا كانت هناك اي اسلوب فظ في مداخلتي السابقة
كل الاحترام والتقدير ليك يا غالي
|
|