هنا سأتلقى التهاني بمناسبة المشاركة رقم 1000

شعرت بأنني قد حطمت رقماً قياسياً شخصياً

فبعد حوالي 6 سنوات من التنقيب والتمحيص والقرأة ، ها أنا أصل سقف المشاركة رقم 1000



عند إنضمامي للمنبر، كنت أصنف الناس بعدد مشاركاتهم، وأتحاشى أصحاب المشاركات الكثيرة، فهم بكل تأكيد مستعدين للتعليق على كل شاردة وواردة

وفي فترة من الفترات، لأرفع عدد مشاركاتي تعهدت بوستات النعي وإستقبال الاعضاء الجدد، للدرجة التى أعيد فيها التعليق في البوستات الطويلة.


والله ياجماعة لمن نفسي إنقطع حتى وصلت لهذا الرقم.

فحقيقة الامر يحتاج للتهنئة، وأنا خاتي كرسي وقاعد ليكم.

والعداد ماشي . . . 1002 / 1003 ....

تاني ناس تراجي تعبوا معانا

أصلاً قال لي واحد " خبير" بشئون المنبر إنه العقبة الوحيدة هي الالف الاولى.

زي سنين الغربة بعد اعشرة الاولى الموضوع بيكون سهل

مبروك وان شاء الله نشوف المشاركة رقم مليون

مبروك وعقبال المشاركة المليار
شايفك خصصت بوست كامل لسعادة الخبير

ألف مبروك

يعنى مبروك لكل بوست بعدد البوستات

هههههههههههههههههههه

Quote: ألف مبروك يعنى مبروك لكل بوست بعدد البوستات هههههههههههههههههههه

يازول

الله يبارك فيك وفي ايامك.

يأخى والله نفسي أنقطع!

الاخ محمد الفكي
يأخي والله الفرقة بينا كبيرة خلاص
فأنا أكبر منك عمراً ( بناءاٍ على مداخلات سابقة ) لكنك أكبر مني تواجداً في هذا البورد، والفرق بيننا مسير 5 الف وثمانون مشاركة ( حكاية محبطة جداً ).

Quote: مبروك وعقبال المشاركة المليار

المليار ؟ إنت بتهنينى بالعملة السودانية ولا شنو ؟

Quote: شايفك خصصت بوست كامل لسعادة الخبير

أها دا الخايف منه، يأخى الزول دا يقوم يصدق إني فاتح ليه بوست ويقوم يتلحني
وبالتالي يعتبر دا إعتراف مني بأنه خبير.

لكن وحاتك لحدى يوم الليلة ما عقب على ولا قال لي سلام عليك

يتباركن ايامك أخوى عبد العظيم، لكن يأخى صعبتها على شديد

Quote: مبروك وان شاء الله نشوف المشاركة رقم مليون

إذا كنت في ستة سنوات وصلت سقف الالف، المليون دى الا أكون بترول.

تسلم.

تستاهل وما شفنا منك إلا كل خير...........

أمنباتى لك بمشاركات أجمل وأفيد...

أخونا إسماعيل الرجل الخلوق

Quote: تستاهل وما شفنا منك إلا كل خير........... أمنباتى لك بمشاركات أجمل وأفيد...

أنت من ينشر المحبة والعقلانية في هذا المنبر، وبكم نهتدى.

شكراً على كلماتك الطيبة.

ألف مبروووووووووووك
على فكرة اسمك يدعو للتفاؤل عادل وسهل

الاخ حسن فؤاد

Quote: ألف مبروووووووووووك على فكرة اسمك يدعو للتفاؤل عادل وسهل

تسلم ياعزيزي، والفال فالك كله خير وسهل عليك يارب.

أستاذ عادل سلام ومبارك
وانت عندما تكتب هنا تكتب المفيد



----------
الله يكفيك شر ناس فلانا القلتهم فوق (:

الاخ المسلمي

Quote: أستاذ عادل سلام ومبارك وانت عندما تكتب هنا تكتب المفيد

تسلم يارجل يانيق.

Quote: الله يكفيك شر ناس فلانا القلتهم فوق (:

إطمئن فلانه غير معتادة على دخول بوستاتي والشىء الوحيد الذى لفتها منذ دخولي للمنبر هي جلابيتي ووعدت بفتح بوست عنها ولم تفعل حتى الآن .

تذكرت نكتة زميلين دراسة، أحدهما إمام مسجد والآخر سكير من خمارة لخمارة ( اكرمكم الله ) ، التقيا فسأل الامام زميله، اين انت من زمن طويل لم نلتقي؟
فقال له كيف نتلتقي الاماكن الإنت بتمشيها أنا ما بمشيها والاماكن الأنا بمشيها إنت ما بتجيها.

تسلم المسلمي.

Quote: إطمئن فلانه غير معتادة على دخول بوستاتي والشىء الوحيد الذى لفتها منذ دخولي للمنبر هي جلابيتي ووعدت بفتح بوست عنها ولم تفعل حتى الآن .

اها لوعرفتك ودناظر وأهلك ليهم شنة ورنا في الادارة الأهلية تعمل ليك حفلة عديل (:

ياخي 1000 دي بعملها و انا بقزقز في التسالي .

يوم العيد بضبح ليك جدادة و ديك .


الف مبروك ولي قدام

الف مليون مشاركة يا عادل كيف احوالك والاهل...عارف سودانيز دي زي لعب الكورة دايرة لياقة ونفس طويل ولكن انا بقول العبرة
ما في الكم العبرة في الكيف...طبعا انا هنا بفتش لي في مراقة...المهم ياخي عندكم كلام جميل وحلو كان في منتديات بارا منها علي ما
اظن فنجان قهوة ..واكيد قريحتك مليئة عن الغرة عن رمالها وكثبانها وبواديها واكيد لك من ود تمساح وشيخ المر والهرديمى
والشيخ علي التوم وشيخ جابر ومنعم منصور وعن النشوق والدميرة عن الرحل عن سواقينا وبوابيرنا عن الطويل والبشيرى وقيزان
الحمرة وعن رحلات الصيد فى تلك التلال ..فارجو ان يطول نفسك لتبرز لنا حق الغرة عليك
...ولك ودي وتقديري

نعم حبيبنا منعم مالك:

Quote: الف مليون مشاركة يا عادل كيف احوالك والاهل...عارف سودانيز دي زي لعب الكورة دايرة لياقة ونفس طويل ولكن انا بقول العبرة ما في الكم العبرة في الكيف...طبعا انا هنا بفتش لي في مراقة...المهم ياخي عندكم كلام جميل وحلو كان في منتديات بارا منها علي ما اظن فنجان قهوة ..واكيد قريحتك مليئة عن الغرة عن رمالها وكثبانها وبواديها واكيد لك من ود تمساح وشيخ المر والهرديمى والشيخ علي التوم وشيخ جابر ومنعم منصور وعن النشوق والدميرة عن الرحل عن سواقينا وبوابيرنا عن الطويل والبشيرى وقيزان الحمرة وعن رحلات الصيد فى تلك التلال ..فارجو ان يطول نفسك لتبرز لنا حق الغرة عليك ...ولك ودي وتقديري

كردفان ملهمة للكثير، وفي جعبتنا الكثير أيضاً، لكن كل حرف في هذا المنبر يحتاج لتركيز وحضور ذهني تام، وهذا ما لا يتيحه لنا الزمن لفترة من الوقت.

فالتحضير الجيد لمثل الموضوعات التى نوهت لها، يحتاج ايضاً لتفرغ للغوص فيها، لكن حتماً ستظل هي أحد إهتماماتنا ، التى سنجد فيها أنفسنا، وسنقف عندها كثيراً.

لك المحبة وستظل.

Quote: ياخي 1000 دي بعملها و انا بقزقز في التسالي . يوم العيد بضبح ليك جدادة و ديك . الف مبروك ولي قدام

الله يبارك في عمرك أخي فيصل محمد خليل.
بالجد حا تضبح لي لو شفت قومة النفس لما قدرت أصل للرقم 1000.
طبعاً فكرت كثير أعتزل مباشرة بعده، عشان اكون حامل رقم مميز

تسم فيصل.

Quote: اها لوعرفتك ودناظر وأهلك ليهم شنة ورنا في الادارة الأهلية تعمل ليك حفلة عديل (:

حفلة أكثر من كلماتك الجميلة دي أبداً ما عايزها أخي المسلمي.

لكن بيني وبينك سيد الحوش مفروض يعمل جائزة لأكثر مشارك، وستفوز بها هي بكل تأكيد.

وأكيد في عدد كثير من المشاركات لن تحسب للعديد من الاعضاء على وزن الاوراق التالفة في الإنتخابات، لأنه ستكون هنالك مشاركات تالفة.

الكتابة هنا يا سهل تستوجّب العزاء، فأعزيك وأعزي نفسي، بعد أن أحمد الله على مكروه الكتابة هنا، ومن غيره يُحمّد على مكروه؟؟

Quote: الكتابة هنا يا سهل تستوجّب العزاء، فأعزيك وأعزي نفسي، بعد أن أحمد الله على مكروه الكتابة هنا، ومن غيره يُحمّد على مكروه؟؟

العزيز طيفور:
لعمرى فإن للكتابة متعة لا تضاهيها أي متعة، إن توخى الانسان فيها موطىء قدميه، وانت ممن تعجبنا كتاباتهم، ونتفيأ ظلالها بكل إحترام وتقدير.

وأرك صرت مقلاً في الآونة الآخيرة لربما هي المشغوليات، لكن حتماً الابداع سيجعلك متواجد هنا لأنه يسكنك.

دم بخير.

ياعادل دي فرصه نتطنقع عليكم شويه
اولا الف مبروك
وتحيه من عضو اللجنة العليا للمشاركات الكثيفة
يوسف الموصلي 30648

مبرووك عادل سهل وتتربى فى عزك وأفيد حديثك

وعقبال المية ألف بالعافية والكلمة الدافية

الأخ سعدابي

Quote: مبرووك عادل سهل وتتربى فى عزك وأفيد حديثك وعقبال المية ألف بالعافية والكلمة الدافية

عقبال ما نهنيك بالالفية الاولي في الدورة القادمة.

أها إنكرب ...

الاستاذ الفنان يوسف الموصلي

Quote: ياعادل دي فرصه نتطنقع عليكم شويه اولا الف مبروك وتحيه من عضو اللجنة العليا للمشاركات الكثيفة يوسف الموصلي 30648

الاخت تراجي مازالت تتصدر القائمة، لكن لو كان عدد المشاركات قالوا ممكن ينقلب مليارات بالجنية السوداني

مافي زول بياكل معانا عيش.

وشكراً يافنانّ!

الف مبروك بعد بوستاتك. وانا ياداب احبو نحو المشاركة100.
والله نفس الشعور.
انا البحيرني في أعضاء مشاركتهم تحسبها بما قبل الميلاد(23000).
تحياتي.

الأخ مكاوي واوه

Quote: الف مبروك بعد بوستاتك. وانا ياداب احبو نحو المشاركة100. والله نفس الشعور. انا البحيرني في أعضاء مشاركتهم تحسبها بما قبل الميلاد(23000). تحياتي.

أنا أقترح رئاسة المنبر تكون بعدد المشاركات، عشان تتولى الرئاسة الاستاذة تراجي مصطفي

طبعاً حا يجي يوم من الصباح تلقى بوست مثبت وتحولت الرئاسة لمكاوي واواه الذي حقق الرقم القياسي في عدد البوستات متجاوزاً الاستاذة تراجي مصطفى.

قول آمين.