يا راجل استحي... صبيان وصبايا شنو؟!

البرنامج في قناة امدرمان الاسمو (صبيان وصبايا دا ما يكون شغال من زمان.
غايتو جنس استلاب احير
الناس بتاعين قناة امدرمان ديل ما عندهم معدين للبرامج .؟!
لو كانت ثقافتهم اللغوية ضعيفة
ما سمعو بمجلة الصبيان التي كانت مجلة للأطفال ؟
حاجا تحير راجل عمره فوق العشرين عام ومن معه من الشباب كذلك
كيف يرضى لي نفسه يقول (نحن صبيان وصبايا) ويفرض على ضيوفه الشباب
أن يقولوا( نحن صبيان وصبايا)! والله دي حكاية عجيبة
والكلام دا لو في ثقافتنا ولغتنا الدارجه كان قلنا مبلوعه
والمصيبة التانية ...الظن بأن اسم البرنامج كأنه مفروض أن يكرر استعماله دائماُ في البرنامج
يعني طوالي يكرروا هذا الاسم الغلط (نحن صبيان وصبايا)...( نحن صبيان وصبايا).
عجيب

منتصر عبدالباسط سلامات

دى أعتبرها منتشة لبنانيين والعياذ بالله

نزلنا تحت شديد

أهلاً بيك ويا مراحب يا نجم الدين سعدابي
ياهو زي ما قلت

منتصر كييفك يا زلمييى ، منييييح
دخيل عينك و تأبرنى عن شو بحكو ها الصبايا؟؟
ولوو،،،

تحية طيبة لك أخي منتصر

يا أخوي ماتتعب نفسك قناة أم درمان دي
معظم حاجتها تحت جلابيب غيرها

تابع وحتعرف مواطن التقليد وين

يا أخي حتى تبادل النظرات والنضمي
بين مقدمين البرامج فيهو تقليد غير متقن

أما بعض من يقرأون الأخبار

يقلعوا الكلام قلع التقول بيشاكلو فيهو

والعجب تقليد قعدة وطريقة ناس قناة الجزيرة
لااااااااااااامن تطمم البطن أخير منهم واحد
كان في قناة أم درمان كان بيعديها كلها

آآآآآآآآ ...أأأأأأأأأ ..آآآآآآآآ عامل فيها جميل عازر

عند اللفة بس :
-------------
قلت لي صبيان وصبايا