نـــطّــ الــكَــلِــبْ يـا شـوايــعــة .. كاريكاتاتير

يروى أن رجلا رأى زوجته تصعد سلما فقال لها: أنت طالق لو صعدت أو نزلت أو وقفت...فما كان من المرأة إلا أن رمت بنفسها من السلم

يعلم الله يا محمد جلال انا بكون مبسوط من اى بوست تفتحو حتى لو كانت ضدنا
لسبب بسيط جدا :
بحس انك السلفى الوحيد اللى بتطلع من صندوق السلفيين المغلق (كفرة - زنادقة - خسئتم - ارجموهم - اقتلوهم ) وبتحاول
يعنى على قدر امكانياتك تنوع وتجتهد ودا بيدينى انطباع انك ممكن في يوم من الايام تعقل وتبطل تبقى سلفى .

واصل بارك الله فيك

هلا بيك يا هشو

Quote: ودا بيدينى انطباع انك ممكن في يوم من الايام تعقل وتبطل تبقى سلفى .

يا زول انت داير ترفدني وللا شنو
هسي يسمعوك ناس شيخ عماد وعماد ويهدروا دمي

على العموم شكرا

سلام فور اول
دخلت البوست ده ولقيت فيهو الرجل المحترم هشام عباس
الزول اللابيشتم ولابيحتقر راي الناس مهما اختلفت معاه

نديك دي ياهشام.
ـــــــــــــــــــــــــــــــــــــــــــــــــــــــــــــــــــــــــــــــــ
شيوعيين راكبين البحر ـ هبّت عليهن عاصفة
بعد العاصفة فَجت والبَيَّاح بَيَّح شافوا ليهن جزيرة من بعيد
اتفقوا لو الجزيرة دي فيها حكومة هن ضدها.

سلام ياشباب
صدقت ياهشام ودجلال سلفي يستحق الاحترام

من الناس الانا بحبهم
قبل ما اشوفهم مع الخلاف الفكري بيننا

ود عمي محمد جلال الدين

مشتاقين و سلام للاسره

الجماعه الشوايعه اتحاوشوك

اكان كده تعال لينا نحن

اخوك الزبير الختمي

الأستاذ الفاضل محمد الشيخ

Quote: سلام ياشباب صدقت ياهشام ودجلال سلفي يستحق الاحترام من الناس الانا بحبهم قبل ما اشوفهم مع الخلاف الفكري بيننا

حياك الله وأحبك الذي أحببتنا فيه
وأدام الله المودة
شاكر مرورك وكلامك الجميل

ود اعمي الزبير

Quote: ود عمي محمد جلال الدين مشتاقين و سلام للاسره الجماعه الشوايعه اتحاوشوك اكان كده تعال لينا نحن اخوك الزبير الختمي

حياك الله يا ود العم وشوقنا بحر عديل
الشوايعة خليهم أنا بعرف ليهم كويس
شكرا على المرور الجميل

الأستاذ المحترم/ عبد العزيز الفاضلابي

Quote: دخلت البوست ده ولقيت فيهو الرجل المحترم هشام عباس الزول اللابيشتم ولابيحتقر راي الناس مهما اختلفت معاه

والله تعرف يا فاضلابي في بالي من مدة أكتب بوست بعنوان
هشام عباس .. شيوعي يرجى منه
الزول ده أنا حاسي في يوم من الأيام إنو حيبقى سلفي
ما عارف ليه لكن عندي إحساس كده
ربنا يهديهو وكافة الشوايعة للحق .. آمين يا رب

هذا مع تأكيدي على أنه شخص محترم ومهذب

سلام،
محمد أركز،
الجماعة سحبوا المنشور وطلعوه نهائيا من مضمونه،
غشوك، وقعوا فيك مدح وثناء لمن نسوك المربع الأول،
هههههههههه
نرجع للمربع الأول في محاولة للتقليل من هذا التضخم.
*********
أول حاجة ده لغز وليس كاريكاتير،
وممكن يكون كمان داير ليهو وداعية عديل كده عشان تفك لينا طلاسم الاشكال الثلاثة وتوزيعاتها ودلالاتها.
ثاني حاجة الحرب دي غير متكافأة ولا عادلة،
4 ضد واحد!
وبعدين ياخي الأحمر ده من وين جاي، كان ممكن يتفادى الزنقة دي ويجهجه الأربعة الخدر، بما فيهم المصور الجالس على الزاوية!
ولكن يبدو أنه( أي الأحمر) قد أجبر للوقوف هنا من باب التضليل الإعلامي!
هناك خلل ما في هذه الرصة:
لو الدور على الأخضر، فلا يعقل أن يكون الأحمر قد تحرك لهنا إلا من أجل الإنتحار، لأن هناك عدة خيارات آمنه له لو افترضنا
أنه أتى من أعلى أو أسفل أو يمين!
ولو الدور على الأحمر، فإن اللعبة منهية بالتعادل لأنه سيظل قابعا في مكانه الآمن دون حراك.
بالمناسبة:
في لعبة الشطرنج ،حالة مثل هذه(إذا افترضنا الدور على الأحمر) تعتبر فيها اللعبة منتهية بالتعادل، لعدم قدرت القطعة على الحركة، فيما تظل آمنة في مكانها.
تحياتي وتقديري

يا شيخ قصي .. حياك الله ومرحب بمرورك وطلتك
الموضوع ما داير وداعية ولا لغز
الموضوع كاريكاتير زي ما أنا كتبت فوق .. يعني صورة بتلخص لحدث كامل أو معنى معين مراد إيصاله
في لعبة اسمها نط الكـلب .. يا ترى لعبتها قبل كده؟
اللعبة دي باختصار بتتكون من 16 فيشة (كـلـب) لك طرف
وبعد داك كل واحد يبدأ يقدم كـلابه ولو الفيشة بتاعتك وقعت قدامي ووراها مافي فيشة أنا بقوم باكلها
الحالة الأنا عكستها هنا وهي الفيشة الحمراء رمز للحزب الشيوعي مقابل خصومه الإسلاميين
ما عندو أي فرصة .. ده المعنى باختصار

أما الجماعة القاصدهم انت .. ما شايف غير هشام عباس منهم، وهشام ده في دواخله سلفي
صدقني الولد ده يوم حيعقل ويبطل شوعنة ويبقى سلفي بإذن الله ..

التحية لصاحب البوست محمد جلال وهاشم عباس والبقية .
أنا ما عارف لماذا اليساريين في البورد دا لامين كل الجماعة في كوم السلفيين؟
محمد جلال إخواني أو متعاطف مع الإخوان ورافع في بروفايله شعار رابعة
والسلفيين الأن في مصر خصوم للأخوان ومع السيسي.
والخلاف بين السلفيين والأخوان لا يخفى على مطلع.
وتوجد خلافات كثيرة في أمور دينية .
أرجو أن لا يفهم من كلامي هذا وجود نزعة للفرقة ودعوة للفرقة

Quote: والسلفيين الأن في مصر خصوم للأخوان ومع السيسي.

منتصر سلام ابدا يا منتصر الاخوان علي خلاف مع حزب النور السلفي اما مشايخ السلفية الشيخ العلامة ابو اسحق الحويني والشيخ محمد حسين يعقوب والشيخ محمد حسان هؤلاء المشايخ العلماء ضد السيسي وبرنامجه ومجموعته وعلاقة طيبة مع الاخوان المسلمون


--------------
ابوعبدالله وضيوفه سلام

Quote: يعلم الله يا محمد جلال انا بكون مبسوط من اى بوست تفتحو حتى لو كانت ضدنا لسبب بسيط جدا : بحس انك السلفى الوحيد اللى بتطلع من صندوق السلفيين المغلق (كفرة - زنادقة - خسئتم - ارجموهم - اقتلوهم ) وبتحاول يعنى على قدر امكانياتك تنوع وتجتهد ودا بيدينى انطباع انك ممكن في يوم من الايام تعقل وتبطل تبقى سلفى . واصل بارك الله فيك

عباسنتود،

يفلق ويداوي

قال شنو: يعنى على قدر امكانياتك

الأخ المحترم/ منتصر عبد الباسط

Quote: التحية لصاحب البوست محمد جلال وهاشم عباس والبقية . أنا ما عارف لماذا اليساريين في البورد دا لامين كل الجماعة في كوم السلفيين؟ محمد جلال إخواني أو متعاطف مع الإخوان ورافع في بروفايله شعار رابعة والسلفيين الأن في مصر خصوم للأخوان ومع السيسي. والخلاف بين السلفيين والأخوان لا يخفى على مطلع. وتوجد خلافات كثيرة في أمور دينية . أرجو أن لا يفهم من كلامي هذا وجود نزعة للفرقة ودعوة للفرقة

شخصيا يا منتصر لست إخوانيا أبدا
ووقوفي مع جماعة الإخوان في مصر هو موقف مبدئي لأنهم مظلومون
ورغم خلافي معهم إلا أن الوصية النبوية (انصر أخاك ظالما أو مظلوما) تحتم علي أن أنصرهم وادافع عنهم
السلفيون في مصر وحدها ليسوا سواء -كما تفضل الأخ المسلمي- فضلا عن باقي العالم
موقف حزب النور موقف خاطئ ولا يعقل أبدا أبدا
وهو يفسر بالتنافس الطويل بين الإخوان والسلفيين وربما الإملاءات الخارجية لفئة رهنت نفسها

شاكر مرورك الكريم

Quote: منتصر سلام ابدا يا منتصر الاخوان علي خلاف مع حزب النور السلفي اما مشايخ السلفية الشيخ العلامة ابو اسحق الحويني والشيخ محمد حسين يعقوب والشيخ محمد حسان هؤلاء المشايخ العلماء ضد السيسي وبرنامجه ومجموعته وعلاقة طيبة مع الاخوان المسلمون

حياك الله يا المسلمي
كما تفضلت .. فالسلفيون ليسوا سواء
وهؤلاء المشايخ على الأقل لم يقفوا مع الانقلاب
واعتزلوا القضية برمتها واعتبره موقفا أفضل بكثير من الوقوف مع السيسي المجرم

شاكر مرورك

Quote: عباسنتود، يفلق ويداوي قال شنو: يعنى على قدر امكانياتك

يا شيخ عماد .. حياك الله وعودا حميدا بإذن الله
المكنة في كلام هشام ده
إنو أنا ما مبدع في أمور الكاريكاتير دي
وعلى قدر (إمكانياتي) المتواضعة قاعد (أحاول)
شفت هشو ده قلبو أبيض كيف

Quote: يا شيخ عماد .. حياك الله وعودا حميدا بإذن الله المكنة في كلام هشام ده إنو أنا ما مبدع في أمور الكاريكاتير دي وعلى قدر (إمكانياتي) المتواضعة قاعد (أحاول) شفت هشو ده قلبو أبيض كيف

أصلاً أخوالي المحس كدة.. جد والله

تشعر ما عندهم شر كلو كلو

إلا الزول ده حصل ليه (انقلاب/ ارتكاس/ انتكاس/ انبجاس/ انحباس/ وحاجات تانية) في الفطرة..

لكن أتوقع قريب برجع.. بإذن الله

مع تحياتي لمشايخنا في كرمة وأبو فاطمة.. وعلى رأسهم شيخنا عبد العظيم محمد نور

سلام محمد،

Quote: اللعبة دي باختصار بتتكون من 16 فيشة (كـلـب) لك طرف

شكلك حصلت لقيت الجماعة بلملموا في الكلاب (القطع)
25 مربع، 12 فيشة لكل طرف، ومربع نفط واحد فاضي لزوم اشعال المعركة!
تحياتي