عود لينا يا ليل الفرح

Post: #1
Title: عود لينا يا ليل الفرح
Author: حسن فؤاد
Date: 05-29-2014, 05:24 AM

رغم قناعتي إنو البوست دة لن يجد تفاعل هنا لأننا تعودنا على النكد، لكن عليكم الله تعالوا نفرح، أي حاجة أدخلت السرور إلى قلبك (بكسر أو فتح الباء) ، والما عايزين يفرحوا، يقولوا برضو هنا ما عايزين نفرح

نبدأ:-
اليوم في طريق توصيل أولادي للمدرسة جلس إبناي (توم آند جيري) من غير أي مشاكسة إلى أن وصلنا للمدرسة، بداية جميلة لليوم، وأنا أكتب الكلام دة ما زلت مبتسما

Post: #2
Title: Re: عود لينا يا ليل الفرح
Author: حسن فؤاد
Date: 05-29-2014, 05:48 AM
Parent: #1

إلى الآن 25 مشاهدة، ولا رد واحد
هل لأن صاحب الموضوع غير معروف لكثيرين
أم أن الموضوع نفسو هايف يعني شنو نفرح؟؟
غايتو عالم نكد، يلا تعالو اشاكلوا معاي

Post: #3
Title: Re: عود لينا يا ليل الفرح
Author: احمد عمر محمد
Date: 05-29-2014, 06:00 AM
Parent: #2

ملأ الله ايامك فرحاً و بهجة
مرحب بيك ومافي شي اسمها ما معروف وستجد هذا البوست كده حدادي مدادي
لانه ببساطة دعوة للفرح او لصناعة الفرح
يومك جميل
تحياتي ومرحباً بك اضافة جديدة للمنبر
احمد

Post: #5
Title: Re: عود لينا يا ليل الفرح
Author: حسن فؤاد
Date: 05-29-2014, 06:52 AM
Parent: #3

Quote: احمد عمر محمد: ملأ الله ايامك فرحاً و بهجة

وأنت كذلك، برضو تعالوا نفرح

Post: #4
Title: Re: عود لينا يا ليل الفرح
Author: مكاوى واوه
Date: 05-29-2014, 06:01 AM
Parent: #1

اها ياابو علي انا جيت اتفاعل معاك تفاعل المحبة والاحترام.
وعود لينا ياليل الفرح داوي القليب الانجرح خليهو يفرح مره يوم

Post: #6
Title: Re: عود لينا يا ليل الفرح
Author: حسن فؤاد
Date: 05-29-2014, 06:55 AM
Parent: #4

Quote: مكاوى واوه: وعود لينا ياليل الفرح داوي القليب الانجرح خليهو يفرح مره يوم

تعرف يا مكاوي أنا من مدمني أغاني الطيب عبدالله أيام الشباب، ويبدو إنها كان ليها أثر كبير في تركيبتي النفسية التي تجعلنبي لا أعرف الفرح كثيرا
لذلك بعد ما شيبنا قلت أدور على الفرح، يلا تعالو نفرح

Post: #7
Title: Re: عود لينا يا ليل الفرح
Author: محمد صديق الفكي
Date: 05-29-2014, 07:06 AM
Parent: #6

ولكل فرح مذاق مختلف

عود لينا ماتبكي العيون الشاربه من بحر الخجل

،،، وجع ،،،

Post: #8
Title: Re: عود لينا يا ليل الفرح
Author: مكاوى واوه
Date: 05-29-2014, 07:15 AM
Parent: #7

ويمكن تفيض اشواقنا يوم وطيفي لطيفك يصل
مقطع مطرز بالعسل
تحياتي للجميع

Post: #9
Title: Re: عود لينا يا ليل الفرح
Author: ياسر السر
Date: 05-29-2014, 08:25 AM
Parent: #8

والله لقد صادفت هذه الاغنية هوى في نفسي وسبحان الله لي كم يوم بردد الاغنية دي بصورة كثيفة في كل لحظة وكل ثانية وحفظتها عن ظهر قلب بس ما عارف اذا الكلمات مظبوطة ولا لا ,, غايتو انا بنزلها هنا ولو فيها غلط الرجاء تعديله لك تعم الفائدة وعلى الاقل نحفظها بصورة صحيحة ,, وان شا الله يعود لينا ليل الفرح .. شكرا صاحب البوست والاخوه الكرام المرو من هنا ..

ليل الفرح
عد لينا ياليل الفرح
داوي القليب الإنجرح
خليهو يفرح مره يوم
طول عمرو ناسيهو الفرح
¤¤¤
عد لينا ماتبكي العيون
الشاربه من بحر الخجل
عد لينا ماتعدي دروب
ريانة بتسيل بالامل
عد لينا قبال الخريف يرحل
يسيب ايامنا للصيف للمحل
إمكن تصيب اشواقنا يوم
وودادي لي شوقك يصل
¤¤¤
لكن ياليل كيفن تعود تتحدي ليل
أسود ومن أغلا العطور ريان يسيل
كيفن تعود والليل بيتوسد ضفاير
حبي زي طفلاً صغير شايلنو شيل
إتغني بي حلو الأماني
الطيبه راجيك من قبيل

تحياتي : ياسر العيلفون