نبارك للأخ بدر الدين بابكر المولود الجديد

ألاف التبريكات للصديق بدر الدين بابكر مصطفي
المولود الجديد وربنا يجعلوا من أبناء الوطن الصالحين
وإن شاء الله كراعو تبقي خضراء والوطن يتعافي...
والف حمد لله علي سلامة أولادك
محبتي

ألف مبروك لأخونا الحبيب بدر الدين.


لك التحايا يا ود المقدم،
والله مشتاقين...

الف مبروك .. ومن الصالحيين للوطن .

الاف التهاني للغالي بدرالدين بالمولود الجديد
ويربو في عزكم وجعله الله من ابناء الوطن الصالحين

سلااااام ومعزة كبيرة الأخ معاوية المدير
لك منّي عبق الراحل المقيم درفون البلد السمح بلحيل حميد:
شوك الشوق لى الشوف آ خَىْ

ضارب فِطن النسج الحى

يا منقاش أحزانى إنشرت

وادى الفرح إتمدد صَىْ


يا راحلين عِـنْ دُغُش الليل

ما لاقيتو جناياً زى....

تكية نخل الفجُر الجاسِر

فوق فى المتَرَة عَرَاجِنْ ضَىْ....

آ رعاوة العرب الرُّحّل....

ما لاقاكُنْ فى المطرانى ؟

فى كاويقْ الجرف الأمحل...

بين أسراب الرهو الراحِل...

ساند أكتاف الليل الميّل

عِنْ ساساق الغيمة عليكُن

بين رقراق الخيمة معاكُن

ما أديتوهو شِوَىْ بى حرجل؟

محبتي لكم الأخت بت عمسيب
والأخ عبدالله شم
وربنا ينوِّر بيوتكم

الزول زول الله
إن محن آ بسأل
الهباد لي غلب اخواتو
الفراح عوان الحلة
مبروك بدر وحمدلا بسلامة الوالدة وربنا يخلف تعبها راحة
آ العبيد
مشتاقين ياخ

الف مبروووووووووووووووووك

ود أب سن سلاااااام ومعزة كبيرة
شوقنا كبير يا خَيْ ...
شوق البدو لي سحابةً رخية
وكمان أُم بشَّار الرشاش لاااااحت
التحية والمحبة للأخ معتصم سليمان

.



بدر الدين ده ما قال العيال جننوه!
حمدا لله على السلامة والف مبروك ويربى في العز



.

بنقول ألأف مبروك للأخ بدر الدين بابكر
وربنا يجعله من الصالحين لدينهم ووطنهم ووالديه

الأخوة
عبيد
ود المدير
منى عمسيب
عبدالله شم
أبو سن
معتصم
سيف اليزل
خالد المنسي

الله يبارك فيكم جميعاً ، وربنا يخليكم ويخلي ليكم أحبابكم
سلمتم جميعاً
وتحياتي مثنى وثلاث ورباع

أن يمنحك الله طفلاً جميلاً معافى
تحس بأنه أكرمك بأكثر مما تستحق
أو كما قال أحد الأصدقاء كأنما أوقد شمعة على نافذتك
فـ لله الحمد والشكر

ولكم جميعاً الشكر الجزيل لمشاعركم
وتحياتي مثنى وثلاث ورباع

ألف مبروك يا بدر الدين
ويتربى في عزكم



تحياتي عبيد الطيب

الله يكرمك يا حمد ويبارك فيك