Post: #1
Title: كاودا في حيص بيص ......
Author: ود الباوقة
Date: 05-27-2014, 01:27 PM
Parent: #0
الله اكبر ولله الحمد
|
Post: #2
Title: Re: كاودا في حيص بيص ......
Author: عادل البراري
Date: 05-27-2014, 01:33 PM
Parent: #1
يبدو عليك يا ود الباوقه فرحان وفي الفرح فرح شديد ولا كيفن الكلام
|
Post: #6
Title: Re: كاودا في حيص بيص ......
Author: ود الباوقة
Date: 05-27-2014, 04:35 PM
Parent: #2
عادل البراري
خليك قريب
|
Post: #3
Title: Re: كاودا في حيص بيص ......
Author: مكاوى واوه
Date: 05-27-2014, 01:34 PM
Parent: #1
الحمد لله
كمل الخبر.
|
Post: #4
Title: Re: كاودا في حيص بيص ......
Author: د.محمد حسن
Date: 05-27-2014, 01:43 PM
Parent: #3
واللهي يا عمر
انت ذاتك في حيص بيص
|
Post: #5
Title: Re: كاودا في حيص بيص ......
Author: باسط المكي
Date: 05-27-2014, 04:17 PM
Parent: #4
ماسقطتت عليك
|
Post: #7
Title: Re: كاودا في حيص بيص ......
Author: ود الباوقة
Date: 05-27-2014, 04:36 PM
Parent: #5
|
Post: #8
Title: Re: كاودا في حيص بيص ......
Author: ود الباوقة
Date: 05-27-2014, 04:41 PM
Parent: #3
Quote: الحمد لله
كمل الخبر. |
واوة
النجيضة قريبة باذن الله
|
Post: #9
Title: Re: كاودا في حيص بيص ......
Author: nour tawir
Date: 05-27-2014, 07:27 PM
Parent: #8
ود الباوقة...
توجد معركة فى كودا منذ الآمس وحتى الان..
وتقول الاخبار انها حرب ضروس..
حيث ما يزال سلفاكير يدعم الحركة الشعبية...
ومازالت الحكومة تضرب بكل قوتها..
والنتيجة..
الى حين انجلاء الموقف..
المتضرر أولا وأخيرا هو كودا ومواطنيها...
والسطر الاخير هو كل ما يهمنا نحن اهالى الولاية..
|
Post: #10
Title: Re: كاودا في حيص بيص ......
Author: Tragie Mustafa
Date: 05-27-2014, 08:49 PM
Parent: #9
المجد للصامدين
و الاهالي العزل
وربنا يوقف هذه الحرب اللعينه التي لا منتصر فيها غير الشيطان.
|
Post: #11
Title: Re: كاودا في حيص بيص ......
Author: مبارك عبدالرحمن احمد
Date: 05-27-2014, 09:11 PM
Parent: #10
أستاذة تراجي
عشانك انا دخلت بوست الزول دا عشان هو قاعد يضلل باعتياد
معركتنا التي قتلنا فيها قائدهم كانت على بعد 17 كلم من كادقلي ودي كانت اول امس .
وكاودا تبلغ 110 كلم من كادقلي يعني حصلت كيف ؟
ولا انت شغال على طريقة اسحاق فضل الله يا صاحب البوست انو الكذب يعني مباح في هذا الغرض لاسقاط الروح المعنوية لعدوكم
تحياتي
أردول
|
Post: #12
Title: Re: كاودا في حيص بيص ......
Author: بشير أحمد
Date: 05-27-2014, 09:24 PM
Parent: #10
اللهم ارحمه واغفر له..
______
تحياتي يا ود الباوقة
|
Post: #13
Title: Re: كاودا في حيص بيص ......
Author: ود الباوقة
Date: 05-27-2014, 09:34 PM
Parent: #12
اللهم ارحمه واغفر له... بارك الله فيك دكتور بشير.... الدوام لله
|
Post: #14
Title: Re: كاودا في حيص بيص ......
Author: ود الباوقة
Date: 05-27-2014, 09:39 PM
Parent: #13
نحن صواقع الليل اب هويد وعويش
نحن متلنا في الحوبات جزم مافيش
نحن عدونا يوووت داقنو دق العيش
ونحن الفي البلد سمونا ناس الجيش
نحن العركه اسيادا وبنخبر خودا
نحن نواجه الصاقعة ولظي العنقوده
نحن الهاون الفتق اقاصي حدودا
نحن الفرسه اسيادا ومطامير جودا
نحن دهامه في الليل اب هويش ودبايب
ونحن مغارز الوجع اب وحيح ونحايب
نحن القوه والجسم النفتل وطايب
ونحن الجانا من قهرتنا بصبح عايب
نحن الماهبر رايش مفرتق كورنا
نحن قهاره في الغارات ببين سم فورنا
نحن عدونا بنعيقو ونكمل دورنا
تشهد لينا كاودا وجنوب دارفورنا
نحن صقور علي الجويه بان كارنا
ونحن نضاير الجافل بنلحق تارنا
نحن عدونا كان لاقانا بصبح فارنا
نحن رواجم الصاقعة ومحادر السيل
ونحن جوارح الجو البكب سجييييل
نحن غبار مفازه علي العيون بنكيل
نواجه هجمة الدغش ام هواجس وويل
نحن الدوشكا والبازوقا والهجانه
نحن السيبيه والقرنوف وانحن الدانه
نحن الفي ام لفيخ نارا يوج دخانه
نحن نقدد الجن ان دقس لاقانه
مافينا المسردب والجفل من رايش
انحن ضربنا مو مجلي ومودر وطايش
نحن جهامه نحن قهامه نحن حمايش
نحن شهيدنا دون خلق الله دايما عايش
نحن الموت نكوسو محل يكون بنخبرو
نحن الجانا في لحظات نوسدو قبرو
نحن ضربنا نص الراس فقه بنجبرو
ديمه عدونا في النايبات مقدد دبرو
مافينا الدفن دقنو ومجوغب بارك
بي ايدينا بنكاوش عدونا نعارك
يوم ضب المدافع والغبار الدارك
البارود نكرفو الفي الجسوم متفارك
بارودنا اندفق فوق ظرفو فاكي شرارو
مابتشوف معاي غوش الكرور العارو
ضارب سيبية الدوشكا المولعه نارو
عازف بي مزااج خلي السعوب اتجارو
القصطير مطر والجو كتم دخانو
والجلد الهشوش الليله يوم سلخانو
الميم دال هب ر ضاق السجم سخانو
اقدل يا صبي واوعاك تجيب رخخانو
الكاتيوشا قالع والطيور مرعوبه
والبي تن كلح والراجمه بان ملعوبه
ضوقتو السعوب مر ام لفيخ وصعوبه
خط ناركم يمين هدا الجبال وسعوبه
ويوم دقه البروجي علي الفريق نقاره
عرضو الناس طرب فرسه وثبات وجساره
وكتين ام لفيخ في كاودا شفنا شرارا
خلينا الصقور تتعشي جوا الداره
الله اكبر الله اكبر الله اكبر
بقلم عباس مختار (ود الشريف)
|
Post: #15
Title: Re: كاودا في حيص بيص ......
Author: خالد عبدالوهاب
Date: 05-27-2014, 09:40 PM
Parent: #13
الله اكبر ولله الحمد دي جبتها من وين الليلة؟!!
قلبت ولا شنو؟
|
Post: #16
Title: Re: كاودا في حيص بيص ......
Author: ود الباوقة
Date: 05-27-2014, 09:48 PM
Parent: #15
يا خالد ... النوم كبس .. كان الله سهل نرد عليكم غدا باذن الله
|
Post: #17
Title: Re: كاودا في حيص بيص ......
Author: بشير أحمد
Date: 05-27-2014, 09:54 PM
Parent: #16
خريطة كودا..
شكرا يانبيل ياوحش..
|
Post: #18
Title: Re: كاودا في حيص بيص ......
Author: يسرى معتصم
Date: 05-27-2014, 10:31 PM
Parent: #17
معارك شديدة بين قوات الدعم السريع والجبهة الثوريه حول كاودا ربنا يحفظ السودان من شر الحروب بين الشعب الواحد والخسران هو الوطن
|
Post: #19
Title: Re: كاودا في حيص بيص ......
Author: مرتضي عبد الجليل
Date: 05-28-2014, 01:28 AM
Parent: #18
تحية الصمود لاسود الجبهة الثورية والخزئ والعار لمرتزقة النظام
|
Post: #20
Title: Re: كاودا في حيص بيص ......
Author: Omer Abdalla Omer
Date: 05-28-2014, 05:15 AM
Parent: #19
Quote: لندن: عمار عوض
نفى مصدر مقرب بالجيش الشعبي لتحرير السودان الشائعات التى ترددها منظومة الاعلام بحزب المؤتمر الوطني وجهاز الامن عن ان قواتهم تحاصر مدينة كاودا وقال ان المعارك إنتهت لصالح قواتنا في قاعدة (دلدكو) 17 كلم من كادقلي منذ ليلة السبت الماضي ######ر المصدر من شائعات حصار كاودا التى تبعد110 عن كادقلي وقال اذا كانت المعارك مستمرة حول دلدكو 17 كلم من كادقلي كيف تسنى للجيش السوداني تخطي هذه المعارك ليحاصر كاودا 110 كلم من كادقلي ونوة الى ان مليشيات المؤتمر الوطني بعد ان تحطمت معنوياتها نتيجة لمقتل قائدها في دلدكو اتجهت لسلاح الاشاعة لرفع الروح المعنوية لمناصريها ولفت الى انه سيصدر بيان مفصل لاحقا عن المعارك التى دارت حول دلدكو في القريب العاجل |
قال عبود أندراوس قتل قال!
ود الباوقة أنت رجل كبار! ألا تخجل أو تمل هذه الأكاذيب! سمعتك تسؤ كل يوم يا صديق! ما عاد القراء يحملونك محمل الجد.
إني أشفق عليك!
|
Post: #21
Title: Re: كاودا في حيص بيص ......
Author: ABUHUSSEIN
Date: 05-28-2014, 05:27 AM
Parent: #20
.
| Quote: المتضرر أولا وأخيرا هو كودا ومواطنيها... |
تسلمي نور ......
|
Post: #22
Title: Re: كاودا في حيص بيص ......
Author: باسط المكي
Date: 05-29-2014, 12:01 PM
Parent: #21
الله يهوووووووون
|
Post: #23
Title: Re: كاودا في حيص بيص ......
Author: عادل البراري
Date: 05-29-2014, 12:31 PM
Parent: #22
27-05-2014, 01:27 PM
باوقه .. سلام
يازول تلاته ليالي لا دخلتم ولا خرجتم شنوا لقصه الحاصل
أهو منتظرين علي قولك قريب
|
Post: #24
Title: Re: كاودا في حيص بيص ......
Author: ادريس خليفة علم الهدي
Date: 05-29-2014, 02:50 PM
حبل الشريط لي فوق ..
|
Post: #25
Title: Re: كاودا في حيص بيص ......
Author: باسط المكي
Date: 05-29-2014, 03:01 PM
Parent: #24
| Quote: حبل الشريط لي فوق .. |
حبل الشريط ولا حبل الجااااكات
|
Post: #26
Title: Re: كاودا في حيص بيص ......
Author: اخلاص عبدالرحمن المشرف
Date: 05-29-2014, 03:58 PM
Parent: #25
حرب المنتصر فيها مهزوم , تورث غبن وضغائن , ويستمر ثارها كامن عقود , لن يكون هناك نصر بل هي معركة في حرب
الحوار , تقبل الاخر , والتنوع الثقافي والاثني والقبول بهذا الي ان يقضي الله امر كان مفعولآ هو الحل
اللهم احفظ السودان
|
Post: #27
Title: Re: كاودا في حيص بيص ......
Author: Alshafea Ibrahim
Date: 05-29-2014, 04:09 PM
Parent: #26
هيع ود الباوقة
شوفوه بكرة في صلاة الجمعة مباشر من كاودا .
وفي حضور عدد ولفيف من أهل الذكر والذاكرين والمتوطئين والأيادي النظيفة
الكيك النتر
الشفيع
|
Post: #28
Title: Re: كاودا في حيص بيص ......
Author: صديق الموج
Date: 05-29-2014, 04:49 PM
Parent: #26
ود الباوقة قلت لى قوات الدم السريع عملت شنو؟ حاتصلو فى كاودا ياتو
وقت واللا صايمين هناك؟؟
يازول ما تشغلو الناس عن قضايا الفساد والمخدرات التى لا تغطيها جبال
مره مريم ارتدت وحكموا عليها اعدام ومره الصادق اعتقلوهو و مرة بطيخ
انجضوا يا زول واركزو بلا قوة الدم السريع معاك،،،
|
Post: #29
Title: Re: كاودا في حيص بيص ......
Author: ود الباوقة
Date: 05-30-2014, 10:36 PM
Parent: #28
تصبحون على خير
|
Post: #30
Title: Re: كاودا في حيص بيص ......
Author: الصادق اسماعيل
Date: 05-30-2014, 11:50 PM
Parent: #29
ههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
|
Post: #31
Title: Re: كاودا في حيص بيص ......
Author: باسط المكي
Date: 05-31-2014, 01:12 AM
Parent: #30
الجابركم شنو علي الكذب
فلاحة يعني مازال الرجل يكذب ويتحري الكذب حتي يكتب عند الله كذبا"
يا ود الباوقة
|
Post: #32
Title: Re: كاودا في حيص بيص ......
Author: Khalid Kodi
Date: 05-31-2014, 02:37 AM
Parent: #31
|
Post: #33
Title: Re: كاودا في حيص بيص ......
Author: ود الباوقة
Date: 05-31-2014, 05:19 PM
Parent: #30
Quote: ههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه |
بتضحك في شنو ؟؟؟؟؟؟؟
|
Post: #34
Title: Re: كاودا في حيص بيص ......
Author: Alshafea Ibrahim
Date: 05-31-2014, 05:36 PM
Parent: #33
تحياتي ياعمر الشهير بود الباوقة
أها صليتوا الجمعة أمس في مسجد كاودا العتيق ؟؟؟؟؟؟؟؟؟
بشرونا
الشفيع
|
Post: #35
Title: Re: كاودا في حيص بيص ......
Author: بريمة محمد
Date: 06-01-2014, 02:38 AM
Parent: #34
ومازالت الزنقة مستمرة ..
ولا حل غير دخول كودا ولو طال السفر ..
أنا مجهز تزكرتى عشان أمش أصلى مع الرئيس هناك فى مسجد كودا العتيق.
بريمة
|
Post: #36
Title: Re: كاودا في حيص بيص ......
Author: محمد عبد الله الامين
Date: 06-01-2014, 08:17 AM
Parent: #35
سلام الاخ عمر ود الباوقة
افرض انو كاودا سقطت اها الحايحصل شنو بعد ما الرئيس يصلي فيها
هل مشاكل السودان حا تنتتهي وهل مشاكلنا في كاودا او النيل الازرق او دارفور او حلايب والفشقة
مشاكل السودان جوووة الخرطوم
|
Post: #37
Title: Re: كاودا في حيص بيص ......
Author: ود الباوقة
Date: 06-01-2014, 01:01 PM
Parent: #36
نجضت
|
Post: #38
Title: Re: كاودا في حيص بيص ......
Author: Yousif A Abusinina
Date: 06-01-2014, 02:21 PM
Parent: #37
ود الباوقة
نجضت تب البلد كلها نجضت رايك شنو
يا اخى الفاضل ريح نفسك شوية جماعتك محتارين يودها وين كيف وانت جاى تقول كــــــــــــــــــــــــــــــــــــــــــــــــــــــــــــــــــــــــــاودا
|
Post: #39
Title: Re: كاودا في حيص بيص ......
Author: ادريس خليفة علم الهدي
Date: 06-01-2014, 02:47 PM
Parent: #38
ما تريحوا نفسكم وترسلوا ليهم حجارة من سجيل ... ولا ريح صرصر عاتية .. ثم اختشي
|
Post: #40
Title: Re: كاودا في حيص بيص ......
Author: صديق الموج
Date: 06-01-2014, 02:50 PM
Parent: #38
ود الباوقه هاك شوف واسمع الناس البتقولو عنهم يا خيول الله اركبى
شوفهم دايرين يركبوا شنو؟
لعنة الله تغشاهم هولاء الارزال قال قوات الدم السريع،،،
|
Post: #41
Title: Re: كاودا في حيص بيص ......
Author: محمد عبد الله الامين
Date: 06-01-2014, 02:59 PM
Parent: #40
| Quote: افرض انو كاودا سقطت .. هل مشاكل السودان حا تنتتهي وهل مشاكلنا في كاودا او النيل الازرق او دارفور او حلايب والفشقة .. محمد ود الميين .. يا راجل خليك لذيذ وقول كلام غير دا .. |
مرحبا الاخ علي من الفيس
قبل كده ايام صيف العبور 1992 -1994 وحرب الجنوب قامت القوات المسلحه بتحرير اغلب مدن الجنوب
ولم يتبقي الا القليل وفي النهاية انفصل الجنوب اذن الحرب لا تحل مشكلة وتحرير المدن لا يحل مشاكل البلد
اذن كل مشاكلنا في الخرطووم ...
وربنا يحفظ البلاد والعباد
|
Post: #42
Title: Re: كاودا في حيص بيص ......
Author: إحسان عبد العزيز
Date: 06-01-2014, 09:10 PM
Parent: #41
Quote: كاودا الطود العالي
شعر:نعيم حافظ
(1)
مستحيل أن يهزمك الاشرار المارقين من غشاوات العنكبوت
هوام الزمن المنسحق المهترئ القديم
خفافيش الظلام ؟
أقادرون أن يطفأوا عين الشمس؟؟!!
فتتهاوى الدفوف ، و الرقص، التمتم ، و الكرنج
يتوارى الوشم،
و النقارة ، و الكجور في ليل الدجن
مفارق العشاق في حسرة ؟!
ليبقى ، وما يبقى الآ شبل الصراع الدعي
و كهل الحرب العقيم ,,,,,,,
في أرض الفور ، في أرض الفورالدعاية ، و النكاية
و كشكشات ، بل صواعق الصرب الابادة و الجناية
من الأنتوف الزاعق، و القنابل الفالتة, القاتلة
على المنازل، و المدارس و الحقول الواجفة؟
يبقى الصراع !
يبقى الدواس !
يبقى الدواس و اليباس
و المصارع الدعى يرزمن تراجيديا المحن؟
يهلوس في اليباب في الختام
و ينشق في القباب ،
و يشلخ في الطود الروابي ،
لدك المعبد على هامات الوطن
في فجر /ليل/ الظعن المضئ القادم؟؟!!
من بسليه ، تلشى ، كيلك ، كرنقو عبد الله
كاودا ، أم دورين ، و أرض الهمج ، ابو لكيلك ،
و الكنجارة ، وكجبارالشمال ، وخارج مشارف
الحدود ,الفشقة, حلآيب وشلآتين...
كاليغولآ !!.
هذه وثائق بردى التاريخ المؤثل
في جبل مرة أو المابا ن أو الأبيض وكردفان أو كاوداالطود المستحيل
أنه الوطن
أنه الوطن,لآمحل,لامحل
للرحيل,الدمر ,او,الظعن!
(2)
رقية
يوسف كوة البطل
أرقد في هناء
ما زال رفاقك يقاتلون
كالجبال الراسيات الشوامخ
أشعاع ، و قبس،
نور ونار
و يصدح المغني في فنارك
"صه يا كناراً"
صه يا كنار؟!
نحن الذمار,
وقلول,وحيدوب,والمابان,والآنقسنا,
و كاودا الطود العالي
مستحيل أن يهزمك الاشرار الفاسدين
الرابضين على دياجير الزيف،
الملتحفين صدأ التحلل و النفاق
و الكذب و الرياء،
و تبضع الناس و الأشياء
و القابضيين على الحفاة ، و الحياة
سفر الاشرار الفاسدين
المتسلمين الفاسدين؟؟
سارقى النور والنار!
نحن الوطن
نحن الوطن
نحن الطودالعالى.......
نحن الذمار!
28/5/2014 |
____________________________
كاودا ستظل عصية على الغزاة والاعداء..
لك الانحناءة قلعة الصمود والعزة والكرامة
|
Post: #43
Title: Re: كاودا في حيص بيص ......
Author: ود الباوقة
Date: 06-01-2014, 09:29 PM
Parent: #42
مسالة وقت قليل ليس الا
|
Post: #44
Title: Re: كاودا في حيص بيص ......
Author: جمال خضر
Date: 06-01-2014, 11:30 PM
Parent: #43
علي بالطلاق نجضت ....
الرابط بتاع البوست أعلاه عصلج معاى عصلجة شديدة
الحاصل شنو البوست ده محوط ولا شنو؟
|
Post: #45
Title: Re: كاودا في حيص بيص ......
Author: أمير السماني يس
Date: 06-02-2014, 06:42 AM
Parent: #44
يا ود الباوقة
ما سكنا نجضت نجضت ..
شكلها حرقت يا ود العم..
يا أخي وين المهنية ... خلو الجيش هو اليقول.. كانت اتحررت فليلة بعلنوها..
|
Post: #46
Title: Re: كاودا في حيص بيص ......
Author: أمير السماني يس
Date: 06-02-2014, 06:42 AM
Parent: #44
يا ود الباوقة
ما سكنا نجضت نجضت ..
شكلها حرقت يا ود العم..
يا أخي وين المهنية ... خلو الجيش هو اليقول.. كانت اتحررت فليلة بعلنوها..
|
|