سؤال محيرني .....من يحكم الخرطوم الآن؟

مكابر من ينكر الانقلاب السري الذي حدث الايام الفائتة
تتناثر عديد من الاسئلة
هل تم احباطه؟
ام اجهض نفسه بنفسه
ام ظل انقلابا ولكن في حالة كمون ؟
ومن الذي قام به ؟
هل كل جهاز الامن
ام
فصيل من جهاز الامن؟

ود. غازي صلاح الدين والذي كان لوقت قريب جزء من التركيبة الحاكمة لماذا هذا الصمت
شيخ سحن ( يلحقنا ) في حالة صمت وكل اركان حزبه
وزير الدفاع بالنظر لا اسكت الله له حسا
الصوارمي ( كاضم)
مش حاجة تحير؟

بكري حسن صالح يا زول يا صالح

ناس الامن نوعين ضباط وضبان
واسع بكري بلعب مع الضبان اما دوخهم اما دوخو , الله يستر عليهو من الدسنتاريا والتائفويد .

سلام يا مواطنين ..

البحكم السودان .. عصابات منافسة لعصابات المافيا .

ضبان العسل انقرض ما فضل الا الدوسنتاريا وبيوت الاشباح

بت المشرف
خليك جادة الزول ده بحنسو فيه عشان يفك الصادق
قال ليهم الموضوع دي ما في يدي

د/ محمد حسن الحاله صعبه ووالله القصه بينهم ما في انقلاب ولكن لوي ذراع ناس الحوار - تقسيم ادوار لا غير -- البشير العملية تاعبه لكنو هو الرئيس وبكري ذراعو اليمين , الامام الصادق جاب سيرة دارفور وده معناه الجنائيه والرئيس عمر مستعد يعدم اي زول يجيب سيرة الجنائيه ناس الامن بعضهم متورط في جرائم لا عفو فيها == واغلبهم ما اكاديميين , تعيين حزبي وعنصري قبلي = انقلاب شنو قولو بسم الله

يا دوك
هو الانقلاب الا بي مارشات؟

البائس د.محمد حسن ..
لم نسمع بانقلاب دون بيان ..

الامام الصادق صعد وهم صعدو , يا اخ عبدالرحمن ود الامام في سباق القروسيه , ديل بلعبو ما تتور نفسك معاهم , وبعدين لو عاوزين ناس حمتي طيران كانو انتهو منو , ديل جابو بناء" علي طلب الحاكم احمد هارون ال قال ما عاوز قلاقل وثني عليه كبر , خلينا في المهم ال ما عندهم مساعد رئيس جمهوريه شباب البعث ال ما ح يدافع عنهم نقيب المحامين العرب سابقآ = ابو عيسي - ولا المحامي نبيل الديب محامي قوش
الحريه لشباب البعث
ال بحب السودان متوشحين وبعرق الكفاح متعطرين وبطين البلد مضمخين
الحريه لشباب البعث
اللهم احقظ السودان

التحية لكل شباب السودان الذين وقفوا فى وجه الظلم

العزة و الكرامة لاحيائهم

والرحمة والجنة من الله لموتاهم

يا دكتور كيف دا سؤال يا سيد الناس
الحاكم هو الكوزتركوازي دا عندكم شكك

المحترم عادل البراري لو ناس البرتكول والمراسم شافو شغلهم و قنن ظهور نساء السياديين لاراحو الجميع وحفظت الكرامات والمقاماتت
د/ نعمات كيفك
د/ محمد حسن تسمح لينا واعذرنا احتلينا بوستك اظن سؤال المليون هو هل كانت المفاصله بين الاسلاميين حقيقيه
التعديل لاضافة الاتي الحوار ما لم يشمل عبدالواحد وناس المخيمات يبقي حوار مع الذات
اللهم احفظ السودان

Quote: د/ محمد حسن تسمح لينا واعذرنا احتلينا بوستك اظن سؤال المليون هو هل كانت المفاصله بين الاسلاميين حقيقيه

تحياتي أستاذة إخلاص
و احترامي
فعلاً السؤال جوهري وذلك مرده عدم المصداقية المترهلة في اليمين عامة
فأن حكمنا البشير حتى التركوازي أو حميدتي فكلهم قرى في الإسلام السياسي
فكلاهم لا يختلف في شي ( واحد بندقية والتاني محدثاتي ) فهي لعبة لست تحتاج ضلعين
( الترابي / البشير ) ( علي عثمان / البشير ) فأثاث حسب القطع .. أيهم أكثر دور ومحورية

الاخ الباس التعيس ادريس
الانقلاب حصل من غير تدليس
خليك قريب نديك التفاصيل

الاخت الكريمة اخلاص
لا تثريب عليك في احتلال البوست
اسا انا جعلته سبيل
احترامي الذي تعرفين
ود البراري
نشكرك بالتركوازي