Post: #1
Title: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 02:30 AM
مولانات زمان ...
و الله كانوا بيسمعوا الغنا ...
مش كده و بس ... كانوا بشيلوا معانا و ينطربوا و كانهم من اهل المُدامه ...
و بعد ده كلوا ... كانوا قمة في التهذيب و الادب ...
اما مولانات الزمن ده ... ( قريب للغالبيه ) ...
مُحرمِّين كل شئ و مكفرين كل زول ...
و الادب و التهذيب ما غشاهم يوم !!!
الحكاية شنو ؟
يعني لو دخلت في مغالطة معاهم ... ممكن تسمع منهم كل ما يحتويه معجم الالفاظ النابية ...
و كأن مؤهلات رجل الدين ( الجديد ) التعود علي اللا تهذيب و فقدان الحد الادني من الادب ...
|
Post: #2
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 02:34 AM
Parent: #1
اما الكذب ...
فهو ايضاً من مؤهلاتهم الرئيسية ...
تكون كذاب ... منافق ... أُلعبان ...
ود موية ... لعيب ملوص ...
جاهزيتك %100 لتكون منهم !!!
عادي الواحد يحلف يمين غليظ ... و كانه معفي من الاثم ...
وهو كضاااااااااب ...
|
Post: #3
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 02:41 AM
Parent: #2
زمان ...
رجل الدين تجد التسامح و الوقار علي وجهه ...
سكينة و اطمئنان ...
شيخنا صديق احمد حمدون ..
|
Post: #4
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 02:42 AM
Parent: #3
الزمن ده ...
بالله الواحد لو قابلتوا في الليل تفتكروا زعيم عصابه ...
الحكاية شنو .
|
Post: #5
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 03:12 AM
Parent: #4
غايتوا بقوا للدين في رقبتوا ...
ودخلوا لينا مفردات في لغتنا لا عين رأت لا أذن سمعت ...
( حسبُكُم ) ياخي ...
|
Post: #6
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 11:05 AM
Parent: #5
لا ..
و الأفكه ... غرة الصلاة !!!
الواحد بس يرجا الشتا ...
و كم وضوء كده ما ينشف وشو
و يديها تطويله في السجود
جبهته تقشف ... و يعمل فيها مولانا !!!
ياخ ( عشكوبي ) عنده غرة صلاه !!!
|
Post: #7
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبدالله احيمر
Date: 05-22-2014, 12:13 PM
Parent: #6
صــديقي يحــي
لم اســـتطع أي المداخـلات اقتبس فكل ما كتبت يعـبر عن جزء كبير من واقعـهم
وأعـتقد أن القصــة قـلبت لأســباب كتيرة منهـا
من كان متطرفا في صـعلقته للآخـر رجـع و يريد أن يكفــر فتطـرف في الدين بظن أن هـذا هـو الطريق ,, فقـليلا ما تجد شــخص كان معتدلا و مؤدب
مشــى على طريق التطـرف
المـال الذي جرى على ايديهم من بعض الدول جعلهـم يتبنون الافكار المتطرفة لتلك الدول ,, زمان اهل الدين لا علاقات خارجية لهم كلو من جوة ولي جوة
فعاشــوا بســطاء مؤدبين
عـدم الانفتاح على الأفكـار المخالفة لنهجهم أي الانغـلاق الفكــري و كل ما يسـمعونه من شـيوخ تلك البلدان يتعاملون معه باعتباره الحق المطلق
الذي لا يأتيه الباطل و كأنه القران
.............................................................................................
|
Post: #8
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-22-2014, 12:37 PM
Parent: #7
Quote: صــديقي يحــي
لم اســـتطع أي المداخـلات اقتبس فكل ما كتبت يعـبر عن جزء كبير من واقعـهم
وأعـتقد أن القصــة قـلبت لأســباب كتيرة منهـا
من كان متطرفا في صـعلقته للآخـر رجـع و يريد أن يكفــر فتطـرف في الدين بظن أن هـذا هـو الطريق ,, فقـليلا ما تجد شــخص كان معتدلا و مؤدب
مشــى على طريق التطـرف
المـال الذي جرى على ايديهم من بعض الدول جعلهـم يتبنون الافكار المتطرفة لتلك الدول ,, زمان اهل الدين لا علاقات خارجية لهم كلو من جوة ولي جوة
فعاشــوا بســطاء مؤدبين
عـدم الانفتاح على الأفكـار المخالفة لنهجهم أي الانغـلاق الفكــري و كل ما يسـمعونه من شـيوخ تلك البلدان يتعاملون معه باعتباره الحق المطلق
الذي لا يأتيه الباطل و كأنه القران |
و الله يا احيمر و كأن عدم الادب و الهبوط الاخلاقي من مؤهلات المتحدث بأسم الدين ...
ياخي حتي في المساجد خطابهم اصبح لا يخلوا من بذاءه ...!!!
الدين الترهيبي التخويفي ده جابوهوا من وين ؟
__________________________________
مشتاقين يا جميل ...
صاحبك لسه بعافر في الكَفره ... لكنه بخير الحمد لله ... الله يرد غربته ..
__________________________________________
|
Post: #9
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: محمد مجيدو
Date: 05-22-2014, 12:59 PM
Parent: #1
Quote:
ياخ ( عشكوبي ) عنده غرة صلاه !!! |
العزيز قباني .. سلام ..
غايتو لو عشكوبي سمع كلامك دا .... حيرفع عليك قضية تشهير ....
الله يرحمو ...
بالمناسبه ....
الراجل ميت وشبع موت .. والناس مدوره في تسجيلات منسوبه اليه بالباطل ...
تحياتي ,,,
|
Post: #11
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-23-2014, 03:16 AM
Parent: #9
Quote: العزيز قباني .. سلام ..
غايتو لو عشكوبي سمع كلامك دا .... حيرفع عليك قضية تشهير ....
الله يرحمو ...
بالمناسبه ....
الراجل ميت وشبع موت .. والناس مدوره في تسجيلات منسوبه اليه بالباطل ...
تحياتي ,, |
سلامات يا مجيدو ...
لكن ما قلت لي رأيك شنو انت ؟
مش القصة دى بقت حاجة تجنن ؟
يعني رباطة بس !!!
|
Post: #10
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: قصي محمد عبدالله
Date: 05-22-2014, 01:09 PM
Parent: #1
سلام أخي قباني،
مولانات الزمن الجميل!
هههههههههههههههههههههههههههههههههههههههههههههههههههههههههههههههههههه
كلامك خلاصته كالآتي:
مولانات زمان كانوا بيمارسوا حاجات الآن يعتبرها كثيرون محرمة، وهي، كأمثلة:
| Quote: كانوا بيسمعوا الغنا |
| Quote: و ينطربوا و كانهم من اهل المُدامه |
وطبعا لو قلت الكلام ده ما فيهو حاجة ولا حرام تكون أفتيت وريحت ناس كتيرين، أولهم من يسعى للمولانية الحديثة.
و لو قلت حرام يكونوا ناسك ديل ما موالانات بتاعين دين، شوف ليهم مولانية تانية ولبسها ليهم.
********
| Quote: مُحرمِّين كل شئ و مكفرين كل زول |
طيب، هو منو البحرم، لو واحد قال ليك ده حرام بالدليل خلاص الكلام انتهى،
عندك شك، جيب ما يفند كلامو وفتوته واذهب من حيث أتيت واتركه في ضلاله !
******
قال مولانات قال!
|
Post: #12
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-23-2014, 03:23 AM
Parent: #10
Quote: سلام أخي قباني،
مولانات الزمن الجميل!
هههههههههههههههههههههههههههههههههههههههههههههههههههههههههههههههههههه
كلامك خلاصته كالآتي:
مولانات زمان كانوا بيمارسوا حاجات الآن يعتبرها كثيرون محرمة، وهي، كأمثلة:
Quote: كانوا بيسمعوا الغنا
Quote: و ينطربوا و كانهم من اهل المُدامه
|
قصي يا ولدنا ...
اول شي انا جني جن يجي زول ( يلخص لي كلامي ) ...
يعني انا عقدت الكلام و انت جيت ببساطة جبت الخلاصة ؟
ما علينا شباب الزمن ده معظمهم متهور ...
تاني شي لو قبلنا تلخيصك ...
فتلخيصك غلط ... انا ما قصدت كده ...
قصي يا ابني ...
عليك الله ما توجع لي قلبي ...
و ما ظنيتك حتفهم المقصود لانك ما عشت في الزمن الانا بتكلم عنه ...
فلكم دينكم و لي دين يا حبيب ... في بوستات كتيره ممكن تكتب فيها ... بوستي ده جليهو ...
و ال هههههه دي يا مولانا ... ليس فيها من الدين و لا من احترام الاخرين شئ ...
|
Post: #13
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبدالعزيز عثمان
Date: 05-23-2014, 05:14 AM
Parent: #12
حبيبنا يحي..
كان جدي الفكي امام الحلة،وخالي عتمان المؤذن ،يوم الحفلة اختو عناقريبن قريب للغناي،،ومرات مرات ،ياخدولن دخلة اتاوقو،وشوف عيني يبشرو،يحلوها بقولت تشديع للعيال...
وكان ابي يحفظ كل المدائح والبردة كاملة،،وفي طريقنا للحواشات يطربني بابي داوؤد والكاشف،،ويغني لي يازهرة الروض...
وكانو كلهم شرفاء انقياء يدندنون باللحن ويشدون بعذب الغناء...
قضيت عمري كله حتي طرقت المدينة متيقنا بان الغناء ولمة الفرح ورقيصها هي جزء اصيل مننا،حياتنا السمحة بخلقها ودينها..
حتي جاءنا الدين بصورته المعدلة المستوردة فحرمو كل شئ حلو،،وحللو التحلل من مال اليتامي برد جزء منه,,,
يايحي نحن مسلمين تب،علا الجديد ده ما عندنا بيهو شغلة..
ديننا محبة وسلام.
|
Post: #14
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-23-2014, 05:28 AM
Parent: #13
Quote: حبيبنا يحي..
كان جدي الفكي امام الحلة،وخالي عتمان المؤذن ،يوم الحفلة اختو عناقريبن قريب للغناي،،ومرات مرات ،ياخدولن دخلة اتاوقو،وشوف عيني يبشرو،يحلوها بقولت تشديع للعيال...
وكان ابي يحفظ كل المدائح والبردة كاملة،،وفي طريقنا للحواشات يطربني بابي داوؤد والكاشف،،ويغني لي يازهرة الروض...
وكانو كلهم شرفاء انقياء يدندنون باللحن ويشدون بعذب الغناء... |
و كلنا كذلك يا عزيز ...
ياخي و الله الشئ المستورد ده لا بيشبهنا لا بيهمنا ... و لازي البلد للهاوية ...
ارسل لي احد الاخوة ايميل اليوم يؤكد علي نفس ما ذكرته انت الآن ...
قال ان اغنية خضر بشير ( طرفي ساهر ) قد دلهم عليها وهم شباب الحلة ( امام الجامع ) !!!
و حفظوها عن ظهر قلب ...
ساهر طرفي وما نمت
ومن يوم شفتك اعلنت
باني اسير وسلمت
بمن سواك آمنت
ربك يستر علي السودان بس ...
|
Post: #15
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبدالحفيظ ابوسن
Date: 05-23-2014, 06:55 AM
Parent: #14
مرحبا قباني
وضيوفه
وتأكيدا ليك ,,, المدايح بتجاري الاغاني زمان لحنا ونظما
حكي لنا استاذ المحترم استاذ الطاهر المشهور بسفرجل
فلان وذكر اسمه من الشيوخ الاجلاء سمع الفنان
يا الكل يوم معانا وما قادرين نقول ليك
فبكي وقال
الله ,,,, الله
|
Post: #16
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: د.يوسف محمد طاهر
Date: 05-23-2014, 09:11 AM
Parent: #15
بوست واقعي ... يكفي إنه جمع بين قباني وأبوسن .
|
Post: #25
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-23-2014, 03:46 PM
Parent: #16
| Quote: بوست واقعي ... يكفي إنه جمع بين قباني وأبوسن . |
زارتنا البركة يا دكتور ...
ياخي انا و صاحبي ابسن ده في اخر الصف من رواد هذا البوست الجميلين ...
التحية لكل من بداخله اعتدال ...
|
Post: #17
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-23-2014, 02:45 PM
Parent: #15
Quote: مرحبا قباني
وضيوفه
وتأكيدا ليك ,,, المدايح بتجاري الاغاني زمان لحنا ونظما
حكي لنا استاذ المحترم استاذ الطاهر المشهور بسفرجل
فلان وذكر اسمه من الشيوخ الاجلاء سمع الفنان
يا الكل يوم معانا وما قادرين نقول ليك
فبكي وقال
الله ,,,, الله |
ابسن يا صديق ...
صدق و صدقت في كل كلمة ...
كان جدى رحمه الله من محبي اغنية ليلتنا ليليلة لسيد عبد العزيز ... و زنقار
وكان دائما يحس فيها بروح الصوفيه ...
الان اصبحت الصور معكوسة ...
|
Post: #18
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: احمد الامين احمد
Date: 05-23-2014, 02:54 PM
Parent: #17
الرحمة لجدك صاحب الذوق الرفيع جدا ولزنقار وسيد عبدالعزيز
وهاك الأغنية :
تعجبنى جدا جدا عند الدرويش أحمد الفرجونى كذلك .
|
Post: #19
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: احمد الامين احمد
Date: 05-23-2014, 02:57 PM
Parent: #18
عند الفرجونى:
إنتهى مرورى بهذا البوست مع التحية لقبانى وذوقه الرفيع .
|
Post: #36
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-23-2014, 11:52 PM
Parent: #19
| Quote: الرحمة لجدك صاحب الذوق الرفيع جدا ولزنقار وسيد عبدالعزيز |
سلام يا صديقي ...
كنت ابن التسع سنوات حينما تعرفت عليها يا بو حميد ...
حتي بعد وفاة جدي محمد سعيد القباني رحمه الله كانت من اميز الاغنيات التي يعشق سماعها والدي عليه رحمة الله ...
رغم ان والدي كان من عشاق سرور ... و خاصة ان سرور قد غني في زواجه من والدتنا رحمها الله و احسن مثواها ...
و ما زلت يا احمد اتذكر جدي حافظ القرآن الرجل الصالح المصلي و المقيم الليل وهو يدندن بها ...
و اتذكر تماما نهاية البيت القائل
النسيم يمشي ويجيب ليا
طيب روائح الورد والريحان
كان يحرك اصبعه و يرفعه عند كلمة الريحان وكانه يعطي علامة الرضا ...
مع حمد الريح في جلسة كان حضورها د. هاشم حبيب الله و عبد الرحيم سلمان ...
و الاداء هنا الاقرب الي الصوفية ...
|
Post: #20
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبد المنعم سيد احمد
Date: 05-23-2014, 02:58 PM
Parent: #17
|
Post: #21
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبد المنعم سيد احمد
Date: 05-23-2014, 03:02 PM
Parent: #20
كيف حالك يحى قبانى
ذاك سودان يقبر فيه الابالسة.
|
Post: #22
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: وضاحة
Date: 05-23-2014, 03:09 PM
Parent: #21
يحي مشتاقين
يا حليل الزمن الجميل زمنكم
دا زمن تجار الدين والحرامية والمنافقين
شوف الناس دى كانت جميلة كيف
|
Post: #41
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 00:44 AM
Parent: #22
Quote: يحي مشتاقين
يا حليل الزمن الجميل زمنكم
دا زمن تجار الدين والحرامية والمنافقين
شوف الناس دى كانت جميلة كيف |
حرامية زمان زاتهم كانوا محترمين ... و مؤدبين يا دكتورتنا ...
الأدب .. الادب يا وضاحة ...
ما بعرف الحصل ليهو شنو ؟
|
Post: #23
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبد المنعم سيد احمد
Date: 05-23-2014, 03:10 PM
Parent: #21
عليك الله ياود قبانى .
شوف الجمال ده..هل له من مثيل.
ده السودان البنعرفو ..اما هؤلاء فليذهبوا من حيث اتوا.
|
Post: #38
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 00:06 AM
Parent: #21
Quote: كيف حالك يحى قبانى
ذاك سودان يقبر فيه الابالسة. |
و الله يا منعم بس نقول شنو ...
قنعنا و جرينا خط يا حبيب ...
|
Post: #24
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: محمد محمود محمد
Date: 05-23-2014, 03:11 PM
Parent: #17
سلامات يا يحيى..
القصّة يا هندسة ..أكل عيش و كلّو ب تمنو..
_________
أما صاحبنا قصي ده
| Quote: فلكم دينكم و لي دين يا حبيب ... في بوستات كتيره ممكن تكتب فيها ... بوستي ده جليهو ... |
ف يجلّيك كيف يا حبيب..؟
يا اخي ده أي موضوع لازم تلقى عندو مداخلة ..
البوست الوحيد ال ما دخلو ..بوست محسن خالد بتاع المربّعات داك..
تحيّاتي للأسرة.
|
Post: #26
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: Zakaria Fadel
Date: 05-23-2014, 04:45 PM
Parent: #24
تحياتي اخ يحي
أعتقد ان المشكلة هي في فهم الدين نفسه
ودعني اولا - إن سمحت لي - ان اختلف معك في عبارة (اهل الدين)...
في إعتقادي ان مثل هذه العبارة هي التي تجعل من عنيتهم بالمزايدة على الجميع في امور الدين
الدين كما اراه ليس مقابلا لحياة اخرى...
حياتنا كلها من المفترض ان تكون دينا....ليس الدين إطارا ندخل فيه (عندما نتوضأ ، او نحج...الخ ) او جلبابا قصيرا نرتديه ..او لحية نطلقها....
ثم نخلع منه (عندما لا نمارس العبادات)....
رب مغن يمارس الدين (بمعناه الحقيقي ..اي ما وقر في القلب و صدقه العمل) يكون اذكى عند الله من مصلَ يؤد صلاة لا يراع فيها ما تستحقه من خشوع و تقوى....
|
Post: #42
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 00:52 AM
Parent: #26
Quote: تحياتي اخ يحي
أعتقد ان المشكلة هي في فهم الدين نفسه
ودعني اولا - إن سمحت لي - ان اختلف معك في عبارة (اهل الدين)...
في إعتقادي ان مثل هذه العبارة هي التي تجعل من عنيتهم بالمزايدة على الجميع في امور الدين
الدين كما اراه ليس مقابلا لحياة اخرى...
حياتنا كلها من المفترض ان تكون دينا....ليس الدين إطارا ندخل فيه (عندما نتوضأ ، او نحج...الخ ) او جلبابا قصيرا نرتديه ..او لحية نطلقها....
ثم نخلع منه (عندما لا نمارس العبادات)....
رب مغن يمارس الدين (بمعناه الحقيقي ..اي ما وقر في القلب و صدقه العمل) يكون اذكى عند الله من مصلَ يؤد صلاة لا يراع فيها ما تستحقه من خشوع و تقوى.... |
زكريا يا فاضل ...
مش الناس ديل برضوا قلعوا مننا حكاية السلف الصالح دى ؟
ما كانوا اجدادنا و اباءنا يتشبثوا بخطوات و افعال السلف الصالح ؟
ما كنا كل انسان ( كويس ) فينا هو سلفي بالتبعية ...
طلعونا بره ... و ارسلوا اقبح اللحي و جابوا قاموس غريب علينا و قالوا انتو بره ؟؟
الواحد و الله مفكر يبقي امام جامع ...
يعرس اتنين ... و ينوم لحد صلاة الضهر ...
و يوميتوا ماشة !!!
|
Post: #27
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبدالله احيمر
Date: 05-23-2014, 04:54 PM
Parent: #24
يحــي
ســـلام
بالله اســمح لي اخــرم شـــمال ,, و طلبك تنزل لي الاغنيـة دي ( اعتبرها فاصل و نواصل )
http://www.youtube.com/watch?v=8IloK0HNLfU
و بعـدين نرجع نشــوف متطرفي الزمن دا ,,,, تقول ليهم الغناء فيه اختلاف يطلعوك من الملة و يقولو لا يصلى عليه ولا يدفن في مقابر المسـلمين
|
Post: #43
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 04:27 AM
Parent: #27
| Quote: بعـدين نرجع نشــوف متطرفي الزمن دا ,,,, تقول ليهم الغناء فيه اختلاف يطلعوك من الملة و يقولو لا يصلى عليه ولا يدفن في مقابر المسـلمين |
مش في واحد هنا مره طلب مقابر ( للجالية ) الشيوعية !!!
اسوة بالجالية ( القبطية ) !!!
|
Post: #28
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: صديق الموج
Date: 05-23-2014, 05:35 PM
Parent: #24
ود قلبا ..سلام
كان اهل الدين عندنا ارق الناس افئدة وان شجو بالعظم
كان تدينهم جوهر وصلاحهم مفخرة، يكاد زهدهم يعدى..
لم يكونوا متنطعين او مفاخرين بتدينهم او مباهين..
شفت ليك زول من اهل التدين زمان قال ما بصافح او زجر ليه
زول عشان حلف بالرسول عادة او جهل..
كان هذا قبل ان يظهر هولاء الغلاة الفاسدين المفسدين
دين القشور والمظاهر هذا،صار التدين رسوم
تلقى الراجل يقصر فى الجلابيه والمرأة تطول ولحى انجس من حظائر خنازير..
واستصحب معك العارف بالله الشيخ قريب الله عندما دعى كرومة ليسمع
ياليل ابقالى شاهد..
واذكر فى حلقة من برنامج اسماء فى حياتنا عندما سئل الشيخ عوض الله صالح
وكان مفتى السودان عن حلال الغناء وحرامه، اجاب الرجل بلطف بالله سمعنى
محراب النيل لعثمان حسين..
وردد مع بادى:
ما عصيت مولاى مانى فاجر
لا ولا بالعالم بتاجر
نفسى يا احباب ليها زاجر لا اكون كل يوم لى لون
بالعدا معروف ما ببادر
ما بخون للجار ماني غادر
ما بقول للناس مثلي نادر بل بقول للخالق شؤون
يحى هذا عهد غيهب نسأل الله خلاصاً من هولاء واولئك،،،
|
Post: #29
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبد المنعم سيد احمد
Date: 05-23-2014, 05:48 PM
Parent: #28
اهداء... لود الموج.
|
Post: #30
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: سامى عبد المطلب
Date: 05-23-2014, 07:15 PM
Parent: #29
سلامات قباني وضيوفه الكرام
كنا معتدلين في تديننا لم نكن نحاسب الناس علي علاقتهم مع ربهم ولا نتخذ من الدين سبيلاً لاكل العيش حتي جائنا قوم جعلوه تجارة يبنون به البنوك والعمائر
لم تكن فينا هذه الغلظة وسوء الطبع والحكم علي الناس بمظاهرهم والدخول الي ضمائرهم
|
Post: #31
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: أمير محمد ادريس
Date: 05-23-2014, 07:36 PM
Parent: #30
حبيبنا مشتاقين
عشكوبي ده منو يا هندسه ؟ الله يرحمو .
تحياتي باشمهندس .
|
Post: #32
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: محمد أبوالعزائم أبوالريش
Date: 05-23-2014, 08:16 PM
Parent: #31
سلام يا دفعة ......
ياخ ديل لو إشتغلنا بي مقياسهم ..... حيطلعوا حبوباتنا كلهم فاسقات وفاجرات.
وصفتهم عن حق بقلة الأدب.
|
Post: #49
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 11:23 PM
Parent: #32
Quote: سلام يا دفعة ......
ياخ ديل لو إشتغلنا بي مقياسهم ..... حيطلعوا حبوباتنا كلهم فاسقات وفاجرات.
وصفتهم عن حق بقلة الأدب. |
بالله ما ياهم يابو حميد ...؟
|
Post: #33
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: بابكر قدور
Date: 05-23-2014, 08:36 PM
Parent: #31
االعزيز يحي قباني
لك الود والتحايا الطيبات
ولك المحبة أيضاً .. موضوع الغناء .. كتب فيه علماء الدين كثيراً .. البعض "المتشدد" يحرمه والكثير منهم يحلله
مستندين إلى براهين وأدلة يقبلها العقل وتؤيدها الشواهد والوقائع .. أهل الدين عندنا كانوا أهل المذهب الوسط
المعتدل في كل شئ .. المذهب الصوفي .. حتى جاءت حديثاً المذاهب "المستوردة" الدخيلة علينا وأخذوا يبحثون عن
موطئ قدم .. أهل الدين عندنا كانوا يعرفون جيداً أن الغناء الذي كانوا يسمعونه ويرددونه ويطربون له نابع من الثقافة
الدينية بطريقة تلقائية .. مثلما طرب سيدي ومولاى الشيخ قريب الله عندما سمع كرومة يغني "ياليل أبقالي شاهد" ....
والغناء في ذلك حافل بالكثير .. أحرموني ولا تحرموني سنة الإسلام السلام .. إنت حكمة ولا آية .. جل من سواك ..
الحديث طويل والكلام كثير وكثير وكثير ..... في زمن أهل الدين زمان كانت رحمة السماء تملأ الأرض .. المطر يتدفق ..
العيش متوفر .. يكفي الإنسان .. يكفي الطيور .. يكفي الجراد .. ويفضل .. الآن يايحي حتى طير الخريف .. بالله يالطير
المهاجر زمن الخريف .. توقفت هجرته .. وماعادت فراخه تعرف الأعشاش التي ولدت فيها .. عليهم لعنة الله أينما وجدوا
.. سأعود بتفصيل أكثر .. تحياتي ومحبتي وتقديري ....
|
Post: #34
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: عبدالله احيمر
Date: 05-23-2014, 09:41 PM
Parent: #33
Quote:
حتى جاءت حديثاً المذاهب "المستوردة" الدخيلة علينا وأخذوا يبحثون عن
موطئ قدم |
اخي الأكــبر بابكــر قــدور
ســلامي و تحيـاتي و تقـديري و ســلامي لكل الأهـل و الجـيران
لقـــد جاءوا و هـم يتمثـلون نهـج اصحـاب البقــرة الذين لم يذبحــوا البقـرة اي بقــرة من ســكات ,,,
لا ,,,,,,,, بداوا يتنطعـون و يسـألون ويســؤال بعده ســؤال بادعاء تشــابهم البقـــر عليهم
الأباء و الأجـداد اخـذو الو ســطية منهجا و فهـموا الدين بانه يســـــــر
اما من ماثل اصحاب البقــرة فالمنهج لديهم التنطـع , ويفهمون الدين بانه عســـــر وغلظة
|
Post: #50
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 11:26 PM
Parent: #33
Quote: الآن يايحي حتى طير الخريف .. بالله يالطير
المهاجر زمن الخريف .. توقفت هجرته .. وماعادت فراخه تعرف الأعشاش التي ولدت فيها .. عليهم لعنة الله أينما وجدوا
.. سأعود بتفصيل أكثر .. تحياتي ومحبتي وتقديري .... |
بابكر قدور يا ( ضنين ) ...
نحن من عشاق كتاباتك العميقة ...
لكنك ( ضنين ) ... حن علي قراءك ياخي ... :)
كلام يضرب في العصب ...
|
Post: #48
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 11:22 PM
Parent: #31
Quote: حبيبنا مشتاقين
عشكوبي ده منو يا هندسه ؟ الله يرحمو .
تحياتي باشمهندس |
وين يا اميرنا ...
الراجل قالوا اتوفي الله يرحمه ...
بعد ده بس محاسنو ...
|
Post: #46
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 03:40 PM
Parent: #30
Quote: سلامات قباني وضيوفه الكرام
كنا معتدلين في تديننا لم نكن نحاسب الناس علي علاقتهم مع ربهم ولا نتخذ من الدين سبيلاً لاكل العيش حتي جائنا قوم جعلوه تجارة يبنون به البنوك والعمائر
لم تكن فينا هذه الغلظة وسوء الطبع والحكم علي الناس بمظاهرهم والدخول الي ضمائرهم |
كنا ... ؟
نقنع و نستسلم للواقع الشين ده خلاص يا سامي ؟
و اولادنا المليناهم حكاوي عن السودان الجميل ...
يكبروا باكر و يقولوا انحنا كضابين و ينو كلامكم داك ؟
|
Post: #44
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 04:36 AM
Parent: #28
Quote: كان اهل الدين عندنا ارق الناس افئدة وان شجو بالعظم
كان تدينهم جوهر وصلاحهم مفخرة، يكاد زهدهم يعدى..
لم يكونوا متنطعين او مفاخرين بتدينهم او مباهين..
شفت ليك زول من اهل التدين زمان قال ما بصافح او زجر ليه
زول عشان حلف بالرسول عادة او جهل..
كان هذا قبل ان يظهر هولاء الغلاة الفاسدين المفسدين |
مره يا موج كتبت هنا في المنبر ده و قلت ( الله ده انتو بقيتوا ليهو في رقبتو ) ...
جاني واحد من الاخوان و قال لي ...
لا يجوز !!! الله ما عندو رقبه ... و انت بي كده بتشبه الذات الالهيه بالبشر !!!
قلت ليهو لكن يا ولدى انا ما قاصد الرقبه بمعناها التقريري ...
يعني حسه لمن اقول لي زول انا داير انجم في رقبتي دي ... يعني ماشي اقيّل جواها ؟
يا صديق ياخي الادب مطلوب ... و الجماعة ديل نسوا حتة الادب دي ...
ختوا حتة انو واعظ و بيهدي الناس فوق لي احترام الكبير ...
و الله حاجة تجنن ...
|
Post: #35
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: قصي محمد عبدالله
Date: 05-23-2014, 10:51 PM
Parent: #24
يا أبو محمد محمد محمود محمد
Quote: ف يجلّيك كيف يا حبيب..؟
يا اخي ده أي موضوع لازم تلقى عندو مداخلة ..
البوست الوحيد ال ما دخلو ..بوست محسن خالد بتاع المربّعات داك..
تحيّاتي للأسرة. |
بدخل برأيي حول المكتوب،
رأيي البشوفو يتوافق ومفاهيمي، بغض النظر عن رأي الآخرين في رأيي!
لو لاحقت شخصيتك ضلك كان خلاك أنا ما بخليك،
دحين قول رأيك حول مولانات ما يسميه االكثيرون الزمن الجميل واتخارج.
أكرر: خليك في المنشور وبطل نسنسة!
|
Post: #37
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: محمد محمود محمد
Date: 05-23-2014, 11:55 PM
Parent: #35
الأخ قصي
| Quote: لو لاحقت شخصيتك ضلك كان خلاك أنا ما بخلي |
الكلام شكلو تهديد تهديد ...
يا زول نفّذ في الحال..على الأقل يكون عندك موضوع تركّز فيهو .
________
نأسف يا يحيى على فتلة البوست .
|
Post: #39
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: قصي محمد عبدالله
Date: 05-24-2014, 00:22 AM
Parent: #37
| Quote: نأسف يا يحيى على فتلة البوست |
البوست أصلا انفتل واتلولو من زحفك المكلوج الأول!
|
Post: #51
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-25-2014, 04:36 PM
Parent: #37
| Quote: نأسف يا يحيى على فتلة البوست . |
عادي جداً يابو حميد ...
قصي بس حابي يدينا بيان بالعمل عن كيفية الاستغلاظ ...
|
Post: #52
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 09-13-2014, 02:50 AM
Parent: #35
بوست الضرورة علي وزن فقه الضرورة ...
|
Post: #40
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: يحي قباني
Date: 05-24-2014, 00:37 AM
Parent: #24
Quote: سلامات يا يحيى..
القصّة يا هندسة ..أكل عيش و كلّو ب تمنو.. |
محمد محمود يا صديقي ...
اكل عيش و دعوني اعيش ...
انا و الله كانوا معاي زملاء زمان من احلي ما يكون ...
حسي إنزلقوا خلاص مع الجماعة ... و بقوا يحللوا و يحرموا ... و يتحاشوا معانا الكلام ...
و بالصدفة إغتنوا علي فكره !!!
|
Post: #45
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: BALLAH EL BAKRY
Date: 05-24-2014, 04:48 AM
Parent: #40
Quote:
كان اهل الدين عندنا ارق الناس افئدة وان شجو بالعظم
كان تدينهم جوهر وصلاحهم مفخرة، يكاد زهدهم يعدى..
لم يكونوا متنطعين او مفاخرين بتدينهم او مباهين..
شفت ليك زول من اهل التدين زمان قال ما بصافح او زجر ليه
زول عشان حلف بالرسول عادة او جهل..
كان هذا قبل ان يظهر هؤلاء الغلاة الفاسدين المفسدين
دين القشور والمظاهر هذا، صار التدين رسوم
تلقى الراجل يقصر فى الجلابيه والمرأة تطول ولحى انجس من حظائر خنازير..
واستصحب معك العارف بالله الشيخ قريب الله عندما دعى كرومة ليسمع
ياليل ابقالى شاهد..
واذكر فى حلقة من برنامج اسماء فى حياتنا عندما سئل الشيخ عوض الله صالح
وكان مفتى السودان عن حلال الغناء وحرامه، اجاب الرجل بلطف بالله سمعنى
محراب النيل لعثمان حسين..
وردد مع بادى:
ما عصيت مولاى مانى فاجر
لا ولا بالعالم بتاجر
نفسى يا احباب ليها زاجر لا اكون كل يوم لى لون
بالعدا معروف ما ببادر
ما بخون للجار ماني غادر
ما بقول للناس مثلي نادر بل بقول للخالق شؤون
يحى هذا عهد غيهب نسأل الله خلاصاً من هولاء واولئك،،،
|
------------------------------------------------------
كمّلت الكلام يا صديق! وشكرا يا يحيى وتحية لك وللضيوف
|
Post: #47
Title: Re: اهل الدين زمان كانوا بيسمعوا غُنا و كانوا مؤدبين ... القصة مالها قلبت ؟
Author: بابكر قدور
Date: 05-24-2014, 06:37 PM
Parent: #40
Quote: ســلامي و تحيـاتي و تقـديري و ســلامي لكل الأهـل و الجـيران
لقـــد جاءوا و هـم يتمثـلون نهـج اصحـاب البقــرة الذين لم يذبحــوا البقـرة اي بقــرة من ســكات ,,,
لا ,,,,,,,, بداوا يتنطعـون و يسـألون ويســؤال بعده ســؤال بادعاء تشــابهم البقـــر عليهم
الأباء و الأجـداد اخـذو الو ســطية منهجا و فهـموا الدين بانه يســـــــر
اما من ماثل اصحاب البقــرة فالمنهج لديهم التنطـع , ويفهمون الدين بانه عســـــر وغلظة |
أخي العزيز عبد الله إحيمر
لك الود والتحايا الطيبات
قرأت مداخلتك الأولى ولفت نظري الإسم ولكن لم أكن متأكداً أنك صاحب الإسم فشكراً على مداخلتك الثانية التي سعدت بها كثيراً
تحياتي القلبية لمن معك من الأهل والأصدقاء .. ونحن في سياق البوست فقد وصفت يا أخي وأجدت الوصف .. فهم تماماً كأصحاب
البقرة طابعهم التنطع .... وفي سياق البوست أيضاً .. سمعت مرة دكتور لام أكول متحدثاً في برنامج تلفزيوني فقد قال لمقدم البرنامج:
"إذا أردت أن تنشر رأيك في جنوب السودان في لمح البصر فما عليك إلا أن تصيغه في شكل أغنية وتطلقها فإنها تسري كالنار في
الهشيم" وفي الحقيقة أن هذا القول لا ينطبق على جنوب السودان فقط .. بل على السودان كله .. بل على أفريقيا بأسرها .. لأسباب
يضيق المجال على تفسيرها هنا .. ولكن مايهم البوست من هذه الجزئية أن الإسلام لم يدخل السودان عن طريق السيف .. بل إن مشايخ
سجاجيدنا قد أدركوا بعبقريتهم ماعناه دكتور لام أكول .. فصاغوا مبادئ الإسلام كلها في المنظوم .. وأضافوا لها اللحن .. وأضافوا لها
الإيقاع .. واستقبلها السودانيون بطبعهم .. وازداد وجدانهم رقة وتذوقاً للكلمة المصحوبة باللحن .. فكانت المدائح النبوية عاملاً مؤثراً في
تكوين الأغنية السودانية .. كما أثبته النقاد .. فهل يدرك هؤلاء المتنطعون ذلك؟ وهل يستطيعون تغيير ذلك الوجدان؟ إنهم يحرثون في
البحر .. لك ودي وتحياتي ومحبتي مرة أخرى أخي عبد الله إحيمر ....
|
|