يـا مُـنـى عـمـسـيـب الأيـقـونـة دي حـقـتـي أنـا، تـلـفـحـوا بـس يـا الـشـيـوعـيـيـن...

بستعملآ بد ديل:

،،،

ومرآت بستعملآ لكف العين بدل دي:

شايفك الليام ديل قاشرا بيها ساااااكت،

إنتوا الحوش دا ما عندو سيّد ؟؟؟...

لو العملية دي إتكررت تاني أنا
برفع فيك قضيّة،
وهذا للتهديد والوعيد...

الأيقونة حقتي المقصودة:

أيّ زول يستعملآ من غير أن أسمح له/ لها،
سوف يعرض نفسه/ نفسها للحساب اليسير،
وإن لم يرتدع/ ترتدع سوف يعرّض نفسه/ نفسها
للحساب العسير.

بالمناسبة، صاحب الحوش ما بخليهو لو إرتقى
سُلُماً إلي السماء.
بيني وبينو المحاكم...

يعنى تهدد بت عمسيب عشان هى ست و رجال تانين بيستعملوها و فى المنبر ده
تعمل منهم نايم ..
يا بت عمسيب عملى الدايراهو و عوجة تاااب ماب تجيك طال ما وراك
منظمة لا للحقرة بالستات

Quote: يعنى تهدد بت عمسيب عشان هى ست و رجال تانين بيستعملوها و فى المنبر ده تعمل منهم نايم .. يا بت عمسيب عملى الدايراهو و عوجة تاااب ماب تجيك طال ما وراك منظمة لا للحقرة بالستات

جيب لي كابشر وآحد،
وبعد دآك تشوف.
باقي اليومين ديل عيان وزهجان،
والدكتور تاهمني بالدغِت...

Quote: باقي اليومين ديل عيان وزهجان، والدكتور تاهمني بالدغِت...

يازول كفارة ليك و سلامتك من الدغت وكان بقى عليك ما تشيل همو باقى مصاقرنى من 1993

Quote: جيب لي كابشر وآحد، وبعد دآك تشوف.

عشان لاقينى جديد و ما بعرف كبشرة و يكبشرون ..
سمح من هنا و لى قدام لو ايقونتك دى لاقتنى بجيبا ليك
تصدق هسه ده داير اعمل ايقونة وش ضاحك غلبتنى

الأخ ود المدير بعد السلام
الله يديك العافية .. وريتنا جديد ما كان على بال.. أتاريها الحكاية كدا؟؟!! أنا قلت ... ولا خليها في سرّك التفسير بجيب حماقة.

قناتي في اليوتيوب
http://www.youtube.com/user/KabbashiSudan
تحياتي.

كبـّاشي الصافي

(العوج راي والعديل راي)

ود المدير الصديق العزيز جدآ ...

الف تحية وتقدير وشكر .

يعني اسه يا ود المدير في داعي للتشهير دا كله ههههههههههه يأخي البضحك دا سرق البلد كلها
واهو بضحك خلي انا اسرق ضحكتو منك يا زول سرقتها وحا اتحلل ولو داير دية بدفعها هههههههه
علو سمحت يا ود المدير بس خليني اقشر بيها مسافة اشوف لي واحدة طائرة من حكومي تاني ههههه .

لكن والله يا ود المدير الحاجة دي تستاهل عليها مجازة عديييييل بس شيل الصبر حا نجازيك الله يجازيك انت بالخير

هههههههههههههههههههههههههههههههه.

هاك القشرة دي اقصد الضحكة ..

ود المدير الصديق العزيز جدآ ...

الف تحية وتقدير وشكر .

يعني اسه يا ود المدير في داعي للتشهير دا كله ههههههههههه يأخي البضحك دا سرق البلد كلها
واهو بضحك خلي انا اسرق ضحكتو منك يا زول سرقتها وحا اتحلل ولو داير دية بدفعها هههههههه
لو سمحت يا ود المدير بس خليني اقشر بيها مسافة اشوف لي واحدة طائرة من حكومي تاني ههههه .

لكن والله يا ود المدير الحاجة دي تستاهل عليها مجازة عديييييل بس شيل الصبر حا نجازيك الله يجازيك انت بالخير

هههههههههههههههههههههههههههههههه.

هاك القشرة دي اقصد الضحكة ..

افو ابت عمسيب ،انتي قريبتي ومعاوية قريبي ابقي بقيتو قرائب...
بس خوفك عدييل،،اديهو في التنك حقارتو بقت بي وبيك..
ماهو الفلس حاقربو والليمين ديل طالعلو بي مرض عظمه الدغت
كتر جائز في مرقت الخواجات-بس بالجد تبرا يا اجمل زول-
بس ماقلتي يابت عمسيب اتي حرمنتك دي الا تسرقي المساكين
وفي ناسا بتسرق ملاية
وناسا بتسرق خروف السماية
وناسا بتسرق ولاية
وناس داااابه جاية...
هو صحي بت عمسيب لفحت شنو...

إلى المدعو ود المدير
أرفعو أيديكم عن بنت عمسيب و إلا سوف ترون
ولا عذر لمن أنذر
كفارة يا زول ياجميل
طبعاً ده برا و ده برا

Quote: هو صحي بت عمسيب لفحت شنو...

هههها قال ايقونة قال
شكلو الدغت طلع فى الراس
غايتو الله يستر علينا من هضربتو فى الكبر كان الله حيانا

يا زول حق شنو داير بت رفاعة تستأذن منك شان تخت الصورة اللا معروفة عدلة ولا قلبة دي


خليت التبشر بالمنفاخ ومكالمات الايفون الزيزفونية وبقيت تقابض في ده حقي وده ما حقي غايتو الله يعين الوليدات علي الخرف المبكر







سلامتك من الدغت وربنا يتم ليك العافية

ود المديــر

الف كفـارة
يازول انت كبرت و اهو امراض الكبر بدت تظهـر


قلت لي ايقونتك 7 في 1

مني دي زاتا غير السرقة واللسان المتبري منها ماعندها شغلة
السوييتيها رقدت يا بت امي :)

من الذى يكتب باسم ودالمدير ?? هههههههههههه

اقتباس :
لو العملية دي إتكررت تاني أنا
برفع فيك قضيّة،
وهذا للتهديد والوعيد...

يا ود المدير اهو سبتك مراعاة لظروفك الصحية .

وياخي الف بعد الشر عليك . القلوب الحايمة حولك يا مدير تتمني ليك .

الأخ العزيز \ جلالدونا ..

من بلد الزهور ليك سلام بعطورو .

ومشكوووووور علي التشجيع هههههه وبعد دا اتأكدت الحبة ما بتجيني

طيلة ما وراي نشمي زيك ههههههه اديك العافية يا رجل وما نعدمك .

الأخ كتونا ..

تحياتي النقييييييييييييية .

Quote: وريتنا جديد ما كان على بال.. أتاريها الحكاية كدا؟؟!! أنا قلت ... ولا خليها في سرّك التفسير بجيب حماقة.

يا خيي مافي اي حماقة قول ما تريد وتجدني ان شاء الله من الصابراااات هههههههههه .

يا عبد العزيز قريبي ..

تحية خاصة ..

Quote: هو صحي بت عمسيب لفحت شنو...

والله يا عبد العزيز انا قائلة الموضوع عادي والضحكة دي ملك وورثة لكافة الشعب السوداني

لكن اهو ود المدير احتكرها وشوه سمعتي وكمان بهددني بتلتلة محاكم النت !!

الأخ العزيز \ سامي ود عبد المطلب .

Quote: يا زول حق شنو داير بت رفاعة تستأذن منك شان تخت الصورة اللا معروفة عدلة ولا قلبة دي

تقول شنو يا سامي ود امي يعني ود المدير بقي احتكاري للضحكة دي مصادرة مننا لكن

وبينك اهو انتوا الشهود وانا المتهمة بس نسيبو لما اديهو لينا العافية واعافيه نسألك الكريم اشفيهو

عشان اوريهو التلتلة الهو ما بعرفها وحدي معاهو شيخ قوقل لو دعي الامر .

عبد الله الشم يا صديق ..

سلام واحترام ..

Quote: مني دي زاتا غير السرقة واللسان المتبري منها ماعندها شغلة السوييتيها رقدت يا بت امي :)

كتر خيرك علي تشوية سمعتي

سلام حبيبنا \ ود البراري ..

مشكور علي الفيديو والضحكة الصادقة من الأخ الفاضل ود الصائم .

ولي قداااااام .

Quote: يازول كفارة ليك و سلامتك من الدغت وكان بقى عليك ما تشيل همو باقى مصاقرنى من 1993

قبلك وححححدك وبراك، قرصت اضاني، يا قول حبوبتي.
التاريك عقابات دغِت، نان الكورة كنت بتلعبا كيفِن ؟؟؟.

والله يا جلال جني جن أمشي للدكاترة، عشان بيقولوا لي،
النقيسلك الدغِت. أها، لي شقاوتي رحت اغسّل في حوض
الحمام اكان اسمعلك سدري دا في الجنبة الشمال طااااااق
طقّ، قلت الحمد لله طقة عافية. أها يا زول أكان اشعرلك
بي اعصابي دي كوووولها بردت، وبقيت فرشة اللسنان
دي يااااا الله امسكا إسوّك، والمعلقة من إيدي تقع، ووحات
الله جيت البس البنطلون ماشي الشغل رب وقعت.
قلت، الله أمانة يا ود المدير ما ورطت، الدكتور البتخاف
منو إياك الماشي عليهو.
أها، قلت كدي قريت المعوذتين ومشيت للدكتور، شرحتلوا
الحكاية كوووولها، وفتحة خشمو قال لي، كدي النقيسلك
الدغِت. بي قلبي قتلو، القبحة فوقك عشان نفر عمايلك ديل
أنا مكجنك. أها، قال لي، يا زول دغتك دا مرتفع شديد،
تمشي تعمل لي فحص للدم. قتلو، نان ما بتديني حِبيبات
للدغت ؟. قال لي لا، لأنك فعلاً عندك ضربة في سدرك،
وإحتمال دا السبب.
البارح مشيت عملت فحص الدم. أها، المرا بعد اخدت
الدم قالت لي، أرقد فوق السرير دا، عشان دايرين نسويلك
رسم قلب. قلت، افو دا اللعوج زاتو. بس ربّك ربّ الخير
ما سوّت لي كشف متاع.
تراني راجي النتيجة، والله يسوي الفيها خير.
هسّع اللصابعين ميتات، وياااا الله اكتب...

Quote: الأخ ود المدير بعد السلام الله يديك العافية .. وريتنا جديد ما كان على بال.. أتاريها الحكاية كدا؟؟!! أنا قلت ... ولا خليها في سرّك التفسير بجيب حماقة.

يا خال،
الله يعافيك.

أوووع اشوفك قاشر بالبتاعة دي.

يا اخي فسّر ما قلت اللعوج راي، والعديل راي...

ربنا يكتب سلامتك يا مدير وما تشوف الا الصحة والعافية والعمل الطيب
مافي داعي ترهق نفسك وتتعبها
ربنا يحفظك بحفظ من عنده
بالله ما دام قاعد عند الدكتور شوف لي الحبال الصوتية كيف، محتاجينها الفترة الجاية بشدة

حبيبنا الوليد ود الشيخ ..

سلام معطر يا صديق يا صدوق ..

اقتباس :

إلى المدعو ود المدير
أرفعو أيديكم عن بنت عمسيب و إلا سوف ترون

اللييييييييييلة اوعة تجيب سيرة البحر يا بحر انت هههههههههههههه .

Quote: ود المدير الصديق العزيز جدآ ... الف تحية وتقدير وشكر . يعني اسه يا ود المدير في داعي للتشهير دا كله ههههههههههه يأخي البضحك دا سرق البلد كلها واهو بضحك خلي انا اسرق ضحكتو منك يا زول سرقتها وحا اتحلل ولو داير دية بدفعها هههههههه علو سمحت يا ود المدير بس خليني اقشر بيها مسافة اشوف لي واحدة طائرة من حكومي تاني ههههه . لكن والله يا ود المدير الحاجة دي تستاهل عليها مجازة عديييييل بس شيل الصبر حا نجازيك الله يجازيك انت بالخير هههههههههههههههههههههههههههههههه. هاك القشرة دي اقصد الضحكة ..

هوووووي يا بت عمسيب، والله اقيم عليكِ الحد، في حالة زي دي التحلِل
ما بينفع عشان دا ما مال عام، دي حاجة خاسة.
الإختراع دا بالمناسبة أنا صرفت فيهو زمن كتير لآمن جاني الدغِت، إنت
دايرة تجي بالراااااحة تشيلهو وتحوميبوا في حوش بكري. يكون في
علمك تاني الأيقونة دي بالإيجار. ما تدفعي أووعك تهببي ناحيتا...

Quote: هو صحي بت عمسيب لفحت شنو...

عبد العزيز يا قريبي،
تسلم من كل شر وبلاء.

بت عمسيب طلعت إيدا خفيفة،
شفت الحكاية دي !!!...

Quote: طبعاً ده برا و ده برا

هههههههههههههههههههه،

كفّر الله سيئاتك يا وليد.

زكرتني، عندنا وآحد من ناس البلد عندو لوري ومسويلوا
سواق عشان هو ما بيعرف يسوق. أها، جو فوق مشرع
البنطون إشكلوا، والسواق حِرد جدعلوا المفاتيح، وقالوا،
من يوم الليلة شغل معاك ماني دايرو. أها، وكِت البنطون
وصل سيد اللوري مشى للسواق أداهو المفتاح وقالوا،
هاك قُوم نزّل اللوري دا في البنطون، وشكلتنا في محلها.


باقي المداخلآت بتمهن باكر إن شاء الله الليدين
فترن تب.
شكراً ليكم كولكم، ما تشوفوا شر...

سرقو البلد وإتحللو !!!!!

Quote: عشان لاقينى جديد و ما بعرف كبشرة و يكبشرون .. سمح من هنا و لى قدام لو ايقونتك دى لاقتنى بجيبا ليك تصدق هسه ده داير اعمل ايقونة وش ضاحك غلبتنى

أسمع،
إنت الزول بيعمل إخفاء لإسمو كيف ؟؟؟.

Quote: تراني راجي النتيجة، والله يسوي الفيها خير. هسّع اللصابعين ميتات، وياااا الله اكتب...

ان شاء الله سليمة يا ود المدير و ربنا يكمنا عليك
الا بس بوصيك ... شيل الهم براهو برفع الدغت
عشان كده ما تفكر فيهو كتير

Quote: ومشكوووووور علي التشجيع هههههه وبعد دا اتأكدت الحبة ما بتجيني طيلة ما وراي نشمي زيك ههههههه اديك العافية يا رجل وما نعدمك .

هييييع انا الكيك يا بت عمسيب ود المدير حالو حال تمر الروكة .. خمى ساى زى ما عايزة
حررررررم تمشى تلفحى الحاجات الحاريهن من ود الفحل و كان قال كانى وللا مالى
بس قولى عوووووك

Quote: أسمع، إنت الزول بيعمل إخفاء لإسمو كيف ؟؟؟.

اها جنس هبيشك ده هو الجاب ليك الدغت
ات قايل الدغت زمان قبل ما يظهر الميزان بعرفو كيف ؟
ما بى جنس نضميك ده

Quote: يا زول حق شنو داير بت رفاعة تستأذن منك شان تخت الصورة اللا معروفة عدلة ولا قلبة دي خليت التبشر بالمنفاخ ومكالمات الايفون الزيزفونية وبقيت تقابض في ده حقي وده ما حقي غايتو الله يعين الوليدات علي الخرف المبكر سلامتك من الدغت وربنا يتم ليك العافية

تسلم يا سامي من كل شر وبلاء.

يا سامي بعد الكُبُر ضرب قلنا اخير نلملم عقابنا.
شفتلك عطبراوي بيخلي التبشيربالمنفاخ ؟؟؟، يا زول
أنا أخلي سف الصعوط، ما أخلي العجلة والتبشير
بالمنفاخ.
بت رفاعة اعتدت علي حقي وماني خبار لي ليها
بكان غير المحاكم. أها...

Quote: بت عمسيب طلعت إيدا خفيفة، شفت الحكاية دي !!!...

يا ود المدير ان شاء الله بلغت الصحة .. وتسلم من كل شر .

يا ود المدير بتمني منك تعرش علي كده والموضوع حا نحلو بيناتنا . حا اتصل
با ود الباوقة يتحصل لينا علي ضحكة اخطر من كده هههههههههه مباشرة من الرئيس .




سلمت يا مدير ولي قدام .

Quote: تراني راجي النتيجة، والله يسوي الفيها خير. هسّع اللصابعين ميتات، وياااا الله اكتب...

هسى ( درشتك ) لى بت عمسيب دى حالتك عيان؟
يمين يا عمسيب الزول دة لو كان بى عافيتو كان لحقك (مارى انطوانت)

دحين رجعى الأيقونة الثحرية ثريع

ود مكاوي صاحبي ..

سلام يغشاك ..

Quote: دحين رجعى الأيقونة الثحرية ثريع

ود مكاوي لو سمحت ابعد من البوست دا سرعة دا بوست اسري يعني مشاكل اسرية بيني
وبين ود المدير وعمر البشير ما بنسمح لي اي عزول تاني يدخل عشان ما يخرب الضحكة اقصد
القصة هههههه . يا زول تحية مئة ولي قدام .

Quote: ود المديــر الف كفـارة يازول انت كبرت و اهو امراض الكبر بدت تظهـر قلت لي ايقونتك 7 في 1

هوووووووي يا عبد الله إحيمر مسعلة الكُبُر دي أنا
داسيها، وما معترف نهائي بأني بقيت كبير، دحين
الكلآم دا تحفرلوا وتدفنوا.

أيّ بقيت طيب أها، عان ها الكُبُر
يقطططططع نفسك...

Quote: مني دي زاتا غير السرقة واللسان المتبري منها ماعندها شغلة السوييتيها رقدت يا بت امي :)

يا عبد الله شم أخوي،
الشيوعيين ديل بلآ نفر العاميل الزي ديل
ما عندهم شغلة

Quote: من الذى يكتب باسم ودالمدير ?? هههههههههههه

مرّة وآحدة حصلت،
وتاهم بيها صاحب الحوش.


مشتاقين يا دكتور.

Quote: من الذى يكتب باسم ودالمدير ?? هههههههههههه

نسيت اقولك:
يا دكتور أنا وكِت اكون عيان بهضرب كتير.
باقيلك دا مِن شِنو ؟؟؟...

ود المدير سلام وعافية ود امي ..

وان شاء الله بلغت الصحة ..

اها عشان شيل الحال دا مشيت اشتريت ليك كمية من الايقونات عسي ولعل تنال اعجابك .

اها امسك .

اول ايقونة لي حليفة الطرق :

تاني ايقونة خليها في سرك هههههههههه

والبقية في العدد القادم بس ما تمشي بعيد ههههههههههههههههههههه.

مشكور يا عادل البراري،
والشكر موصول لود الصايم.

ود الصايم فيهو حلآة ايقونة!!!. والله صحي...

Quote: ربنا يكتب سلامتك يا مدير وما تشوف الا الصحة والعافية والعمل الطيب مافي داعي ترهق نفسك وتتعبها ربنا يحفظك بحفظ من عنده بالله ما دام قاعد عند الدكتور شوف لي الحبال الصوتية كيف، محتاجينها الفترة الجاية بشدة

تسلم يا صاحب.
كلو تمام، الحمد لله.

لقيت ليك وآحد بتاع حبال مُوبااااالغة،
لكن شايفك جليت الموضوع...

Quote: سرقو البلد وإتحللو !!!!!

حبابك ألف في حوش بكري
يا نجم الدين.

أهمّ حاجة التِحِلِل عشان المأكلة تكون حلآل.
والله صحي...

Quote: هسى ( درشتك ) لى بت عمسيب دى حالتك عيان؟ يمين يا عمسيب الزول دة لو كان بى عافيتو كان لحقك (مارى انطوانت) دحين رجعى الأيقونة الثحرية ثريع

يا ود مكاوي أنا زي بشير أحمد، شغال
بنظرية البيغلط علي مرة اغلط عليهو مرتين...

Quote: Faisal Hamza · Dammam, Saudi Arabia لا حولا سلامتك يا ود المدير ياطيب تعرف حوش بكرى ده من اسباب الدغت الجاك ده ابعد منو شوية انا مصاقرنى من كم سنة بقيت لمن افتح الموقع ده اكبر اللفة و اتاوق من الرقراق افتش علي اسماء معينة الاستاذ يحي القباني و طارق جبريل و معاوية ود المدير و كان الله اكرمني و لقيت ود المرتضي يكون الكيف تما و بطلع بمعدل طبيعي . بعدين يا اخوي الكبر حصل ما تنكرههههه

فيصل يا صاحب،
الله يسلمّك يا حبيب.

يا زول كُبُر شنو كمان ؟، غايتو السويتا فيّ يا عبد الله إحيمر
تبقى في العدو.
حوش بكري بيجيب البلآوي كولها يا فيصل، مُو الدغت
وحّدو، لكن نسوي شنو ؟ ترانا بقينا ما عندنا شغلة بلآهو،
يا كافي البلا...

يا ود المدير الايقونة القديمة خليها لي صاحبتك دي ... هاك الايقونة دي بالاكاشن بتاعها كمان :)-

قسم الفضيل الراجل الكلس .. سلام يغشاك

تسلم يا قسم وربنا يديك الفي مرادك اكان سترتني وجبت لي وحدة تانية
اقشر بيها .. ايها يا ود المدير صاحبي اريتك بالايقونة دي تنوي العرش
علي كدا . ههههههههههههههههههههه

Quote: يا ود المدير الايقونة القديمة خليها لي صاحبتك دي .

Quote: يا ود المدير الايقونة القديمة خليها لي صاحبتك دي ... هاك الايقونة دي بالاكاشن بتاعها كمان :)-

يا سلآم عيك يا قسم الفضيل،
دي في السِلِك. والله صحي.

الندسها منها، ما تلفحا

ديك هادي طرفي منها...

Quote: الندسها منها، ما تلفحا ديك هادي طرفي منها.

ود المدير صاحبي .. بعد السلام والشوق المكوم .

اهو بقول ليك واعتبرو تهديد والرهيفة تنقد وقت داير تعتدي علي
الايقونة الجابوها لي هدية وحسيت بالسترة والامان يادوبي وراجياك
تعرش وانت رافض .. اياهو المسدار محمدك وبالفيديوهات وصور الايقونات
الما خمج وتاني بقول ليك الرهيفة تنقد ههههههههههههههه . وبرضو مشتاقيين .

Quote: ود المدير صاحبي .. بعد السلام والشوق المكوم . اهو بقول ليك واعتبرو تهديد والرهيفة تنقد وقت داير تعتدي علي الايقونة الجابوها لي هدية وحسيت بالسترة والامان يادوبي وراجياك تعرش وانت رافض .. اياهو المسدار محمدك وبالفيديوهات وصور الايقونات الما خمج وتاني بقول ليك الرهيفة تنقد ههههههههههههههه . وبرضو مشتاقيين .

صاحبتي بت عمسيب،
الشوق بحور ماليها حد ما ليها قيف.

عِلَ خليني اوقعلك الكلآم، المتحركة دي جابا لي قسم الفضيل،
عشان اخليليك ديك، ودمستها ليك، كمان دايرة تتسلبطي في
الجديدة ؟.
مافي عرش، ومسدار شنو كمان ؟، أما علمت انني شاعر القصيدة
العصماء (فتاة وادي السيليكون) ؟. الغاغا فوقكم ؟.
كدي امشي سويلك مسدار عشان اوريك المسادير المِي خمج.
بطلي الورجغة، وشيلي القديمة دمستها ليك...