Post: #1 Title: السر وراء احضار حميدتي للخرطوم Author: أيمن محمود Date: 05-21-2014, 08:22 PM Parent: #0
المسألة واضحة جداً حميدتي أوشك ان يخرج عن طوع الحكومة وبدأ يعمل قلاقل في دارفور أخيراً في كردفان الجماعة عايزين يتخلصوا منو ... طبعاً لو هو فهم الكلام ده وهو في الخلاء ... بيلحق الجماعة ويقلب على الحكومة، وما بيقدروا يعملو ليهو حاجة. أفضل حل انهم يجيبوهو الخرطوم - هو وقواتو - ويسقوهم الموية الباردة ويختوهم في الكندشة والبضوق الموية الباردة والكندشة والضل ... تاني ما بحارب وحميدتي حالياً في أضعف حالاتو ... والله صحي أدوها صة ... شهر شهرين ... حا يتأقلم على جو الخرطوم والحراية ياباها دُت والتاريخ يعيد نفسه
Post: #2 Title: Re: السر وراء احضار حميدتي للخرطوم Author: أيمن محمود Date: 05-21-2014, 08:29 PM Parent: #1
مسكين حميدتي اليومين خامينو فوق الاعناق عشان يدقوا بيهو الدلجة ... حا تتمجمج يا فاره
Post: #3 Title: Re: السر وراء احضار حميدتي للخرطوم Author: أيمن محمود Date: 05-21-2014, 08:39 PM Parent: #2
شويتين كده: حا يدوك وظيفة مرموقة ... تتمرمق فوقا ! مكتب كبييير وجرايد كتيييرة . . . وناسك في الضللة مركلسين . . يحللوهم شوية شوية
Post: #4 Title: Re: السر وراء احضار حميدتي للخرطوم Author: أيمن محمود Date: 05-21-2014, 09:56 PM Parent: #3
لعبة السياسة انت ما قدرها ... وركيب سرجين وقيع انجع يا زول انجع
الأخ ايمن محمود بعد السلام حميدتي عطوي والعطاوة نجيضين .. باكر تلقاه يتغدي بيهم قبال ما يفكروا يتعشوا بيهو.. عينك تشوف وأضانك تسمع بعد شوية حيجتاح العاصمة وهاك يا خراب كما في شمال كردفان ودار فور.. جبال النوبة فشل فيها لأن النوبة حريفين في استخدام السلاح من زمن بعيد .. ولهذا تركها ورجع لشمال كردفان. الخرتوم ما فيها زول عنده سلاح .. بعدين أم كركنجي بتخبر أم بتيخ. الله يستر.
قناتي في اليوتيوب http://www.youtube.com/user/KabbashiSudan تحياتي.
كبـّاشي الصافي
Post: #6 Title: Re: السر وراء احضار حميدتي للخرطوم Author: أيمن محمود Date: 05-22-2014, 06:39 AM Parent: #5
الاخ كباشي وعليكم السلام
Quote: حميدتي عطوي والعطاوة نجيضين .. باكر تلقاه يتغدي بيهم قبال ما يفكروا يتعشوا بيهو.. عينك تشوف وأضانك تسمع بعد شوية حيجتاح العاصمة وهاك يا خراب كما في شمال كردفان ودار فور..
الحكومة الىن تعمل بالحكمة القائلة: أجعل أصداقائك قريبين منك ... واجعل اعدائك أقرب !
Post: #8 Title: Re: السر وراء احضار حميدتي للخرطوم Author: Yasir Elsharif Date: 05-22-2014, 06:49 AM Parent: #6
سلامات يا أيمن قرأت خبرا في حريات أن بعض قوات الجنجويد يتم نقلها إلى القتال في ليبيا الى جانب الاسلاميين والتكاليف تدفعها قطر. نستنى ونشوف.
مقابل رشاوى قطرية ، قوات من مليشيا الدعم السريع تنقل للقتال في ليبيا May 21, 2014 (حريات) اكد مصدر مطلع لـ (حريات) ان طائرات عسكرية تقوم بنقل قوات من الجنجويد المسماة بـ (قوات الدعم السريع) إلى ليبيا ، وسط إجراءات أمنية مشددة منذ يوم الأحد . وأضاف المصدر ان هذه القوات تنقل للقتال الى جانب المتأسلمين في ليبيا ، وان دولة قطر تقوم بدفع كافة نفقات هذه القوات اضافة إلى تقديم دعم مالي لحكومة عمر البشير التي تعاني من افلاس إقتصادي . وأكد المصدر ان وفدا حكوميا يزور قطر منذ أسبوع للتنسيق لهذه العملية . وقال المصدر ان الوفد إلتقي قيادات من الاسلاميين الليبيين بالدوحة في وجود مسؤولين أمنيين قطريين ، وان أعضاء الوفد الليبي تعهدوا بتقديم دعم مالي عاجل لحكومة عمر البشير إضافة إلى إرسال شحنات من النفط . وأضاف المصدر ان إنتشار قوات الجنجويد والإستعدادات الأمنية المكثفة في الخرطوم إضافة إلى إرهاب المواطنين كان هدفه الرئيسي التغطية على نقل هذه القوات إلى ليبيا . وأكد المصدر المطلع ان طائرات النقل العسكرية تتحرك بعد منتصف الليل من مطار الخرطوم متجهة إلى ليبيا ، وان هذه الطائرات إضافة لقوات الجنجويد تقوم بنقل أسلحة سودانية دفعت قيمتها دولة قطر في إطار صفقة المرتزقة التي أبرمتها مع حكومة عمر البشير .
التعليقات ( التعليقات الواردة تعبر عن رأي كاتبها ولا تعبر عن رأي الصحيفة) لا تتردد في ترك التعليق... الأسم ( ضروري )
البريد الإلكتروني ( ضروري )
الموقع الإلكتروني
Post: #16 Title: Re: السر وراء احضار حميدتي للخرطوم Author: أيمن محمود Date: 05-22-2014, 08:27 AM Parent: #8
ياسر الشريف
Quote: قرأت خبرا في حريات أن بعض قوات الجنجويد يتم نقلها إلى القتال في ليبيا الى جانب الاسلاميين والتكاليف تدفعها قطر. نستنى ونشوف
حميدتي حا يمشي معاهم والا حا يكون قاعد في مكتبو الكبير المكندش في الخرطوم ومنتظرهم يرجعوا ليهو بعد ما يخلصو مهمتهم؟! لو الكلام ده صحيح ما كانت اتعملت الهلليلة دي كلها للراجل وكان حار حار خموهو مع جنودو !
Post: #9 Title: Re: السر وراء احضار حميدتي للخرطوم Author: علاء سيداحمد Date: 05-22-2014, 06:54 AM Parent: #6
Quote: Re: السر وراء احضار حميدتي للخرطوم
الاخ / ايمن محمود سلامات
السر الباتع ظاهر وواضح ومامحتاج لدرس عصر ( لارهاب المواطنين وجعلهم لايخرجون فى المظاهرات ولتمرير بعض الاجندة الخاصة فيما يختص بنكوصهم عن الحريات والعودة الى المربع الاول مثال : ايقاف صحية الصيحة عن الصدور ومنع الصحف عن الكتابة حول الفساد .. ولكن من المؤكد جدا ان انهم سيدفعون الثمن غاليا لتهورهم هذا .. ومليشيات حميدة ليست اقوى من الجيوش النظامية وبقية الفصائل الامنية والتى كانت تدافع عن مبارك وحزبه وزين العابدين وحزبه وجعفر النميرى والاتحاد الاشتراكى .. هناك اشياء تنسج فى رحم الغيب ولابد لها ان ترى النور .. ) الفجر آت لامحالة .. وساعتذ لن ينفعهم حميدة ولاغيره ..
Post: #17 Title: Re: السر وراء احضار حميدتي للخرطوم Author: أيمن محمود Date: 05-22-2014, 08:38 AM Parent: #9
علاء سيداحمد
Quote: ولكن من المؤكد جدا ان انهم سيدفعون الثمن غاليا لتهورهم هذا
لا قدر الله يا علاء البلد دي لو قامت فيها حرب أهلية شاملة فحتكون بسبب قوات حميدتي دي ! الفوضى العملوها الجماعة ديل في الابيض ممكن يعملوها في الخرطوم لو ما لحقوا دمجوهم سريع سريع في جهاز الامن
حميدتي بدل ما كان ممكن يكون قائد مدى الحياة في الخلاء - حا يدخلوهو وجنودو السيستيم وشويتن كده يدوهو معاش ويكون الضحك شرطو !
Post: #14 Title: Re: السر وراء احضار حميدتي للخرطوم Author: بدرالدين بابكر مصطفى Date: 05-22-2014, 07:36 AM Parent: #6
يا أيمن معليش لكن دا تحليل بعيد عن المنطق ما بدخل الراس أنا شخصياً ما عارفهم جابوهو لي شنو
تحياتي
Post: #24 Title: Re: السر وراء احضار حميدتي للخرطوم Author: أيمن محمود Date: 05-22-2014, 05:24 PM Parent: #14
بدرالدين بابكر
Quote: لكن دا تحليل بعيد عن المنطق ما بدخل الراس أنا شخصياً ما عارفهم جابوهو لي شنو
.زمااان ايام المتوسطة صاحبي مسألة انو كلمة without ترجمتها (بدون) أبت تقع ليهو كلو كلو قدر ما حاولت أشرح ليهو التركيبة - ما دخلت راسو كلو كلو ! المهم ... لسا احنا اصحاب ولتذهب without للجحيم
Post: #7 Title: Re: السر وراء احضار حميدتي للخرطوم Author: Hassan Makkawi Date: 05-22-2014, 06:45 AM Parent: #5
Quote: الخرتوم ما فيها زول عنده سلاح .
يا كباشى داير تلحق الزول الذراع المقطوع؟
Post: #10 Title: Re: السر وراء احضار حميدتي للخرطوم Author: عبد الله شم Date: 05-22-2014, 06:54 AM Parent: #7
Quote: داير تلحق الزول الذراع المقطوع؟
مكاوي يا حبيب شايفك بقيت تستقدم الوصف دا دون اسئذان ياخي
تحياتي
Post: #18 Title: Re: السر وراء احضار حميدتي للخرطوم Author: Hassan Makkawi Date: 05-22-2014, 08:41 AM Parent: #10
Quote: مكاوي يا حبيب شايفك بقيت تستقدم الوصف دا دون اسئذان ياخي
حبيبنا عبد الله الحالة واحدة ياخ...
Post: #11 Title: Re: السر وراء احضار حميدتي للخرطوم Author: Tragie Mustafa Date: 05-22-2014, 06:58 AM Parent: #7
ايمن سلام
كلام د.ياسر الشريف لا استبعده
ومن قبل ايضا شاركت الحكومه بنفس هؤلاء الجنجويد في قتال (الحوثين في اليمن) ووقتها كانوا جنجويد موسي هلال!!
يبقي حكومة الجن دي كل ما واحد من مساعديها شوكته بتقوي بتسكرها ليها!!
موسي هلال نجيض انتبه لهم
حميدتي لسه باين عوده طري
علي بال ما يوعي الانقاذين بتغدوا بيه!!
الله يستر علي شعبنا من مثل هذه المحن؟!
حسه وليدات الناس ديل مالهم ومال القتال في ليبيا؟!
الله لا يجبركم يا الانقاذين البتقتلوا اولادنا بمثل هذه الرخصه و الاستهتار.
ويا قطر الله يكفينا من شر اموالك هذه.
Post: #12 Title: Re: السر وراء احضار حميدتي للخرطوم Author: kamal omer Date: 05-22-2014, 07:17 AM Parent: #11
لو كان الكلام ده صحيح أي واحد يمشي عشان بيدوهو قروش أو بي فهم إنو ده جهاد ياكل نارو بعدين ما يجو ينبحو الليبيين عاملوا بعض السودانيين بي عنصرية ، تضامنوا مع سودانيين مقبوضين في ليبيا و النواح الزي ده و ده إسموا إرتزاق ما عندو معنى تاني ، و الحا يحصل ليهم حا ينعكس على أهلنا السودانيين المقيمين في ليبيا ، و حا يُحاسبوا كلهم بي جريرة المرتزقة ديل
Post: #13 Title: Re: السر وراء احضار حميدتي للخرطوم Author: saidahmed shami Date: 05-22-2014, 07:30 AM Parent: #12
التحليل الاقرب للحقيقة أنو ناس المؤتمر الوطني خايفين من أنقلاب الجيش
سلاااامات أيمون
Post: #15 Title: Re: السر وراء احضار حميدتي للخرطوم Author: اخلاص عبدالرحمن المشرف Date: 05-22-2014, 07:56 AM Parent: #13
ليبيا بالطيارات ما يدخلوها لأنو المطارات تبع حفتر والأمريكان بالبر اسهل جابوهم الخرطوم عشان إخماد الثورة (نظام كل قردن يطلع جبلو) وما اكثر القرود
Post: #25 Title: Re: السر وراء احضار حميدتي للخرطوم Author: أيمن محمود Date: 05-22-2014, 06:39 PM Parent: #11
Quote: حميدتي لسه باين عوده طري
علي بال ما يوعي الانقاذين بتغدوا بيه!!
دي الخلاصة يا ام حازم ... حميدتي حالياً مبهور بالاضواء لمن يلقى نفسوا طاير موسى هلال انتبه وخرج غضبان وقرب يتمر او اتمرد عدييل
Post: #19 Title: Re: السر وراء احضار حميدتي للخرطوم Author: عبدالله احيمر Date: 05-22-2014, 11:39 AM Parent: #5
Quote: مسكين حميدتي اليومين خامينو فوق الاعناق عشان يدقوا بيهو الدلجة ... حا تتمجمج يا فاره
أيمــن ســـلام
دا لو ما قـام دخــل القصــر دغشـــا بدري و بقى رئيس فلو تأخـر احتمال تصح قرايتك ,, يدقو بيهو الدلجة ويبجيبو واحد تاني يدور الفـلم شــوية
Post: #20 Title: Re: السر وراء احضار حميدتي للخرطوم Author: أسامة عبد الجليل Date: 05-22-2014, 11:52 AM Parent: #19
Quote: التحليل الاقرب للحقيقة أنو ناس المؤتمر الوطني خايفين من أنقلاب الجيش
سلامات يا شامي وايمن سيد البوست والزوار الكرام..
أنا باقي لي ناس المؤتمر الوطني خايفين من الشعب من مظاهرات وإنتفاضة شعبية
وعايزين يقولوا للمعارضة لو إتحركتوا البلد بتبقى زي ليبيا والجماعة ( الدعم السريع) ديل نحن ما عندنا عليهم كنترول..
الرسالة موجهة لقوى المعارضة الحية التي أزعجت النظام بحيوية واضحة في الآونة الأخيرة..
Quote: قرأت خبرا في حريات أن بعض قوات الجنجويد يتم نقلها إلى القتال في ليبيا الى جانب الاسلاميين والتكاليف تدفعها قطر. نستنى ونشوف.
مقابل رشاوى قطرية ، قوات من مليشيا الدعم السريع تنقل للقتال في ليبيا May 21, 2014 (حريات) اكد مصدر مطلع لـ (حريات) ان طائرات عسكرية تقوم بنقل قوات من الجنجويد المسماة بـ (قوات الدعم السريع) إلى ليبيا ، وسط إجراءات أمنية مشددة منذ يوم الأحد . وأضاف المصدر ان هذه القوات تنقل للقتال الى جانب المتأسلمين في ليبيا ، وان دولة قطر تقوم بدفع كافة نفقات هذه القوات اضافة إلى تقديم دعم مالي لحكومة عمر البشير التي تعاني من افلاس إقتصادي . وأكد المصدر ان وفدا حكوميا يزور قطر منذ أسبوع للتنسيق لهذه العملية . وقال المصدر ان الوفد إلتقي قيادات من الاسلاميين الليبيين بالدوحة في وجود مسؤولين أمنيين قطريين ، وان أعضاء الوفد الليبي تعهدوا بتقديم دعم مالي عاجل لحكومة عمر البشير إضافة إلى إرسال شحنات من النفط . وأضاف المصدر ان إنتشار قوات الجنجويد والإستعدادات الأمنية المكثفة في الخرطوم إضافة إلى إرهاب المواطنين كان هدفه الرئيسي التغطية على نقل هذه القوات إلى ليبيا . وأكد المصدر المطلع ان طائرات النقل العسكرية تتحرك بعد منتصف الليل من مطار الخرطوم متجهة إلى ليبيا ، وان هذه الطائرات إضافة لقوات الجنجويد تقوم بنقل أسلحة سودانية دفعت قيمتها دولة قطر في إطار صفقة المرتزقة التي أبرمتها مع حكومة عمر البشير .
عند زيارة حاكم قطر فى حينه حمد بن خليفة للسودان وافتتاحه الطريق البرى والذى يربط بين السودان واريتريا مع البشير وافورقى فى اواخر عام 2011م انبرى البشير وصرح تصريحا أحمقا لايقوله انسان عاقل وقال بأن المعارضة الليبية انتصرت بالسلاح السودانى ومع ان كلامه غير دقيق ابدا لان المعلوم ان حاكم قطر هو من كان يدفع ويجلب الاسلحة من اوربا وامريكا و يقوم بتسليح المعارضة الليبية والبشير لم يكن سوى ( كبرى ) قام القطريون بتوصيل الاسلحة عبره الى ثوار ليبيا ( من دارفوا بالبر الى ليبيا ) ( والبشير قدم لحاكم قطر دعما لوجستياً فقط ولم يساهم بالسلاح او بالمال ) بمثل هكذا كلمات حمقاء أضاعوا البلاد والعباد .. ( حتى ولو قدم القذافى دعما للمعارضة السودانية الا انه كان اذكى منه لانه لم يصرح والمأثور اقضوا حوائجكم بالكتمان وليس بالعنتريات الجوفاء والتى تضر اكثر مما تنفع )
البشير تحرير ليبيا باسلحة سودانية
وكان قد كتب حول هذه المسألة عضو منتديات النيلين sorkinab
نقتطق منه ما يلى :
{ نظام يفضح نفسه في يوم الزيارة أبو الحسن الشاعر هذا نظام يفضح نفسه ويفضح مسئوليه ! يوم زيارة الرئيس البشير لجوبا الأسبوع الماضي قال في مؤتمر صحفي مع سلفا كير ” لن نسمح لأي أحد في السودان بأن يعمل ضد حكومة جوبا انطلاقا من أراضينا .. جربنا دعم المعارضة لكننا اكتشفنا أنها كلها جهود ضائعة ” كما أن الرئيس ” نفى دعمه لأي قوة معارضة في أي بلد مجاور ” المصدر جريدة الشرق الأوسط 7/1/2014 .. ولو كنت رئيس تحريرها لنشرت الخبر تحت عنوان ” صدِّق أو لا تصدِّق !” والرئيس نفسه قال في هوشة جماهيرية جعلتها كل الصحف السودانية الصادرة بتاريخ 27/10/2011 عنوانا رئيسا ومن ذلك كان عنوان جريدة الصحافة ” زودنا ثوار ليبيا بالسلاح وردينا الصاع صاعين للقذافي ! ” أما السوداني فجعلت عنوانها ” القذافي سقط بسلاح سوداني ” !. شقيق الرئيس الجنرال عبد الله البشير صرح لصحيفة الخبر الجزائرية بتاريخ 4/12/2011 ” دعمنا ثوار ليبيا بخبراء وفنيين عسكريين وزودناهم بالسلاح في جنوب ليبيا “، الإنقلابي صلاح قوش الذي لا يشابهه في التزلف والتملق سوى حسين خوجلي قال قبل يومين في لقاء لصحيفة اليوم التالي مع الصحفية صباح موسى ونشرته الراكوبة ” عندما دعمنا المعارضة التشادية ووصلت للقصر في انجمينا أدرك إدريس دبي أن الخيار أمامه هو التصالح معنا ” ، لكن قوش المدلس لم يشر لدعمهم السابق للمعارضة التشادية وهو الذي دفعها لدعم المرحوم خليل إبراهيم ! ليس ذلك فحسب فقد قال د. أمين حسن عمر لصحيفة البيان الإماراتية وكان وقتذاك وزير دولة للثقافة والإعلام وكان السودان متهما بدعم جيش الرب الأوغندي ” نعم دعمنا المعارضة الأوغندية ولن نتردد في سحقها ” .. تآمر أصحاب الإنقاذ على أريتريا ودعموا المعارضة الإسلامية المسلحة حتى ضاقت ذرعا لترد الصاع صاعين و سلمت سفارة الإنقاذ للمعارضة السودانية !! ودعمهم للمعارضة الأثيوبية حتى سقط نظام منقستو لا خلاف عليه. تلك أمثلة على فضح أجهزة الإنقاذ لنفسها في دعم المعارضة في دول الجوار ومن ذلك أيضا فضح المسئولين بعضهم بعضا ... } انتهى
وأما حكاية تـفويـج عسكر الجنجويد والمرتزقة مع اسلحتهم الى ليبيا عن طريق مطار الخرطوم فهذا impossible
برضو جايز الأبالسة خافوا من وجود حميدتي في الغرب هو وقواته، فأرادوا ضرب عصفورين بحجر واحد.. إحضاره إلى الخرطوم "والكندشة وما إليها" حتى لا يفعل مثلما فعل موسى هلال، ومنها تخويف من تحدثه نفسه بالتظاهر.. جايز تكون شاهدت الحلقات التي بثتها القناة الرابعة البريطانية قبل عدة سنوات عندما التقت الإعلامية السودانية نعمة الباقر بمحمد حمدان في دارفور.. أرجو مشاهدة هذه الشريحة ففيها تلخيص لمسيرة "حميدتي". الشريحة وضعت يوم 19 أبريل في اليوتيوب.
https://www.youtube.com/watch?v=5ppyWGsGoSk
Quote: 19.04.2014 الوصفمع تراجع الخطاب الإيدولجي ومشاريع الجهاد والإستشهاد في الألفية الجديدة لم يجد البشير امامه متسعاً غير اللعب على تناقضات مكونات دارفور فالعمل يعطي لمحمه يسيره عن محمد حمدان دوغلو " حميدتي " ومليشيات الجنجويد و الدعم السريع ومراحل تطورها المختلفة بين (2003-20014) فمن غرائب سياسة الإسترزاق من الحروب في بلدنا هي إن حرس الحدود ومليشات الجنجويد هذه كانت قد دخلت في حرب طاحنة مع جهاز الأمن في نيالا خلال العام الماضي بعد مقتل قائدهم عبد الله "دكرومي" وهي الآن جزءاً من هذا الجهاز وصار قياداتها من قيادات جهاز الأمن
Quote: 05-22-2014 09:55 AM تراسيم: عبدالباقي الظافر*
كان الرجل الغامض يجلس بهدوء وفي زي مدني أنيق وسط كوكبة من الجنرالات..الصحفيون في ذاك المؤتمر الصحفي كانوا يتهامسون قبل ان يكشف الرجل عن وجهه باعتباره العميد محمد حمدان دقلو القائد الميداني لقوات الدعم السريع.. العميد دقلو كان في غاية الغضب من الامام الصادق المهدي ..من شدة الغضب فلت لسان العميد دقلو الشهير بحميدتي عبارة "لو خليناهم كان وصلوا الخرطوم وعرفتوا حاجة". ما عناه العميد حميدتي أخذ بعدا مثل كرة الثلج.. بلاغ ضد الامام المهدي تم تعزيزه لاحقا بتهمة تقويض النظام الدستوري فانتهى الامام الى سجين في كوبر لحين انتهاء التحريات..او ارتفاع سقف التسامح وحفظ البلاغ بواسطة وزير العدل ..وربما وثبة جديدة تقضي بإصدار عفو رئاسي يعزز من حكمة العفو عند المقدرة. من ناحية اخرى صدر *بيان مقتضب من مدير عام جهاز الأمن الوطني يبلغ الكافة ان ثلاث الوية من قوات الدعم السريع ستنتشر في محيط الخرطوم في حالة استعداد كامل ..الخطوة المفاجئة يمكن قراءتها من عدة أوجه ..ولكن عندما يتم ربط كافة النقاط مع الأخذ في الاعتبار التقدم العسكري الذي تحققه هذه القوات في مسارح العمليات وخطوط المواجهة الأمامية يمكن اعادة تفسير الاحداث بشكل مختلف. بداية ان هنالك معلومات في غاية الخطورة لا تفضل الحكومة كشفها الان..مثل ان هنالك تهديد وشيك للأمن القومي..قوات الدعم السريع بشكلها الحالي ستكون راس الرمح في مواجهة هذا التهديد ..ولهذا السبب استحقت هذه القوات الحفاوة التي جعلت الحكومة تغضب من الامام المهدي وتودعه سجن كوبر حتى لا يعكر الأجواء.. ولكن لماذا الامام الصادق يذهب كبش فداء لتجاوز غضب رجال في مهمة خاصة..اغلب الظن ان الامام وضع نفسه في مرمى النيران المتقاطعة..ولم تكن حساباته تعتقد ان الغضب الحكومي سيظل مرحلة العودة للسجون..بعيد البلاغ الاول تعامل الامام مع الاحداث تحت هول الصدمة.* هنالك تصريح قي غاية الأهمية صدر من العميد معاش مالك عبدالله الحسن رئيس لجنة الأمن والدفاع بالمجلس الوطني..النائب ذو الخلفية العسكرية طلب من القوات المسلحة ابعاد الأمن والشرطة من المشاركة في العمليات حتى تقوم بمهامها في توفير الأمن الداخلي ..جاء هذا التصريح في وقت تشهد الساحة جدلا حول توزيع المهام بين القوات العسكرية ..صحيح ان التصريح تم نسخه باخر صادر من رئيس البًرلمان الدكتور الفاتح عزالدين يؤكد دعمه اللامحدود لقوات الدعم السريع* سنحاول قراءة التطورات تحت ضوء اعادة انتشار قوات الدعم السريع حول العاصمة السودانية..هذا الاتجاه كان يمكن ان يكون تحت غطاء قوات مشتركة دون الكشف عن عنوان هذه القوات ..اغلب الظن ان الامر هنا مقصود لذاته..ويهدف الى منح هذه القوات وجبة معنويات دسمة حينما توكل لهم الحكومة مهمة في حساسية تامين الخرطوم ..الدعم المعنوي جعل وزيرة في الحكومة تخرج عن المالوف وتطلق زغرودة دعم لهؤلاء الرجال ..هذا يعني ان الامر في غاية الخطورة .. وان الحكومة تراهن وترى ان انسب قوة يمكن الاعتماد عليها *هي قوات الدعم السريع.. بالطبع الحكومة تدرك المحاذير التي جعلت والي شمال كردفان يطالب برحيل هذه القوات من عاصمة ولايته باعجل ما تيسر.* المعادلة التي تحتاج الى استقصاء وتدقيق تربط بين الجبهة الثورية والإمام الصادق المهدي من جهة والحكومة والدعم السريع في الناحية المقابلة ..بمعنى هل بدا الامام المهدي بعد تقارب الاسلاميين في القصر والمنشية يبحث عن تحالفات جديدة تعود به الى مرحلة التجمع الوطني الديمقراطي ..في اغلب الظن ان الحكومة ملكت المؤتمر الشعبي معلومات جعلت رد فعله متفهم لعملية اعتقال الامام رغم كلفتها السياسية الباهظة. بصراحة رفع سقف المخاطر له ثمن سياسي غالي..في مثل هذه الأجواء تتجمد عجلة الحياة في انتظار المجهول..لهذا من الافضل للحكومة ان تعمل تحت قاعدة كل شيء هادي في الميدان الغربي حتى ولو لم يكن الامر كذلك.
(مقال لم ير النور بسبب تعليق صدور صحيفة الصيحة)*
المقال نقلا عن صحيفة الراكوبة
اعلان أحمد هارون طرد مليشيات حميدتي من ولاية شمال كردفان :
