وليد، حيدر و معاوية فرجت فرجت

ومن اوسع الابواب
جاتني ليكم فكرة خطيرة تغنينا عن ود الفحل و طوطحته
نعمل فرقة مديح
ما تستغربو المدير دا ما بختا من مرابيع شعرية وانا ذاتي ان انكربت شوية ممكن اطلع لكم بحلزونة كويسة
ممكن تستعينو بود الباوقة للصقريات بس اعملو حسابكم ما يفجخ اصابعكم، البسو البوت الفيهو حديد من قدام داك
البوست دا برعايتي حتى قيام الفرقة واصدارها لالبومها الاول
سودانيز اون لاين دا فيهو كم الف عضو دا غير ناس الشباك التحت والناس البتحب المديح، كل واحد لو اشترى سي دي ب 15 ريال بس اقل حاجة بنطلع بمليون ريال
اما قصة النسخ والتحميل المجاني فوالله العظيم القى بالغلط مدحة نازلة مجان في اي موقع حتى لو سودانيز فصاحب الموقع وانا واحد فينا فوق الارض والتاني تحتها.
شوفو لي خانة لديقول دا

تخفيضا لنفقات الانتاج، التسجيل في البيت والمكيف ما يكون شغال عشان نقاوة الصوت، ود الباوقة داير يصوقر بالمجان كان بها لكن ان دايرلو هللة ما بنديها ياهو، الاورغن عندي واحد صاحبي بجيبو، هو صاح مرات بجلي النوتة لكن اخير من الطار، الطار بقى ما عندو زبائن.
قبل ما تمرقو من البيت ختو لي حق الكهرباء ولا نخصمو بعدين من مبيعات الالبوم؟
لو لقيت واحد من ناس سودانيز ديل ما اشترى السي دي والله الا اشردو من المنبر دا ليوم الدين، ما تقول لي انا ملحد او شيوعي او انصاري سنة ما بسمع مديح، اشترى وعنك ما سمعتو

داير احذركم من حاجتين

الاولانية انه واحد فيكم يجيب لي سيرة ود الفحل، نهائي ما داير اسمعها
التانية
وانتو جايين على التسجيل اكلو لقيمات وتعالو وكترو منها عشان بعدين ما يبقى في حساب غداء وكدا ومن لم يستطع منكم فعليه بجكين موية صاقطة.
التالتة امضغو لكم نعناع بتاع الحلق عشان الصوت وكدا

ود الفكي مساء الخير
غايتو أنا مما قمت المداحين ديل مكجنم لله و الرسول لكن كمان المعايش جبارة تراها جابتنا الغربة و احتمال تخلينا نمدح
برضك أنا من قبيل بضحك و بتخيل في معاوية وديقول لابسين الجلابية الخدرا و الطاقية وفل سوت و شايلين الطار و بمدحو غايتو جنس محن

يا ابو احمد
الشغل اصلو مو عيب العيب الفلس والعطال
ياخي مافي طريقة ليوسف وقرحطب ديل يتشتغلو شيالين؟ هههههه
ديقول وودالمدير مابين لبس الجنة الاخضر؟!!!!
اسمع
تحفظ لي القصيدة بتاعة الختمية ديك واشغل اعدائي بالمرج ولا شنو ما عارف وكلم لي ود المدير يحفظ لي الراتب بتاع المهدي اما ود الزين فخليهو يحفظ لي طه وريا يمكن نشتغل تراث برضو، وان غلبتو خليهو يحفظ ريا وسكينة هههههههه

كدي وآحد يجي يقول المديح حرآم،
خسوساً عماد موسى ومحمد جلآل.


أنا ختيت الأيقونة بتاعت تنبيه، عشان ابو صلعة
دا ما عندو أيقونة بتاعت تحذير، فأفهموها تحذير
بدل تنبيه، ولا عذر لمن أُنذر،
والسلآم ختام.

العميد،
ود المدير، قوات التدخل الختري،
ومادح مُجيد...

يا مدير
ياخي مداخلتك ضحكتني لمن اتدردقت
لذا
امرنا لك بفتة رز ومعاها شال تلاتة خطوط خضر
حي حي حي قيوم
بعدين سلامتك ياخي وغريبة كرامتك

Quote: بعدين سلامتك ياخي وغريبة كرامتك

دا لحمو تخين يا أخ.

دعواتك يا فكي، والله هسّع ماشي أعمل تحاليل...

اول شى كفارة لى عضو الفرقة ود المدير و نسأل الله ان يواليه بالصحة و العافية
يا اخوانا عندى ساوند سيستم لزوم الحوليات و كده .. انفع معاكم وللا اعمل فرقة مضادة
غايتو كان ابيتونى بسوويها و اسمها كمان فرقة المدح السريع
و يممممكى نسحب منكم العميد مداح ود المدير

يا ود الفكي سلام،،ياخي انا من جماعة ودالمدير...
ياخي شوف ال سي في بتاعتي دي ،لو قبلتوها ابشرو
حفظت كل مدائح اب كساوي وودمن الله حاج الماحي وودسعد والشيخ حياتي وانا راكب خلف ابي فوق حماره الروثمان ،كان ابي يجيد المديح عليه الرحمة...
ثم مرت بي سنين وسنين،،طفش المديح وطاراته مني،،حتي صحوت ذات يوم والتلج يحاصرني فوجدته حاضرا بنوبته وطاره وكل ادب المديح في ذاكرتي...
اها ومن يومها،وحكمة الله،يؤم ميسي قدامي الرفاق،الشعراء،والندامي اصحاب امرئ القيس ليس لهم من مسرب الا ذا الكاس...
اعلن تبرعي بكامل موهبتي اضعها تحت تصرفكم،،وعندي جيوش مؤلفة من الاصدقاء علي الهبشة،،ختتم تمام...
شرطي الوحيد ان قريبي ود المدير اشيل الطار التاني،فهو رجل جعل الله له قبول ومحبة...
لو ركزتو علينا ما بتندمو،عثمان موسي قريبي مشجعني،،وخاصة والحكاية معرجه تب..

انا شايف في بوادي انقلاب ابيض قبل ما الفرقة زاتو تبدأ اعمالها وتجني ارباحها..
جلالدونا وعبد العزيز عثمان عبروا عن ميول انقلابية واااضحة لصالح العميد ود المديــر ..

.اساساً انا وأطرق واشتر.. الصفقة ساي بتجلي مني .. تتذكروا الايقاع بتاع " ام برّمة .. أم برّمة " والله قدر ما قلت اوزن زمنو بلقاهو يطربق..3
دحين احسن شئ لي امسك لكم امين خزينة وكان في عرض حي لايف اقطع التذاكر

بعدين بتفق مع أي زول يقول ما دايرين ود الفحل..
الغني الله وماحك جلدك مثل ظفرك ..

وانا من دربي دا بمشي احظر الفحل من تحت الهواء..

Quote: .اساساً انا وأطرق واشتر.. الصفقة ساي بتجلي مني .. تتذكروا الايقاع بتاع " ام برّمة .. أم برّمة " والله قدر ما قلت اوزن زمنو بلقاهو يطربق..3 دحين احسن شئ لي امسك لكم امين خزينة وكان في عرض حي لايف اقطع التذاكر

نفس الشعور ياخ
و عشان الجماهير و المعجبين ما يكرهو الشغلانة بسبب الزحمة مسّكوني شباك التذاكر التاني.
أيضاً عبدالعزيز عثمان ده أقبلوهو طوالي زول عندو مواهب كبيرة في مجال المديح و بعدين زول الله ساكت يعني شوية زلابية و كباية شاي بلبن بكفوهو ما بضايقنا بعدين في الغلة لكن جلالدونا ده عندو عقيدة في ود المدير و كان الاتنين اتلمو سوا بيدخلونا في حتات ضيقة و في نفس الوكت ما بنقدر نبعدو عشان ما ينفس لينا الشغل بالكلام البقول فيهو ده عشان كدة أنا شايف نقبلو لكن حدو معانا الكراسي و الساوند سيستم و بس.

يببب....

يا شباب ،
لسه ما قريت المداخلات ،
لكن ناس كثيرة ،
خبروني بالآيفون ـ
مـع خـالـص الـود ،
،،،
...


.








عزالدين عباس الفحل
ابوظبي
...

يا محمد عمر
بريمة وصديق الغالى سبقوكم فى الموضوع
ما شايفهم فى باب المنبر بى طيرانهم
يمدحوا؟
عندهم مدحة إسمها ( رجالة وكبر بيضات)
يتخللها (المجيك) أسأل حيدر....

Quote: الاولانية انه واحد فيكم يجيب لي سيرة ود الفحل، نهائي ما داير اسمعها

انت ما بتسمع أنت حا تشوف شوف خاصة بعد ما سمع هو عبر الايــفون ...




مدد شيخ مكاوي مدد

بالله افتتح لينا النشاط دا بمدحة عشان نبحث في امر ضمك للفرقة :)

انا زي ما قلت لك يا حيدر لسه مخلوع، خليني افوق من الخضة بتاعة الزول دا وبجيكم راجع ان شاء الله.
مكاوي حبيبك
والله سنارتك الليها مية سنة مشركها دي ان قبضنا نحن من المليونير الوهمي حتقبض لها سمكة
عفواً تصحيح بسيط، ملياردير وليس مليونير هههههههههههه

يا ود الفكي ،
ياخي أرفع السماعة ،
أنا بتصل عليك ،
يا خي ما معقول ،
جرس طووووويل ،
ما مستعمل التقنية ،
هـوووووي ،
،،،
...


.








عزالدين عباس الفحل
ابوظبي
...

Quote: يا محمد عمر بريمة وصديق الغالى سبقوكم فى الموضوع ما شايفهم فى باب المنبر بى طيرانهم يمدحوا؟ عندهم مدحة إسمها ( رجالة وكبر بيضات) يتخللها (المجيك) أسأل حيدر....

يا شيخ مكاوي ارِخ لي أضانك عندي معاك قطيعة في حيدر الزين دا،
لا يسمعنا.
خلي بالك مرات بيكون عندو زمن بدل ضايع كتير خلاس.
والله صحي...

Quote: خلي بالك مرات بيكون عندو زمن بدل ضايع كتير خلاس.

برضو ابيت والله .. ما بعتق القفف ديل الا يفهمو ويحاولوا يستوعبوا الوضع الراهن.. أو كمان يفهمني حقيقة الكون ولغز الخليقة

Quote: برضو ابيت والله .. ما بعتق القفف ديل الا يفهمو ويحاولوا يستوعبوا الوضع الراهن.. أو كمان يفهمني حقيقة الكون ولغز الخليقة

يا شيخ مكاوي كلمتو ليه، ما قنالك قطيعة ؟؟؟.

أها، يا حيدر كلامي الجاك من مكاوي مُو في محلو.
يا أخوي ديل وآحد بيفتخر برجالتو إنو كان بيستحم
فوق الترعة ميطي جل، والتاني نخرته العنصرية
حتي جعلتة كعصاة سيدنا سليمان، وبعد دا قال
دِكطور وعندو كتاب حا يظهر قريب.
الوقت من ذهب يا قريبي. والله صحي.
يا ود الفكي تعال انقرلنا الطار دا عليك الله...

Quote: قرحطب فور برنقا · طب الفاشر الله يرفع عنك ولا بأسا عليك

الله يجزيك خير يا قرحطب، وكتّر خيرك
كتير. الحمد لله أنا بخير، وأسأل الله لي ولكم
دوام الصحة والعافية.
شكراً يا حبيب...

Quote: Yousif Idris · جامعة جوبا - كلية دراسات المجتمع والتنمية الريفية سلامات يا مدير ربنا يسبغ عليك ثوب العافية ويجعله أجر وعافية !!

آمين أخي يوسف،
وإنت إن شاء العافية تبقالك هِدِم يا سيدي
وسروال ونعلين يا قول بت ود خير ليها
الرحمة، وليك مني الشكر الجزيل...