Post: #1
Title: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مريم بنت الحسين
Date: 05-21-2014, 12:35 PM
أغنية بشرة خير نجحت في فترة وجيزة جداً في ان تنال ما يزيد على 3 ملايين ونصف مشاهدة على الYouTube منذ أن أطلقها منذ خمسة أيام ... الأغنية لطيفة، وتعادي بالفرح والأمل...
ما جذب انتباهي في الدقيقة 1:41 انه ذكر حلايب ضمن ما ذكر من جهات مصر المختلفة... واتكّبت فيني مويه بااااااارده وبلعته ريقي وجيتكم!
طبعا الأغنية من تأليف المصري أيمن بهجت قمر... لكن برضه الجسمي يتحمّل جزء من المسؤولية... بالله ألكزو وزارة الخارجية تطلع لينا بيان شجب وإدانة أو تتنحنح ساي!
برضه لو انا محتاجه أزور دكتور أنف وأذن وحنجرة قولوا لي....
|
Post: #2
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: Alshafea Ibrahim
Date: 05-21-2014, 01:08 PM
Parent: #1
يامريم
جميع دوائر حكومة ما يسمى بالسودان مشغولة شديد مؤسسة الرئاسة ، البرلمان ، الوزراء ، ناس الأمن ، الجيش ، الشرطة ، الشعبي جيش وشرطة ، المجاهدين (الكيري) حملة السلاح عند اللزوم (تصوير مشهد عسكري سينمائي) مشغولين باستقبال قوات الدعم + الردع السريع كما اسموها ، زائد حظر ومنع الصحف من تدوال ونشر أخبار فسادهم والتشهير بهم ، وكمان اعتقال السيد الامام
وأخيرا حلايب موضوعها وملفها في نظرهم (محسوم) مصرية ولو كره الآخرون ... السيسي وزياراته ووعوده لسكانها ، حصل فيهم مسئؤل زار حلايب منذ ربع قرن ويزيد؟
تحياتي
الشفيع
|
Post: #3
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مريم بنت الحسين
Date: 05-21-2014, 05:15 PM
Parent: #2
| Quote: جميع دوائر حكومة ما يسمى بالسودان مشغولة شديد |
والله يا الشفيع ذكّرتني بتاعت التلفون لما تقول ليك كل الدوائر مشغولة حالياً... لكن اعتقد انه المشكلة هنا اكبر، ده زي كأنه اعتراف دولة تالتة بمصرية حلايب!...
|
Post: #4
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: محمد البشرى الخضر
Date: 05-21-2014, 05:48 PM
Parent: #3
| Quote: برضه لو انا محتاجه أزور دكتور أنف وأذن وحنجرة قولوا لي |
بعد الشر يا بت الحسين.. ياها حلايب و البنات شكلهن منها
لكن اللوم ما على الجسمي ولا الشاعر طالما اسياد الحق راضين وساكتين وعاملين رايحين
|
Post: #5
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: Mirghani Taitawi
Date: 05-21-2014, 05:59 PM
Parent: #4
| Quote: طبعا الأغنية من تأليف المصري أيمن بهجت قمر |
التأليف واللحن والإخراج مصري والصوت للجمسي.
حسع لو سألوه حلايب وين ما يعرف.
العيب ما فيهو ولا فى المصريين العيب فى مسئولينا
واعلامنا السلبي.
|
Post: #6
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: Mannan
Date: 05-22-2014, 05:48 AM
Parent: #5
سلام يا مريم
شكرا على انزال شريط الإماراتى حسين الجسمى الذى حشر نفسه فى قضية حلايب...
هل يقبل لو تغنى السودانيون بتبعية جزر ابو موسى لإيران؟؟؟
أحسن ليهو يشطب اسم حلايب من اغنيتو دى بسرعة قبل ما تبقى مشكلة سودانية اماراتية... سنحتج إذا لم يفعل ذلك....
|
Post: #7
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مريم بنت الحسين
Date: 05-22-2014, 07:53 AM
Parent: #6
Quote: شعب فارغ وما عندو موضوع - بتكلموا كانهم دولة عظمي والمفروض العالم كله ياخد حذرهم منهم - انتوا شعب جعان جاهل مقطع فاسد لاجئ - عليكم الله خليكم في قفة الملاح وانسونا من قصة حلايب وعقدة المصريين القديتوا بيها راسنا
|
وده من شنو ان شاء الله!!
|
Post: #10
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مريم بنت الحسين
Date: 05-22-2014, 07:59 AM
Parent: #6
| Quote: هل يقبل لو تغنى السودانيون بتبعية جزر ابو موسى لإيران؟؟؟ |
فعلا والله يا ستاذ منان... ما برضو وبعملوا قصة من وراها... مرّه قريت خبر عن امارتية جات جدّة، لكن علم الإمارات في فندق من فنادق جدّة، مركّب بالقلبة، عملت شمطه وجوطه شديده لانه الفندق ما استجاب لكلامها سريع، بعدها صلّحوا ليها العلم، لكن بعد ما انتشر الخبر في كل الجرايد
|
Post: #9
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مريم بنت الحسين
Date: 05-22-2014, 07:57 AM
Parent: #5
| Quote: العيب ما فيهو ولا فى المصريين العيب فى مسئولينا واعلامنا السلبي. |
الإعلام فعلا سلبي... المسؤولين مافيهم رجاء... لكن مفروض نحتج... الكلمة عادي ممكن تبقى "حبايب" كده حليناها ليهم، بس منو يوصل صوتنا... 
|
Post: #8
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مريم بنت الحسين
Date: 05-22-2014, 07:56 AM
Parent: #4
| Quote: لكن اللوم ما على الجسمي ولا الشاعر طالما اسياد الحق راضين وساكتين وعاملين رايحين |
غايته نلوم الجسمي لحدي ما نقدر نلوم المصريين...
|
Post: #11
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: مصطفى توفيق
Date: 05-22-2014, 10:01 AM
Parent: #8
مفروض اللوم يجى على الشاعر الكتب الاغنية وهو مصرى اما حسين الجسمى فهو مجرد فنان ادى الاغنية
|
Post: #12
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: يحي قباني
Date: 05-22-2014, 10:06 AM
Parent: #11
بالله أنتي بتسمعي حسين الجسمي ؟
|
Post: #13
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: Osama Mohammed
Date: 05-22-2014, 10:23 AM
Parent: #12
ازييك يا مريم
لاحظت السنة الفاتت ولطبيعة عملي بالمدارس الثانوية في مقرر الجغرافيا ( للمدارس الانجليزية في انجلترا ) كانت توجد طبعتين لي خريطة السودان واحد بي ( مثلث حلايب بدون تبعية لاحدي الدولتين ) والاخر عديل تابع لمصر وجاريين شخيت الحدود فوق حلايب بي كم ملميتر..
بي صراحة عملته شوية جوطة لكن ما جابت حقها .
الانجليز حقانيين جدا ( وبتاعين فتن ومشاكل رغم حقانيتهم ) لكن يبدو ان موضوع حلايب اتحسم لي مصر ما دام الانجليز بقو يجيبو الخريطة بتاعت مصر بي حلايب ومعاها حبة زيادة كمان . ( وهم اعلم من مصر والسودان بتبعية حلايب ) .
فقدت الامل في حلايب واسي بديت افقد الامل في السودان للاسف.
نظرتي في الخلايجة ديل انهم بي وشين ( السوداني طيب وامين ونزيه ) لكن اول ما يتلمى خليجي مع ود بلده او مصري اول حاجة بتفقو عليها ( تحقير وتقليل شان السودانيين) ف حسين الجسمي ده ( لا يعدو الا ان يكون تور الله في برسيمو ) فما تزعلي نفسك
مودتي
|
Post: #14
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: dardiri satti
Date: 05-22-2014, 12:02 PM
Parent: #13
Quote: هل يقبل لو تغنى السودانيون بتبعية جزر ابو موسى لإيران؟؟؟
|
لو كان بلدنا بيحكموها رجال كان قالوا للعالم:
إذا كان حلايب مصرية ،
فنحن حنقول الجزر إيرانية ،
وإذا كان حلايب مصرية ،
فكمان (أورشليم) إسرائيلية!!
لا عاوزين رايكم واضح
معانا إنتو والا مع المصرييييييييييييييييييييييييييييييييين
عشان أنحن كمان نحدد نكون مع مين .
تسلم حبيبي
تحياتي
|
Post: #16
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: يحي قباني
Date: 05-22-2014, 12:09 PM
Parent: #14
بعدين يا مريم الراجل قال ( حلايب اهل و قرايب ) ...
يعني ختاها ( خاتف لونين ) ...
|
Post: #15
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: عبدالله عثمان
Date: 05-22-2014, 12:09 PM
Parent: #13
مريومة سلامة "خشمك" والأذن والحنجرة
زي مشتاقين
|
Post: #17
Title: Re: حسين الجسمي الإماراتي.. يُشجّع المصريين على التصويت.. ويعطيهم حلايب!
Author: محمد علي البصير
Date: 05-22-2014, 12:59 PM
Parent: #15
أتحداكم لو يكون هذا الجسمي سمع بحاجة إسمها حلاييب من أصلو
ناهيك إنو يسمع بإحتلال مصر للمثل الحدودي المتنازع عليه بين البلدين
والله يا جماعة مرات كدة بندي الناس أكبر من حجمها
|
|