Post: #1
Title: هههههه ذكاء فاسد
Author: عبدالحفيظ ابوسن
Date: 05-21-2014, 11:39 AM
Parent: #0
تور إيجار
في زيارة مسؤول كبير لكوستي لافتتاح شارع كبير ..
جابوا تور ليهو فقرة وقفوه ..
جاء المسؤول والناس اشتغلت تكبير وتهليل وتحليل ...
(اوردلوب) رموا التور ...
وجخخخخخخ ضبحوه قدامو ..
اتخارج المسؤول بي جاي ..
والمساكين سواقين الاليات والعربات والناس الملمومة كل زول شال كيسو وماشين على التور ..
جو الجماعة اربعة منو و (يب) رفعوا التور في بوكس قبل ما روحو تطلع ...
التور طلع ايجار من جزار !!! ..
ادوه الفيها النصيب وشالوا تورو الداير يضبحو ضبحوه ليهو قدام المسؤول وجابوه ليهو راجع ...
ونزل في ميزانية الزيارة بتلاتة اضعاف سعره !!!
ابليس وهو بيشاهد في المشهد ده .... بلع السفة
منقول
|
Post: #2
Title: Re: هههههه ذكاء فاسد
Author: قصي محمد عبدالله
Date: 05-21-2014, 01:12 PM
Parent: #1
Quote: ادوه الفيها النصيب وشالوا تورو الداير يضبحو ضبحوه ليهو قدام المسؤول وجابوه ليهو راجع ...
|
ههههههههههه
يعني بالعربي البيئي الحديث عملية تدوير!
تحياتي أبوسن،
ليست أول مشهد من هذا النوع،
زماااااااااااااااااااااااان شاهدت تمثيلية ساخرة تحمل نفس الفكرة والهدف،
وهو - بحسب فهمي لمقالك - التأكيد على جهل الحكام بما يدور من حولهم .
التمثيلية كالآتي:
يخرج السلطان في رحلة صيد طيور، وبالطبع تتبعه الحاشية والمقربين،
أها الجماعة يجيبوا ليك الحاكم وسط كم شجرة كدة، وواحد تاني قام ركب ليهو السهم في النشاب وسلمو ليهو،
صاحبنا السلطان شاف طيرة ماشة بفوق، وعلى طول فك فيها السهم،
واحد من الحاشية واقف مباشرة خلف الحاكم -يقابلو في قصتك أخونا الذبح التور - وعشان يتفكو من غضب السلطان أو يتعكر مزاجو إن فشل في الرمي - كان مجهز الدعم السريع بتاعو:
جايب طيرة ومركب فيها سهم لمن طالع بالجهة الأخرى من البطن.
المهم:
السلطان رمى السهم الطاشي بيجاي، وفي أثناء التجوال ببصره في السماء لرؤية مصير رميته ، صاحبنا بتاع الدعم السريع جدع الطيرة المغزوز فيها السهم مباشرة أمام السلطان!
طبعا المسكين الأهبل فرح فرحا شديدا بهذه الرمية الصائبة،
وطبعا فرحة الحاكم لازم يتبعها فرحة من حوله، ولو مجاملة،
هكذا لاحظناهم! !!!!!!!!!!!!!!!!!!
هههههههههه
تحياتي وتقديري
|
Post: #3
Title: Re: هههههه ذكاء فاسد
Author: عبدالحفيظ ابوسن
Date: 05-21-2014, 02:23 PM
Parent: #2
مرحبا قصي
هههههههه
نفس الفكرة
لكن
هنا وراها فايدة
ههه
|
Post: #4
Title: Re: هههههه ذكاء فاسد
Author: عبدالحفيظ ابوسن
Date: 05-23-2014, 07:51 PM
Parent: #3
يعني ناس كوستي مبدعين حتي في الفساد
|
Post: #5
Title: Re: هههههه ذكاء فاسد
Author: علي دفع الله
Date: 05-23-2014, 08:17 PM
Parent: #4
هههههههههه
قلت لي ابليس بلع السفة هههه
سمعت تحت تحت قال ليك ابليس برسل بناتو واولادو ياخدو كورسات من الكيزان
هيييييييع عافي منهم اساتذة ابليس
ابسن ازيك وهم يضحك وهم يبكي
مودتي يا صاحب
|
|