مــــــا يحدث في السودان الآن هو عدم مسئولية من الحكومة والمعارضة والشعب

اراني قد فهمت فقط الآن ما كان يقوله ابي ولمدة طويلة .
بعد تدني مستوى الخدمة المدنية في السودان وايقافه عن العمل ( ظل الوالد ولمدة طويلة يردد مقولتين لآي شخص واحقاقا للحق ظننت ان - الجلك - قد - فط سطر - ( رحمه الله كان دائم الضحك ونكتنجي درجة اولى)). لكنه ظل يردد تلك المقولتين
الاولى : السودان حا يتقفل زي دكان بشير ) ودكان بشير اشتهر في حلتنا في التسعينات وكان يديره شاب يدعى بشير ولكن الدكان (فجأتن) تحول من مكانه للمكان المقابل وفجاة بعد فترة اختفى الدكان ( الاسباب ممكن تكون كتيرة طبعا : ديون الزبائن - العين - الجقور والفئران واخر الاسباب انهيار ارضي قريب من الدكان ) المهم السبب غير معروف .
المهم الموضوع فيهو مسئولية والناس عملت نايمة والدكان اتقفل .
السودان عاوز زول مسئول
مسئول عن الشعب الما عارف كوعو من بوعو .
مسئول من تنظيم الحياة بشكل يجعل البلد محترمة وهذا الاحترام ليس من جانب دول بل يخترمها الشعب وكل من ينتمي لها .
مسئول عن اعادة الوعي للشعب المسكين ده ( شعب هاجر طلابه من عشرينات القرن الماضي للعمل على اللحاق بركب الدول المتقدمة انذاك ) .
ياخ انتو عندكم بلد حدادي مدادي لكن بتحسروا فيها كل يوم وفي يوم من الايام حا تصحوا الصباح تلقوها ( قفلت زي دكان بشير ).

Quote: قصاصة لمريم ورباح والأصدقاء بحزب الأمة والي اللقاء ـــــــــــــــــــــــــــــــــــــــــــــــــــــــــــــــــــــــــ تغيرت الصحف السياسية ما بين ليله وضحاها تركت الصحف الحاجات الكانت بتنضم فيها وتحولت برؤساء تحريرها وصحفييها ومانشيستاتها زاحفين ببطونهم قبل أرجلهم للمعتقل الأوحد في جمهورية (السودان الديمقراطية) . السيد الإمام الصادق المهدي حفظه الله ورعاه . ومن سوء حظ صاحبي محمد صلاح وصحابه الغر الميامين أن لا بواكي لهم سوي بعض أقلام تكتب علي إستحياء حالما قرر ناس حميدتي إطلاق سراحهم لأيام معدودات قبل أن يعيدوا إلتقاطهم من شوارع الخرطوم وإزقتها بل قل قبل أن يتم إختطافهم من ذات الشوارع والأزقة . موغلةٌ هي الخرطوم للدرجة التي لا تعرف يازول ما يحيط بها من قوات وأحلام وآمال وناس متربصين بيها ساي كدة . حتي إنك لا تعرف لمن تهدي تضامنك هذي الليلة أ للمهدي أم للخرطوم أم للسودان بقضه وقضيضه . معترك هذا الوطن معترك . قرأت صباح اليوم عن زغرودة مريم التي أطلقتها كأجمل نحاس تدقه في آذان معتقلي والدها قرأت . قرأت عن دموع رباح كأجمل رسالة حب تهديه لوالدٍ في غياهب السجن قرأت . بلغ مني الوطن ساعتها مبلغاً تمنيت لحظتئذٍ لو ذابت الكرة الأرضية كشمعة وأهدت رباح (لو لحظةٌ من وسن تغسل عني حزني) لكنها الكرة الأرضية يا رباح لن تصبح شمعة في يوم ما . الذي من المفيد قوله لرباح ومريم أميرات حزب الأمة .... أما كفي يا ناس ؟ هذا السودان فقد سوائل عديل جراء التجاريب وإنه لم يتبق سيناريو واحد ما دخلناه . ومن حسن حظنا إننا قوم نبجل الكبارات ونحفظ المقامات ونحاول ما استطاعتنا انو نحافظ علي ما تبقي من عشم . الذي أود قوله أميراتنا مريم ورباح (قد كفانا ياناس) ومتي ما خرج إمامنا كلموه ووروه إنو المسألة السودانية دي خلاص كمبلت والمسائل إنفرزت وعشم الناس لم يبق منه سوي شعرة لو إنقطعت إنقطع كله دابراً عن دابر وكابراً عن كابر . غير أن الصحف لم تنقل ولن تنقل علي الاطلاق حتي ولو كمجرد حمديل سلامة عن اجراء الاستاذة زينب بدر الدين عملية جراحية زينب والدة المعتقل محمد صلاح والقومة ليكي يا زينب وأجر وعافية يا زميلة .

من صفحة خضر بالفيسبوك

الزميل الهادي ابوبكر يرمي بسؤال كالجمر المسروق ويتوقع ان يتم تكوين الجيش الحر.


هـــــــــــــــــــل:

http://www.sudaneseonline.com/board/470/msg/1400668828.html

السؤال الاهم هو
ما هو موقف الجبهة الثورية الآن ؟؟؟