من غير لف ولا دوران،،، حقروا بي السيد الصادق....

الكلام ده ما عجبني...
لاني سياسي ولا بعرف سياسة...
بس موقفي المبداي الصادق موهو الشيطان
بل اظنو اطيب من كل السياسيين
عشان كده ،،،حقروبو
وروني لو كت غلطان
اطلقوا صراح الصادق المهدي...

خلووهم كلهم ولمو فيهو
خليتوهم كلهم لميتو في
لا سرق لا كتل
معقول هو السو في الخواذيق دي
اقنعوني انو دي مسرحية
انا زول من عامة الشعب
ما بعرف سياسة ولا لفليفه
بس والله لا بقبل الشايفو ده في حقو..

مَنْ يَهُنْ يَسْهُلِ الهَوَانُ عَلَيهِ ما لجُرْحٍ بمَيّتٍ إيلامُ،


ثُمّ وبعد
كيف حالك والأسرة
الكريمة يا قريبي ؟؟؟...

الشياطين كتير بس شقى الحال يقع فى القيد .ياأخونا عبد العزيز

سويتي شنو يا نعمات ؟؟؟.
الكترااااااااااااااااااااااابة ....

داير من يقنعني بانو اهانة الراجل الكبير ده...
رغم عدم المامي بتفاصيل السياسة ...
انو دي تمثيلية لترفيعه لبطل قومي
ياناس الله شافوه بي العين وله عرفوه بالعقل...
والله الراجل ده لانو طيبان الجماعة الشواطين ديل
حاقرين بيهو
اقنعيني يانعمات انو دي بروفات مسرحية
وغتتات ،،،اقنعيني...
لا القاها منكم
لا منهن
ولا من جنياتو...
بس انا عافي منو
ومن بنياتو...
بناااات اعجبن...

مرحب ود المدير

ما سويت اى حاجة

كدى اسأل سيد الحوش الحصل شنو ؟

ياخي الديمقراطية دي سمحة خلاس
ماعونة ماهل ...وملاحها بعشي
السيد الصادق كان جائي ندوة في نادي اساتذة ج الخرطوم
اول العهد الديمقراطي
شابة زميلتنا ،،هسع بتكتب اظنها في المنبر ده..
وهو داخل ،،،سمعتو كلام ذي السم...
سمع وتبسم وقال ليها نحن جينا هنا عشان نسمع جنس كلامك ده...
ولا امن ولا مدافره..
البنت تاني اخدت فرصة وقالت انتقاداتها...
ونحن مرقنا من البلد من يومنا داك ترانا...
فهل ؟
تنكر في عهده للديمقراطية
هل خان استحقاقاتها
هل تنكر لسيادة وحرمة القانون...
من حفر للتجربه وله؟
هل يصدق راشد انه كان يحفر ليدفن لنفسه...
لم اري احد سعي الجبهجية لتصغيره واغتيال شخصه مثله
والله لاني انصاري ولا امة ولا سياسي حتي
بس الحق حق
موجعني اهانتو واعتقالو
مثلما ووجعني اذلال واعتقال وتعذيب كل شريف
اطلقو سراحه
نعم للديمقراطية وسيادة حكم القانون
حاكمو الفسساد والفاسدن

يا عبد العزيز لو كان ده الترابى كان قلت مية فى المية تمثيل

الامام دة ما هين لكن ما بتاع مسرح

اما بناته ما شاء الله عليهن أحسن من اخوانن .

تصدق قاعدة أدعى انو ما يجيه الاجل فى السجن

وهو كبير فى السن .. و يتكرر الحزن على الشيخ

محمود محمد طه .

اطلقوا سراح الشيخ الصادق !!

غايتو يا نعمات يا بنت عمي...
جزيرتنا انسرقت وانهدت وقيدت الجريمة ضد مجهول...
الصحة مرضت وماتت ،وقيد القاتل ضد مجهول...
الديمقراطية لحقت امات طه
القانون وسيادته عيييك
الفساد والحرمنة
سؤالي ،،هل لسيد صادق ايما يد في كل هذ ؟
هل سرق ؟
قتل ؟
ارهب ؟
سمح مالكم علي الراجل...
شوفو فيلكم ...

ال نقول لك يا زول يا طيبان
زولك قاعد في السودان وبتصرف كاننا في السويد
16 سنه معافره مع نميري لحد ما جاءت الانتفاضه - ملاوه مع الجيش وناس فضل الله وتاج الدين سنتين سنتين في الانتقاليه
ويجي يوم قلبها نسيبو يدسه !!!!!!!!!
مالك ما شايف مرسي يلاوي ويقاوي وهو علي باطل
هبة سبتمبر 200 ماتو ما قال ال نطلع ---- طرد الشباب من الجامع ---شباب ود نوباوي المغصه كاتلاهو
وحات الله عندي خطابات من شباب ودنوباوي يعاتبو الصادق لو قريتو الزعل يشقك
حقرو بي
عبدالرحمن شكيناهو لي الله
نسيبو شكيناهو لي الله ولي الشيطان سيدو

اطلقو سراح كل معتقل شريف
من لدن محمد صلاح الي المهدي
ويا ود المدير ياقريبي
انا وانت ،،وطيبون كثر
نظل نحلم بوطن طيب ديمقراطي
بان تعود الارض الطيبة طيبة من جديد,,

المحترمة اخلاص...
هسع الزول ده قال كلام ناخدو بي وشو الواضح...
قال لا لسلاح خارج القانون
ولقوات غير الرسمية
وان يخضع ده وهذه للنظم والقوانين
في حراميه دايرين يهدو المعبد
وكتالين كتله لابدين
دايرين انفشوا في الزول
نقول للراجل القال كلمة الحق علي كيفك دبر حالك
ولا نقول ليهو الشعب الطيب معاك في المكره ده...
للافارقة مثل يقول...
اطرد اولا الذئب الذي يريد اكل الدجاجة،،ثم بعدها تعال لتنصح الجدادة ،،تكون حريصة ومفتحه...-مسودن-

اها يا زول يا طيب الزول ده مشكلتو قلناها لك وكلامك كلو صاح بس ده السودان
ناس التحالف قالو له الحوار مع الحكومه ضياع وقت قال لا = اسع يقولو له ما زمان قلنا =
شباب سبتمبر قنطرها وقال له يا سيدنا دفره قال ابيت = اسع يقولو ابينا = غايتو جنس غايتو

عبدالعزيز عبدالرحمن

السهل الممتنع ....... والمتمنع .........
شوق كثير رغم الجفا ...............
الصادق المهدى إنسان عظيم ومثالي ..... ولكن أظن أن قليل من البراغماتية ضرورة حياتية ...... هذا فقط ما نأخذه علي السيد الصادق

وكلمنا عن أبوعشر الغربية شوية

سامي عطاالمنان،،ياقريبي ويابن ام...
قلت انك انت هو،،ولم اتبين الا الان...
اولا ،،احييك وارحب بك،تحية تليق بشخصك المهذب المحترم..
ولاشك ،في انك بوعيك وثقافتك ومبدئيتك تمثل اضافة للمنبر..
اب عشر خلها هسع فقد غدت اب عشر المحتلة ،وليست الغربية..
ولا شك سنلتقي في سياحات كثيرة ان عشنا وسط هذي الهببايات...
شكرا لتشريفنا بالعبور
بجيك ف ماسينجر..

ادفع مااملك لمن يفهمني ،،الحاصل شنو؟
يعني الخائن طلع سيد الصادق...
والبطل حمدتو...
والابرياء خلصوهن..
ناس الاقطان
مكتب الوالي
داغميس شركات السكر
الهبر
الخبتات
دي كلو كلام جرايد
وقد قبضو علي الخائن
خير
نقوم علي زراعتنا
فلقد غيمت لنا نحن البخات..