Post: #1
Title: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-19-2014, 02:26 PM
Parent: #0
يا بكرى ابوبكر ياخى كفاية علينا الكيزان والامنجية
كمان لميت لينا معاهم سلفيين !!!!
Quote: عابد الهوى..وتابع الشيعة والشيوعيين.. تابع سيدو"أزرق طيبة"..المدعو/عمر
دفع الله.
يا أمّي يا جاهل..ديمقراطيتكم اللي بيتخلّي "هاري" يتعرى في فندقو...وتجيب ال"صن" صورو للعالم؟!! |
Quote: قبل أن يحاول "عمر دفع الله" أن "يتراجل"
ويتحدى لرسم شيخته ورئيسته-ولو كره-ملكة هولندا-فالرجل هولندي الجنسية- سوداني الجنسية كذلك
والمولد.. أقول:
قبل أن يحاول إظهار شئٍ من شجاعةٍ عمر دفع الله- منها خالٍ وعريّ..فإنني أنبهه بأن أحد الإخوة
أصرّ عليّ بأنه من نفسه- سيقوم بإرسال كاريكاتير"الفتّان"--إن قدِر عمر دفع الله- على رسمه-!!
إلى السادة/ في وزارة الخارجية الهولندية !!
ثم هذا هو التحدّي الذي كتبته له في مقامٍ سابق جاء فيه يطعن ويهمز ويلمز-كعادته التي وجدها حلوة:
قلت للفتّان- :
Quote: عابد الهوى..وتابع الشيعة والشيوعيين.. تابع سيدو"أزرق طيبة"..المدعو/عمر دفع الله.
يا أمّي يا جاهل..ديمقراطيتكم اللي بيتخلّي "هاري" يتعرى في فندقو...وتجيب ال"صن" صورو للعالم؟!!
الديقراطية يا مسكين مش معناتا تنظيم انتخابات بس..هي منهجية شاملة تعني التحرر
من كل شرع ومن كل قيمة ومن كل خلق..بس المهم عندهم اللي بيختارو المواطن،حتى ولو كان اللواط أو السحاق.
ثم يا أعمى البصيرة ..ربما ألأمية العقدية والثقافية التي نشأتَ عليها تمنعك من الفهم السليم...
القضية ليست قضية انتقاد من أجل الإنتقاد..لو كنت أنا في أوربا وكانت أورباتحكم بشرع الله
لَما انتقدتُ رئيسي بريشة سا خ رة-كما يفعل السفهاء الذين لا دين لهم يحجزهم ولا ضوابط تضبطهم-ولماوقعت على
رئيسي شتما بلساني في مكان عام أو في وسيلة إعلامية..
دعني مما سميته "حيلة" الضوابط..هل حديث الرسول "حيلة"يا مفتري؟ :من رأى منكم منكرا"...كما قلت لك أنت تحتاج لإسعاف سريع للعلاج من جميع انواع الأميةوالضلال.....أنت-كعلماني مثلا -لن تستطيع أن تتمادى في ماسميته:"أن تنتقد أيّ شخص"!!!!!!!! فتشتم ملكتك التي تسلّم عليها بإحناء ظهرك-كما تفعل لشيخك"أزرق طيبة"أعني ملكتك الهولندية "بياتريكس" .. ولن تستطيع ان ترسمها في هولندا محتق راً إياها بإسم حريتكم الفارغة والمقدودة هذه |
|
Post: #2
Title: Re: علمت الغصون مع النسيم كيف تميل .................................................كاريكاتير
Author: محمد الطيب محمد
Date: 05-19-2014, 02:56 PM
Parent: #1
استمتعت
بكلمات ابوصلاح
والفنان ابو داوود
لهم الرحمة جميعا
بقي الكلام لا اري فيه فائدة تذكر
تحياتى
يا شاب يا محترم
|
Post: #3
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-19-2014, 03:47 PM
Parent: #2
|
Post: #4
Title: Re: علمت الغصون مع النسيم كيف تميل .................................................كاريكاتير
Author: محمد جلال عبدالله
Date: 05-19-2014, 06:52 PM
Parent: #3
| Quote: كمان لميت لينا معاهم سلفيين |
اللهم اجعله خير يا رب ... 
أها خلاص بدينا
خلاص الكديسة قامت عليك ..
قلنا الربع ده يكون في هدنة ويعدي على خير
لكن شكلك ما جايبها لي برة
على العموم نحنا جاهزين للرد موية ونور 
الغريبة قبل يومين داير أسألك أقول ليك طولت ما نزلت حاجة في السلفيين
|
Post: #5
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-19-2014, 08:11 PM
Parent: #4
| Quote: قلنا الربع ده يكون في هدنة ويعدي على خير |
يا محمد جلال يا حقانى ...
كلامك كان اولى بيك تقول لصاحبك عماد
يعنى ما شايفو نازل فينا شتائم عشان هبشنا الكوز كمال عمر ؟؟
ممكن تقول ايه دخلو في صراعى مع الكيزان ؟
وللا اصبح الكيزان عندكم كمان خط احمر !
وغير كدا
هل حصل شفتنى إتحرشت بى بوستاته !
عموما ولا تجهزوا ولا تغزوا
ولو كترتوها
مبروك عليكم المنبر
هو اصلا كدا
كدا إتخرب ...... وعوسوا عواستكم
قشة ما تعتر ليكم .... الحق ما عليكم
الحق على صاحب الموقع .........................
|
Post: #6
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-19-2014, 08:14 PM
Parent: #5
سلام وقيام يا محمد الطيب
ويا خى المعذرة
مرات الزعل بيخلى الواحد شفو طشاش ....
|
Post: #7
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-20-2014, 09:21 AM
Parent: #6
Quote: ثم يا أعمى البصيرة ..ربما ألأمية العقدية والثقافية التي نشأتَ عليها تمنعك من الفهم السليم...
القضية ليست قضية انتقاد من أجل الإنتقاد..لو كنت أنا في أوربا وكانت أورباتحكم بشرع الله
لَما انتقدتُ رئيسي بريشة سا خ رة-كما يفعل السفهاء الذين لا دين لهم يحجزهم ولا ضوابط تضبطهم-ولماوقعت على
رئيسي شتما بلساني في مكان عام أو في وسيلة إعلامية. |
فعلا الفهم قسمة ...
حق علينا القول :
السيف عند ( ج ب ا ن ن ا ) والمال عند بخليلنا والقلم بيد الجهلاء
عندما يعتلى المنبر الغوغاء والدهماء
ويصبح ساحة للمهرجين والمهرجلين
فما الفرق بينه وبين صحف الخرطوم يا بكرى ؟؟؟؟؟
واين دوره في نشر الوعى والحقيقة والدفاع عن قضايا الوطن المختطف ؟؟؟؟؟؟
|
Post: #8
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-20-2014, 09:57 AM
خلي العيش حرام
صالح عبد السيد ابو صلاح
خلي العيش حرام مادام أرى الموت يحل
مابين الرميش فوق للطريف الكحيل
****
هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
****
ولا لان إشتياقي وقلبي أصبح وجيل
واتمنت محاسنك روحي يلمع ده جيل
ولا من جمال يرفع لي قدرك يجل
يتمنى الهلال ينصاع لي قدميك حجل
****
ومن فوق لي الحسود لو كان غضب او قبل
ما بنخاف رصاص من غيرو تشفي السدل
بالحب كم غدير فينا وجريح منسبل
لاقينا الهلاك بي جرعة من سلسبيل
****
بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
****
يالمنك معار تكحل شويدن الخميل
علمت الغصون مع النسيم كيف تميل
مختارك يحاكي الشولة ودمعو الهميل
التختارو لينا لاشك جميل ياجميل
الزمن الجميل سيعود حتما
وكل دور اذا ما تم ينقلب ........................... آه يا ابوصلاح ........
|
Post: #9
Title: Re: علمت الغصون مع النسيم كيف تميل .................................................كاريكاتير
Author: مني عمسيب
Date: 05-20-2014, 11:53 AM
Parent: #8
الحبيب ود دفع الله .. والاسرة السمحة ( كنداكاتك ).
تحياتي وشوقي وحبي لكم .
| Quote: الزمن الجميل سيعود حتما |
وسوف يذهب اهل الكهف الي كهوفهم .. طيب يا عمر دفع الله وقت انت واثق من كدا البخليك تهتم
بالمدعو الوهابي الارهابي التكفير عماد الرجعي شنو ؟ عليك الله عماد دا هو مفروض يذكر اسمه في بوستاتك
البتعج بالابداع والروعة دي ؟ والله انا مشتغربة يا ود دفع الله المدي ليك زول داخل كهف كل الاهتمام دا ههههه
ياخي عماد دا زول ما بستحق الاجتهاد دا كلو ولو تابعناهو حا نسعدو ههههههههه . يا زول ركز وخلينا نركز معاك
في ابداعاتك القضية ومشكور يا الحبيب وبالتوفيق ... ولي قدااااااااام .
|
Post: #10
Title: Re: علمت الغصون مع النسيم كيف تميل .................................................كاريكاتير
Author: الشيخ سيد أحمد
Date: 05-20-2014, 12:17 PM
Parent: #9
| Quote: واين دوره في نشر الوعى والحقيقة والدفاع عن قضايا الوطن المختطف ؟؟؟؟؟؟ |
سلام عمر
هل نشر الوعي والحقيقه مرتبط برسم خلق الله تعالى من البشر وتشبيههم "بالك ل ا ب".
تحياتي .
|
Post: #11
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-20-2014, 01:05 PM
Parent: #10
| Quote: هل نشر الوعي والحقيقه مرتبط برسم خلق الله تعالى من البشر وتشبيههم "بالك ل ا ب". |
يكون (ا ك ل ب ) احيانا كالكوز وفي احايين كثيرة افضل من اي كوز...
انت زعلان عشان الكلاب وللا عشان الكيزان ؟
وعن اي خلق الله تتحدث ؟
نعم يا اخت منى
فكلما يتعرض لى في هذا الموقع
سأتعرض اليه ولجماعته في كل المواقع واكرر في كل المواقع
وسأثبت له انه بمقدورى ان اقف وحدى ضدهم .
على المستوى الشخصى فهو لا يستحق هذا الجهد
ولكن مادام جماعتو اصبحوا يعتمدون عليه كفاتية
في لعبة تقسيم الادوار فعليهم ان يقبلوا بثمرة افعاله .
|
Post: #12
Title: Re: علمت الغصون مع النسيم كيف تميل .................................................كاريكاتير
Author: عمر دفع الله
Date: 05-20-2014, 02:52 PM
Parent: #11
معليش يا الشيخ
نسيت اسلم عليك
واعتذر عن الخشونة في مخاطبتكم
لانو في هذه اللحظات بالذات كل همى النيل من السلفيين وبأي صورة كانت
فأرجو المعذرة .........تحياتى .
|
Post: #13
Title: Re: علمت الغصون مع النسيم كيف تميل .................................................كاريكاتير
Author: Yasir Elsharif
Date: 05-20-2014, 03:15 PM
Parent: #12
سلامات يا عمر
جاء في عناوين صحف اليوم هذا العنوان:
| Quote: كرتي لــ(السوداني) : قضية الردة احدثت ضرراً بالغاً بالسودان |
مع أن القضية لم تفعل أكثر من أنها كشفت سوأة القانون السوداني في مادته 126..
Quote: الردة .
126ـ (1) يعد مرتكباً جريمة الردة كل مسلم يروج للخروج من ملة الإسلام أو يجاهر بالخروج عنها بقول صريح أو بفعل قاطع الدلالة .
(2) يستتاب من يرتكب جريمة الردة ويمهل مدة تقررها المحكمة فإذا أصرعلى ردته ولم يكن حديث عهد بالإسلام، يعاقب بالإعدام .
(3) تسقط عقوبة الردة متى عدل المرتد قبل التنفيذ .
|
مين كان يصدق دا يجي من الدباب كرتي بتاع الدفاع الشعبي؟
واحد من ظرفاء الراكوبة بتاعين "الكاركاتير بالكلمات" كتب في فبراير 2012 أيام معلقا :
Quote: ابو ريالة : علوووو علووووووو
كرتي : اي يا عبدو
ابو ريالة : اها المرة دي قالت ليك ششش ششش ششش شششششنو ؟
كرتي : سألتني من المظاهرات والناس الماتوا امس في دارفور ..
ابو ريالة : وععععع عععع عنت قلت ليها ششششش ششش نو ؟
كرتي : قلت ليها نفس المكنة بتاعة انه المنظاهرين مخربين وكتالين كُتلة وعايزين يدمروا الممتلكات العامة ..
ابو ريالة : انا عععععععارفك ذكككككي شديد انح ححححح نا ما جبببببناك سسسسسساااااي .. انت الليلا فاطر ولا صصصصصاصاصاصيم يا كرتي ؟
كرتي : انا والله يا عبدو من قبل رمضان دا يبدأ اتصلت على الشيخ محمد عبد الكريم وشرحت ليو انه انحنا في الخارجية بنتعب شديد في رمضان عشان التلفونات الكتيرة والجري الشديد وقال لي تفطر طوالي الشهر كلووووووو وما عليك قضاء .
ابو ريالة : والله يا كككككرتي فككككككرة جا جا جا جا ميلة شديد .. طيب تتتتتعالي اتغدى معاي في المكتب ..
كرتي : تمام التمام بس دقيقة اقفل المكتب علي بجوة واشرب الشاي واجيك .. بلاي يا عبدو كتر من الشطة والشية .
ابو ريالة : طططططيب انت بس تتتتتتتتت عال لينا . البشير زاته متغدي معانا عشان الحساسية قايمة عليه |
|
Post: #15
Title: Re: علمت الغصون مع النسيم كيف تميل .................................................كاريكاتير
Author: عادل البراري
Date: 05-20-2014, 03:33 PM
Parent: #13
يا .. عمر قاوم
فالكاريكاتير أشده ألماً من الطلقه فاكثر وجعاً من الكلمة
اها من الوكت داك ركبته ما بقت نصيحه
|
Post: #14
Title: Re: علمت الغصون مع النسيم كيف تميل .................................................كاريكاتير
Author: الشيخ سيد أحمد
Date: 05-20-2014, 03:22 PM
Parent: #12
| Quote: انت زعلان عشان الكلاب وللا عشان الكيزان ؟ |
سلام وتحايا "عمر"
أنا زعلان على حاجت كتيره...لكن خليني اديك الملخص:
1- زعلان لانو الإنسان بقى رخيص في السودان لي درجة تشبيهو با لك ل ب.
2-زعلان لأنو السودان يسير بسرعه شديده نحو الهاويه.
3-زعلان أكتر لأنو "عمر دفع الله" فنان الكاريكاتير كان يمكن أن تكون لريشته أثر كبير في
رسم الفكره بشئ من السمو يتسق وعظمة الإنسان وتكريمه من قبل الخالق عز وجل.
زعلان لأنك نسيت تسلم علي وتبادلني التحايا.
لكن عندما نزلت لقاع البوست وجدت تحاياك العطره .. لماذا دائمآ تحايانا تأتي في آخر الركب؟؟؟
فدعني أختم كما بدأت بالتحايا.
كن بخير يا عمر
|
Post: #16
Title: Re: علمت الغصون مع النسيم كيف تميل .................................................كاريكاتير
Author: ابراهيم الفاضل
Date: 05-20-2014, 11:20 PM
Parent: #14
الجميل والانيق دوما الاستاذ عمر دفع الله
اعذرني لم اجد ما اشارك به هنا الا تغريدة ميسون السويدان
ودي لك ،،،
|
|