اليوم الاحد 5/18 مؤتمر صحفي لأسرة الفتاة المتهمة بالردة بقاعة مركز الزبير محمد صالح للمؤتمرات

اليوم الاحد 18/5/2014 وبعد صلاة المغرب مباشرة -بإذن الله- وبقاعة مركز الزبير محمد صالح للمؤتمرات، يقيم المركز السوداني للدعوة والدراسات المقارنة المؤتمر الصحفي الذي تحضره كل وكالات الانباء والصحف للاستماع لأسرة الفتاة المتهمة بالردة/ أبرار الهادي والمنتحلة شخصية مريم، وسوف يتحدث في المؤتمر والدتها زينب وخالها وعمها وإخوانها لتبيان كافة الحقائق المتعلقة بالموضوع

المصدر: صفحة رئيس المركز بالفيس بوك

الرابط لم استطع جلبه لأني شغال بالتلفون .. لكن صفحة د. عمار صالح

حضور ان شاء الله

المسلمي بالله عليك بالتوثيق بالصور والفيديو لو امكن
نشوف ياتو جنازة تاني حينوحوا عليها

ضروري الفديوهات يا ناس السودان

الان من داخل مركز الزبير
وكل وسائل الاعلام موجودة في انتظار بداية المؤتمر الصحفي

الان من داخل مركز الزبير
وكل وسائل الاعلام موجودة في انتظار بداية المؤتمر الصحفي

صور من داخل المؤتمر الصحفي






نتابع

في انتظار المزيد

في هذه اللحظة يتكلم المحامي

محامي الاسرة علي ما اظن






دكتور سعد احمد سعيد عضو هيئة علماء السودان

تمام متابعين

حضرت أسرتها ومعهم والدتها الحاجة زينب عبدالله وهي في حالة أدعو لها بالثبات

-------
تم منع الصحفيين من تصويرها حتي لاتنشر في الصحف
ولكن لامانع من اللقاء التلفزيوني حسب كلام زوجها

هو اسمه مؤتمر صحفي ويتم منع الصحفيين منه؟
دا كيف يعني؟ فهمونا دي يا اخوانا.

ناس الهوس الديني ولعنة الله تغشاهم اينما حلوا
مؤتمر صحفي في مركز الانقلابي الزبير محمد صالح يعني الاسرة دي عندها علاقة بالعصابة يا ربي

بعدين سعد احمد سعد وجه مظلم من هيئة جهلاء السودان
بعدين الوهابية يفرحوا بقتل انسان مخير الله

Quote: ناس الهوس الديني ولعنة الله تغشاهم اينما حلوا مؤتمر صحفي في مركز الانقلابي الزبير محمد صالح يعني الاسرة دي عندها علاقة بالعصابة يا ربي بعدين سعد احمد سعد وجه مظلم من هيئة جهلاء السودان بعدين الوهابية يفرحوا بقتل انسان مخير الله

عليك الله يا صبري في مهووس في البورت دة اكتر منك
ماشي ضاحك ياشيويعي علي الجمهوريين وعامل جمهوري بدون خجلة
ومهووس بكل ما يعادي الدين وفرحان بكل جنازة مزيفة
ياخي خاف ربك واعمل حساب الموت
انت اسة ما زعلان الا لانو اخبار زي دي
بتكسر الدش في ايد امثالك من مرتزقة النهب المسلح الفكري
لانها بضيع عليكم المتاجرة الانتوا حريفين في فتح المولات ليها
اهة ابقو شجعان وخليكم بنفس الشفافية
اسة في اسرة سودانية ام واب واخوان خطفت بنتهم او غيبت من الوعي ونكرتم حطب
سيبو المتاجرة
و ورونا عدالة مواقفكم يا دجالين
وسيبونا من زبير وبتيخ فاضي معاكم

ويكون في علمك يا صبري
شبه درء الحكم في البت دي كتير جدا
والقصة اكبر من احكام ردة وسياسة غزرة
انتوا ومن يحموكم يا هي شغلتكم

لا سدد الله خطاكم وجعل الخزلان سبيلكم

والله إنتو تخلو الناس غصما عنهم يكرهوكم...

Quote: وسوف يتحدث في المؤتمر والدتها زينب وخالها وعمها وإخوانها

أين هؤلاء ?!!!

Quote: والله إنتو تخلو الناس غصما عنهم يكرهوكم... Quote: وسوف يتحدث في المؤتمر والدتها زينب وخالها وعمها وإخوانها أين هؤلاء ?!!!

يا ادروب شغل البلطجة الداير تتعلمو فينا دة اخير ليك تختاهو

وتاني منو انتو ديل ؟
ومالك ومال الناس انت وصي عليهم
وتاني حاجة يا زول انت ما قعد تديني ماهية
وما بتحدد انا اجيب شنو ومنو ومتين فهمت

سؤال واحد: كيف تم اثبات انهم اسرتها؟ ماهي بينتهم ؟

نتابع

دي بعض صور اخوانها في المؤتمر






يا ود الجلال خالتو تراجي وين
خليها تشوف لينا صرفة مع الناس الشفقانة دي

ماهي علاقة المركزالاسلامي للدراسات المقارنة باسرة المتهمة مريم

صديق فضل -هولندا
وصاحب البوست كاتب مؤتمر صحفي لاسرة المتهمة.
وطلع لا في صحفيين ولاالمؤتمر قامت به اسرة المتهمة.
يعني كلو كذب وتلفيق من صاحب البوست.
صديق فضل

ولا زلنا منتظرين ويا ريت صوت وصورة عشان نفهم الحاصل

Quote: يا ادروب شغل البلطجة الداير تتعلمو فينا دة اخير ليك تختاهو

المدعو الخالدي إحترم نفسك, أنا سكت عليك كتير بالمناسبة
إنت فاكر نفسك في زريبة يا حمار
أنا ما حصل تداخلت معك شخصيا...
كلما أخاطب آخر تجي مادي بوزك العفن ده

ما الذي يجعل هذه الأسرة مهتمة و مجتهدة جداً في إدانة إبنتهم و ملاحفتها لتشويه صورتها امام المجتمع حتى بعد أن حكمت عليها المحكمة بالإعدام؟

أي أسرة حقيقية و سوية كانت ستسعى لحل خلافها مع ابنتهم بعيداً عن المحاكم و الصحافة و الرأي العام إما بمحاولة إعادتها للأسرة او بالتيرؤ منها

و لكن ما لا يستقيم عقلاً هو سعي إسرتها بما فيهم والدتها لإعدامها

هنالك حلقة مفقودة في هذه القصة التي بروايتها الحالية لا تدخل عقل سخلة

Quote: ما الذي يجعل هذه الأسرة مهتمة و مجتهدة جداً في إدانة إبنتهم و ملاحفتها لتشويه صورتها امام المجتمع حتى بعد أن حكمت عليها المحكمة بالإعدام؟ أي أسرة حقيقية و سوية كانت ستسعى لحل خلافها مع ابنتهم بعيداً عن المحاكم و الصحافة و الرأي العام إما بمحاولة إعادتها للأسرة او بالتيرؤ منها و لكن ما لا يستقيم عقلاً هو سعي إسرتها بما فيهم والدتها لإعدامها هنالك حلقة مفقودة في هذه القصة التي بروايتها الحالية لا تدخل عقل سخلة

مش حاجة غريبة يا حافظ ؟!!!

تبا لكم شيوخ السلطان والضلال ،
دي رجالتكم ؟،ساكين واحدة حامل في شهرها التامن و ساجننها مع ولدا العمرو سنتين ؟
وماقتو بغم في السرقو المليارات واتحللو ؟
والمسكوهم بالثابتة في نهار رمضان في افعال فاضحة؟
يالله ماتنسو تدونا رايكم في الشيخ دا مرفق صورة




تبا لكم.

وباذن الله غدا موعدين برفع كل الفديوهات





........................
يا ادروب كمان معاها كذب ما اتداخلت
طيب الجابك هنا شنو ؟ وكلامك الفوق دة قاصد بيهو منو ؟
وكلام قرف القلتو امس منو الكان مقصود بيهو يا بتاع القانون والتكتيكات ؟؟!!!
انت مفتكر نفسك في مسرح حاوي ؟ يا ارجوس
ولة انت بتفتكر التداخل مع شخص عشان سواد عيونو ؟!
علي كل انت البديت الغلط وباذن الله بكرة ان درت بجيب ليك كابشراتك
الواحد كان بحترمك لكن شكلك ما بتحترم البحترمك ...................................

القضية قضية اجتماعية أكثر من كونها دينية
أسرة البنت لأسباب لا تخفى على من يتصور الموقف أنهم يريدونها أن تعدم ليتخلصوا منها
باعتبارها قضية شرف
بعد زواجها وانجابها دون علمهم ومن شخص من ديانة أخرى ...
القصة في غاية التعقيد.

Quote: طيب الجابك هنا شنو ؟ وكلامك الفوق دة قاصد بيهو منو ؟

حاجة غريبة والله, يا أخي وين أنا تداخلت معاك, ما تمشي تشوف المقتبس أنا الجبته, من كلامك ولا من محمد جلال
أنت شنو حكايتك مرة بإسم محمد جلال ومرة بإسم محمد الفاتح...منتحل كل هذه الأسماء ولا شنو ؟
نكلم بكري عشان يعمل ليك عشان يشوف الإنتحال....
واضح أنك إنسان غير جدير بالإحترام, فكيف تقل أدبك مع إنسان أصلا ما تداخل معاك ولا عندك سابق معرفة معاه ؟

والمصيبة كمان تطلع شافع مراهق !

الأخ/ أدروب أبو بكر

Quote: حاجة غريبة والله, يا أخي وين أنا تداخلت معاك, ما تمشي تشوف المقتبس أنا الجبته, من كلامك ولا من محمد جلال أنت شنو حكايتك مرة بإسم محمد جلال ومرة بإسم محمد الفاتح...منتحل كل هذه الأسماء ولا شنو ؟ نكلم بكري عشان يعمل ليك عشان يشوف الإنتحال.... واضح أنك إنسان غير جدير بالإحترام, فكيف تقل أدبك مع إنسان أصلا ما تداخل معاك ولا عندك سابق معرفة معاه ؟ والمصيبة كمان تطلع شافع مراهق !

إشاراتك غير جميلة يا أدروب
وكأنك تتهمني أو تتهم الصادق بانتحال الشخصيات
أنا ياني دا محمد جلال الانت عارفو في البورد ده من 3 سنين
ولم يحدث في يوم من الأيام أن أعرت أحدا باسووردي
وكذلك الخالدي والأزهري شخصيتان مختلفتان تماما
الخالدي أعرفه منذ فترة والأزهري عرفته فقط في الفيس بوك وفي هذا المنبر
مافي داعي للأسلوب الغير جميل ده يا أدروب

أنا لا أدري ما الذي حدث لك، لست أدروب الذي كنا نتناقش معه من قبل
والذي احترمته لأسلوبه المهذب والعقلاني وبالذات في بوست محمد جمال الدين
ولكني أراك قد أصبحت شديد الفظاظة وكثيرا ما تخرج عن النص في عباراتك
فإذا كنت قد تغيرت وستنتهج معنا هذا الأسلوب فأنت حر
ولكن أرجو أن تخبرنا بوضوح كي نوطن أنفسنا على الرد بالطريقة المناسبة

يا الخالدي

Quote: يا ود الجلال خالتو تراجي وين خليها تشوف لينا صرفة مع الناس الشفقانة دي

الخالة تراجي خليها هسي
بتكون مشغولة في تحليل الموقف بالكومون سينس

كتب Hafiz Bashir

Quote: ما الذي يجعل هذه الأسرة مهتمة و مجتهدة جداً في إدانة إبنتهم و ملاحفتها لتشويه صورتها امام المجتمع حتى بعد أن حكمت عليها المحكمة بالإعدام؟ أي أسرة حقيقية و سوية كانت ستسعى لحل خلافها مع ابنتهم بعيداً عن المحاكم و الصحافة و الرأي العام إما بمحاولة إعادتها للأسرة او بالتيرؤ منها و لكن ما لا يستقيم عقلاً هو سعي إسرتها بما فيهم والدتها لإعدامها هنالك حلقة مفقودة في هذه القصة التي بروايتها الحالية لا تدخل عقل سخلة

إنها العقيدة
العقيدة التي جعلت إبراهيم يتبرأ من أبيه وقومه (قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنْكُمْ وَمِمَّا تَعْبُدُونَ مِنْ دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَداً حَتَّى تُؤْمِنُوا بِاللَّهِ وَحْدَه)...(الممتحنة: من الآية4)
والتي بسببها قال الله لعبده نوح عندما خاطبه في ولده: (قَالَ يَا نُوحُ إِنَّهُ لَيْسَ مِنْ أَهْلِكَ إِنَّهُ عَمَلٌ غَيْرُ صَالِحٍ فَلا تَسْأَلْنِ مَا لَيْسَ لَكَ بِهِ عِلْمٌ إِنِّي أَعِظُكَ أَنْ تَكُونَ مِنَ الْجَاهِلِينَ) (هود:46)
والتي بسببها تبرأ عكرمة بن أبي جهل من أبيه
وبسببها قتل أبو عبيدة أباه
وأمر مصعب رجلا من المسلمين أن يشدد قيد أخيه الأسير

دي عقيدة التوحيد والولاء للمسلمين والتبرؤ من الكفار والمشركين
ده لو افترضنا إنهم فعلا ساعين لقتل ابنتهم لو هي مرتدة فعلا

لكن لناس ديل في أكثر من مناسبة قالوا همهم أن تعود إليهم ابنتهم
والإجراءات التمت دي كلها دي إجراءات حكومية
يعني هي غايبة من أهلها من 2005 وهم بلغوا الشرطة
من اليوم البلغوا الشرطة الموضوع طلع من إيدهم
بعدين من حقهم ياخي يحاكموها خت نفسك مكانهم ياخ
الأب الأم الإخوان العشيرة بتهم تطلع من إيدهم وتعتنق دين تاني
وتتزوج رجل غريب وغير مسلم واجتماعيا زواجها به غير مقبول
وتحمل وتلد منه .. دي كلها ما بتشيب الراس؟

الناس كلها متعاطفة مع البت ونست حق الأسرة وحق الوالدين والأهل؟؟؟

أخيرا: ادرؤوا الحدود بالشبهات .. بحسب ما سمعنا أن الفتاة مريضة نفسيا
فإذا كان ذلك كذلك فيجب علاجها قبل كل شيء وبعدها يكون لكل حادثة حديث

Quote: أنا لا أدري ما الذي حدث لك، لست أدروب الذي كنا نتناقش معه من قبل

يا محمد جلال إنت شايف كيف الزول ده يخاطبني, ويطاردني من بوست لبوست
إنت البوست إنت فاتحه وإقتبست من كلامك, عشان ترد علي, جاء هو بزفارة لسان عشان يرد, ده بيسموه شنو ؟
وتكرر نفس الأمر في بوست الأزهري !
يا أخي ما مشكلة لو تتطفل ورد علي أي مداخلة, بس بطريقة محترمة, مش يجي يقول لي "ما مؤدب" !!
صحيح أني أنتقد بعنف أحيانا أفكار أو عقلية من يختلف معي, و لكني إطلاقا لا أتعرض للشخصي مهما كان

يا أخ أدروب

Quote: يا محمد جلال إنت شايف كيف الزول ده يخاطبني, ويطاردني من بوست لبوست إنت البوست إنت فاتحه وإقتبست من كلامك, عشان ترد علي, جاء هو بزفارة لسان عشان يرد, ده بيسموه شنو ؟ وتكرر نفس الأمر في بوست الأزهري ! يا أخي ما مشكلة لو تتطفل ورد علي أي مداخلة, بس بطريقة محترمة, مش يجي يقول لي "ما مؤدب" !! صحيح أني أنتقد بعنف أحيانا أفكار أو عقلية من يختلف معي, و لكني إطلاقا لا أتعرض للشخصي مهما كان

أنا في الحقيقة غير متابع لكل ما دار بينك وبين الأخ الصادق الخالدي حتى أحكم
لكن ملاحظتي ليست هنا بالذات وإنما ملاحظة عامة لاحظتها لك في كثير من البوستات تقوم بالإساءة للسلفيين وتصفهم بأوصاف لا تليق
وعبارات مثل: قرف يقرفكم وغير ذلك (لا أستحضر كل العبارات) فمثل هذه العبارة موغلة في الشخصية حتى لو كان المقصود الأفكار
فيا أخي الكريم .. مرة أخرى أقول لك: هذا الأسلوب لا يشبهك

منتصر سلامات

Quote: القضية قضية اجتماعية أكثر من كونها دينية

هذه الشبهة في حد ذاتها كافية يا منتصر لدرء الحد, إلا إذا كان القاضي من جماعة الهوس
زي ناس الكباشي الذي كوفئ من بعد بوظيفة مرموقة في السعودية !

القضية تفتح الباب لإحتمالات كثيرة....
ممكن تكون ما بنتهم من أصلابهم, ممكن تكون بيناتهم مشاكل عايزين ينتقموا منها
ممكن تكون قضية شرف, أو عنصرية لأنهم ما قبلانين بالجنوبي العرسها
وممكن كمان تكون شبه مجنونة....

والمستغرب أيضا أنه كيف الأسرة تفضح نفسها.....
وتعمل ليها كمان مؤتمر صحفي وتجيب فيهو علماء الهوس
مش يقولوا إذا إبتليتم فإستتروا !

Quote: حاجة غريبة والله, يا أخي وين أنا تداخلت معاك, ما تمشي تشوف المقتبس أنا الجبته, من كلامك ولا من محمد جلال أنت شنو حكايتك مرة بإسم محمد جلال ومرة بإسم محمد الفاتح...منتحل كل هذه الأسماء ولا شنو ؟ نكلم بكري عشان يعمل ليك عشان يشوف الإنتحال.... واضح أنك إنسان غير جدير بالإحترام, فكيف تقل أدبك مع إنسان أصلا ما تداخل معاك ولا عندك سابق معرفة معاه ؟ والمصيبة كمان تطلع شافع مراهق !

تعرف يا ادروب عندنا جدا لينا ربنا يمد في عمرو
ماشي صلاة الفجر لاقو بعض اولاد اخوانو شايلين واحد سكران لط وما قدر امش (( ود اعمن لينا ))
فقام سألم مالكم والمعاكم دة منو ؟
قام صحبنا وهو في قمة سكرتو بي كل لداحة
قاليهـــــــو إإإيسي ( يقصد عيسي الاستنكارية )
قام جدنا بكل هدو وسرعة بديهة حاضرة قال ليهو :
عيسي دة اوكت فصيـــــــــــــــــــــــــــــــح كـــدة ما امشي بي كريهو

دحين يا ادروب انت اوكت فصيح كـــــــــــدة
ما تمشي علي سودانفوراول
عشان تجينا راجع عزيز مشهل
لي مطعم الباشا دة في اسرع ارسالية
بي كاركتير علي كيف كيفك يا معلم

شكلك يا ادروب ضاربة ليك نظريات قانونية في راسك
وجاي تتفسح فينا
من متين يا اخوي محمد جلال ولة محمد الفاتح يخاطبوهم بصيغة الجمع
وخصوصا في قضايا الاحتكاك
يا ادروب القانون الواهم بيهو نفسك دة فطمونا عليهو
وشب في بيوتنا
فا بالله لو عندك حاجة داير توصلها ما كل الناس بتقبل الاستفزاز
وعموما البوست دة موضوعو معين وزقاقات الاسافير دي كتيرة ان داير الاحتكاك بنتلاقي فيها
وان كمان زعلان شديد ومتأثر ياخي معليش ولا اهمك
وبالنسبة للعمر الحكيم الصوفي سألو قالوا ليهو منو الجاهل ومنو المتعلم
قال : ليهم
الامي لمن استأذن وادخل بالباب ويجلس باحترام واسأل بي ادب
دة المتعلم .
والبروفسير : لمن
ادخل بالشباك و اتلادح و اتلامض
يهو دة الجاهل
( قصة محكية بي تصرف )

القاضي هو. المستشار عباس نفس القاضي الذي حكم ببراءة الزميل رضوان داوود
وتم الثناء عليه هنا من قبل ناشطي حقوق الانسان (:

الأخ محمد جلال

سلام عليكم

Quote: إنها العقيدة

أظن أن للعلاقة بين المتهمة و اسرتها ابعاد خفية و أن الرواية التي بجوزتنا غير مكتملة
و لكن إذا كانوا اسرتها فعلاً و يظنون أنها العقيدة فالحقيقة أنهم بظنهم هذا يمثلون الهوس الديني في أبهى صوره
و القصص التي اوردتها عن إبراهيم و نوح عليهما السلام تختلف تماماً و تشير إلي عكس ما ذهبت أنت إليه

سيدنا نوح الذي دعا ربه أن لا يدع على الأرض من الكافرين دياراً لعلمه أن لا أحد سيؤمن غير الذين آمنوا إذ أن الله اوحى له أنه لن يؤمن من قومه إلا من قد آمن و يعلم هو أن إبنه لن يكون من المؤمنين إلا أن عاطفة الأبوة لم تقطع فيه الأمل بأن يكون إبنه من الناجين فناداه بمعزل قائلاً يا إبني إركب معنا

تبرؤ سيدنا إبراهيم من قومه و تبرؤ عكرمة بن أبي جهل من أبيه لا يمت لهذه القصة بصلة فعكرمة تبرا من أبيه بعد أن أسلم هو بعد فتح مكة في حين أن والده أبو جهل قتل في بدر
و ليت هذه الأسرة تبرأت من بنتها و سكتت

Quote: قتل أبو عبيدة أباه

حديث قتل أبو عبيدة أباه حديث ضعيف السند و الراجح أن أبا أبي عبيدة قد مات قبل الإسلام و إن صح فإن الرواية تقول أن أبو أبي عبيدة ظل يترصد بأبي عبيدة في يوم بدر و هو يحيد عنه فلما أكثر عليه قتله
و لن يفوت علىك أن الإبن المسلم ظل يحيد عن أبيه الكافر المترصد رغم أنهم في معركة

يوم فتح مكة امن النبي صلى الله عليه و سلم اهل مكة إلا اربعة امر بقتلهم و لو تعلقوا بأستار الكعبة.. عكرمة بن أبي جهل وعبد الله بن خطل ومقيس بن صبابة وعبد الله بن أبي السرح
إستبق عمار بن ياسر و سعيد بن حريث إلى عبد الله بن خطل و هو متعلق بأستار الكعبة فقتله سعيد بن حريث
تشفعت للنبي زوجة عكرمة بن إبي جهل فيه فعاد من مهربه باليمن بعد أن شفع له
خبأ عثمان بن عفان أخاه من الرضاعة عبد الله بن أبي السرح حتى جاء يوم البيعة فأتى به للنبي فبايع و تأخر النبي في قبول بيعته عسى أن يقوم بعضهم فيقتله

فهل كان عثمان بن عفان ناقصاً في عقيدته حين تستر على أخيه عبدالله بن أبي السرح؟

Quote: ده لو افترضنا إنهم فعلا ساعين لقتل ابنتهم لو هي مرتدة فعلا لكن لناس ديل في أكثر من مناسبة قالوا همهم أن تعود إليهم ابنتهم

لم أسمعهم غير مرة واحدة في فيديو المؤتمر الصحفي
الذي قال أنه اخوها حلف بالطلاق إما أن ترجع او تقتل
و هو يعلم تماماً أن الطريق الذي ذهب فيه هو و بقية اسرتها لن يرجعها

قضية الردة على خلفية ادانة محكمة الحاج يوسف للفتاة ابرار

فوق