صورة قرنق وزوجته اكثر احتشاما من دعاة تجار الدين

صورة قرنق وزوجته اكثر احتشاما من دعاة تجار الدين


05-17-2014, 06:02 PM


  » http://sudaneseonline.com/cgi-bin/sdb/2bb.cgi?seq=msg&board=470&msg=1400346122&rn=0


Post: #1
Title: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-17-2014, 06:02 PM

حذفتها بحجة الخصوصية طيب المصور ده ما راجل يضارو منه حكم الاسلام شنو في التعري امام رجل اجنبي


فرق شديد في جون قرنق اسلام من غير مسلم

فرق شديد في البشير مسلم من غير اسلام

تاني تجوا تقولوا ردة

Post: #2
Title: Re: صورة قرنق وزوجته اكثر احتشاما من دعاة تجار الدين
Author: وضاحة
Date: 05-17-2014, 06:12 PM
Parent: #1

والله يا حسين
رغم اختلافنا مع البشير المجرم الحقير الفاسق الذي دمر البلاد والعباد
لكن لا يصح عرض مثل هذه الصورة الخاصة وانا بعتبرها صورة خاصة
الصورة دى بالله وصلت النت كيف ؟؟؟!!!! معناها هو فرض في صوروا وعرضوا للناس
فامن فرض فى عرضوا وخصوصياتوا كيف يوتمن على الناس قرف يقرفوا الحقير

Post: #3
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-17-2014, 06:24 PM
Parent: #2

Quote: والله يا حسين
رغم اختلافنا مع البشير المجرم الحقير الفاسق الذي دمر البلاد والعباد
لكن لا يصخ عرض مثل هذه الصورة الخاصة وانا بعتبرها صورة خاصة


اوالله يا وضاحة قبل ما اكتب البوست ده كنت متوقع زي كلامك ده من المداخلين ولاكين تعرفي قلت يا حسين ديل احترموا خصوصيات الشعب السوداني وتاني حاجة الصورة دي مطلوقة في النت ما اداني ليها البشير كذكرى منه وهداية وبعدين دليل يامرون بالمعروف لغيرهم وللمنكر هم فاعلون عبارة عن حرامية ولصوص وقتلة ومغتصبين

Post: #4
Title: Re: صورة قرنق وزوجته اكثر احتشاما من دعاة تجار الدين
Author: منير عثمان
Date: 05-17-2014, 06:34 PM
Parent: #3

أخي حسين أتمنى أيضاً حذف الصورة ، فهي صورة خاصة ولا يجب عرضها هنا،
مع الود،،

(التعديل لاضافة حرف)

Post: #5
Title: Re: صورة قرنق وزوجته اكثر احتشاما من دعاة تجار الدين
Author: ALWALEED ALSHEIKH
Date: 05-17-2014, 06:43 PM
Parent: #3

Quote: والله يا حسين
رغم اختلافنا مع البشير المجرم الحقير الفاسق الذي دمر البلاد والعباد
لكن لا يصخ عرض مثل هذه الصورة الخاصة وانا بعتبرها صورة خاصة

الأخ حسين لك التحية
ربما لصغر سنك لاتدرك أن هذه هي صور الزفاف التي كانت موجودة في الستينات و السبعينات
رغم اختلافي مع النظام الحاكم مثل الكثيرين إلا أنني أرى في عرض مثل هذه الصورة إهانة لكل سوداني و سودانية ليست لأنها عيب و لكن عندما تكون خصوصيات الناس يتم انتهاكها بهذه الطريقة التي لا تتفق و الأخلاق الفاضلة فحينها السلام على وطن و شعب كانت الأخلاق و الخصال الحميدة هي جل ما يمتلك في هذه الدنيا.
كاتبة التعليق أعلاه الإبنة وضاحة قتل رئيس النظام و عساكره ابن عمها و حرق قلبها لكنها و رغم كل إحنها و محنها كتبت أنه لا يصح عرض مثل هذه الصورة
أتمنى يا أخي التكرم بسحب الصورة و أملي كبير أن تتجنب لغة السباب و الشتائم في معارضتك للنظام.
فكلمات من شاكلة قذرون و غيرها لا تفيد بل تضر.
لا أقول كلماتي أعلاه من باب الوصاية و إنما من باب النصح
و كن بخير.

Post: #6
Title: Re: صورة قرنق وزوجته اكثر احتشاما من دعاة تجار الدين
Author: محمد حيدر المشرف
Date: 05-17-2014, 07:20 PM
Parent: #1

حسين يا صديقي ..

في حاجة الناس ما بتنتبه ليها .. وهي الوقوع في ذات الشرك الديني اللئيم بتاع ابراز مفاهيم وتصورات الاسلام السياسي عن وحول الدين كمفاهيم صحيحة ..

هسع دي جيت انت كتبت ويامرون الناس بالتقوى وينسون أنفسهم ..
انت بذلك تمرر ذات رسالتهم أن التقوى في الملبس والمظهر وليست محصورة في تلك التي اشار اليها النبي الكريم ب ( ها هنا ) ..

وبعدين انت طرحك ده مراقتو ظااااهرة ..
يجيك عمر البشير ذاتو واقول ليك الحمدلله الذي هدانا بعد الضلال ..
وتبقى عليك قصة ابليس اللامن ضايق الزول شديد .. كان راسمالو بسملة واااحده !!!

هذه الصورة تكاد تكون نسخة مكررة في بيوت العديد من أهل السودان العامرة بالتقوى يا حسين ..
وهي عندي تمنح عمر البشير لمحات انسانية مجانية ساااكت لا يستحقها ..
شفت كيف ؟!!

عموما تحياتي ..

Post: #7
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-17-2014, 08:47 PM
Parent: #6

الاخوان منير ووليد
تحايا واحترام
حذفت فقط احتراما لكما ولاكين للصورة مغزى ومدخل كبير جدا انو دي سجايانا وموروثاتنا وان اسلامنا سلوكا وفعلا وقولا
الاسلام عمره ما كان سوطا وتخويفا وترهيبا ولبسا
لبنى الصحفية وقت ساقوها للاداب بحجة انها لابسة بنطلون والبنطلون ده الان زيو وزي الفستان العريان وقت اخذ البشير الصورة دي
البلد كلها لابسة بنطلون وحائمة بيهو
المسالة ليست خصوصية
هؤلاء يريدون ان يربونا بطريقتهم

Post: #8
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-17-2014, 09:11 PM
Parent: #7

Quote: Yousif Idris · جامعة جوبا - كلية دراسات المجتمع والتنمية الريفية
يا حسين شكلو رجليك الاتنين Left حاول عالج المشكلة دي !!


يوسف ما براي ده حال بلد كلها شايتة شمال
المشكلة ما في حسين
المشكلة في ظل مشروع ترعرع فيه حسين
المشكلة ازمة دولة في كل شئ
دولة لم تعلمنا وتثقف فينا لغة الحوار والاختلاف
قيم واخلاق وسلوك في الشارع يجب ان تعالج

Post: #9
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-17-2014, 09:18 PM
Parent: #8

Quote: Mubarak Mohamed · يعمل لدى ‏‎University of Kordofan‎‏
الأخ عبد المجيد...لماذا تفترض ان دكتور جون وزوجته يمكن ان يكونا متبرجين؟ ارجو ان لا نسيء لغير المسلمين ونفترض فيهم الفجور والمفاسد....ارجو ان تتعرف لقيم واخلاقيات الامم الأخرى لتعرف على مكارم اخلاقهم بل علينا ان نتعلم منهم قيم العدالة والأمانة والأنسانية حتى نتبع رسولنا الذى بعث ليتمم مكارم الأخلاق...


الا مبارك انا لا افترض بل اجزم ان جون قرنق رسول للاخلاق والقيم الفاضلة وفوق ده مبعوث من اجل انسانية السوداني
لذلك كان محتشما ومؤمن بما يعتنقه عكس الزول الكذوب الذي كذب على الشعب السوداني
قرنق كان عفيفا في كل شئ وامينا على مبادئه عكس هؤلاء التجار المتأسلمين
اذان كان الموروث قويا امام الدين فلماذا يحكمنا اذن الدين
اتعجب لمثل هذه العادات العارية المتبرجة بحجة انها موجودة في كل بيت سوداني ايام زمان ، اذن اين الاسلام وقيمه وتربيته في ذلك الزمان ؟؟؟
بالله دي صورة الزفاف زمان كان كده والله الكيزان دخلونا الاسلام بجد

Post: #10
Title: Re: صورة قرنق وزوجته اكثر احتشاما من دعاة تجار الدين
Author: Arif Nashed
Date: 05-17-2014, 09:25 PM
Parent: #9

الاخ حسين تحياتي
لا اؤيد حذف الصور لان الخيط مبني علي مقارنة صور الراحل جون قرنق
وتجار الدين .
الشخصيات العامة عرضة للانتقاد في كافة سلوكياتها الخاصة والعامة
ولا ضرر في عرض الصور اذا كانت متاحة في النت فسودانيز اون لاين
جزء من منظومة النت .
وكلام ما مفروض وشنو ما عارف كلام فاضي
خت الصور والقشة ما تعتر ليك


Post: #11
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-17-2014, 09:58 PM
Parent: #10



اقرب حاجة نحن شعب عنصري الصورة الفوق دي اتفتح بيها كم بوست وما في زول من الناس ديل جا قال خصوصية والحاجات التانية جوه البوست ومن تحت البوست كمان والله ما عارف ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاكين البشير وصورته وقت نزلت تزاحمت التبريرات نختلف معه لاكين دي خصوصية ما في داعي تنشر الخصوصيات هنا التقول الصورة دي جبتها ول سرقتها سرق ما هي متاحة في النت جبتها من خزنة البشير ؟؟

هدف صورة البشير ما هي لا مدخل كبييييييييييييييييييييير لنفاقنا نحن كمسلمين سلوكا وعملا وقولا ولا تبرير بحجة دي حياتنا وعاداتنا كسودانيين

Post: #12
Title: Re: صورة قرنق وزوجته اكثر احتشاما من دعاة تجار الدين
Author: صديق الموج
Date: 05-18-2014, 02:07 AM
Parent: #11

حسين خلونا من الصور القديمة دى كيف؟

sudansudansudansudansudansudansudansudansudansudansudansudansudan20.jpg Hosting at Sudaneseonline.com

Post: #13
Title: Re: صورة قرنق وزوجته اكثر احتشاما من دعاة تجار الدين
Author: عبد الله شم
Date: 05-18-2014, 06:09 AM
Parent: #12

قرنق ليس نموذج سوء حتى يقارن مع غيره ولا ربيكا كذلك
قرنق سوداني قبل ان يكون مسيحي هو نفسه يؤكد الاولى ويترك لغيره تاكيد الثانية رغم ثبات الاولى واحتمالية تغيير الثانية
ليس رفض الناس لصورة زواج البشير من منطلق انها صورة غير محترمة بل لانها صورة خاصة مثلها مثل صورة زواج قرنق
فالسودان كله كان يوثق زواجه بمثل هذه الصوره مسلميه على مسيحيه

Post: #14
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-18-2014, 07:01 AM
Parent: #13

Quote: رغم اختلافي مع النظام الحاكم مثل الكثيرين إلا أنني أرى في عرض مثل هذه الصورة إهانة لكل سوداني و سودانية ليست لأنها عيب و لكن عندما تكون خصوصيات الناس يتم انتهاكها بهذه الطريقة التي لا تتفق و الأخلاق الفاضلة فحينها السلام على وطن و شعب كانت الأخلاق و الخصال الحميدة هي جل ما يمتلك في هذه الدني







الاخ وليد الشيخ
تعرف كنت متوقع اراء مثل رايك وكنت اكون اكثر فخرا بسودانيتنا وقت يجي راي يقول زي ده لا يفرق بين خصوصية البشير وجون قرنق فالصورتين لهما من الخصوصية بفهم ومسافة واحدة ولاكن بكل اسف كل من اصطف على حذف الصورة لم يشر ايضا لسحب صورة جون قرنق وربيكا لماذا ؟؟؟ ربما انها محتشمة ولا تتعارض مع قيم واحترام المشاهد ام لماذا ؟؟
هل هناك عيب في موروثنا وعاداتنا نحن كعرب ومسلمين تخالف الاسلام وبالتالي نختشي فعلا من مثل هذه الصورة اما ان عنصريتنا كانت هي الاقوى في مناداتنا بحذف صورة البشير وزوجته دون اعتبارا لخصوصية جون قرنق والدكتورة مريم وزوجها والتي نشرت واستخدمت في مليون بوست هنا وفي منابر ميديا اخرى

ده واحدة من مضامين البوست دهنا

Post: #15
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-18-2014, 07:06 AM
Parent: #14

Quote: أخي حسين أتمنى أيضاً حذف الصورة ، فهي صورة خاصة ولا يجب عرضها هنا،
مع الود،،


أخي منير عثمان

اليس لصورة قرنق وزوجته خصوصية ويجب الاشارة اليها كما اشرت وتمنيت حذف صورة البشير وزوجته بحجة الخصوصية !!
ما هو معيار خصوصيتك لصورة البشير دون اعطاء صورة جون قرنق وزوجته هذا الخصوصية ولماذا لم تطالب بحذف صورة الزعيم جون قرنق من مبدأ الخصوصية ؟

Post: #16
Title: Re: صورة قرنق وزوجته اكثر احتشاما من دعاة تجار الدين
Author: ABUHUSSEIN
Date: 05-18-2014, 07:14 AM
Parent: #15

حسين إتعامل مع الناس بي أخلاقك إنت ما بي أخلاقهم هم ....... خاصة إذا كانت أخلاقهم زي الزفت ......

Post: #17
Title: Re: صورة قرنق وزوجته اكثر احتشاما من دعاة تجار الدين
Author: فرح الطاهر ابو روضة
Date: 05-18-2014, 07:15 AM
Parent: #15

يا حسين عبدالمجيد
كيف حالك ياخ
موارثينا دي يا الحبيب ما عامرة
والناس في العروض ما تقيسا بي تيبنا
ولك تحييييييييييييية

Post: #18
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-18-2014, 07:47 AM
Parent: #17

Quote: حسين إتعامل مع الناس بي أخلاقك إنت ما بي أخلاقهم هم ....... خاصة إذا كانت أخلاقهم زي الزفت .....


وصلت الفكرة يا ابو حسين وممتن ليك كتيير والله

على فكرة البوست ده بتناول اضاءات حول المشروع الحضاري وتاصيل المجتمع السوداني بالاضافة لعنصرية التبعية التي غلبت الدين والاخلاق

Post: #19
Title: Re: صورة قرنق وزوجته اكثر احتشاما من دعاة تجار الدين
Author: اسماعيل عبد الله محمد
Date: 05-18-2014, 08:55 AM
Parent: #18

nonsense

Post: #20
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-18-2014, 09:20 AM
Parent: #19

Quote: nonsense


If nonsense why Y came here

دي واحدة من متناقضات السودان لو في محلك بعمل رايح وما بهبب للبوست اصلا

Post: #21
Title: Re: صورة قرنق وزوجته اكثر احتشاما من دعاة تجار الدين
Author: ALWALEED ALSHEIKH
Date: 05-18-2014, 10:06 AM
Parent: #19

Quote:
الاخ وليد الشيخ
تعرف كنت متوقع اراء مثل رايك وكنت اكون اكثر فخرا بسودانيتنا وقت يجي راي يقول زي ده لا يفرق بين خصوصية البشير وجون قرنق فالصورتين لهما من الخصوصية بفهم ومسافة واحدة ولاكن بكل اسف كل من اصطف على حذف الصورة لم يشر ايضا لسحب صورة جون قرنق وربيكا لماذا ؟؟؟ ربما انها محتشمة ولا تتعارض مع قيم واحترام المشاهد ام لماذا ؟؟
هل هناك عيب في موروثنا وعاداتنا نحن كعرب ومسلمين تخالف الاسلام وبالتالي نختشي فعلا من مثل هذه الصورة اما ان عنصريتنا كانت هي الاقوى في مناداتنا بحذف صورة البشير وزوجته دون اعتبارا لخصوصية جون قرنق والدكتورة مريم وزوجها والتي نشرت واستخدمت في مليون بوست هنا وفي منابر ميديا اخرى

ده واحدة من مضامين البوست دهنا

الأخ حسين لك التحية
أولاً لك الشكر الجزيل على سحبك لصورة زفاف البشير
الرؤية للمسائل تختلف من شخص الى آخر فمثلاً الثلاث صور التي أوردتها بالفعل هي صور خاصة و صورة مريم و زوجها و صورة البشير و وزوجته تشتركان في شئ أكثر خصوصية و هو انهما صور زواج و تختلفان في شيئين مهمين الأولى التوقيت الزمني و الثاني سبب استدعاء الصورة في النت بالنسبة للنقطة الأولى لقد سبق أن أشرت في مداخلتي الأولى الى أن صورة البشير هي نموذج لصور الزواج في فترة الستينات و السبعينات و هي مجتمعياً مقبولة في زمانها أما الآن فلا و هذا الموقف ليس لصورة البشير و زوجته فقط إنما لكل صورة زفاف موجودة في تلك الفترة و الزى فيها بهذه الطريقة. صورة دكتورة مريم أتت في سياق زمني مختلف و مفهوم مجتمعي مختلف يتقبل مثل هذه الصورة و غيرها لأنه و بساطة أن معظم صور الزفاف ما بعد التسعينات فيها حشمة أكثر.
النقطة القانية يا أخي هي سبب استدعاء الصورة فواضح أن صورة زواج البشير مقصود بها الإساءة للبشير و نظامه و هو شئ لا غبار عليه إلا إن استخدام الخصوصيات في هذه المعركة تعتبر نذالة و أسلوب غير كريم لا يختلف كثيراً عن ما نرفضه من ممارسات النظام. و أما التبرير لذلك بأنها موجودة في النت فهذا تبرير غير مقنع فالنت موجود فيه الكثير الذي لا يتشرف أحد بنقله. أما بالنسبة للصورة الثانية فهى قد أتت في سياق رسالة سياسية رافضة لممارسات النظام في التعاطي مع قضية د. مريم و هي رسالة مقبولة لأنها تؤكد أن د. مريم انسانة متزوجة وفق تعاليم دينها و ليست زانية و مرتدة كما يحاول النظام عبر آلياته المختلفة تصويرها.
بالنسبة لصورة الراحل جون قرنق و ماما ربيكا فهى مقبولة لأنها صورة أسرية وزي ماما ربيكا في الصورة غاية في الحشمة بل و للكثيرين في بروفايلهم في مختلف مواقع التواصل الإجتماعي صور أسرية مثلها و لذلك لم أطالب و معظم المتداخلين بسحبها أو حتى الإشارة إليها ليس من باب العنصرية كما تفضلت و إنما من باب الاستحسان لهكذا صورة.
و لك أخي كل الشكر و الاحترام

Post: #22
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-18-2014, 11:36 AM
Parent: #21

Quote: هذه الصورة تكاد تكون نسخة مكررة في بيوت العديد من أهل السودان العامرة بالتقوى يا حسين .


الاخ العزيز الدكتور محمد المشرف

محبة وود واحترام

نعم دي الحقيقة ولكن تتناقض مع التقوى فهما لا يجتمعان اطلاقا فالتقوى ان تراعي الله في ادق تفاصيلك فرحك وحزنك ومعاملاتك مع الاخرين فهي الخوف من الله والعمل بما جاء به القرءان وسنة المصطفى حبيب الله

عشان كده يظهر ناس الانقاذ كانوا شاكين في ممارستنا للاسلام فجاءوا بمشروعهم الحضاري وثقافة التأصيل حتى الزمن والميقات تم اسلمته فيما يعرف بالبكورة
احترامي

Post: #23
Title: Re: صورة قرنق وزوجته اكثر احتشاما من دعاة تجار الدين
Author: علي عبدالوهاب عثمان
Date: 05-18-2014, 12:02 PM
Parent: #22

إبننا حسين تحياتي ..
تعرف ياحسين الناس الكبار في المنبر شاهدوا مثل هذه الصور على الطبيعة .. ( وأنا منهم )
من اجل ذلك فهم لا يستغربون مثل جيل اليوم او امس القريب ..
ابننا حسين تعرف زمان كان المنظر ده موجود في كل بيت .. الفستان كان حمالة بدون اكمام .. النقلة مع الطرحة ..
الشورت ، ميني جوب ، جكسا في خط سته ، شوال ( قصير لكن ليس ضيق ) الثوب الخفيف دي كلها ( فساتين فوق الركبة ) .
الخمور موجودة بكل الانواع ( بارات ) .. هناك اماكن مسموح بها للممارسة ......
في الشمالية عندنا هناك كان عرقي التمر ( تشرب زي ما عايز بس تكون مؤدب وما تغلط على الناس ) هو شرط السماح ..
القزاره ب 15 قرش والعتوت 50 قرش ..
الناس كانوا مبسوطين ومرتاحين شديد ..
القطن كان أغلى من البترول وقريب من سعر الدهب ..
الله يفتح على ناس الجزيرة فنحن مدينون لهم بالكثير ..
في المدن كان رقصة العروس لم يكن يقصد به التبرج او الاثارة ..
بالنسبة للناس المتعلمين واهل المدينة في ذلك التاريخ كل بيت فيه صورة مشابهة ..
التدين كان في دم الانسان وكان عبارة عن سلوك في دواخله مهما كان ( حتى لو سكران أو واعي يصلى أو ما يصلي)
( بس الصوم كان رجالة .. لأن فاطر رمضان ما كان يقبله شهادته )

الاذان كان في قرانا يوم الجمعة فقط وفي أيام رمضان ..

في كل حلة في فكي امام المسجد .. ولا مانع لديه من تناول القليل ( الهسوة ، الدكاي الحلو قبل التخمير )

جزء من الصورة زمان ..


Post: #24
Title: Re: صورة قرنق وزوجته اكثر احتشاما من دعاة تجار الدين
Author: الهادي ابوبكر
Date: 05-18-2014, 12:09 PM
Parent: #23

اخونا حسين تحية طيبة
يا زعلان ،،،

ياخي ما دام شلت صورة البشير وحرمه

شيل صورة قرنق وحرمه برضو يعني

على الاقل عمر البشير ممكن يجي هنا ويقدم دفوعات ...

بعدين زي ما قالو ليك فوق صورة الابيض والاسود دي كانت قبل المشروع الحضاري ...

Post: #25
Title: Re: صورة قرنق وزوجته اكثر احتشاما من دعاة تجار الدين
Author: حسين عبد المجيد
Date: 05-18-2014, 12:32 PM
Parent: #24

الهادي ابوبكر يا حبيبنا
Quote: ياخي ما دام شلت صورة البشير وحرمه


رغبة الجمهور ان احذف الصورة وهي ليست قناعاتي ولكن ديمقراطيتي واحترامي للاغلبية هي التي غلبت فمن مر بهنا طالب بالحذف فهم كثر


Quote: شيل صورة قرنق وحرمه برضو يعني


انتا الوحيد بس الطالبت بحذفها رغم انها تشترك في الخصوصية مع البشير وزوجته لاكين يظهر جون قرنق وربيكا لا يخدشوا الادب والحشمة او ان هؤلاء لا يعنيهم قرنق وزوجه طالما هي خصوصية ودي واحدة من ازمات الوطن ده

Quote: بعدين زي ما قالو ليك فوق صورة الابيض والاسود دي كانت قبل المشروع الحضاري ..

تعرف يا الهادي لووصف الحياة السودانية كما وصفها عمنا على عبد الوهاب والله ناس الانقاذ ديل فكرتهم بتغير وتأصيل المجتمع كانت فكرة رائعة ويؤجروا عليها وينالهم ثواب بعودتنا الى حظيرة الاسلام الحقيقي لاكين طلعوا كذابين ومرابيين وحرامية واكل اموال الناس بالباطل
ناس زمان بتاعين جكسا في خط ستة وواقف لط والله ما كانوا زيهم بتاعين اغتصابات للاطفال والنساء