|
|
|
 Re: الهلال يتصدر محليا وافريقيا (Re: يوسف محمود)
|
تمام ده حال الخيول الاصيلة تظهر في المنحنيات الزي دي
| Quote: أشرف كلمة مبروك قليلة على المناسبة دى |
اكيد يا يوسف تتقازم كل الكلمات امام هذا النصر في ظل ظروف غير متوقعة خاض بها الهلال مع فريق عالمي قولا وفعلا لا اقوال صحف ومنتديات وكان الهلال كما عودنا قهر الظروف
مودتي
الرحال
| |
 
|
|
|
|
|
|
|
|
Re: الهلال يتصدر محليا وافريقيا (Re: أشرف الرحال)
|
17 مايو، 2014، الساعة 12:00 مساءً
عملنا بحث للمريخ في (غوغل) ...ادانا (مقصورة)
"""""""""""""""""""""
المريخابي بقى زي (يونسشلبي) فيمدرسةالمشاغبين ..(جملةمفيدة)واحدةمابقدريقولها
""""""""""""""""""""
عشاناريحكم ..واقطعهامعاكم ...الحاجاتالبعملفيها(نزارحامد)ديالتلفزيونالارضيمابلتقطهاليكم..دي حاجات بشفروها من الناس البطلعوا من دور الـ (64)
"""""""""""""""""""""""""""""""
عندما اجريت قرعة المجموعات في القاهرة ..كتب الحبيب مزمل ابوالقاسم ان القرعة بين (7) سباع وارنب...وكانت اشارة مزمل القاسم الواضحة الى الهلال باعتباره (ارنب).
وحقنا نحن ما بنخلي ..عارفين نفسنا في يوم زي دا بنفتح الدفاتر نتحاسب.
انتوا قايلناه سايبة.
نحن اي حاجة عندنا بي نظام ..(يقولوا ليكم الكلام الف مرة).
ما فاضل إلّا نعمل ليكم مؤتمر صحفي ..ونشرح ليكم النظرية دي.
فترنا.
ونفسنا قام.
ناس صلاح الجزولي ديل عندهم (فهم) براهم.
حقهم ما بخليوه ..ان شاءالله يشيلوه (طحنية).
عليك الله (الطحنية) الدخلها شنو هسع دي؟.
يا جماعة اصلا انا وقت اكون (فرحان) بدون مناسبة كدا بدخل ليك (الطحنية) في الموضوع.
تلقاني من غير اي داعي ..جبت ليك (طحنية) في الموضوع.
من غير ما اشعر.
ولا بكون قاصد اكتبها – بلقاها نزلت براها زي (الرصيد).
تنزل كب كرب.
عشان تبقوا فاهمين النظرية دي.
موش مرات (فجأة) كدا بتكون ماشي على البيت ..بتلقى نفسك طالع ليك في (قوز).
قوز شنو كمان؟...انت عاوز تجيب لينا الكلام.
الكلام دا ما تقولوا في العمود دا.
والله ديل عاوزين ليهم (سبب).
يتلفتوا متل الركشة الساعة اربعة.
الواحد لو (عطس) تلقى في خمس ركشات واقفة قدامك.
ارجع ليكم لي مزمل ابوالقاسم.
يا مزمل نحن اول مرة نشوف لينا (ارنب) بتصل مرحلة المجموعات.
دي ما (ارنب) نصاح.
دي (ارنب) سرها باتع.
دي ارنب السرور ان شاءالله.
طيب اذا كان (الارنب) بتصل المجموعات ....الفريق البطلع من دور الـ (64) يقولوا عليه شنو؟.
الفريق البطلع من قولة تيت يكون شنو؟.
ديل طلعوا قبل ما يجيبوا شاي الصباح.
لعبوا امام بايرن ميونخ ..وطلعوا من دور الـ (64).
عليكم الله الطلوع من دور الـ (64) دا عاوز ليه مباراة مع بايرن ميونخ.
دي وادي دجلة ممكن يعملها.
ولا عاوزة ليها معسكر في قطر.
ولا عاوزة كمان سفر بي قطر.
والله نحن غلبتنا.
شقتنا الحيرة عديل كدا ..وقعدنا نتغالط في الشارع.
انتوا في (عطبرة) رأسكم بضرب.
في الحصاحيصا ..لسانكم ربط ..الواحد فيكم يبقى زي (يونس شلبي) في مدرسة المشاغبين ..جملة مفيدة واحدة ما بقدر يقولها.
نحن قلبنا في قاموس (كبد الحقيقة) قلنا نجد ليكم اسم او وصف.
ان شاءالله (ترباس).
مفك.
اي حاجة.
ديل لو عملتوا ليهم بحث في (غوغل)....غوغل بقطع...خليها (كبد الحقيقة).
تخش تاني تعمل بحث.
غوغل بيدك شوال (اسمنت).
تعمل تاني بحث ...بيديك (سيخ).
اعمل بحث تالت ..بيديك (لوري طوب).
لو عصرت شديد كدا على (غوغل) ..بيديك (مقصورة).
تاني لو اتقطعت - (غوغل) فوق (المقصورة) طوبة ما بزيدك.
غوغل ذاتو رأسو بضرب ..غوغل بقى زي (موسى الزومة).
موسى الزومة قالوا عاوزين يشطبوه.
ليه كدا؟.
موسى قال ليهم لو عاوزين تشطبوني ما تشطبوني يوم الخميس.
قالوا ليه يا موسى الزومة؟.
قال ليهم يوم الخميس عندنا حفلة.
خلوه موسى الزومة هسع ..زولكم ماشي النيل الحصاحيصا.
فك موسى الزومة.
طيب يا جماعة ..جيبوا ليكم ورقة وقلم.
واي زول يقعد يحك لينا (راسو) مقدما.
عشان تاني ما في فرصة لي انك تحك رأسك.
ما تقعدوا (تستغربوا) لينا زي عربية التلج.
اول عربية التلج بتستغرب.
جيبوا ليكم ورقة وقلم ..وتعالوا.
نشرح ليكم العملية.
قون صلاح الجزولي زي (العقد).
خلاص تاني ما في اي طريقة لي اللولوة ..والزوغانات.
خلاص الموضوع بنتهي على كدا.
وقبل الورقة والقلم ...اقفلوا (الموبايلات).
واحسبوها معاي يا جماعة.
فريق وصل مرحلة المجموعات في البطولة الكبرى التى خرج منها فريق الاهلي المصري والقطن الكاميروني ..بقولوا عليه (ارنب).
الناس القاعدين حارسين لينا (سور) استاد المريخ ..يقولوا عليهم شنو؟.
الموسم دا إلّا تاكلو (ترمس).
فاضيين وما عندكم شغلة.
وقت تغلبهم الحيلة ..بكتبوا ليهم عمود في (المقصورة).
يقعدوا كدا يشكروا ليك في (النجيلة).
ما عندهم (كورة) يعملوا شنو يعني؟.
تسالي كيف معاكم.
زي افلام.
في فيلم عربي جميل شغال في روتانا سينما.
ما تقعدوا لينا كدا ..تملونا فقر.
عينكم حار.
الولد كان عاوز يروح فيها.
شوفوا ليكم حاجة اعملوها.
تموها (نجيلة).
الناس البلعبوا في المجموعات (ارانب).
الناس البلعبوا في (سيكافا)...بقولوا عليهم شنو؟.
كدا ادخلوا اعملوا بحث في (غوغل)..شوفوا لو اداكم اكتر من (المقصورة).
والله فوق المقصورة ...(طرف شمال) ما يدوكم.
يا جماعة ..انتوا سامعني.
كدا ...خلوا الشفقة ..واحسبوها معاي بالورقة والقلم.
الفريق البلعب في دورة حوض النيل يقولوا عليه شنو؟..اذا كان الفريق البلعب في المجموعات (ارنب).
قلت ليكم نحن غلبتنا.
غايتو (وانتوا ما طالبني حليفة)..انا اول مرة اشوف لي (ارنب) بتأكل ليها (اسد).
وقبل الاسد دا ..انتوا عارفين الحصل شنو لفريق المريخ امام الهلال في بطولة الممتاز.
سيحة ذاتو شهد بالحكاية دي.
قال ليك قون نزار (صحيح).
وقون بشه صحيح.
تاني يعملوا ليكم شنو؟.
والله فيصل سيحة من (انفعالو) قرب يقول وهدف (خليفة) القاعد برة في الكنبة برضو (صحيح).
ايوا كدا يا سيحة ..قول الحقيقة ..واعترف بالحاصل.
المريخ مرقو السمؤال محمد الفاتح والمعز شطة.
يمين لو ما المعز شطة ..شكلتكم كانت الي الان بتكون مدورة في صينية (القندول).
هسع عصام الحاج ما مريحكم.
انت قلت صينية القندول.
ايوا قلت صينية القندول ..امال قلت البنك المركزي.
انتوا مالكم عاوزين تعملوا لي مشاكل؟.
يا جماعة ما تقولوني كلام ما قلتو.
ما تقعدوا تقطعوا لي من رأسكم كدا.
قال (ارنب) قال.
الجماعة عملوا ليهم (مقصورة ماسية) وطلعوا من دور الـ (64).
المقصورة في شنو؟.
وكمان ماسية.
والله دورة حوض النيل دي لا عاوزة ليها ماسية ولا عاوزة ليها مقصورة.
دي مساطب شعبية ..كتيرة عليها.
دورة حوض النيل دي مفروض تمشوا تلعبوها في ميدان عقرب.
استادكم السمح دا كتير عليها.
اها بعد كدا يا مزمل مقصورتكم الماسية دي إلّا تعملوها (صالة) اعراس.
اقلبوها (صالة)..اصلو كورة ما عندكم ليها.
الكورة خلوها للارانب ديل.
ناس نزار الصاقعة (ما شاءالله).
والله كل ما اشوف نزار الصاقعة ..اقول جمال الوالي مفروض كل تلاتة يوم يصوم ليه تلاتة يوم.
موش حلف.
ومزمل ابوالقاسم ذاتو مفروض يصوم.
يصوم عشان كلامو كتير.
بابكر سلك ما بقدر على (الصيام) بقعد ينطنطن.
كفاية علي سلك شهر رمضان.
كمان بعد الضغط الجايبوني لي سلك ناس بلة جابر ..عاوزين تصوموه تلاتة نزار حامد.
سلك ذنبو شنو؟.
نزار حامد ..امس عمل اي حاجة في الكورة ..اي اتنين لاقوه من ناس مازمبي عمل ليكم منهم (شوربة كوارع).
يجمع ويطرح فيهم زي (المرارة).
زي الزول القاعد ناصية براهو.
زي شاي اللبن العصر.
مازمبي امس كلو بقى علاءالدين يوسف.
نزار شغال في الجماعة (خراطة)..يوديهم ..ويطلعهم ..ويقول ليهم تعالوا ..لا ارجعوا تاني.
نحن قاعدين برة جاب لينا (دوشة).
نزار الصاقعة ما فاضل ليه امس ..إلا يعمل حفلة شاي في (السنتر).
وكأنو ما بعمل في حاجة.
تقول دا اسامة كيبلو.
تقول دا عوض احمودي.
تقول حافظ.
تقول دا شنو بس؟.
دا شنو يا نزار ...انت قايل نفسك بتلعب في الدوري الاسباني.
يمين البعمل فيه نزار حامد دا ..في الدوري الاسباني ما شفناه.
ناس المريخ طبعا ما بكونوا شافوا الحكاية دي..(الكرت مشفر).
والحاجات البعمل فيها نزار حامد دي ..طبق النيلين ما بجيبها.
طبق شنو؟.
دي إلا مع ناس سامر العمرابي ومحمد عبدالجواد وفوزي التعايشة وسوار الدهب.
طبق شنو البجيب ليكم حاجات زي دي.
كمان طبق النيلين بنقل الدوري الاسباني.
وعشان اريحكم ..واقطعها معاكم ...الحاجات البعمل فيها نزار حامد دي ..في التلفزيون (الارضي) برضو ما بتلقوها.
ما بتظهر في الاساس.
ولا بلتقطها ليكم ..(انتوا قايلنها دورة حوض النيل).
الموضوع دا كبير على ناس بلة جابر.
ناس بلة جابر البطلعوا من دور الـ (64).
والخروج من دور الـ (64) ذاتو بقع ليهم في عطبرة.
يا دوب استوعبوا الحكاية – عشان كدا بلة جابر قعد يبكي في عطبرة.
اتفقع بكاء في عطبرة.
ناس عطبرة قالوا في شنو؟.
احرجتونا مع ناس عطبرة.
ناس عطبرة ديل ..الواحد لو طلع فيه (قطر) ما ببكي.
المهم يمكن دموع بلة دي تكون الدموع الاخيرة.
يمكن يغادر كشوفات المريخ مع ناس موسى الزومة.
موسى الزومة ماشي ..ماشي.
لكن الحاجة الما قادر استوعبها ...انوا الهلال بعد الحاجات البعمل فيها دي (ارنب).
تتخيلوا.
انتوا بتصدقوا الكلام دا.
الهلال الذي جندل مازمبي ..ودرسو ليك.
الهلال البلعب مع الكبار ..الترجي والصفاقيصي ومازمبي (ارنب).
والجماعة البعلبوا مع المان الصومالي والبوليس والملكية جوبا ...ما ارنب.
ما ارنب.
ما عاوزين نقول اسم.
يكونوا شنو؟.
قلت ليكم نحن غلبتنا.
وقفت لينا في حلقنا.
ديل بلعبوا ليهم مع اندية اسماها زي اسماء (البوهية).
انتوا الاسماء دي بتجيبوها من وين؟.
اقصد الفرق دي بتلموا فيها وين؟.
ملحوظة : انتوا الارنب دي جنت وإلّا شنو؟.
هـــــــوامـــــــــــــــــش
نتمنى عاجل الشفاء والعافية لاسد الهلال وسيفه البتار سيف مساوي.
الكورة طلعت لينا من نفسنا بسبب اصابة سيف مساوي.
كلو ولا مساوي.
الالتزام ..الانضباط ..الاخلاق ..كلها اشياء مجسدة وثابتة في سيف مساوي.
نسأل الله ان يشفي مساوي ليعود (سيف) من جديد سيفا من سيوف الهلال البتارة.
مساوي رغم الاصابة ..وهو في حالة خطرة ..رفع علامة النصر ..كان همه في الهلال وفي انتصاره.
يستحق مساوي التكريم ..والعلاج في اوروبا ..حتي لو تعرض لخدش صغير.
مساوي يستهال الكثير.
مازمبي فريق ما ساهل ..وادخل الهلال في تجربة صعبة.
يحسب لمازمبي انه في كل الظروف التى كانت تحدث فيها اصابات ..كانوا يخرجوا الكورة برة الملعب.
فعلوا ذلك في اوقات عصيبة عليهم.
النابي كما ظلم صلاح الجزولي ..ظلم مهند الطاهر ..وظلم ديفيد سمبو الذي كان عاوز يروح فيها.
سمبو بعد دخل وشارك في المباراة ...قدم مباراة كبيرة ..ولعب بعقلية ناضجة ..ومستوى رفيع.
رغم من انو (6) شهور ما لعب.
افتقدنا مدثر كاريكا ..لكن صلاح الجزولي سجل هدف لا يسجله إلا صلاح الجزولي.
صلاح الجزولي بخبرته المتواضعة ..وفرحته الكبيرة كان مهتز مع سامر العمرابي ..وما قدر يقول اي حاجة من الفرح.
مباراة الهلال امام الزمالك ..واضح ان الهلال سوف يفقد فيها الكثير من عناصره.
وان كانت عودة كاريكا تشكل اضافة كبيرة للهلال.
لذلك يجب اضافة لاعبين جدد لكشوفات الهلال حسب الحاجة ..والخانة.
اجمل ما في مباراة الامس ..كان حماس كامبوس.
حماس كامبوس انتقل للاعبي الهلال ..ووصل حتى المدرجات.
روح المدرب تأثر على الفريق.
النابي كان فيه شيء من البرود.
كما انه كان قاسيا على اللاعبين.
مجدي كسلا ..تخلي من الهلال في وقت صعب ..وترك كامبوس والتاج محجوب ومدرب الاحمال في وقت صعيب وهم حديثو عهد بالهلال.
ابتعاد مجدي كسلا كان في وقت غير صحيح ..وتخليه من الهلال في هذا الوقت ..امر غير لائق من لاعب قديم.
كان يفترض ان يبقى مجدي كسلا حتى وان قرر الرحيل الى ما بعد مباراة مازمبي.
حكاية (الزعل)..دي ما كويسة.
مباراة الهلال امام الزمالك اسهل بكثير من مباراة الهلال التى لعبها امام مازمبي.
يجيب التفكير في الانتصار في القاهرة على الزمالك.
واضح ان مازمبي فريق صعب ..وانه من الصعب جدا ان يفقد فرصة التأهل.
لذلك يجب ان يحسم الهلال امره بالانتصار على الزمالك في القاهرة.
والزمالك فريق (هش)..وكل لاعبيه جدد ..ويفتقدون للخبرة ..وتنقصهم القوة.
العودة بالنقاط الثلاث من القاهرة ..امر لا بد منه.
ظروف مباريات الخرطوم ما معروفة.
في القاهرة الزمالك يلعب بدون جمهور.
وقد عاد الهلال بنقطة من الزمالك ..والزمالك فى قوته الكاملة وفي حضرة 70 الف مشجع.
الهلال بشكله الحالي ومستواه الاخير ..قادر على الانتصار على الزمالك في القاهرة.
.................
عاجل : غاتيو يا نزار لو سيحة شاف حركاتك دي بحسبها ليك (قون) يوم الجمعة القادمة.
| |
|
|
|
|
|
|
|
|
|
Re: الهلال يتصدر محليا وافريقيا (Re: أشرف الرحال)
|
من اقوالهم :-
قال ان الهلال استحق الفوز وان المدينة اربك حساباته ،، كالديرون :
خسرنا امام فريق كبير
قال المدير الفني لمازيمبي الكنغولي ان فريقه قدم اداء جيدا وان
الهلال استحق الفوز وكان من نصيبهم .. والمح الي انه كان يراقب
بشة باعتباره لاعب ماكر يتسلل من المنطقة المظلمة وان خروجه
اراحه كثيرا ..
واردف كالديرون الا ان اللاعب رقم 9 ( يقصد المدينة ) لاعب سريع
وسبب لنا متاعب كثيرة في الدفاع مما استدعاني لاعطاء لاعب الرواق
الايسر في فريق امرا بعدم التقدم وهو ما عطل هجماتنا من الناحية
اليمني للهلال لذلك لجأنا لاختراق وتكثيف هجماتنا بالناحية
اليسرى ..
واردف كالديرون ان الحضور الجماهيري الكبير اعطي الهلال قوة
اضافية مشيرا الا انه لم يرى جماهير تعشق ناديها بهذا الجنون ،،
وفي ختام حديثه قال انهم خسرو جولة ولم يخسرو المعركة
وسيعوضون في مقبل المباريات
| |
|
|
|
|
|
|
|
|
|
Re: الهلال يتصدر محليا وافريقيا (Re: أشرف الرحال)
|
اشرف ازيك
عارف انا مريخابي ومتعصب جدا جدا
امس لحدي الشوط الاول متمني هزيمة الهلال عدييييل كده ...
الشوط التاني اندهشت للمستوي العجيب اللي لعب بيه الهلال وللروح القتالية والاصرار والانسجام كما وانى اشاهد البرشا ..
وبعد الشفتو امس الهلال موعود بالبطولة ..ونستاهل نحنا الجاريين ورا اشباح لعيبة المريخ ..لاروح ولا انسجام
السر الوحيد في فوز الهلال مش مستوي اللعيبة ..السر في الاصرار والتحدي والغيرة على الشعار
مبارة الهلال مع الزمالك انا اول المشجعين المريخاب البقيف مع الهلال وقفة قوية جدااااااااااااااااااااااااااااااااا جداااا ونتمناها خماسية في شباك الزمالك
دعوة من القلب انو الهلال يشيل البطولة ..عشان كورتنا تتصلح وعشان طموحنا يكبر وعشان تانى صحافتنا تبطل الهزل البحصل..
مبرووووووووووووووووووووووووووووك ليكم يا اهلة الفوووز وتستاااااااااااااااااااااااااااااااااااااااااااااااااااااااااااااااااااااااهلو
والمريخ محتاج شطب جماااااااااعي بي الوالى زاتو يتشطب
| |
|
|
|
|
|
|
|
|
|
Re: الهلال يتصدر محليا وافريقيا (Re: ابراهيم الفاضل)
|
| Quote: دعوة من القلب انو الهلال يشيل البطولة ..عشان كورتنا تتصلح وعشان طموحنا يكبر وعشان تانى صحافتنا تبطل الهزل البحصل.. |
صدقت يا زول يا صفوة يا راقي
حبابك يا ابراهيم وقولتك الفوق دي لو ادارات الاندية والاعلام الرياضي اشتغل بيها من زمان والله كنا تسيدنا القارة الافريقية والعالم العربي
ولكن اعلام هدفه تسويق انتاجه بغرض الربح فنخر في عظم الرياضة واشعل البغض والكراهية لدرجة ان يتعاون مع الاندية الاجنبية لهزيمة الفرق السودانية بدوافع الانتماءات الضيقة
لو الهلال شال بطولة بكرة المريخ يسعى لنيلها وهكذا تكون المنافسه وانظر لحال البلدان من حولنا تجد ان قمة الاندية الكروية فيها تنافس وتنال البطولات الافريقية والعربية من منطلق التنافس الشريف دون تكسير العظام والحرب الضروس من اجل ان لا ينال الاهلي المصري كاس افريقيا بل بالعكس تجد الزمالك يتوحد مع الاهلي وهكذا في تونس والمغرب والكنغو وغانا ونيجيريا والسعودية والاردن وحتى اوروبا نفسها
لكن حالنا عكس في اي حاجة
شكرا شكرا شكرا ابراهيم الفاضل وياليت ناس مزمل وبابكر سلك ولفيف المريخاب ينتصرون على انفسهم من اجل السودان
مودتي
الرحـــال
| |
|
|
|
|
|
|
| |
أشرف الرحال
ابراهيم الفاضل
فيس بوك
تويتر
انستقرام
يوتيوب
بنتيريست