Post: #1
Title: بوكيه ورد لسيادة الرئيس!
Author: سيف النصر محي الدين
Date: 05-16-2014, 01:12 PM
يدخل مجموعة من الناس ، رجال و نساء يبدو عليهم أنهم من أقرباء الرجل المريض المنوم في المستشفى و ذلك لأن تصرفاتهم كانت تلقائية لا تكلف فيها.
عند دخولهم كان هناك بعض الموجودين ، سيدة و رجلين ، تبادل الجميع التحايا و السلام و تسابقوا على سؤال المريض عن حاله و كيف يحس الآن و غير ذلك من المجاملات التي تقال للمرضى.
في صدر الجناح الذي يقيم فيه مريضنا كانت هناك باقة ضخمة من الورود المنسقة تتوسط المكان و كان حضورها طاغيا بحيث انها لفتت أنظار الجميع.
بادرت احدى السيدات بالسؤال عن باقة الورد قائلة:
يا سلاااام الورد الجميل ده جابو منو؟
رد عليها احد الرجلين اللذين كانا في الغرفة حين حضورهم:
ده جابو معتز... قالوا مكلف تمانية مليون!
هنا قال رجل كبير في السن من الجماعة:
تمانية مليون ؟
هسي تمانية مليون دي ما كان جابتلها خمسة خرفان اقل شي؟
ردت السيدة التي كانت في الغرفة عندما دخلوها:
أصلا الناس المتحضرين بعملوا كده. من عادتهم لما يزوروا زول عيان بيهدوا ليهو ورد و زهور.
قاطعتها سيدة من الجماعة قائلة :
اول القاللك انحنا ما متحضرين منو؟
و اكان للورد يمين حوشنا في البلد ملااان ورد.. ديك يا الجهنمية الماك خمج و ورد الحمير ما يديك الدرب، علا الورد البجيبوا للعيانين ده يطرشنا.. ما سمعنابو علا في المسلسلات، انحنا وكت نمشيلينا لي زولاً مريض بنشيل اكان كيس حلاوة و للا رطل رطلين اللات سكر.
قالت السيدة الاولى:
أساسا انا ما قلت أنكم متحضرين و للا ما متحضرين .. انا قصدت..
هنا تدخل احدهم مقاطعا:
هسي باقيلكم الورد ده اكان الزول دار يشتلو بمسك؟
تحدث الرجل المريض لأول مرة قائلا و منهيا الجدال:
هو الورد البتتكلموا عنو ده ذاتو وينو... انا أساسا ما شايفو... كدي بطلوا الغلبة و زول منكم الليجي يمسد لي ركبتي دي.
|
Post: #2
Title: Re: بوكيه ورد لسيادة الرئيس!
Author: يحي قباني
Date: 05-16-2014, 02:02 PM
Parent: #1
الحمد لله والصلاة والسلام على من لا نبي بعده .
وبعد، فلقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتي محمد عبد الرحمن العمر،
والمحال إلى اللجنة من الأمانة العامة لهيئة كبار العلماء برقم 1330 وتاريخ 21/3/1420هـ ،
وقد سأل المستفتي سؤالاً هذا نصه : ( لقد انتشرت في بعض المستشفيات محلات بيع الزهور ،
وأصبحنا نرى بعض الزوار يصطحبون باقات - طاقات الورود - لتقديمها للمزورين ، فما حكم ذلك ؟
وبعد دراسة اللجنة للاستفتاء ، أجابت بما يلي:
ليس من هدي المسلمين على مر القرون إهداء الزهور الطبيعية أو المصنوعة للمرضى في المستشفيات، أو غيرها. .
وإنما هذه عادة وافدة من بلاد الكفر، نقلها بعض المتأثرين بهم من ضعفاء الإيمان،
والحقيقة أن هذه الزهور لا تنفع المزور ، بل هي محض تقليد وتشبيه بالكفار لاغير ،
وفيها أيضا إنفاقٌ للمال في غير مستحقه ، وخشيةٌ مما تجر إليه من الإعتقاد الفاسد بهذه الزهور من أنها من أسباب الشفاء !
وبناء على ذلك:
فلا يجوز التعامل بالزهور على الوجه المذكور ، بيعاً ، أو شراءً ، أو إهداءً
يا دكتور ... سلامات ياخي !!!
مالك داير تجيب لينا الكلام
مع ناس بوكو حرام !!
|
Post: #3
Title: بوكيه ورد لسيادة الرئيس!
Author: سيف النصر محي الدين
Date: 05-16-2014, 02:21 PM
Parent: #2
(( ! and#65261;and#65169;and#65256;and#65166;and#65152; and#65227;and#65248;and#65264; and#65195;and#65247;and#65242; : and#65235;and#65276; and#65267;and#65184;and#65262;and#65199; and#65165;and#65247;and#65176;and#65228;and#65166;and#65251;and#65246; and#65169;and#65166;and#65247;and#65200;and#65259;and#65262;and#65197; and#65227;and#65248;and#65264; and#65165;and#65247;and#65262;and#65183;and#65258; and#65165;and#65247;and#65252;and#65196;and#65243;and#65262;and#65197; ، and#65169;and#65268;and#65228;and#65166;ً ، and#65155;and#65261; and#65207;and#65198;and#65165;and#65152;ً ، and#65155;and#65261; and#65159;and#65259;and#65194;and#65165;and#65152;ً))
بالله يا يحي شوف الناس دي واثقة من نفسها كيف و هم بحللوا و يحرموا على مزاجهم ساكت كده.. هسه منطقهم ده لو طبقوه على التلفونات و الانترنت و العربات و.. و كلها حتطلع " لا يجوز" .
بوكو حرام ما ياها جاية من زي ديل.
|
Post: #4
Title: Re: بوكيه ورد لسيادة الرئيس!
Author: يحي قباني
Date: 05-16-2014, 08:34 PM
Parent: #3
Quote: بالله يا يحي شوف الناس دي واثقة من نفسها كيف و هم بحللوا و يحرموا على مزاجهم ساكت كده.. هسه منطقهم ده لو طبقوه على التلفونات و الانترنت و العربات و.. و كلها حتطلع " لا يجوز" .
بوكو حرام ما ياها جاية من زي ديل. |
انحنا يا دكتور جينا هنا من هين ...
ما قلنا اخير نلحق باقي دينا الفضل ده ... قبال ما نكفر ...
|
Post: #5
Title: Re: بوكيه ورد لسيادة الرئيس!
Author: سيف النصر محي الدين
Date: 05-22-2014, 11:24 AM
Parent: #4
اضافة لبوكيه الورد الظاهر كمان حنضطر نجيب تورتة
|
Post: #6
Title: Re: بوكيه ورد لسيادة الرئيس!
Author: عبد الحميد البرنس
Date: 05-22-2014, 11:50 AM
Parent: #5
سلام, يا سيف:
كتابة ساخرة جميلة. والأجمل أنك لا تحس أن كاتبها يضحك أثناء الحكي مثل رواة النكات الجيدة السيئيين.
|
Post: #7
Title: Re: بوكيه ورد لسيادة الرئيس!
Author: El-Saddig Abdalla Abbas
Date: 05-22-2014, 01:25 PM
Parent: #1
تعتقت يا دكتور
ولك التحايا
مثنى
وثلاث
ورباع
بدون إفتاء
|
Post: #8
Title: Re: بوكيه ورد لسيادة الرئيس!
Author: سيف النصر محي الدين
Date: 05-22-2014, 03:17 PM
Parent: #7
شكرًا يا برنس .
|
Post: #9
Title: Re: بوكيه ورد لسيادة الرئيس!
Author: سيف النصر محي الدين
Date: 05-22-2014, 03:50 PM
Parent: #8
سلام الصادق و شوق يعلم الله
غايتو جماعتنا هنا بقولوا انها لما تتعتق بتحلو هههههه
حقتنا ديك خمرت يا اخوي او ربما عفنت عديل.
هذا و الله و رسوله اعلم.
|
|