الفرق بين الجهاد الفريضة والجهاد النوبى ..شوية مسخرة

كما قال احدهم :
بشار الاسد نصيرى كافر عدو للاسلام وعميل لامريكا واسرائيل
والمجاهدون الذين يقاتلونه يحمون الاسلام من الكفار والامريكان واليهود والنصيرية
لكن امريكا الكافرة وبدلا من دعم عميلها بشار ستدعم المجاهدين اعداءها واعداء بشار بالسلاح
ليحاربوا بشار والكفار بما فيهم امريكا ...
هذا ما اسميه المسخرة او الضحك على العقول
وهو ما يقودنى لمعلومة نوبية اهديها لكم :
جهاد بفتح الجيم تعنى في اللغة النوبية عندنا الجوطة او الدوشة او الهرجلة
وما نراه اليوم في عالمنا الاسلامى من بوكو حرام وداعش وقاعدة وتفجيرات وقتل باسم الجهاد ما هو الا جهاد بالمعنى النوبى

ذكرتي قريب لينا رحمه الله كان شيخ الحلة ..
زي ما عارف شيخ ما معناها قاعد مربع ايديهو ..
تربال عادي حايم بى طوريتو ومنجلو اليوم كلو ..
يوم جاه استدعاء حضور من ضابط المجلس ..
لما مشى ليهو الضابط قال ليهو يا شيخ فلان عايزنك تمشي الجهاد ..
عاين ليهو ورد بكل تلقائية (جهاد اكتر من النحن فيهو دا ؟) .

Quote: ذكرتي قريب لينا رحمه الله كان شيخ الحلة .. زي ما عارف شيخ ما معناها قاعد مربع ايديهو .. تربال عادي حايم بى طوريتو ومنجلو اليوم كلو .. يوم جاه استدعاء حضور من ضابط المجلس .. لما مشى ليهو الضابط قال ليهو يا شيخ فلان عايزنك تمشي الجهاد .. عاين ليهو ورد بكل تلقائية (جهاد اكتر من النحن فيهو دا ؟) .

ياخى ربنا يجعل ايامك كلها ابتسامة زى ما ضحكتنا
تحياتى ود الملك

الأخوة الاعزاء \ هشام ... وود الملك ..

تحياتي ...

طبعآ عندكم المحن انتوا يا الرطانة هههههههه . ويا ريت لو بقي علي الجهاد يا هشام
الناس ديل بقوا اتبوبروا واتمسخروا بالعبادات بعد يسرقوا وانهبوا يجوا يقولوا والله نحن
بنصلي الصبح حاضر وكمان عندنا شلة تشهد والتانيين بقولوا والله نحن بنصوم يوميين
في الاسبوع اها في الحالة دي احسن الجهاد بفتح الجاء ولا بوبار العبادات اخر الزمن ؟؟

سلمتم ودمتم ولي قدام ..

أخونا هشام .. التحية
والتحية ود الملك ..

يا اخي هشام بالغت .. كيف جبت الكلمة دي .. مختصر مفيد ..
جهاد .. jahad كلمة مستخدمة عندنا يومياً .. وهي اقوى من ( كروور) الجوطة الشديدة ..
نعم هو العمل الغير منظم بدون قيادة او اشراف او برامج لأن الاصوات ترتفع اثناء التنفيذ لانعدام الخطط ..
بالدنقلاوية إمن منللي إن جهاد ؟ ما هذه الجوطة .. حتى اذا لم تكن هناك اصوات ولكن سوء تنفيذ او عدم مقدرة ..
أو بالمحسية ( إن منا إن جهادي ) نفس العبارة ولكن فرق في التنغيم ..
صدقني يا هشام ده حسن تفسير للوضع .. وابلغ عبارة .. تغنيك عن عشرات الاسطر ..
ذكرتني عمي الله يرحمه كان ملقب بــ ( صالح جهادي ) لأن ما كان منظم زي باقي المزارعين في الساقية ..
وكمان احياناً يطلق لفظ جهاد ( النوبية ) السرعة الغير مبررة ..
شكراً هشام ..

هشام
سلام

مصائب و اهوال تجعل الحليم حيران .

يا رب الطف

الزبير

هشام عباس وضيوفه الكرام

مسك آقجلووو

من العنوان جيت جااااااري ونفسي قايم لقيتكم بتتكلموا عن الجَهاد والأرهاد ... جهادنا لو ما ربطت لحقتها بكلمة الأرهاد لن تتضح معناها الصحيح

Quote: طبعآ عندكم المحن انتوا يا الرطانة هههههههه . ويا ريت لو بقي علي الجهاد يا هشام الناس ديل بقوا اتبوبروا واتمسخروا بالعبادات بعد يسرقوا وانهبوا يجوا يقولوا والله نحن بنصلي الصبح حاضر وكمان عندنا شلة تشهد والتانيين بقولوا والله نحن بنصوم يوميين في الاسبوع اها في الحالة دي احسن الجهاد بفتح الجاء ولا بوبار العبادات اخر الزمن ؟؟

اخيتى واخت الكل - على قول حميد - ازيك
اريتو بوبار يا منى اختى الحكاية دى بقت عقيدة جديدة بديلة للدين الاسلامى
التدين البديل كما اسماه علاء الاسوانى او الدين المظهرى
مفهوم انك بدل ما تعبد ربنا وتجعل اعمالك خالصة لله تراقب اعمال الاخرين وتقرر لهم وتفرض عليهم ما تفعل انت
لان في اعتقاده ان ما يفعله هو الدين وان سرق وقتل وزنى وارتكب كل الموبقات طالما انه في الظاهر وامام الناس يقول لهم
هذه لحيتى وهذا جلبابى اقصر من جلبابكم وانرظوا الى ادخل المسجد لكنه في ابسط امتحان لضميره وانسانيته يسقط سقوطا مريعا
بالله عليكى تفتش مقالة لعلاء الاسوانى باسم (التدين البديل ) بيفصل ليك حقيقتنا

Quote: يا اخي هشام بالغت .. كيف جبت الكلمة دي .. مختصر مفيد .. جهاد .. jahad كلمة مستخدمة عندنا يومياً .. وهي اقوى من ( كروور) الجوطة الشديدة .. نعم هو العمل الغير منظم بدون قيادة او اشراف او برامج لأن الاصوات ترتفع اثناء التنفيذ لانعدام الخطط .. بالدنقلاوية إمن منللي إن جهاد ؟ ما هذه الجوطة .. حتى اذا لم تكن هناك اصوات ولكن سوء تنفيذ او عدم مقدرة .. أو بالمحسية ( إن منا إن جهادي ) نفس العبارة ولكن فرق في التنغيم .. صدقني يا هشام ده حسن تفسير للوضع .. وابلغ عبارة .. تغنيك عن عشرات الاسطر .. ذكرتني عمي الله يرحمه كان ملقب بــ ( صالح جهادي ) لأن ما كان منظم زي باقي المزارعين في الساقية .. وكمان احياناً يطلق لفظ جهاد ( النوبية ) السرعة الغير مبررة ..

على اننقا مسكاقمى
هى فعل حالة لا تعبير يناسبها الا هذه الكلمة النوبية
والغريب انها من الكلمات المشتركة بيننا وبينكم حرفيا لانك تلاحظ في احيان كتيرة بتلاقى
نفس الكلمة عندن وعندكم لكن مع تغيير طفيف في حرف او تبديل مواقع حروف او في النطق
لكن دى من الكلمات النادرة المشتركة حرفيا ...

Quote: مصائب و اهوال تجعل الحليم حيران . يا رب الطف

الزبير الختمى ازيك
قارن بين الاسلام الصوفى الذى ورغم ض اختلافنا معه في ممارسات معينة كان هو المحرك للمجتمع السودانى
فكانت السماحة والحب والتآلف وعندما اتى المتاجرون بالدين واستعانوا بشياطين التكفير والمتشددين فقدنا اصلنا الطيب
اخطر ما يهدد المجتمع السودانى والمسلم تحديدا تقلص دور الصوفية وتمدد المتشددين من وهابيين وتكفيريين وتجار دين .

Quote: من العنوان جيت جااااااري ونفسي قايم لقيتكم بتتكلموا عن الجَهاد والأرهاد ... جهادنا لو ما ربطت لحقتها بكلمة الأرهاد لن تتضح معناها الصحيح

كومارين دنيا كسا منجوسكا ناى فا دقروسى
وبالعربي : هى الدنيا الى بقطت مطلوقة دى مين يربطها

الفاتح مسكاقمى

ما تقلع الجَهَاد

Quote: الجَهاد والأرهاد

ويقال احيانا ( ديناد .. أرهاد )
هي كلمات مأخوذة من العربية ولكنها منغمة بالنوبية ..
ويقصد بها الدنيا والاخرة ..

بعدين يا هشام الجهاد خلاص حتى في خطب االجمعة مافي .. الصدقات كمان .. واللهم اهلك اليهود والنصاري ..
زمان تسمع الخطب هنا كان تقوم جاري عديل .. أول ماجينا هنا يا هشام .. كان أي واحد عايز يشتري ( موتر) او ما يسمى ( بالدباب )
كان لازم يجيب ورقة من أمام المسجد في الحي لضمان عدم الازعاج .. كل هذه الاشياء اختفت الآن ..

التحية ليك .. حمزاوي اننقا .. وينك يا دفعة .. طله واختفيت ..

الأكارم ..
ياخي أهلنا ديل عندهم تعابير ساخرة وبتجي دايما (اون زا اسبط ) زي ما بقولو الخواجات ..
حكي لي اخوي قال رسلو ليهم صول يدرب المزارعين ..
طلب من المزاعين يجمعوا ظهر كل يوم في ساحة معينه ..
لما تجمعو خطب فيهم وقال هو مكلف عشان يدربم عسكريا لإنو الحكومة عايزه تقبض قائد التمرد قرنق ..
المهم بدأ معاهم صفا انتباه خطوات تنظيم ..
بعد داك يجري بيهم مسافة ويجي يقول ليهم انصراف ..
يوم الظاهر زود الجرعة وجرى بيهم مسافة طويلة ..
لما رجعو الميس واحد وقع من شدة الإرهاق ..
الصول نهرو قوم تقوم قيامتك يا جلد ..
وقف ورد : يا جنابو هو نحن ماشين (نقبد قرنق دا بالجري)؟

ود الملك بالله تواصل في نكاتك دى لانها بتوضح العقلية الشعبية السودانية عموما والنوبية خصوصا في نقد
الفكر المعوج بطريقة ساخرة ومضحكة تصل وترسخ في الاذهان اسرع وافضل من الف مقال وكتاب

الحق في العيش ليس هبه من احد

مع ده كلوا في ناس يمتنو انو عملو و عملو

كل زول بياخد راتب من مال الشعب لابد ان يكون مقابله عمل

لكن عايشين في زمن الاستهبال و المطبلاتيه

كل زول بحمل رساله ساميه خالده بعيد مداها التاريخ بحسب و اسجل كل خطوتها المشاها .

عندي خالي تقدمي
يوم جا واحد ضيف عابر سبيل في القريه بتاعتنا

قال عاوز حريه بارده من التلاجه
و الله العظيم اخذ كف من خالي يقول يا ليله
قال ليه في حريه بارده يا منتهي
الحريه الناس فيها انضربت رصاص و دخلت سجون ، انت عاوزها بارده

غايتو الضيف حلاهو الحله بله

تخريمه : من ما خلي الشيوعيين النضال الاعوج و العديل ، الحكومات بقت ما بتخاف ، الشيوعيين رطبو و سكنو الطايف و ركبو الكوندشن .

خميس سعيد يا حبيبنا
اخوك الزبير

رجعت بينا يا هشام

اذكر تماماً انه النميرى زار المنطقة فى بدايات السبعينات من القرن الماضى وقطعا الاخوين
العزيزين / حمزاوى وعلى عبدالوهاب يذكران ايضا تلك الزيارة .. وكان
فى استقباله جمع كبير وكان هناك احد اعمامنا من المنطقة من الحاضرين والمستقبلين له والمرحبين
حيث حياه قائلا :

هــذا الـجَهَـاد الــفُــود من اجلك يا سيادة الرئيس ..

Quote: هــذا الـجَهَـاد الــفُــود من اجلك يا سيادة الرئيس ..

علاء اننقا ..
ليت الشباب يعود يوماً
ما شاء الله ذاكرتك حديدية .
كمان أذكرك ناس ارتقاشا هتفو ا (( ووو نميري ... أكي منيي ويري )) كيف اعبر يا نميري ..
شكراً علاء اننقا ..
لكن عجبني اختيار هشام .لمفردة جهاد لوصف الواقع الحالي ..

Quote: هــذا الـجَهَـاد الــفُــود من اجلك يا سيادة الرئيس ..

هههههههههههههههههههههههههههههههه
ياخى والله دى بالغت فيها
الكلام دا عندنا في كرمة ؟؟؟
طيب بالله زيادة من عندكم انا عايز تفصيل لمعنى كلمة (فود) التى تلحق دائما بالجهاد