الى كل الميادين يا أنصار الله اخرجوا في كل مكان لإسقاط النظام

تبا ثم تعسا لكم يا اخوان الشياطين يا كيزان السجم

اناشد كل انصار الله بالخروج غدا الخميس الى كل الميادين وفي كل مدن السودان من اجل اسقاط النظام فهذه فرصة ومناسبة

اسقطوا النظام المتهالك الفاسد

التعبئة العامة

انصار الله احباب الامام

الثورة اندلعت شعارات ترددها الالوف

ولئن شنقت في سبيل حبك يا حبيب ليتني احيا لاقتل فيك تاني من جديد
وطني لاجلك قادرون للخروج الى الشوارع قادرون على الصدام قادرون على المعاك

ولقد تدبرنا الامور جميعها وكلنا يقوى على حمل الحسام

ليس من طمع نصادم يا حبيب

ليس من اجل الذي فتن اليزيد
بل نريد لوطننا الميمون دوما مساحة ان يفكر وان يقرر ما يريد
من غير طاغية يعذب او يكيد

النار ولعت غدا الثورة ويجب ان تحرق الكيزان وتكنس الفسادين من اخوان الشياطين في كل مكان

اغلقوا كل الشوارع غدا واناشد المواطنين بالبقاء في منازلهم غدا لان الخميس يوم حرب ومواجهة وصدام

غدا سيملا انصار الله كل الميادين وسندك اركان الكيزان ودولة الفساد وسنحرر الوطن

الله اكبر ولله الحمد

الدعوة موجهة الى كل انصار الله وحدهم لا شريك لهم

لا تراجع هذه المرة ثورة ثورة حتى النصر

زلزلوا عرش الطغيان

موعدنا غدا في كل ارجاء الوطن الجريح في كل الميادين

اغلقوا كل الشوارع ايها الانصار الشرفاء

فجروا طاقات الغضب غدا من اجل ثورة عاتية تقتلع شجرة الكيزان وتطهر السودان من رجسهم

انني على ثقة ان انصار الله لن يتراجعوا ابدا وانها لثورة حتى اقتلاع جذور هذا النظام

والله اكبر ولله الحمد

،مداخلتي في البوست الأول:

Quote: انصار انصار بنخوض النار هبوا جميعا ولن تتوقفوا حتى اسقاط نظام الاستبداد والتسلط قدموا المهج والارواح رخيصة من اجل الوطن الله اكبر ولله الحمد

عمر سلام،
الهبة والغضبة والأرواح العايزا تتقدم رخيصة دي فدى الوطن والا فدى الامام؟
ما تراهو الوطن كلللو معتقل من قريب تلاتين سنة، وين كانت مثل الدعوات دي؟
خلي مجرد استدعاء، ياخي في كم شرفاء ومناضلين اعتُقِلوا وعُذِّبُوا وشُرِّدُوا ومنهم أفاضل من حزب الأمة وبرضو ما سمعنا اي دعوة لي خروج لي ميادين ولا حتى انتصار لي دمهم..
ظلينا نشوف في أميع المواقف وأكثرها تخذيلاً وتمزيقاً للصفوف من حضرة السيد الإمام الصادق خلال عهد الإنقاذ، وكثيراً ما كانت مواقفه هي الخرقة التي تنسد بها فجوة مركب الإنقاذ وتعود بفضلها للطفو ومواصلة السباحة في دماء أهل السودان.
لم يدع السيد الإمام أنصاره للخروج في الميادين لنصرة الوطن والجياع ولا حتى أخوانهم الذين قتلوا في هبة سبتمبر، ولا من مضوا فيما قبلها من هبات، فكيف تدعوهم اليوم ليخرجوا ويسقطوا الإنقاذ لمجرد أمر استدعاء لن يفعل أكثر من أن يقلقل قيلولة الإمام؟
فمن بربك كان يطفيء كل شرارة في الميادين بمياه مواقفه المهزوزة والمهزومة حتى حينما كانت تمتليء بشباب الأنصار وحزب الأمة الحقيقي والمتحمس لممارسة دوره الوطني كما ينبغي له؟
مثل هذه الدعوة تقول أننا ما زلنا في عهد القائد أولاً أو عبادة الصنم، ويتدحرج ترتيب الوطن ..
يا للأزمة
،
،

عمر عبدالله سلام
النظام يعيش حالة توهان ويحتاج للصادق المهدي وكل المعارضين ليتجاوز الراهن الذي يعشه لذا جاءت دعوته للحوار
لذا ليس من المنطق ان يقدم النظام علي استدعاء السيد الصادق في هذا الوقت بالذات لان ذلك يفتح جبهات نائمة ليست من مصلحة النظام ايقاظها
وهل النظام بمثل هذا الغباء مع العمل ان البرلمان الخاص بالحزب الحاكم ناقش هذه القضية داخل قبته يبدو ان هنالك شي ما
عصيا علي الفهم مع ذلك نتمني ان يستوعب السيد الصادق الدرس وان هولاء القوم يفوقون سوء الظن

مسرحية سيئة الإخراج و ربما تكون من تأليف الصادق المهدي نفسه

غدا الثورة في كل مكان وبعد غد الجمعة التجمع بمسجد الهجرة بود نوباوي وكل مساجد الانصار لاسقاط النظام

الله اكبر ولله الحمد

عمر كدي ما الثورة دي تنطلق الكلام ده كلامك ولا اسي ممكن الامام يجي يلحسك ليهو ؟

Quote: غدا الثورة في كل مكان وبعد غد الجمعة التجمع بمسجد الهجرة بود نوباوي وكل مساجد الانصار لاسقاط النظام الله اكبر ولله الحمد

هل يقبل الإمام إسقاط النظام؟؟؟!!!.
عشان إستدعاء من النيابة العامة للإمام تقوم الثورة فى
كل الميادين لإسقاط النظام!!! ثورة ما قامت لإسقاط
النظام من أجل السودان عايزنها من أجل الإمام.. سبحان الله!!!.
عقدين ونص ماذا فعلت مساجد الأنصار من أجل السودان.. سؤال
من باب العلم بالشئ.

Quote: هل يقبل الإمام إسقاط النظام؟؟؟!!!. عشان إستدعاء من النيابة العامة للإمام تقوم الثورة فى كل الميادين لإسقاط النظام!!! ثورة ما قامت لإسقاط النظام من أجل السودان عايزنها من أجل الإمام.. سبحان الله!!!.

يلا يا انصار

رب ضارة نافعة

نسمع عمنا الحاج ود عجبنا

والمذلة ياها المذلة


ونقول يلا يا انصار

الميتة ولا عيشة الذل

Quote: عمنا الحاج ود عجبنا.. في الفريق ياهو الركيزة.. هو البيشيل حمل الرباعة.. وعندو كلمة علي الجماعة.. في الفريق باقيلنا تايه.. وكل طيب ليهو غاية.. للضعيف تلقاهو ساند.. ويقهر الكعب المعاند.. وللضيوف ديوانو فاتح.. ديل يقومو.. وديلا ينزلو.. ياولد.. جيبو الرتاين.. وجييهو الديوان فراشو.. وافرشو الفرشة الكبيرة.. والاباريق والتباريق.. واضبحو الحمل المدوعل.. عمنا الحاج ود عجبنا.. من سنين ايام جهلتو.. ديمه في دعوات صلاتو.. بسأل المولي السلامة.. وسترة الحال والكرامة.. عمنا الحاج ود عجبنا.. في ليلة من زات الليالي.. في زمن حظر التجول.. جاهو ضيف فوق راس حداشر.. رحب الحاج بيهو جدا.. فرشولو ونزلولو.. وكاسو للعشا ماتلقالو.. مالرغيف ممحوق مقصر.. والبلد في حال مِعسر.. وعمنا الحاج في مبادؤو.. وجية الضيف زي فريضة.. وهسي ضاقت بي العريضة.. ضيفو كيف يترك عشاهو.. ومن دي زايد إختشاهو.. وجاتو فكرة!! يمشي للفرن المجاور.. ولي لجان العيش يشاور.. بس عشا الضيف ياجماعة.. ضيفي نازل ليهو ساعة.. شاكلوهو ونهروهو.. ودفروهو.. وجاتو دورية الطواري.. وأمسي بايت في الحراسة.. وناسو جنو.. للصباح ماعرفو حاجة.. وين ده روح.. وجاهن الخبر المؤكد.. ود عجبنا في الحراسة.. وماشي محكمة الطواري.. ناسو.. اولادو.. وبناتو.. عرفو حالو وبدري فاتو.. راحو محكمة الطواري.. فيها في نص الخلايق.. شافو حالاً ماهو لايق.. عمنا الحاج بي جلالو.. فوقو حس السوط مولول.. فوق قفاهو وفوق زنودو.. وفوق رجولو.. ومرة فوق فججاً حشايم.. اصلو ماقايل بهونن.. حتي كان نزلن هجايم.. إلا لكن الليالي.. يوم بترخص كل غالي.. حاكمو الولد المنصب.. كتفو بالدبور مقصب.. إنت ياحاج يامخالف.. زول مخرف وعقلو تالف.. إنت يازول ماك داري.. زلة الناس في الطواري.. غرموهو..وأجلدوهو.. ونفذو الحكم البيهينو.. شان يفتح تاني عينو.. تسمع السوط ليهو خاوية.. وفوق قفا الحاج صيحتو داوية.. كل جلدة جبل مزلة.. في ضمير الحاج وقلبو.. كل كرباج الف علة.. وفجأة رفع الحاج عيونو.. شاف بنات ولدو وبناتو.. كلهن واقفات يعاينن.. دمعتن في العين ترقرق.. وجعتن في الجوف تحرق.. والحزن ليهن مغرق.. ده النجوم الفي سماهن.. ده الزمان الكان حماهن.. كل سوط نازل عليه.. من شعاع الضو عماهن.. عمك الحاج دمعو زرف.. وسيلو قوق اشنابو سرف.. وتم حكمو وراح بيوتو .. نفسو مكسورة وذليلة.. وكيف ملاقاة الحليلة.. وصحوة الروح العليلة.. وفي البيوت الجوة غادي.. عمك الحاج ما اعتيادي.. فوقو متلمين جماعتو.. والسكيلي ضرب حزايني.. قالو ناداهو المنادي.. وفارق الدنيا المهينة.. يقطع الذلة وسنينا.. فوق فراش حاج ود عجبنا.. بسمع الزول البيوصي.. اقفلو الحوش ياجماعة.. وأطفو انوار الرتاين.. داك حرس حظر التجول.. من بعيد ليكن بيعاين.. يازمن حظرالتجول..

Quote: انني على ثقة ان انصار الله لن يتراجعوا ابدا وانها لثورة حتى اقتلاع جذور هذا النظام والله اكبر ولله الحمد

والله يا استاذ عمر انا نفسي اطلع بس تضمن لينا من وين الصادق المهدي بعدين ما يقول لينا الطلعكم شنو ؟؟

الاخ عمر الانصار بقو يخزلو حتي ناسهم
الجماعة في مسجد ودنوباوي طالعين مظاهرة
الخطيب قالي ناس الامن ديل ماجماعتنا سوقوهم
ولا رف له طرف عين

Quote: عمر كدي ما الثورة دي تنطلق الكلام ده كلامك ولا اسي ممكن الامام يجي يلحسك ليهو ؟

هههههههه دي هي المعضلة والله
محمد ابراهيم سلام ياخ
يقال أن امر الاستدعاء هو من محاولات صرف الانظار
عن ما هو أهم وهو فساد الجماعة كلها بما فيها الصادق نفسه

Quote: الهبة والغضبة والأرواح العايزا تتقدم رخيصة دي فدى الوطن والا فدى الامام؟ ما تراهو الوطن كلللو معتقل من قريب تلاتين سنة، وين كانت مثل الدعوات دي؟

سلمت ..

يعني الثورة تقوم عشان الامام !!؟

لما زمان نزلت بوست بأسم ماذا تتوقعون وترجون من احزاب الزرائب والناس
هاجوا وماجوا فيني كنت واثقة من اللحظة دي اهو دا من احزاب الزرائب فماذا
ان تتوقعوا منو غير الثورة من أجل رئيس الزريبة وليست من أجل هذا الوطن الجريح .
يا للتخلف والجهل !!!!!! عليكم الله سيبو عبادة البشر وابقوا علي الوطن يرحمكم الله .

اذا كان نداء صادقا للثورة فلماذا لا يصدر من الامام نفسة اما اذا اردت بنداءك هذا الضغط على الكيزان فهم يهرفون بئركم و"غطاءها"