Post: #1
Title: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: أشرف الرحال
Date: 05-14-2014, 12:09 PM
يعني اخر تمديد بنهاية شهر شعبان وبعدها المغادرة مباشرة
مودتي
الرحـــال
|
Post: #2
Title: Re: ايقاف تمديد الزيارات بنهاية شهر شعبان
Author: أشرف الرحال
Date: 05-14-2014, 12:26 PM
Parent: #1
مودتي
الرحــال
|
Post: #3
Title: Re: ايقاف تمديد الزيارات بنهاية شهر شعبان
Author: محمد الشيخ أرباب
Date: 05-14-2014, 12:52 PM
Parent: #2
الاخ اشرف
يعني ايقاف نهائي للتمديد بعد شعبان للزيارت القديمة الجديدة ؟
|
Post: #4
Title: Re: ايقاف تمديد الزيارات بنهاية شهر شعبان
Author: علي عبدالوهاب عثمان
Date: 05-14-2014, 01:06 PM
Parent: #3
استاذنا رحال لك التحية ..
عندنا عجائز ما شاء الله منتظرين الحج ..
ديل حيموتوا عديل لو سمعوا الخبر ..
أخي العزيز أتاكد لينا من الخبر ده بالله .. الله يخليك ..
في الانتظار وربنا يثبت اجرك ان شاء الله ..
|
Post: #5
Title: Re: ايقاف تمديد الزيارات بنهاية شهر شعبان
Author: محمد علي البصير
Date: 05-14-2014, 01:24 PM
Parent: #4
الأخ أشرف الرحال
لك تحية إخاء وتقدير
وشكراً لتفضلك بإيراد خبر يهم شريحة كبيرة من المقيمين بالسعودية
ولكن لدى ملاحظة ـ هل مصدر الخبر هو فقط الصحيفة اليمنية فقط ؟
أم لديك مصدر أخر ؟
فلو كان المصدر فقط هذه الصحيفة ، فصحته مشكوك فيها
|
Post: #6
Title: Re: ايقاف تمديد الزيارات بنهاية شهر شعبان
Author: أشرف الرحال
Date: 05-14-2014, 02:38 PM
Parent: #5
الاخ محمد علي بصير ،،، تحياتي
جاء الخبر ايضا في صحيفة عكاظ السعودية
صحيفة عكاظ
مودتي
الرحال
|
Post: #7
Title: Re: ايقاف تمديد الزيارات بنهاية شهر شعبان
Author: أشرف الرحال
Date: 05-14-2014, 04:02 PM
Parent: #6
مودتي
الرحال
|
Post: #9
Title: Re: ايقاف تمديد الزيارات بنهاية شهر شعبان
Author: أشرف الرحال
Date: 05-14-2014, 04:11 PM
Parent: #4
الاخ على عبدالوهاب ،،، تحياتي
| Quote: عندنا عجائز ما شاء الله منتظرين الحج .. |
والله انا زيك كدا معاي الوالد والوالدة وعشمان والله وبحنس فيهم انو يصوموا معاي رأفة بهم من سخانات السودان لكن مصرين على السفر اهو جاتهم في جرح القرارات دي والحمدلله والله قعدوا 5 شهور كدا نعمة من ربنا دي
| Quote: أخي العزيز أتاكد لينا من الخبر ده بالله .. الله يخليك .. |
الخبر برضو نزل في عكاظ
يعني ممكن نمسك فيهم شهر تاني مع نهاية شعبان
مودتي
الرحـــال
|
Post: #8
Title: Re: ايقاف تمديد الزيارات بنهاية شهر شعبان
Author: أشرف الرحال
Date: 05-14-2014, 04:06 PM
Parent: #3
| Quote: يعني ايقاف نهائي للتمديد بعد شعبان للزيارت القديمة الجديدة ؟ |
الاخ محمد أرباب ،،، تحياتي
اعتقد ان اي تجديد وتمديد لاي زيارة الان يكون مع نهاية شهر شعبان ومع المغادرة
مودتي
الرحـــال
|
Post: #10
Title: Re: ايقاف تمديد الزيارات بنهاية شهر شعبان
Author: Mirghani Taitawi
Date: 05-14-2014, 04:20 PM
Parent: #8
Quote: قال المتحدث الرسمي للمديرية العامة للجوازات في السعودية المقدم أحمد اللحيدان إن المديرية قررت إيقاف تمديد تأشيرات الزيارة اعتبارا من نهاية الشهر المقبل باستثناء السوريين المتواجدين في المملكة بتأشيرة زيارة.
وأرجع اللحيدان في تصريح لصحيفة "عكاظ" نشرته اليوم الأربعاء وقف تمديد الزيارات إلى أن المديرية تريد إتاحة الفرصة لأكبر عدد من الزوار والمعتمرين.
ودعا المتواجدين في المملكة بتأشيرة زيارة للمغادرة قبل انتهاء المدة الممنوحة لهم حرصا على عدم تعرضهم لما يترتب على تأخير سفرهم.
وكانت السلطات السعودية قررت في وقت سابق عدم ترحيل أي مواطن سوري مقيم على أراضيها حتى لو انتهى تصريح الإقامة الخاص به.
وأمر العاهل السعودي الملك عبد الله بن عبد العزيز باستثناء السوريين من الترحيل أو المساءلات القانونية أو المخالفات التي يتعرض لها عادة الوافدون إلى المملكة ممن انتهت مدة إقامتهم بسبب "الأوضاع التي تعيشها سورية ، وعقب ورود معلومات تفيد بتعرض عدد من السوريين العائدين من الخارج إلى عمليات اعتقال وتعذيب".
وينطبق هذا الإجراء على كل من يحمل الجنسية السورية داخل السعودية، سواء كان يعمل في القطاع العام أو الخاص.
يشار إلى أن عدد الجالية السورية في السعودية يبلغ نحو 600 ألف شخص. |
http://www.beladnanews.com/t~38776
|
Post: #11
Title: Re: ايقاف تمديد الزيارات بنهاية شهر شعبان
Author: علي عبدالوهاب عثمان
Date: 05-14-2014, 05:08 PM
Parent: #10
أخونا اشرف .. لك التحية .. نعم الخبر منشور في جريدة عكاظ الورقية كمان في ( ص 9 )
يا سلام يا اشرف ربنا يحفظهم الوالدين .. والله انت محظوظ ..
اخي اشرف .. صدقني احلى حاجة في مدينة جدة .. زيارات ناس البلد عمرة وحج ..
ديل يجوا شيالين البلد معاهم ويقلبوا البيت جزء من القرية ..
لك التحية والتقدير ..
مهمة عسيرة لأبلاغ الخالة دي بالخبر ..
اصلها هي جاية من ضواحي الدنيا هناك اقصى الشمال ..
نديهاعمرة كاربة كده في شعبان يوم زحمة شديدة يمكن تقتنع
أنا في جدة وكان مفروض احضر كثير من المناسبات لكن ظروف العمل ..
نتقلاقى ان شاء الله ولك التحية ..
|
Post: #12
Title: Re: ايقاف تمديد الزيارات بنهاية شهر شعبان
Author: أشرف الرحال
Date: 05-15-2014, 06:46 AM
Parent: #11
هلا اخي على عبدالوهاب وتحياتي مجددا
| Quote: مهمة عسيرة لأبلاغ الخالة دي بالخبر . |
والله تصدق امس ابلغت الوالدة بالخبر ده ومن غير ما تشعر قالت لي الحمدلله شفناكم وشفنا عيالكم وكمان عمرنا وزرنا طيبة الطيبة مدينة حبيبي المصطفى عليه افضل الصلوت والتسليم وجلسنا فيها ودحين يا ولدي بكرة دي تسفرنا اصلا البلد دي القعاد فيها زي السجن والله وبالحيل مشتاقين لناس الحلة والجيران ولمشاوير الكداري والحياة الفطرية الطبيعية يا ولدي
لا تشيل هم الخالة تب يا علي و صدقني تفرح جنس فرح بس نحن البنزعل انانية مننا ساي دايرينهم يقعدوا معانا والله العجائز ديل بمجرد ما يخلصوا العمرة والزيارة يتململوا للسفر براهم من غير قرارات
Quote:
أنا في جدة وكان مفروض احضر كثير من المناسبات لكن ظروف العمل ..
نتقلاقى ان شاء الله ولك التحية .. |
يسعدنا وجودك معنا في لمات بورداب جدة هذا الكيان كالجسد والواحد اذا اشتكى منه عضو تتداعى له البقية بالسهر والحمى عشمنا ان تنتصر ولو مرة واحدة على ظروفك العملية وتشرفنا
مودتي
الرحـــال
|
Post: #14
Title: Re: ايقاف تمديد الزيارات بنهاية شهر شعبان
Author: علي عبدالوهاب عثمان
Date: 05-15-2014, 07:18 AM
Parent: #12
شكراً كثير الرحال ..
حفظ الله الوالدة ..
ولك التحية ..
وإن شاء الله حضور في ليالي البورداب
مع خالص الشكر
|
Post: #15
Title: Re: ايقاف تمديد الزيارات بنهاية شهر شعبان
Author: عبد الوهاب المليك
Date: 05-15-2014, 07:19 AM
Parent: #12
| Quote: ودحين يا ولدي بكرة دي تسفرنا |
أها يا أشرف ما فيها لمة وداع ؟ دي مناسبة وفرصة ..
ربنا يحفظهم ويجعلك باراً بهما ..
|
Post: #18
Title: Re: ايقاف تمديد الزيارات بنهاية شهر شعبان
Author: عثمان عبد الوهاب العامري
Date: 05-15-2014, 07:52 AM
Parent: #15
والله يا اخى عبد الوهاب المليك لو الاخ اشرف ما عمل اللمة تكون دى مصيبة
كل الموضوع 1000 ريال فقط ويحضر الحجر والعامرى والجماعة وكمان لن
ننسى الهدايا للمغادرين باذن الله...
|
Post: #19
Title: Re: ايقاف تمديد الزيارات بنهاية شهر شعبان
Author: عثمان عبد الوهاب العامري
Date: 05-15-2014, 07:52 AM
Parent: #15
والله يا اخى عبد الوهاب المليك لو الاخ اشرف ما عمل اللمة تكون دى مصيبة
كل الموضوع 1000 ريال فقط ويحضر الحجر والعامرى والجماعة وكمان لن
ننسى الهدايا للمغادرين باذن الله...
|
Post: #13
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: يوسف أبو صالح
Date: 05-15-2014, 07:17 AM
Parent: #1
المكون الاضافى لفيسبوك
Quote: يعني انتوا ما تختوا اعتبار لابهاتكم المسنين من فيروس الكرونا!
تمديد شنو وزيارة شنو وحج شنو وعمرة شنو! |
يا اخوى نحن ناس فايروس وانفلونزا دى امراض فى قاموسنا مافى : اقلّ حاجة عندنا مراريا وانت ماشى لى فوق ، عندنا واحد مسكين ايام انفلونزا الطيور وهبوط اسعار الدواجن ديك قال ان شاء الله الانفلونزا دى اصلها ما تروح شبعنا جداد لى روحنا دى ههههه.
|
Post: #16
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: حسين عبد المجيد
Date: 05-15-2014, 07:25 AM
Parent: #13
Quote: يعني انتوا ما تختوا اعتبار لابهاتكم المسنين من فيروس الكرونا!
تمديد شنو وزيارة شنو وحج شنو وعمرة شنو! |
بتبالغ يا جني مالك يا اخوي جاي من تحت ما تجي بالباب عديل كدا
بعدين اتا يا جني لا تؤمن بالقضاء والقدر وما يصيبنا الا ما كتب الله لنا
وكلام شنو ده عاد كمان معقولة يا جني اتا ده تقول حج شنو وعمرة شنو !!! ليه كده
سلام لصاحب البوست اشرف رحال
|
Post: #17
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: أمير السماني يس
Date: 05-15-2014, 07:42 AM
Parent: #16
طيب الجايين هسي حلهم شنو؟
|
Post: #20
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: علي عبدالوهاب عثمان
Date: 05-15-2014, 08:03 AM
Parent: #17
حبيبنا اشرف ..
بعد كده باب شريف وشنطة كاربة للخالة ..
صدقت يا رحال ..
قالت خلاص انا شفت الكعبة وكده كفاية ..
تعرف يا رحال الخالة دي كلما اوديها مكة او المدينة تكون بقوة ( عشرين حصان ) وتتحدى بل وتكسر أجعص كرونا .
أنا لاحظت كمان عند أول زيارة للكعبة بقت زي الحديد لم تعد تشكو من أي مرض حتى رفضت تعمل كشف في المستشفى .
تعرف يوم قالت لي : بلدكم لا فيها ليل ولا نهار ( الغرف المغلقة ) لأنها لأول مرة لا تشاهد حركة الشمس ( الصباح والظهر والمغرب ) في حياتها ..
ظللت اضحك من تعليقاتها ( لا بقر لا غنم لا حمير لا كلاب .. عندكم الكدايس بس ) وتقصد اصوات الحيوانات في القرى في صباح والمغرب ..
صدقني أخي رحال الواحد يقضي معاهم لحظات ممتعمة .. طبعاً كل الكلام ده بلغة أهلنا في الشمال النوبية وبطريقة ساخرة جداً ..
والمهم أن البنوت بدأن في فهم بعض المفردات النوبية لأنها لا تعرف من العربية إلا القليل
حفظ الله أهلنا ..
شكراً رحال على البوست .. عقوا .. لو خرج البوست من مضمونه ..
|
Post: #21
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: علي عبدالوهاب عثمان
Date: 05-15-2014, 08:03 AM
Parent: #17
حبيبنا اشرف ..
بعد كده باب شريف وشنطة كاربة للخالة ..
صدقت يا رحال ..
قالت خلاص انا شفت الكعبة وكده كفاية ..
تعرف يا رحال الخالة دي كلما اوديها مكة او المدينة تكون بقوة ( عشرين حصان ) وتتحدى بل وتكسر أجعص كرونا .
أنا لاحظت كمان عند أول زيارة للكعبة بقت زي الحديد لم تعد تشكو من أي مرض حتى رفضت تعمل كشف في المستشفى .
تعرف يوم قالت لي : بلدكم لا فيها ليل ولا نهار ( الغرف المغلقة ) لأنها لأول مرة لا تشاهد حركة الشمس ( الصباح والظهر والمغرب ) في حياتها ..
ظللت اضحك من تعليقاتها ( لا بقر لا غنم لا حمير لا كلاب .. عندكم الكدايس بس ) وتقصد اصوات الحيوانات في القرى في صباح والمغرب ..
صدقني أخي رحال الواحد يقضي معاهم لحظات ممتعمة .. طبعاً كل الكلام ده بلغة أهلنا في الشمال النوبية وبطريقة ساخرة جداً ..
والمهم أن البنوت بدأن في فهم بعض المفردات النوبية لأنها لا تعرف من العربية إلا القليل
حفظ الله أهلنا ..
شكراً رحال على البوست .. عقوا .. لو خرج البوست من مضمونه ..
|
Post: #22
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: مجاهد محمد الهادي
Date: 05-15-2014, 08:32 AM
Parent: #21
سلام رحال
الناس الجات قريب وبتنتهي زيارتم في شوال وضعهم شنو؟
السنة الفاتت أنا جبتا زوجتي قبل رمضان وجددت بعد رمضان مباشرة تاني 90 يوم وتاني 60 يوم يعني قعدت معاي قريب 8 شهور
بتكلم عن الزوجة طبعا
|
Post: #23
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: سامى عبد المطلب
Date: 05-15-2014, 10:15 AM
Parent: #22
سلام الرحال وزواره نستفيد من خبرتكم يا أخوانا أنا واقع في مشكلة عجيبة وبدور مشورتكم حاكم اخوكم لسة في سنة أولي اغتراب
عملت زيارة للوالد والوالدة شركتنا اصلاً مقرها الرياض واقاماتنا صادرة من هناك لكن متعاقدين علي مشاريع مع امانة تبوك رسلت الطلب الرياض وانا كاتب عنواني احدي بلديات تبوك ليتم تصديقه من الغرفة التجارية في الرياض وبقيت متابع الطلب ليتم رفضه وكاتبين لي اعمل طلب جديد واقوم بتصديقه من الغرفة التجارية بتبوك وعملت طلب تاني ورسلتو الرياض للتوقيع والختم فقط ووثقته في الغرفة التجارية بتبوك وتابعت الطلب عبر النت وتم قبوله لكن كاتبين لي لازم اراجع منطقة المدينة المنورة ومعي هوية صادرة من منطقة المدينة المنورة او تبوك وضواحيها علماً بأن اقامتي صادرة من الرياض وبقيت محتار لا عارف أمشي المدينة باقامتي دي ولا عارف اقعد اها يحلوها كيف دي ؟
|
Post: #24
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: سفيان عثمان قرضيه
Date: 05-15-2014, 10:40 AM
Parent: #23
الأخ أشرف الرحال سلام وتحية
عندي إستسفسار بالنسبة للناس الذين تم منحهم زيارة قبل شعبان هل يالضرورة الحضور والمغادرة قبل شعبان ؟
بمعنى آخر هل يتم منع دخول أي قادم للزيارة بنهاية شعبان أم الأمر مقتصر فقط على الموجودين أصلاً بالداخل ؟
|
Post: #25
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: سفيان عثمان قرضيه
Date: 05-15-2014, 10:40 AM
Parent: #23
الأخ أشرف الرحال سلام وتحية
عندي إستسفسار بالنسبة للناس الذين تم منحهم زيارة قبل شعبان هل يالضرورة الحضور والمغادرة قبل شعبان ؟
بمعنى آخر هل يتم منع دخول أي قادم للزيارة بنهاية شعبان أم الأمر مقتصر فقط على الموجودين أصلاً بالداخل ؟
|
Post: #26
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: علي عبدالوهاب عثمان
Date: 05-15-2014, 11:39 AM
Parent: #25
هذا الحوش عمق من التواصل بيننا لصاحبه التحية ..
هل تشعروا يا جماعة أننا بدأنا نتقاسم الهموم ونعايش مشاكل البعض ..
صدقني ما في ناس زينا على الاطلاق .. رغم اختلافنا ومشاكلنا ..
قبل قليل اتصل في اخ عزيز اسمه / عبداللطيف من الشرقية ( رقمي من البروفايل )
ويبدو ان هذا الاخ الجميل قرأ مداخلاتي عن زيارة خالتي ..
وقال لي انه جدد لمدة ثلاثة شهور من اليوم .. شوفوا الاخوة كيف .. يا سلام يا عبداللطيف ..
ولأن البيان الصادر بهذا الخصوص ليس فيه الكثير من التفسير ولكن حسب ما فمهته أن الزيارات التي تنتهي في شعبان لن تجدد .
والمهم من كل هذا هو التواصل الجميل ..
من اليوم المساء نأخذ جولات على مكاتب الخدمات .. يمكن ..........
شكراً رحال .. على هذه المساحة
|
Post: #27
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: ادم شحوتاي
Date: 05-15-2014, 12:12 PM
Parent: #26
يا اشرف قريبتك وبناتها زيارتهن تنتهي في 22 رمضان مافي إمكانية دفره اسبوعين لتكون المغادرة بعد العيد بإسبوع .
|
Post: #29
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: مجاهد محمد الهادي
Date: 05-15-2014, 01:40 PM
Parent: #26
سلام أننقا علي
واضح إنو الخبر ما فيهو المصداقية اللازمة وكلام إشاعة
رغم إني سمعتو من العربية بأضاني
لو لاحظت الخبر متداول بشكل واسع في صحف الكترونية
موقع المديرية العامة للجوازات ما فيهو أي إعلان الخ
|
Post: #28
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: مجاهد محمد الهادي
Date: 05-15-2014, 01:38 PM
Parent: #23
Quote: سلام الرحال وزواره نستفيد من خبرتكم يا أخوانا أنا واقع في مشكلة عجيبة وبدور مشورتكم حاكم اخوكم لسة في سنة أولي اغتراب
عملت زيارة للوالد والوالدة شركتنا اصلاً مقرها الرياض واقاماتنا صادرة من هناك لكن متعاقدين علي مشاريع مع امانة تبوك رسلت الطلب الرياض وانا كاتب عنواني احدي بلديات تبوك ليتم تصديقه من الغرفة التجارية في الرياض وبقيت متابع الطلب ليتم رفضه وكاتبين لي اعمل طلب جديد واقوم بتصديقه من الغرفة التجارية بتبوك وعملت طلب تاني ورسلتو الرياض للتوقيع والختم فقط ووثقته في الغرفة التجارية بتبوك وتابعت الطلب عبر النت وتم قبوله لكن كاتبين لي لازم اراجع منطقة المدينة المنورة ومعي هوية صادرة من منطقة المدينة المنورة او تبوك وضواحيها علماً بأن اقامتي صادرة من الرياض وبقيت محتار لا عارف أمشي المدينة باقامتي دي ولا عارف اقعد اها يحلوها كيف دي ؟ |
سلام سامي
السنة الفاتت كنت في جدة مع زوجتي - إقامتي في الأصل تحولت لأبها من الرياض - يوم جيت أجدد الزيارة في أواخر رمضان العام الفات قالوا لي لازم تراجع جوازات أبها وبالعدم تجيب لينا سجل تجاري لفرع الشركة في جدة - إذا وُجد - فأضطررت إلى الرجوع وتجديد زيارتي من أبها.. لأنو إقامتي تبع أبها محل إقامتي..
|
Post: #30
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: أشرف الرحال
Date: 05-22-2014, 10:13 AM
Parent: #28
ابشركم يا شباب والله تجديد الزيارات عادي جدا وما فيهو اي تعديل او التزام بما جاء به هذا البوست ، اليوم انا شخصيا والحمدلله تم تجديد للوالدة شهرين حتى نهاية الرمضان مع المغادرة في يوم 28 رمضان وكمان الوالد رفض التجديد وقال مسافر مسافر لو داير رضاي يا ولدي سفرني كفاية كده ومعاي زميل لي في العمل قدم تمديد لوالدته 3 شهور برضو تم التجديد له على ذلك حتى نهاية شوال والصورة التحت هي لتمديد الزيارة للوالدة يعني اي زول داير تجديد لـ 3 شهور يسدد 300 ريال عادي الامور تمشي اصلا انا مسدد 200 ريال بعد تحنيس للوالدة المصرة تسافر مع ابوي كانت
مودتي
الرحــــال
|
Post: #31
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: اسامه العريفي
Date: 05-22-2014, 10:27 AM
Parent: #30
ياسلام عليك اخوي اشرف
طمئنتنا كتير ربنا يطمئنك
ود العريفي
|
Post: #32
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: اسامه العريفي
Date: 05-22-2014, 10:27 AM
Parent: #30
ياسلام عليك اخوي اشرف
طمئنتنا كتير ربنا يطمئنك
ود العريفي
|
Post: #33
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: أشرف الرحال
Date: 05-22-2014, 11:55 AM
Parent: #32
| Quote: يا اشرف قريبتك وبناتها زيارتهن تنتهي في 22 رمضان مافي إمكانية دفره اسبوعين لتكون المغادرة بعد العيد بإسبوع . |
الف حمدلله على سلامة الاولاد يا ابو عثمان وان شاء الله بعيدوا معاك وكمان لنهاية ذي القعدة كمان
تحياتي لك ولهم جميعا عشان كده مختفي يا عمدة
مودتي
الرحـــال
|
Post: #34
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: عبد الماجد مصطفى
Date: 05-22-2014, 12:26 PM
Parent: #33
سلامات يا اشرف ،،
معاي الوالدة الله يحفظها ،،
وتمديدها ينتهي في 19 رمضان
والمشكلة انها بتقضي في العدة الشرعية
بعد وفاة الوالد الله يرحمه
وما في امكانية تسافر قبل انقضاء العدة
اها ،، الراي شنو ؟؟؟؟ .
بمددو لينا في رمضان ولا كيف !!! .
|
Post: #35
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: أشرف الرحال
Date: 05-22-2014, 04:40 PM
Parent: #34
الاخ عبدالماجد ،،، تحياتي
اللهم اغفر وارحم والدنا مصطفى واجعل الجنة مثواه مع الفائزين برحمة ومغفرة المولى عز وجل
ولكم الصبر الجميل ان شاء الله
ان شاء الله يتم التجديد لها بس حاول ابدأ اجراءات التجديد في بداية ايام الرمضان طبعا المغادرة تكون قبل ذي الحجة ما يدخل وبالله لا تنسى ان تمدني باخبار التجديد عسى ولعل نوجد لكم حلا لو امكن
مودتي
الرحــال
|
Post: #36
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: عبد الماجد مصطفى
Date: 05-24-2014, 11:11 AM
Parent: #35
اللهم آمين ،،
ونسال ان يغفر لموتانا وموتى المسلمين وأن يشملهم برحمته وأن يجعل قبورهم روضة من رياض الجنة ،، اللهم آمين
تسلم يا اشرف ،، وحأخطرك بالجديد ان شاء الله ،،
تحياتي وتقديري ،،،
|
Post: #37
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: مجاهد محمد الهادي
Date: 05-24-2014, 01:37 PM
Parent: #36
تمام
ان شاء الله يقلبوا الزيارات إقامات زاتو هههه
سؤال جادي : ما في طريقة تعديل الزيارة للزوجة وانتا في الداخل لإقامة ؟؟
|
Post: #38
Title: Re: ايقاف تمديد الزيارات بنهاية شهر شعبان وعلى الجميع المغادرة بأستثناء السوريين فقط
Author: مجاهد محمد الهادي
Date: 06-30-2014, 10:16 AM
Parent: #37
محمد بن نايف يوجه بتمديد تأشيرة الزيارة طوال العام :
الرياض - العربية.نت
وجه وزير الداخلية الأمير محمد بن نايف بالسماح بتمديد تأشيرات الزيارة طوال العام، وفقاً للإجراءات المنظمة لهذه الخدمة .
وأوضح مدير عام الجوازات اللواء سليمان بن عبدالعزيز اليحيى أن هذه التوجيهات تأتي تقديراً من وزير الداخلية لظروف الزائرين للمملكة العربية السعودية التي تستدعي في بعض الأحيان تمديد مدة بقائهم لمدة إضافية .
وأكد اللواء اليحيى على جميع المواطنين والمقيمين والزائرين الالتزام بأنظمة الإقامة والعمل وعدم تعريض أنفسهم للعقوبات المترتبة على أي مخالفة، والتي ستطبق بكل دقة على أي مخالف.
المصدر : http://www.alarabiya.net/ar/saudi-today/2014/06/28/%D9%85%D8...%B9%D8%A7%D9%85.html
|
|