عبارات المجاملة السودانية..اتفضل يزيد فضلك..وامثلة اخرى

كلام اهلنا الجميل...
عبارات المجاملة تجرى على ألسنتنا بدون ان نفكر فيها..كما ورثناها من الاجداد والحبوبات ...وهى عبارات وردود عليها محفوظة تطيب الخاطر وتوثق العلاقة وترفع الكلفة...دعونا نتذكرها ...مثلا

اتفضل والرد عليها ..يزيد فضلك..حاضر ..تحضر ما تغيب....
النقدمك..قدمك لأبو ابراهيم...
ياحاجة ..تحجى لى بيت الله..
سلامتك ...تسلم من كل شر..
سائلة منك ..يسأل منك الخير...
وعند عدم الوقوف للسلام على القادم يقال له ..أعز من القاعد ..او..القومة ليك....


يلا هاتو ما عندكم....

__________
منقول من الاخت "نوال الباقر بمجموعة صور السودان القديمة "

لو اشتريت هدوم جديدة يقولوليك تقطعهم بعرق العافيه

لمن يموتليك زول يقولولك جبر الله كسركم


قبل فترة نحنا شلة شباب قاعدين تحت العمود ,عمك جارنا قال عندو دولاب عايز يغير مكانو....
بعد مشينا حولناهو ليهو زوجتو قالت لينا...تشيلكم عافيتكم


لو ادفق منك العصير او وقعت لقمه ف الواطه يقولوليك اندفق الشر

سلام

مثل هذا متداول عند المسلمين و حتى الان و هو في الاغلب كلام جميل يحسن من علاقات الناس ببعضها
فمثلا
من قال لك (بارك الله فيك ) يرد و يقول ( وفيك ) او ( وفيك بارك)....

او (جزاك الله خير ) يرد و يقول ( واياك) .....

حتى الملائكة كما في حديث النبي صلى الله عليه و سلم ( مَنْ دَعَا لِأَخِيهِ بِظَهْرِ الْغَيْبِ.... قَالَ : الْمَلَكُ الْمُوَكَّلُ بِهِ آمِينَ وَلَكَ بِمِثْلٍ )...........

سلامات يا مدثر

شكرا جزيلا لتاصيل المسالة وارجاعها للدين الحنيف

واصلا دينا كلو ذوق وادب