|
|
|
 Re: شــعب الله المحـــتار ( بوســت فضــفضة ) (Re: عبدالمنعم الطيب حسن)
|
Quote: صدقت عبدالله،
ياخي دي حيرة عدوك....
الجوة محتارين، والبرة محتارين؛
في الجو محتارين؛
في البر محتارين؛
بس الحكومة حيرانة..... |
اوووووووووووووو عبد المنعــم ســــلام
مرحبتين حبابك
ياخي دي حـيرة عجيبة وذي ما الفنان
( يا محيرني و متحـير )
الحكومة تزعـم انها تدعـو للحـوار
وتمارس قـتل الناس صباح مســاء
مش دا ياهـو البحـير
| |
 
|
|
|
|
|
|
|
|
Re: شــعب الله المحـــتار ( بوســت فضــفضة ) (Re: عبدالله احيمر)
|
في بعض ولايات الســودان يقـوم الولاة بتجـديد الحكـر على الأراضي
بمبالغ كبيرة جــدا ,,,,,,,,,,,,,,,,,, عقودات امتلاك هذه الأراضي
بعضها انتهى منذ عشــرات الســنين و لم تفكــر أي حكومة في أن
تأخذ رســوم إعادة تجـديد الحكــر
و لكن حكومة الانقـاذ التي حيرت الما يتحـير فعـلت ذلك
و من لم يسـتطع دفـع الرســوم الجحديدة طرد من ارضـه
احتار الناس و علق أحـدهم مخاطبا الوالي
( الشـيء البتعمل فيهودا الاســتعمار ما عملوا فينا )
(عدل بواسطة عبدالله احيمر on 05-14-2014, 11:59 AM)
| |
|
|
|
|
|
|
|
|
|
Re: شــعب الله المحـــتار ( بوســت فضــفضة ) (Re: عبدالله احيمر)
|
قبل فـترة
ركبت حافلة من شارع الجمهوريه قدام صيدلية كمبال و ركب معاي شــاب ,,, بتاع الحافلة يتسكع و و كل ما يشوف زول واقف في طرف الشارع
يهدي و مرات يقيف و يلقط و الحافلة ناقصة كتير لغاية ما وصل نفق الجامعة ,, وقف مقابل مســجد الجامعـة فترة طويلة ( حوالي 5 - 6 دقائق ) ركب
شــوية ناس ,,,,,,, اها قام الأذان اذن ,,,,, بدات الحافلة تتحرك و هنا بدا الكمسـاري يكشكش في الفكه المعاهو ( يعني ادفعو ) ,,,,,, لما وصل الشـاب قام اداهو
نص القيمة ,و ابرز ليهو بطاقة ( ما كنت عارفها حقت شـنو ) ,,,,, قوم يالكمسـاري قول للشاب
- يا زول ادفع باقي القروش
- ما بدفع انا ركبت قبل المغـرب ,,, ما بدفع
- لا تدفع خلاص الأذان أذن
- لكن انا ركبت قبل ما ياذن ,,, انا ركبت قبل تلت سـاعة
- تدفع ,,,,,, انا ما لي ركبت متين ,,,, حسي بعد المغرب تدف جيب القروش يا زول
- ما بجيب ,,,,, قلت ليك انا ما ركبت حسي ,,,
و اسـتمرت الحجــــة وكل واحد متمسك بموقفو ,,,,, في الاخير ( على ما اذكر ) تدخل السـائق مخاطبا الكمسـاري ( خلاص خليهو ) و كنا قطعنا الكبري
و انا على راســي كل طيور الدنيا ( محتار الحاصل شــنو ؟ )
مشـى الكمسـاري و تجاوزنا سـالت الشــاب ( مالكم ؟؟؟ )
قال لي
( في قــرار انو الطلبة يدفعو نص القيمة للحافلات حتى اذان المغرب و بعد المغرب يدفعوا كامل القيمــة و انا ركبت معاكم من قبيل قبل المغرب )
الكلام 2009 او 2010 م ما متذكر
من الوكت داك لغاية حسي و انا بفكــر في العبقـري الاصدر القرار دا منو ؟؟
| |
|
|
|
|
|
|
|
|
|
Re: شــعب الله المحـــتار ( بوســت فضــفضة ) (Re: عبدالله احيمر)
|
و تأبى حكومة الانقـاذ الأ أن يســتمر الســــودانيين في حــيرتهم
منذ مســرحية الترابي و البشـير بين القصـر و السـجن , مازال هنالك من يرى أن المســرحية مســتمرة
حتى تاريخـه فلا مفاصلة حدثت و لا اتصال معلن ,,,,,,,,,,,,,,,,,, و تكــرر حدث ذاد من حـيرة الناس
ألا وهــو اعتقـال الصــادق وتكــرر انقســام الناس بين مصـدق ومكـذب و الأغلبيـة محتارة
| |
|
|
|
|
|
|
|
|
|
Re: شــعب الله المحـــتار ( بوســت فضــفضة ) (Re: عبدالله احيمر)
|
و يســتمر الشــعب الســوداني متمحنا و محتارا في عمايل الانقــاذ
يظهــر حمــيدتي طارحا نفســـه بديلا عن الجيش المنكوب
Quote:
العميد حميدتى...مخاطبا جنوده صباح اليوم..
فى تمام الصباح
زى ما قلت ليكم البلد دى بلفها عندنا نحنا..نحنا اسياد الربط والحل
مافى ود مره بفك لسانو فوقنا مش قاعدين فى الضل ونحنا فازعين الحرايه
.نقول ابقبضو الصادق يقبضو الصادق فكو الصادق افكو الصادق
زول ما بكاتل ماعندو راى
اى واحد يعمل مجمجه ياهدى النقعه والزخيره تورى وشها نحنا الحكومه ويوم الحكومه تسوى ليها جيش بعد داك تكلمنا
ارمو قدام بس
|
من بوســـت
http://www.sudaneseonline.com/board/470/msg/1400485424.html
| |
|
|
|
|
|
|
| |
تبارك شيخ الدين جبريل
عبدالمنعم الطيب حسن
فيس بوك
تويتر
انستقرام
يوتيوب
بنتيريست