Post: #1
Title: الله أكبر: نائب الرئيس يقول انتهي عهد اكل المال العام
Author: ناصر حسين محمد
Date: 05-12-2014, 09:46 AM
قبل ما انزل الخبر .. ياريت كل سوداني يشوف ليه صوت عنج ويجلد روحو 180 جلدة في اليوم ستة مرات
|
Post: #2
Title: Re: الله أكبر: نائب الرئيس يقول انتهي عهد اكل المال العام
Author: ناصر حسين محمد
Date: 05-12-2014, 09:49 AM
Parent: #1
| Quote: اعلن حسبو محمد عبد الرحمن نائب رئيس الجمهورية عن انتاء عهد اكل المال العام وقال ان بعض المزارعين يستغلون تمويل البنوك الحكومية ولايستردونه |
|
Post: #3
Title: Re: الله أكبر: نائب الرئيس يقول انتهي عهد اكل المال العام
Author: almulaomar
Date: 05-12-2014, 11:31 AM
Parent: #2
لا يعني هي بقت على الترابله أمثالي يجيبو ليك بنك ربوي يقولو ليك حا نديك قرض للزراعة ، أها عشان تاخد القرض لازم تدفع رشوة من حارس الباب لغاية سعادة مدير عام الفرع ، وفي الحتة دي بملصوك مبلغ وقدره يتراوح ما بين 5 إلى 14% من إجمالي القرض ، الغريب لا توجد أي ضمانات من البنك لهذا القرض فالشغلة كلها حرام في حرام لا المزاع بشتري تقاوى أو ما شابه للزراعة ولا البنك بقدر يضمن حقه لدى المزارع وهنا تبدأ لعبة البوليس يجيك يملص منك شئ ويقول لي ناس البنك ما لقيتو ناس البنك يرفعو ليهو الكاش يقوم يضيق زردك وهكذا ...
طيب نحن المزارعين الحرامية ماذا عن كبار اللصوص المستورين خليناهم ماذا عن أولئك الذي فاح عفن فسادهم – أهي دي زاتها حكاية برز الثعلب يوماً في ثياب الواعظينا.
|
Post: #4
Title: Re: الله أكبر: نائب الرئيس يقول انتهي عهد اكل المال العام
Author: Abdlaziz Eisa
Date: 05-12-2014, 11:58 AM
Parent: #3
Quote:
اعلن حسبو محمد عبد الرحمن نائب رئيس الجمهورية عن انتاء عهد اكل المال العام وقال ان بعض المزارعين يستغلون تمويل البنوك الحكومية ولايستردونه
|
الاخ ناصر
سلام
هذا الكلام كان وراء بعض المزارعين...
مزارعون يأكلون المال العام!!
غايتو دي معلومة جديدة.. فلأول مرة أعرف أن هناك مالا عاما سائبا ومتاحا للمزارعين..
فهل خلاص شبعت التماسيح الكبيرة التي تعوم في خضوض مكتب والي الخرطوم ومن قبله المتعافي والاقطان وخط هيثرو ومصانع السكر والاسمنت و و تلك القائمة التي لا تحصى من فساد الحركة الاسلامية..
ناس تلغف بالمليارات وعينهم تقع على بعض المزارعين..
طيب ديل صغار خلوهم يأكلوا ثم يتحللوا كما تحلل الذين من قبلهم..
مودتي
|
|