Post: #1
Title: يا بابا تعال البيت . لروح أبونا الكبير محجوب شريف شعر جديد . محمد القاضى
Author: محمد القاضى
Date: 05-11-2014, 09:59 PM
يابابا تعال البيت
لروح أبونا الكبير محجوب شريف
شعر جديد . محمد القاضى .امدرمان
يهاتى الوليد
يابابا تعال البيت
كلامك بيهرد قلبى الحبيب
وما يحتمل أجابة الكلام
لذلك رجعلك قليبى
ومعاهو البشاره
والصباح الجديد
يا سماعين كلامك يبكى الحجاره
وتمطر دموع الحبيبة الهناك
رغم التماسك لشرف الرساله
وعارفك يا الحنينة كاتمه الكتير
وشايله الجمره البتولع فى كفك يمين
وماسكة السحابه فى كفك شمال
وشايله احزان ...
دموع الثكالى ..
صراخ الجياع
أمهات الشهداء لسبتمبر العظيم
اطفال الملاجئ
الشماسة البموتو
جوار طلمبات الوالى الكبير..
وميزتك صفيه صفيه البنات
وفيك شكيمة .. شكيمة اليتامى
وما بتشكى تب ..
وسارية موازيه النيل العظيم .
ـ2ـ
كم وكم ... أمهاتنا الهناك ..
فى غرب الملاجئ ..
زارعين الامانى
فى سكة خيامهن..
ابوابهن مواربه
مطلية بالاخضر ..
حصاد السراب
فى الغربه اللعينة
حدقات عيونهن ابيضت نديه
فى انتظارك يابابا يا بابا الحنين ...
الثورة فرض لاأطفال الشوارع
صحابى وصحابك ..
سكوا الدريب .. ساسى وجاى
راجين الحنين ..
البيلعب معاهم ..
ماطول عليهم
كفاهم أساهم
لاوجبه مدارس
لا كراس لاواجب
الشارع أواهم
الشارع أبوهم
وأمهم كمان
ووالى الغفله مفرهد بحقهم
وملازمه المنعم يحلل دماءهم
يموتوا الشماسة خلف الشوارع
ما تحاول تحاور تصالح فى حقهم
تركب كراسى تتسلط عليهم
كفانا الاسى والشهداء قبورهم
مفتوحة وتعاين
مافى غير ميزان العداله
القصاص .. القصاص
وكل الشوارع بتشهد عليهم .
محمد القاضى
أمدرمان11.05.2014
|
Post: #2
Title: Re: يا بابا تعال البيت . لروح أبونا الكبير محجوب شريف شعر جديد . محمد القاضى
Author: محمد احمد القاضي
Date: 05-13-2014, 01:31 AM
Parent: #1
لروح أبونا الكبير محجوب شريف
شعر جديد . محمد القاضى .امدرمان
يهاتى الوليد
يابابا تعال البيت
كلامك بيهرد قلبى الحبيب
وما يحتمل أجابة الكلام
لذلك رجعلك قليبى
ومعاهو البشاره
والصباح الجديد
يا سماعين كلامك يبكى الحجاره
وتمطر دموع الحبيبة الهناك
رغم التماسك لشرف الرساله
وعارفك يا الحنينة كاتمه الكتير
وشايله الجمره البتولع فى كفك يمين
وماسكة السحابه فى كفك شمال
وشايله احزان ...
دموع الثكالى ..
صراخ الجياع
أمهات الشهداء لسبتمبر العظيم
اطفال الملاجئ
الشماسة البموتو
جوار طلمبات الوالى الكبير..
وميزتك صفيه صفيه البنات
وفيك شكيمة .. شكيمة اليتامى
وما بتشكى تب ..
وسارية موازيه النيل العظيم .
ـ2ـ
كم وكم ... أمهاتنا الهناك ..
فى غرب الملاجئ ..
زارعين الامانى
فى سكة خيامهن..
ابوابهن مواربه
مطلية بالاخضر ..
حصاد السراب
فى الغربه اللعينة
حدقات عيونهن ابيضت نديه
فى انتظارك يابابا يا بابا الحنين ...
الثورة فرض لاأطفال الشوارع
صحابى وصحابك ..
سكوا الدريب .. ساسى وجاى
راجين الحنين ..
البيلعب معاهم ..
ماطول عليهم
كفاهم أساهم
لاوجبه مدارس
لا كراس لاواجب
الشارع أواهم
الشارع أبوهم
وأمهم كمان
ووالى الغفله مفرهد بحقهم
وملازمه المنعم يحلل دماءهم
يموتوا الشماسة خلف الشوارع
ما تحاول تحاور تصالح فى حقهم
تركب كراسى تتسلط عليهم
كفانا الاسى والشهداء قبورهم
مفتوحة وتعاين
مافى غير ميزان العداله
القصاص .. القصاص
وكل الشوارع بتشهد عليهم .ا
|
|